Efesios 1:3 - Tukano

³ Õ'âkɨ̃hɨ, marî wiôgɨ Jesu Cristo pakɨre “Ãyú'” niîrã. Cristo yarã niî yuukã, Õ'âkɨ̃hɨ marîre ãyuró weékɨ niîwĩ. Marîre ma'ígɨ, niî pe'tise ɨ'mɨ̂sepɨ ehêri põ'rakãhase ãyusére o'ôkɨ niîwĩ.

Õꞌacʉ̃ Yere Ucũrĩ Turi

³ Õꞌacʉ̃, marĩ wiogʉ Jesucristo pacʉre eꞌcatise oꞌorã. Cristo yarã niyucã, Õꞌacʉ̃ marĩrẽ añurõ weecʉ niwĩ. Marĩrẽ maꞌígʉ̃, nipeꞌtise ʉꞌmʉsepʉ ejeripõꞌrã cjase añusere oꞌocʉ niwĩ.

Efesios 1:3 Iomraidhean Croise

San Lucas 2:28

Wi'magɨ́re ĩ'yâgɨ, Simeão mii wɨákɨ niîwĩ. Mii wɨá, Õ'âkɨ̃hɨre e'katí peogɨ, a'tîro niîkɨ niîwĩ:

San Juan 14:20

Yɨ'ɨ̂ pakɨ mɨsâre Espírito Santore o'ôo'gɨsami. Tohô weéka be'ro yɨ'ɨ̂ pakɨ me'ra yɨ'ɨ̂ niisére masîrãsa'. Tohô niikã́ mɨsâ yɨ'ɨ̂ me'ra niisére, yɨ'ɨ̂ mɨsâpɨre niisére masîrãsa'.

San Juan 17:21

Naâ marî me'ra ni'kâro me'ra niiáto niîgɨ tohô weé'. Pakɨ́, yɨ'ɨ̂ mɨ'ɨ̂ me'ra niîro noho, mɨ'ɨ̂ yɨ'ɨ̂ me'ra niîro noho naá kẽ'ra niiáto. Tohô wa'akã́ ĩ'yârã, a'ti nukúkãkãharã yɨ'ɨ̂re mɨ'ɨ̂ o'ôo'kere ẽho peórãsama.

San Juan 20:17

Jesu koôre niîkɨ niîwĩ: —Du'uyá yɨ'ɨ̂re. Yɨ'ɨ̂ pakɨ tiropɨ mɨhâatiapɨ yuhûpɨ. Yɨ'ɨ̂re ẽho peórãre werêgo wa'âya. “A'tîro niiámi”, niîya. “Kɨ̃ɨ̂, kɨ̃ɨ̂ pakɨ́ Õ'âkɨ̃hɨ tiropɨ ‘Wa'âgɨ weé'’, niiámi.” “Õ'âkɨ̃hɨ yɨ'ɨ̂ pakɨ, tohô niikã́ mɨsâ pakɨ niîmi. Apêye kẽ'rare yɨ'ɨ̂ wiôgɨ niîmi. Tohô niikã́ mɨsâ wiôgɨ niîmi, niiámi”, niîya, niîkɨ niîwĩ.

Romanos 12:5

Marî Jesu Cristore ẽho peórã tohôta niî'. Pãharã́ niîmirã, kɨ̃ɨ̂ me'ra ni'kâ ɨpɨ weeró noho niî'. Marî niî pe'tirã ni'kâ ɨpɨpɨ a'mé sɨ'a'.

Romanos 15:6

Tohô weérã mɨsâ ni'kâropɨta wãkusétirã, a'tîro weerã́sa'. Õ'âkɨ̃hɨ, marî wiôgɨ Jesu Cristo pakɨre ni'kâro me'ra “Mɨ'ɨ̂ ãyú yɨ'rɨa'”, niîrãsa'.

1 Corintios 1:30

Mɨsâre Õ'âkɨ̃hɨ basita Jesu Cristo yarã sãhakã́ weékɨ niîwĩ. Tohô niikã́ Cristo me'rata marî masisé kɨó'. Kɨ̃ɨ̂ me'rata taha Õ'âkɨ̃hɨ marîre “Naâ ãyurã́, yɨ'rɨó no'o'kãrãpɨ niîma”, niî ĩ'yâsami. Marî kɨ̃ɨ yarã́ niî'. Tohô weégɨ marî pekâ me'epɨ wa'â boo'kãrãre yɨ'rɨ wetíkã weékɨ niîwĩ.

1 Corintios 12:12

Marî ɨpɨ́ ni'kâ ɨpɨ niîmiro, pehé dɨka watí'. Tohô dɨka watímiro, ni'kâ ɨpɨta niî'. Cristo kẽ'ra tohôta niîmi. Pãharã́ kɨ̃ɨ̂re ẽho peóma. Naâ pãharã́ niîmikã, kɨ̃ɨ̂ ɨpɨ́ weeró noho ni'kâ kura kɨ̃ɨ̂ me'ra niîma.

2 Corintios 1:3

Õ'âkɨ̃hɨ marî wiôgɨ Jesu Cristo pakɨre “Ãyú'” niîrã. Kɨ̃ɨ́ta marîre pahá yã'ami. Marîre wãkû tutuakã weé nu'kumi.

2 Corintios 11:31

Õ'âkɨ̃hɨ, marî wiôgɨ Jesu Cristo pakɨ yɨ'ɨ̂ uúkũsere “Diakɨ̃hɨ́ta niî'”, niî masisami. Kɨ̃ɨ̂reta “Ãyugɨ́ niîmi”, niî nu'kuro ɨá'.

2 Corintios 5:17

Marî Cristo yarã wa'ârã, apé su'tiro sãhárã weé'. Ãyusé di'akɨ̃ dɨka yuú'. Too dɨpóropɨ no'ó ɨaró weeséti'kere wee nemó wee' maha.

2 Corintios 5:21

Cristo neê kã'roákã yã'âro weetíkɨ niîwĩ. Õ'âkɨ̃hɨ pe'e marî yã'âro weesé bu'iri kɨ̃ɨ̂re wẽrî basa dutikɨ niîwĩ. Kɨ̃ɨ̂re yã'agɨ́re weeró noho bu'îri da'rêkɨ niîwĩ. Tohô weesé me'ra Õ'âkɨ̃hɨ marîre Cristo yarã wa'akã́ weékɨ niîwĩ. Tohô niikã́ kɨ̃ɨ̂ ɨaró kɨ̃ɨ̂ weeró noho ãyuró niî dutigɨ tohô weékɨ niîwĩ.

Gálatas 3:9

Abraão Õ'âkɨ̃hɨre ẽho peókɨ niîwĩ. Tohô weégɨ Õ'âkɨ̃hɨ kɨ̃ɨ̂re ãyuró weékɨ niîwĩ. A'tóka tero kẽ'rare niî pe'tirã Jesu Cristore ẽho peórãre Õ'âkɨ̃hɨ ãyuró weemí.

Efesios 1:10

A'ti ɨmɨ́koho pe'tikã́, niî pe'tise Õ'âkɨ̃hɨ “A'tîro wa'ârosa'” niî'karo nohota wa'ârosa'. Tohô wa'akã́, kɨ̃ɨ̂ ɨá'karo nohota weegɨ́sami. A'tîro weegɨ́sami. Kɨ̃ɨ̂ niî pe'tirã ɨ'mɨ̂sepɨ niirã́, a'ti nukúkãpɨ niirã́re Cristore naâ dɨpoá sõróogɨsami.

Efesios 1:17

Õ'âkɨ̃hɨ, marî wiôgɨ Jesu Cristo pakɨ ãyú butia'gɨ niîmi. Kɨ̃ɨ̂re mɨsa yeé niiátehere a'tîro sẽri basá': “Õ'âkɨ̃hɨ, Espírito Santo tɨ'o masíse o'oáto naâre. Mɨ'ɨ yeékãhasere ãyuró ĩ'yoáto. Nemoró mɨ'ɨ̂re masî dutigɨ tohô weeáto.

Efesios 2:6

Õ'âkɨ̃hɨ Jesu Cristore masókɨ niîwĩ. Kɨ̃ɨ̂re masó'karo nohota marî Jesu Cristo yarãre masa mɨháa'kãrã weeró noho weékɨ niîwĩ. Jesu Cristo ɨ'mɨ̂sepɨ wiôgɨ duhirí kumuro duhîro nohota marîre kɨ̃ɨ̂ me'rata taha ɨ'mɨ̂sepɨ duhî yuu toharã weeró noho niikã́ weékɨ niîwĩ. Yã'âro niisétise me'ra niîsome maha.

Efesios 3:10

Tohô weéro ni'kâroakãre Jesu Cristore ẽho peóri kurakãharã me'ra a'tîro wa'â'. Naâ pehe kurári niîmi'kãrã ni'kâ kura wa'akã́ ĩ'yârã, ɨ'mɨ̂sekãharã wiôrã, tohô niikã́ wãti yarã́ tutuarã́ a'tîro masîsama: “Õ'âkɨ̃hɨ masî yɨ'rɨami. Ãyú butia'ro wãkusé kɨomí” niî, masîsama.

Efesios 6:12

Marî Õ'âkɨ̃hɨ ɨaró weé sĩ'rirã, a'mê wẽherã weeró noho niî'. Masá me'ra a'mê wẽhero weeró noho nií wee'. Wãtiâ wiôrã tutuarã́ me'ra a'mê wẽhe'. Wãtiâ a'ti ɨmɨ́kohokãhase yã'âro weesére dutirã́ niîma. Naâ pãharã́ bahutírã masaré wãkusépɨ yã'âro wee dutírã niî kehe sãasama.

Filipenses 2:11

Niî pe'tirã “Jesu Cristo marî wiôgɨ niîmi”, niîrãsama. Naâ Õ'âkɨ̃hɨre, “Ãyú yɨ'rɨami”, niîrãsama.

Hebreos 8:5

A'ti nukúkãpɨ sacerdotea Õ'âkɨ̃hɨ yeekãhasere da'rarã́ a'tîro weemá. Naâ Õ'âkɨ̃hɨ wi'i ɨ'mɨ̂sepɨ niirí wi'ikãhasere weeró noho weérã weemá. Marî masî'. Ɨ'mɨ̂sekãha wi'i pe'e tií wi'i waro niî'. A'ti nukúkãkãha wi'i pe'e ɨ'mɨ̂sekãha wi'i weeró noho ĩ'yóro weé'. Tohô weégɨ Õ'âkɨ̃hɨ kɨ̃ɨ yaá wi'i a'ti nukúkãkãha wi'ire wee dutígɨ, Moisére a'tîro niîkɨ niîwĩ: “Ãyuró wãkûya. Niî pe'tise yaá wi'ikãhasere mɨ'ɨ̂re ɨ̃rɨgɨ́pɨ ĩ'yó'karo nohota weeyá”, niîkɨ niîwĩ.

Hebreos 9:23

Dɨporókãhase Õ'âkɨ̃hɨ wi'ipɨ wee wɨáse noho ɨ'mɨ̂sekãhase weeró noho ĩ'yóro weékaro niîwɨ. Teeré Õ'âkɨ̃hɨ ĩ'yóropɨ ãyusé toha dutírã a'tîro weékãrã niîwã. Wa'îkɨ̃rãre wẽhé, naa yeé diî me'ra wehêste peokãrã niîwã. Dɨporókãharã naâ weé'ke nemoró ɨ'mɨ̂sekãhase pe'e ãyú yɨ'rɨ nɨ'ka'. Tohô weéro wa'îkɨ̃rãre ɨ̃hâ moro peo'ke nemoró, ãyusé warore ɨá'. Teé Jesu Cristo wẽrisé niî'.

1 Pedro 1:3

Õ'âkɨ̃hɨ, marî wiôgɨ Jesu Cristo pakɨre “Ãyú'” niîrã. Kɨ̃ɨ̂ marîre pahá yã'agɨ, kɨ̃ɨ̂ põ'rá sãhakã́ weékɨ niîwĩ. Kɨ̃ɨ̂ makɨ́ Jesu Cristo wẽrî'kɨpɨre masó'ke me'ra marî too dɨpóro yã'âro niiséti'kere akobohókɨ niîwĩ. Teeré weégɨ, marîre opâturi bahuá apo'kãrãre weeró noho weékɨ niîwĩ. Õ'âkɨ̃hɨ kɨ̃ɨ̂ põ'raré “Ãyú butia'sere o'ôgɨti”, niîkɨ niîwĩ. Kɨ̃ɨ̂ o'oátehere marî e'katíse me'ra yuû kuerã weé'. Teeré ɨ'mɨ̂sepɨ kɨo yuú tohasami. Kɨ̃ɨ̂ o'oátehe a'ti nukúkãkãhase weeró noho pe'tí, boâsome. Niî nu'kukã'rosa'.