Efesios 1:21 - Tukano

²¹ Õ'âkɨ̃hɨ Cristore a'tîro weékɨ niîwĩ. Niî pe'tirã a'ti nukúkãpɨ niirã́, ɨ'mɨ̂sepɨ niirã́, naâ wiôrãre, no'ó ãpêrãre dutirã́ nohore naâ bu'ipɨ tohakã́ weékɨ niîwĩ. A'ti ɨmɨ́kohopɨ, ape ɨmɨ́kohopɨre tohôta weé nu'kukɨ̃'sami.

Õꞌacʉ̃ Yere Ucũrĩ Turi

²¹ Õꞌacʉ̃ Cristore aꞌtiro weecʉ niwĩ. Nipeꞌtirã aꞌti nucũcãpʉ nirã́, ʉꞌmʉsepʉ nirã́, na wiorãrẽ, noꞌo ãpẽrãrẽ dutirãnojõrẽ na buꞌipʉ tojacã weecʉ niwĩ. Aꞌti ʉmʉcopʉ, ape ʉmʉcopʉre tojota weenuꞌcũcʉ̃sami.

Efesios 1:21 Iomraidhean Croise

Mateus 12:32

Yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨre yã'âro uúkũkã, Õ'âkɨ̃hɨ akobohógɨsami. Espírito Santo pe'ere yã'âro uúkũkã, Õ'âkɨ̃hɨ akobohósome. Ni'kâroakã, be'ropɨ́ kẽ'rare meharóta akobohósome, niîwĩ Jesu.

Hechos 4:12

A'ti nukúkãpɨre Jesu Cristo di'akɨ̃ niîmi marîre yɨ'rɨógɨ. Ãpêrãpɨa marîre neê yɨ'rɨó masitisama, niîkɨ niîwĩ Pedro.

Efesios 2:2

Ãpêrã a'ti nukúkãkãharã weeró noho yã'âro weé nu'kukãrã niîwɨ. Wãtiâ wiôgɨ ɨaró noho weékãrã niîwɨ. Kɨ̃ɨ̂ a'ti nukúkãkãharã Õ'âkɨ̃hɨre yɨ'rɨ́ nɨ'karãre dutigɨ́ niîmi.

Efesios 3:10

Tohô weéro ni'kâroakãre Jesu Cristore ẽho peóri kurakãharã me'ra a'tîro wa'â'. Naâ pehe kurári niîmi'kãrã ni'kâ kura wa'akã́ ĩ'yârã, ɨ'mɨ̂sekãharã wiôrã, tohô niikã́ wãti yarã́ tutuarã́ a'tîro masîsama: “Õ'âkɨ̃hɨ masî yɨ'rɨami. Ãyú butia'ro wãkusé kɨomí” niî, masîsama.

Efesios 6:12

Marî Õ'âkɨ̃hɨ ɨaró weé sĩ'rirã, a'mê wẽherã weeró noho niî'. Masá me'ra a'mê wẽhero weeró noho nií wee'. Wãtiâ wiôrã tutuarã́ me'ra a'mê wẽhe'. Wãtiâ a'ti ɨmɨ́kohokãhase yã'âro weesére dutirã́ niîma. Naâ pãharã́ bahutírã masaré wãkusépɨ yã'âro wee dutírã niî kehe sãasama.

Colosenses 2:10

Mɨsá kẽ'ra kɨ̃ɨ̂pɨreta niî'. Tohô weérã mɨsâ Õ'âkɨ̃hɨre kɨó yɨ'rɨa toha'. Jesu Cristo niî pe'tirã wiôgɨ niîmi. Ɨ'mɨ̂sekãharã, a'ti nukúkãkãharã, bahurã́, bahutírã niî pe'tirã wiôrã kɨ̃ɨ̂ doka niîma.

Colosenses 2:15

Jesu Cristo kɨ̃ɨ̂ wẽrisé me'ra niî pe'tirã ĩ'yóropɨ wãtiâre dokâ ke'akã weékɨ niîwĩ.

Hebreos 1:4

Õ'âkɨ̃hɨ kɨ̃ɨ̂ makɨré kɨ̃ɨ̂ wiôgɨ niisére o'ô turiakɨ niîwĩ. Tohô weégɨ kɨ̃ɨ̂ makɨ́ kɨ̃ɨ̂re werê ko'terã ɨ'mɨ̂sekãharã bu'ipɨ tohákɨ niîwĩ.

Hebreos 2:5

A'ti ɨmɨ́koho pe'tíka be'ro ape ɨmɨ́koho niîrosa'. Tii ɨmɨ́kohopɨre Õ'âkɨ̃hɨre werê ko'terã ɨ'mɨ̂sekãharã dutisé doka niîsome.

Hebreos 4:14

Jesu Õ'âkɨ̃hɨ makɨ sacerdotea wiôgɨ weeró noho marîre Õ'âkɨ̃hɨre sẽri baságɨ niîmi. Kɨ̃ɨ̂ Õ'âkɨ̃hɨ tiropɨ niîmi. Tohô weérã marî kɨ̃ɨ̂re ẽho peó nu'kukã'ro ɨá'.

1 Pedro 3:22

Jesu Cristo masáka be'ro kɨ̃ɨ̂ pakɨ tirópɨ mɨhâakɨ niîwĩ. Ni'kâroakãre kɨ̃ɨ̂ wiôgɨ duhirí kumuropɨ niîsami. Kɨ̃ɨ̂ niî pe'tirã bu'ipɨ, wiôgɨ niîmi. Õ'âkɨ̃hɨre werê ko'terã, niî pe'tirã wiôrã ɨ'mɨáropɨ niirã́ yɨ'rɨóro niîmi.