Efesios 1:13 - Tukano

¹³ Cristo kurúsapɨ wẽrî'ke me'ra mɨsá kẽ'ra Õ'âkɨ̃hɨ yarã wa'âwɨ. Mɨsâ diakɨ̃hɨ́kãhase Cristo yee kitire tɨ'órã, kɨ̃ɨ̂re ẽho peówɨ. Kɨ̃ɨ yeé kiti a'tîro niî'. Marî pekâ me'epɨ wa'â boo'kãrãre yɨ'rɨ wetíkã weékɨ niîwĩ. Kɨ̃ɨ̂re ẽho peókã, Õ'âkɨ̃hɨ mɨsâre kɨ̃ɨ yarã́ tohakã́ weékɨ niîwĩ. Yarã́ niîma niisére ĩ'yó sĩ'rigɨ, mɨsâre Espírito Santore o'ôo'kɨ niîwĩ. Espírito Santo Õ'âkɨ̃hɨ “Mɨsâre o'ôgɨti” niî'kɨta niîmi.

Õꞌacʉ̃ Yere Ucũrĩ Turi

¹³ Cristo curusapʉ wẽrĩꞌque meꞌrã mʉsã quẽꞌrã Õꞌacʉ̃ yarã waꞌawʉ. Mʉsã diacjʉ̃ cjase Cristo ye quetire tʉꞌorã, cʉ̃rẽ ẽjõpeowʉ. Cʉ̃ ye queti aꞌtiro niꞌi. Marĩ pecameꞌepʉ waꞌaboꞌcãrãrẽ yʉꞌrʉweticã weecʉ niwĩ. Cʉ̃rẽ ẽjõpeocã, Õꞌacʉ̃ mʉsãrẽ cʉ̃ yarã tojacã weecʉ niwĩ. Yarã nima nisere ĩꞌosĩꞌrĩgʉ̃, mʉsãrẽ Espíritu Santure oꞌócʉ niwĩ. Espíritu Santu Õꞌacʉ̃ “Mʉsãrẽ oꞌógʉti” níꞌcʉta nimi.

Efesios 1:13 Iomraidhean Croise

San Lucas 11:13

Mɨsâ yã'arã́ niîmirã, mɨsâ põ'rare ãyusére o'ô masi'. Too pũríkãre marî pakɨ ɨ'mɨ̂sepɨ niigɨ́, nemoró ãyusé o'ôgɨsami. Kɨ̃ɨ̂re sẽrirã́re Espírito Santore o'ôgɨsami, niîkɨ niîwĩ.

San Lucas 24:49

Yɨ'ɨ̂ pakɨ mɨsâre “Espírito Santore o'ôo'gɨti”, niîwĩ. Kɨ̃ɨ̂ niî'karo nohota yɨ'ɨ̂ mɨsâre o'ôo'gɨti. Espírito Santo mɨsâpɨre dihatágɨ, ɨ'mɨ̂sekãhase tutuasére o'ôgɨsami. Tohô weérã Jerusalẽ́pɨ kɨ̃ɨ̂ dihátikã, yuû kue ni'iya yuhûpɨ, niîkɨ niîwĩ.

San Juan 1:17

Õ'âkɨ̃hɨ dutisé Moisé me'ra o'ô no'okaro niîwɨ. Jesu Cristo me'ra pe'e maa Õ'âkɨ̃hɨ marîre ma'isére masî no'o'. Tohô niikã́ diakɨ̃hɨ́kãhasere masî no'o'.

San Juan 14:26

Yɨ'ɨ̂ sẽrikã́, yɨ'ɨ̂ pakɨ Espírito Santore mɨsâre o'ôo'gɨsami. Kɨ̃ɨ̂ mɨsâre wee tamú, wãkû tutua nu'kukã weegɨ́sami. Niî pe'tise mɨsâre bu'êgɨsami. Niî pe'tise yɨ'ɨ̂ mɨsâre bu'ê'kere opâturi wãkukã́ weegɨ́sami.

San Juan 15:26

Espírito Santo diakɨ̃hɨ́ uúkũgɨ, mɨsâre wee tamúgɨ a'tîgɨsami. Ɨ̃sâ yɨ'ɨ̂ pakɨ me'ra kɨ̃ɨ̂re o'ôo'rãsa'. Kɨ̃ɨ̂ a'tîgɨ, keoró yeekãhásere mɨsâre werêgɨsami.

San Juan 3:33

Tohô niîmikã, ni'karérã kɨ̃ɨ̂re ẽho peóma. Naâ kɨ̃ɨ̂re ẽho peórã, “Õ'âkɨ̃hɨ diakɨ̃hɨ́ta uúkũmi”, niî ĩ'yomá.

San Juan 6:27

Mɨsâ ba'asé di'akɨ̃re wapá ta'a sĩ'rirã, da'ratíkã'ya. Teé maatá pe'tisé niî'. Apêye ba'asére a'mâya. Teé katî nu'kuse o'osé niî'. Teeréta yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ mɨsâre o'ôgɨsa'. Õ'âkɨ̃hɨ yɨ'ɨ̂ pakɨ yɨ'ɨ̂re kɨ̃ɨ̂ o'ôo'kɨ niisére mɨsâre ĩ'yó tohawĩ.

Hechos 1:4

Jesu naâ me'ra niîgɨ, ɨ'mɨ̂sepɨ mɨhâatoho dɨporo a'tîro niîkɨ niîwĩ: —Mɨsâ Jerusalẽ́pɨ tohayá. Neê apé sia'pɨ, ape makápɨ wiháatikã'ya. Yɨ'ɨ̂ pakɨ mɨsâre too dɨpóropɨ niî'karo nohota Espírito Santore o'ôo' dihogɨsami. Tohô weérã mɨsâ kɨ̃ɨ̂re toopɨ́ yuû kueya. Yɨ'ɨ̂ mɨsâre teeré werê tohawɨ.

Hechos 13:26

Yɨ'ɨ̂ akawerérã Abraão paramérã niî turiarã, niî pe'tirã Õ'âkɨ̃hɨre ẽho peórãre werêgɨti. Õ'âkɨ̃hɨ too dɨpóropɨ “Masaré yɨ'rɨógɨti”, niîkɨ niîwĩ. Tohô niîgɨ, marîre a'te kitíre o'ôo'kɨ niîwĩ.

Hechos 2:33

Kɨ̃ɨ̂ pakɨ́ kɨ̃ɨ̂re ɨ'mɨ̂sepɨ kɨ̃ɨ̂ tiro wiôgɨ duhirí kumuropɨ mii mɨhákɨ niîwĩ. Õ'âkɨ̃hɨ kɨ̃ɨ̂ too dɨpóropɨ niî'karo nohota Kɨ̃ɨ̂ makɨré marîre Espírito Santore o'ôo' dutikɨ niîwĩ. Tohô weérã Espírito Santo kɨ̃ɨ̂ wee tamúse me'ra mɨsa yeé uúkũsere ɨ̃sâ uúkũapɨ.

Romanos 1:16

Masá Jesu Cristo yee kitire tɨ'órã, kɨ̃ɨ̂re ẽho peó nɨ'kasama. Yɨ'ɨ̂ masî', Õ'âkɨ̃hɨ kɨ̃ɨ̂ tutuaró me'ra niî pe'tirã Jesu Cristore ẽho peórãre pekâ me'epɨ wa'â boo'kãrãre yɨ'rɨósami. Tohô weégɨ masaré tee kitíre neê bopôya sãa wee'. Neê waro kɨ̃ɨ̂re ẽho peórã Judeu masa niirã́re yɨ'rɨósami. Judeu masa niîtirã kɨ̃ɨ̂re ẽho peórã kẽ'rare meharóta yɨ'rɨósami.

Romanos 4:11

Abraão Õ'âkɨ̃hɨre ẽho peóka be'ropɨ kɨ̃ɨ̂ õ'rekɨhɨ́ yapa kaserore yehê kõ'akãrã niîwã. Kɨ̃ɨ̂ yehê kõ'a no'ose me'ra Õ'âkɨ̃hɨ kɨ̃ɨ̂re too dɨporópɨ “Mɨ'ɨ̂ ãyugɨ́, bu'îri marigɨ́ niî'” niî'kere masîkɨ niîwĩ. Tohô weégɨ, Abraão niî pe'tirã ẽho peórã yẽkɨ tohákɨ niîwĩ. Naâ ẽho peóse me'ra Õ'âkɨ̃hɨ niî pe'tirã kɨ̃ɨ̂re ẽho peórãre “Ãyurã́ niîma”, niîkɨ niîwĩ. Naâ õ'rekɨhɨ́ yapa kaserore yehê kõ'akã meheta, tohô niîkɨ niîwĩ.

Romanos 6:17

Too dɨpóropɨ mɨsâ yã'asére weérã, da'rá wã'ya ko'terã weeró noho niîkãrã niîwɨ. Ni'kâroakãre ãpêrã mɨsâre Jesu Cristo yee kitire werekã́ tɨ'órã, ãyuró ẽho peó'. Tohô weérã yã'âro weesére yɨ'rɨó no'o tĩharã, ãyusére weé wã'ya'. Mɨsâ tohô weekã́ wãkûgɨ, yɨ'ɨ̂ Õ'âkɨ̃hɨre “Ãyú'” niî'.

2 Corintios 1:22

Marîre kɨ̃ɨ yarã́ wa'akã́ weékɨ niîwĩ. Kɨ̃ɨ yarã́ niî' niisére ĩ'yó sĩ'rigɨ Espírito Santore o'ôo'kɨ niîwĩ. Espírito Santo marî me'ra niîgɨ, kɨ̃ɨ́ta Õ'âkɨ̃hɨ marîre yɨ'rɨoátehere masikã́ weemí.

2 Corintios 6:7

Diakɨ̃hɨ́ta werê'. Õ'âkɨ̃hɨ kɨ̃ɨ̂ tutuasére kɨó'. Kɨ̃ɨ̂ ɨ̃sâre ãyurã́ wa'akã́ weemí. Tohô weérã ãyuró wee masí'. Yã'asé kẽ'rare ka'mú ta'a masi'.

Gálatas 3:14

Jesu Cristo marîre bu'îri da'rê boo'kere kurúsapɨ wẽrî wapa yeékɨ niîwĩ. Tohô weekã́, Õ'âkɨ̃hɨ Abraãore Judeu masa niîtirã kẽ'rare “Tohô weegɨ́ti” niî'ke keoróta wa'âkaro niîwɨ. Jesu Cristore ẽho peókã, naâre Abraãore weeró noho “Ãyurã́, bu'îri marirã́ niîma”, niî ĩ'yâsami. Tohô weégɨ kɨ̃ɨ̂ niî'karo nohota weesamí. Niî pe'tirã Jesu Cristore ẽho peórãre Espírito Santore o'ôo'sami.

Efesios 4:21

Mɨsâ keoróta kɨ̃ɨ yeé kitire tɨ'órã, masísa'. Kɨ̃ɨ̂re ẽho peórã weesétisere Jesu bu'ê'kere masísa'.

Efesios 4:30

Niî pe'tise yã'âro weesére weetíkã'ya. Espírito Santore bɨhâ wetikã weetíkã'ya. Õ'âkɨ̃hɨ Espírito Santore o'osé me'ra mɨsâ “Õ'âkɨ̃hɨ yarã niîma”, niî no'o'. Tohô weérã mɨsâ masî', Jesu Cristo a'tikã́pɨ Õ'âkɨ̃hɨ mɨsâre ãyuró yɨ'rɨó butia'gɨsami.

1 Tesalonicenses 2:13

Apêye mɨsa yeékãhasere werêgɨti. Õ'âkɨ̃hɨ yee kitire werekã́, mɨsâ Õ'âkɨ̃hɨ yee uúkũse niî' niîrã, maatá ẽho peówɨ. “Masá naâ uúkũsere ẽho peó boosaɨ”, niîtiwɨ. Mɨsâ tohô weesére wãkûrã, Õ'âkɨ̃hɨre “Ãyú'” niî nu'kukã'. Ɨ̃sâ mɨsâre werê'ke Õ'âkɨ̃hɨ uúkũse warota niîwɨ. Tee kití me'rata Õ'âkɨ̃hɨ kɨ̃ɨ̂ ɨaró weeáto niîgɨ mɨsâre siâpe me'ra dɨka yuú nu'kugɨ weemí.

2 Timoteo 2:15

Mɨ'ɨ̂ pe'e Õ'âkɨ̃hɨ yeere ãyuró bu'êya. Tohô niikã́ kɨ̃ɨ yeére keoró weeyá. Mɨ'ɨ̂ tohô weekã́ ĩ'yâgɨ, mɨ'ɨ̂re “Ãyuró weemí”, niîgɨsami. Keoró weégɨ, mɨ'ɨ̂ da'rasére bopôyasome. Diakɨ̃hɨ́kãhasere Jesu Cristo yee kitire keoró werê turiaya.

2 Timoteo 2:19

Õ'âkɨ̃hɨ kɨ̃ɨ̂ uúkũse kũû'ke pũrikã tutuarí wi'i yeê nɨ'ko'ke weeró noho niî'. Kɨ̃ɨ yeé kiti neê dɨka yuú wee'. A'tîro niî'. “Marî wiôgɨ Jesu Cristo kɨ̃ɨ yarã́re masîsami.” Tohô niikã́ “Niî pe'tirã ‘Jesu Cristo yarã niî'’, niî wãkurã́ yã'âro weesére du'uáto.”

2 Timoteo 3:15

Mɨ'ɨ̂ wi'magɨ́pɨta Õ'âkɨ̃hɨ yee kiti ohâka pũrikãhasere masî nɨ'kawɨ. Teeré bu'êgɨ, mɨ'ɨ̂ Õ'âkɨ̃hɨ yeere masîwɨ. Masî, Jesu Cristore ẽho peóse me'ra yɨ'rɨó no'owɨ.

Tito 2:11

A'tîro niî'. Õ'âkɨ̃hɨ marîre ma'ígɨ, niî pe'tirã a'ti nukúkãkãharã naâ yã'âro weeséti'kere yɨ'rɨó sĩ'rigɨ Jesu Cristore o'ôo'kɨ niîwĩ.

Hebreos 2:3

Marî pũrikã Õ'âkɨ̃hɨ masaré yɨ'rɨóse kiti ãyú butia'sere kɨó'. Tohô kɨomírã, teeré ɨatírã, kɨ̃ɨ̂ bu'îri da'resére neê yɨ'rɨ wetísome. Neê warore Jesu Cristo marî wiôgɨ masaré yɨ'rɨógɨti niisére werê nɨ'kakɨ niîwĩ. Be'ró taha kɨ̃ɨ̂ werê'kere tɨ'órã, a'tîro weékãrã niîwã. Diakɨ̃hɨ́ta niî' niîrã, marîre werê turiakãrã niîwã.

Santiago 1:18

Õ'âkɨ̃hɨ marîre kɨ̃ɨ̂ ɨá'karo nohota kɨ̃ɨ yeé kiti diakɨ̃hɨ́ niisé me'ra kɨ̃ɨ̂ põ'rá wa'akã́ weékɨ niîwĩ. Tohô weérã kɨ̃ɨ̂re ẽho peó tĩharã, kɨ̃ɨ̂ põ'rá niî mɨ'ta'kãrã weeró noho niî'. Siâpe me'ra nemoró pãharã́ kɨ̃ɨ̂re ẽho peó nemorãsama.

Santiago 1:21

Tohô weérã niî pe'tise mɨsâ yã'âro wãkusére, yã'âro weesétisere du'úkã'ya. Õ'âkɨ̃hɨ yee kiti marîre kɨ̃ɨ̂ kũû'kere keoró ẽho peóya. Tee kitíre tɨ'ó ẽho peórã, mɨsâ yɨ'rɨrã́sa'.

1 Pedro 2:10

Dɨporópɨ ni'kɨ́ Õ'âkɨ̃hɨ yee kiti werê mɨ'tagɨ a'tîro niîkɨ niîwĩ: “Õ'âkɨ̃hɨ pãharã́ Judeu masa niîtirãre yɨ'rɨógɨsami.” Tohô weérã mɨsâ too dɨpóropɨre Õ'âkɨ̃hɨ põ'ra meheta niîkãrã niî ni'iwɨ yuhûpɨ. Ni'kâroakãre kɨ̃ɨ̂re ẽho peóka be'ro kɨ̃ɨ̂ põ'rá niî' maha. Õ'âkɨ̃hɨre mɨsâ ẽho peoátoho dɨporo kɨ̃ɨ̂ mɨsâre ma'isére, kɨ̃ɨ̂ pahá yã'asere masîtikãrã niîwɨ. Ni'kâropɨta a'teré masî' maha.

Apocalipse 7:2

Ãpí Õ'âkɨ̃hɨre werê ko'tegɨ kẽ'rare ĩ'yâwɨ. Kɨ̃ɨ̂ muhîpũ mɨhátiro pe'e a'tîwĩ. Kɨ̃ɨ̂ Õ'âkɨ̃hɨ katî nu'kugɨ wamé yãa kũúrore kɨowĩ́. Ã'rá ba'pâritirã di'târe, diâ pahirí maare dohórẽ' duti no'okãrã niîwã. Kɨ̃ɨ̂ naâre karíkũwĩ: