Efesios 1:5 - Tukano

⁵ Dɨporópɨ kɨ̃ɨ̂ marîre ma'ígɨ, kɨ̃ɨ̂ põ'rá wa'ârãsama, niî tohakɨ niîwĩ. Jesu Cristore ẽho peoáto niîgɨ marîre tohô weékɨ niîwĩ. Teeré weégɨ, kɨ̃ɨ̂ weé sĩ'ri'karo nohota weékɨ niîwĩ.

Õꞌacʉ̃ Yere Ucũrĩ Turi

⁵ Dʉporopʉ cʉ̃ marĩrẽ maꞌígʉ̃, cʉ̃ põꞌrã waꞌarãsama, nitojacʉ niwĩ. Jesucristore ẽjõpeoato nígʉ̃ marĩrẽ tojo weecʉ niwĩ. Tere wéégʉ, cʉ̃ weesĩꞌrĩꞌcaronojõta weecʉ niwĩ.

Efesios 1:5 Iomraidhean Croise

Mateus 1:25

Tohô weemígɨ, koô makɨ́ wɨaátoho dɨporo koô me'ra niîtikɨ niîwĩ. Koô makɨ́ bahuáka be'ro kɨ̃ɨ̂re Jesu wamê yeekɨ niîwĩ.

Mateus 11:26

Pakɨ́, mɨ'ɨ̂ ɨá'karo nohota a'teré keoró weé', niîwĩ.

San Lucas 10:21

Jesu kɨ̃ɨ̂ bu'erã́re uúkũri kura Espírito Santo kɨ̃ɨ̂re e'katíse o'ô yɨ'rɨakɨ niîwĩ. Tiîtare kɨ̃ɨ̂ pakɨré a'tîro niîkɨ niîwĩ: —Pakɨ́, mɨ'ɨ̂ ɨ'mɨ̂se, a'ti nukúkã wiôgɨ niî'. “Ɨ̃sâ masî yɨ'rɨ nɨ'karã niî'” niirã́re mɨ'ɨ yeékãhasere masikã́ weetíkɨ niîwɨ. Ãpêrã wi'marã́ weeró noho maatá tɨ'ó ẽho peórã pe'ere teeré masikã́ weékɨ niîwɨ. Mɨ'ɨ̂ tohô weesére wãkûgɨ, mɨ'ɨ̂re “Ãyú'” niî'. A'teré mɨ'ɨ̂ ɨá'karo nohota keoró weé', niîkɨ niîwĩ kɨ̃ɨ̂ pakɨré.

San Lucas 11:32

Apêye kẽ'rare werêgɨti. Jona Nínive wamêtiri makakãharãre Õ'âkɨ̃hɨ yee kitire werekã́, naâ yã'âro weé'kere bɨhâ weti, du'úkãrã niîwã. Yɨ'ɨ̂ pe'ere Jona yɨ'rɨóro niîmikã, mɨsâ ẽho peó wee'. Mɨsâ naâ weé'karo noho yã'âro weé'kere bɨhâ weti wee'. Tohô weérã Õ'âkɨ̃hɨ masaré beseátihi nɨmɨ niikã́, Nínivepɨ niî'kãrã a'tóka terokãharãre “Mɨsâ Jesuré ẽho peótirã, yã'âro weewɨ́”, niîrãsama, niîkɨ niîwĩ Jesu.

San Lucas 12:32

Mɨsâ yɨ'ɨ̂ bu'erã́, yarã́ ovelha weeró noho niî'. Mɨsâ pehêterãkã niîmirã, uîtikã'ya. Marî pakɨ kɨ̃ɨ̂ wiôgɨ niirópɨ mɨsâ wa'akã́ ɨasamí.

San Juan 1:12

Ni'karérã kɨ̃ɨ̂re yẽ'ê ẽho peówã. Niî pe'tirã kɨ̃ɨ̂re ẽho peórãre Õ'âkɨ̃hɨ põ'ra sãhakã́ weewĩ́.

San Juan 11:52

Jesu tií di'takãharã di'akɨ̃re wẽrî basatikɨ niîwĩ. Niî pe'tirã Õ'âkɨ̃hɨ põ'ra kɨ̃ɨ̂re ẽho peoáhãre no'ó apêye di'tapɨ niirã́ kẽ'rare wẽrî basakɨ niîwĩ. Ni'kâ kura weé sĩ'rigɨ tohô weékɨ niîwĩ.

San Juan 20:17

Jesu koôre niîkɨ niîwĩ: —Du'uyá yɨ'ɨ̂re. Yɨ'ɨ̂ pakɨ tiropɨ mɨhâatiapɨ yuhûpɨ. Yɨ'ɨ̂re ẽho peórãre werêgo wa'âya. “A'tîro niiámi”, niîya. “Kɨ̃ɨ̂, kɨ̃ɨ̂ pakɨ́ Õ'âkɨ̃hɨ tiropɨ ‘Wa'âgɨ weé'’, niiámi.” “Õ'âkɨ̃hɨ yɨ'ɨ̂ pakɨ, tohô niikã́ mɨsâ pakɨ niîmi. Apêye kẽ'rare yɨ'ɨ̂ wiôgɨ niîmi. Tohô niikã́ mɨsâ wiôgɨ niîmi, niiámi”, niîya, niîkɨ niîwĩ.

Hechos 13:48

Naâ tohô niikã́ tɨ'órã, “Õ'âkɨ̃hɨ yee kiti ãyú butia'” niîrã, tií wi'i niirã́ Judeu masa niîtirã ɨpɨ́tɨ e'katíkãrã niîwã. Toopɨ́ niî'kãrã Õ'âkɨ̃hɨ “Yɨ'ɨ̂re a'tikérã ẽho peórãsama”, niî no'o'kãrã nɨkɨta Jesuré ẽho peókãrã niîwã.

Romanos 8:23

A'ti ɨmɨ́koho se'saro teeré tohô tɨ'ó yã'a wee'. Marî Espírito Santore kɨorã́ kẽ'ra pi'etí'. Be'ropɨ́ marîre dɨka yuuátehere ɨpɨ́tɨ waro yẽ'ê sĩ'rirã, pũriró tɨ'ó yã'aro weeró noho yuû kue'. Marî Espírito Santore kɨokã́, niî pe'tise Õ'âkɨ̃hɨ “O'ôgɨti” niî'kere o'ôgɨsami. Be'ró Õ'âkɨ̃hɨ marîre, “Yɨ'ɨ̂ põ'ra niîma”, niîgɨsami. Toóka tero niikã́, marîre ma'ma ɨpɨ́, yã'asé weetíri ɨpɨre o'ôgɨsami.

1 Corintios 1:1

Yɨ'ɨ̂ Paulo, Sóstene me'ra mɨsâre ãyu dutí'. Kɨ̃ɨ́ kẽ'ra Jesu Cristore ẽho peógɨ marî akawerégɨ niîmi. Õ'âkɨ̃hɨ kɨ̃ɨ̂ ɨá'karo nohota yɨ'ɨ̂re Jesu Cristo yee kitire werê dutigɨ bese kũúkɨ niîwĩ.

1 Corintios 1:21

Õ'âkɨ̃hɨ niî pe'tisere masîmi. Tohô weégɨ kɨ̃ɨ̂ a'ti nukúkãkãharãre naâ tɨ'o masíse me'ra kɨ̃ɨ̂re masikã́ weetíkɨ niîwĩ. A'tîro pe'e ɨákɨ niîwĩ. Naâ Jesu Cristo yee kitire tɨ'órã, naâ ẽho peókã, “Naâre yɨ'rɨógɨti”, niîkɨ niîwĩ. Kɨ̃ɨ̂re ẽho peótirã pe'e tee kitíre tɨ'órã, “Tohô niî ma'akã'ro weé'”, niî wãkûkãrã niîwã.

2 Corintios 6:18

Yɨ'ɨ̂ mɨsâ pakɨ niîgɨti. Mɨsâ pe'e yɨ'ɨ̂ põ'ra niîrãsa'”, niîkɨ niîwĩ, niî ohâ no'okaro niîwɨ.

Gálatas 3:26

Marî niî pe'tirã Jesu Cristore ẽho peóse me'ra Õ'âkɨ̃hɨ põ'ra niî'.

Efesios 1:11

Õ'âkɨ̃hɨ marîre Jesu Cristo me'ra ni'kâro me'ra niî dutigɨ dɨporópɨ bese yuúkɨ niîwĩ. Marîre kɨ̃ɨ̂ “O'ôgɨti” niî'kere yẽ'ê dutigɨ tohô weékɨ niîwĩ. A'té niî pe'tise kɨ̃ɨ̂ “Weegɨ́ti” niisé kɨ̃ɨ̂ wãkû yuu'kepɨ niî'. Kɨ̃ɨ̂ niî pe'tise ãyú tɨ'sa' niisére weesamí.

Efesios 1:9

Marîre kɨ̃ɨ̂ weé sĩ'ri'ke, too dɨpóro masî no'oya marí'kere masikã́ weékɨ niîwĩ. Kɨ̃ɨ̂ Jesu Cristo wẽrisé me'ra kɨ̃ɨ yarã́re “Ãyuró weé tu'a eha nɨ'kogɨti” niî'kere masikã́ weékɨ niîwĩ.

Filipenses 2:13

A'tîro niî'. Mɨsâre Õ'âkɨ̃hɨ ãyuró weé sĩ'rikã weesamí. Kɨ̃ɨ̂ ɨaró noho mɨsâre ãyuró tu'â eha nɨ'kokã weesamí.

Colosenses 1:19

Õ'âkɨ̃hɨ a'tîro niîkɨ niîwĩ: “Yɨ'ɨ̂ makɨ yɨ'ɨ̂ weeró nohota niiáto”, niîkɨ niîwĩ. Tohô weéro niî pe'tise Õ'âkɨ̃hɨ niisétise Jesu Cristopɨreta niî'.

2 Tesalonicenses 1:11

Teeré wãkûrã, marî ẽho peógɨ Õ'âkɨ̃hɨre mɨsâre sẽri basá nu'ku'. A'tîro sẽrí'. “Õ'âkɨ̃hɨ, mɨ'ɨ̂ põ'ra sãha dutígɨ naâre pihîkɨ niîwɨ. Tohô weégɨ naâre mɨ'ɨ̂ ɨaró nohota niisétikã weeyá. Naâ ãyuró weé sĩ'rima. Niî pe'tise naâ weé sĩ'risere mɨ'ɨ̂ wee tamúro me'ra weeáto. Tohôta mɨ'ɨ̂re ẽho peó yapatíkã'ato”, niî sẽri basá'.

Hebreos 2:4

Apêye kẽ'rare Õ'âkɨ̃hɨ a'tîro weékɨ niîwĩ. Kɨ̃ɨ̂ a'te kitíre diakɨ̃hɨ́ta niî' niîgɨ, pehé weé ĩ'yosere ĩ'yâ mariase me'ra ĩ'yókɨ niîwĩ. Tohô niikã́ Espírito Santo me'ra marîre a'tîro weékɨ niîwĩ. Kɨ̃ɨ̂ ɨaró noho pehé mehêkãri di'akɨ̃ wee masísere o'ôkɨ niîwĩ.

1 João 3:1

Ĩ'yâre mɨsâ Õ'âkɨ̃hɨ marî pakɨ marîre ma'isére. Marîre ma'ígɨ, “Yɨ'ɨ̂ põ'ra” niî ẽho peósami. Tohô niîro nohota marî kɨ̃ɨ̂ põ'rá niî'. Ãpêrã a'ti nukúkãkãharã Õ'âkɨ̃hɨre masîti tĩharã, marî kɨ̃ɨ̂re ẽho peórã weesétisere masîtisama.

Apocalipse 21:7

No'ó ãyuró weé yɨ'rɨ wetírã ẽho peó du'utirã noho niî pe'tise yɨ'ɨ̂ “O'ôgɨti” niî'kere yẽ'êrãsama. Yɨ'ɨ̂ naâ wiôgɨ niîgɨsa'. Naâ yɨ'ɨ̂ põ'ra niîrãsama.