Efesios 1:12 - Tukano

¹² Kɨ̃ɨ̂ a'tîro weégɨ, ɨ̃sâ Cristore ẽho peó mɨ'tarãre ãyuró weekã́ ɨágɨ besékɨ niîwĩ. Ɨ̃sâ ãyuró weesé me'ra masá kɨ̃ɨ̂ Õ'âkɨ̃hɨre “Ãyú butia'gɨ niîmi” niî wãkuáto niîgɨ tohô besékɨ niîwĩ.

Õꞌacʉ̃ Yere Ucũrĩ Turi

¹² Cʉ̃ aꞌtiro wéégʉ, ʉ̃sã Cristore ẽjõpeomʉꞌtãrãrẽ añurõ weecã ʉagʉ besecʉ niwĩ. Ʉ̃sã añurõ weese meꞌrã masã cʉ̃ Õꞌacʉ̃ nise pacare añurõ wãcũato nígʉ̃ tojo besecʉ niwĩ.

Efesios 1:12 Iomraidhean Croise

San Juan 14:1

Jesu ɨ̃sâre a'tîro niîwĩ: —Mɨsâ ɨpɨ́tɨ waro wãkû ke'titikã'ya. Õ'âkɨ̃hɨre ẽho peóya. Tohô niikã́ yɨ'ɨ́ kẽ'rare ẽho peóya.

Efesios 1:6

Kɨ̃ɨ̂ makɨ́ kɨ̃ɨ̂ ɨpɨ́tɨ ma'igɨ́ me'ra marîre ãyuró weékɨ niîwĩ. Tohô weérã kɨ̃ɨ̂ marîre ãyuró weé'kere wãkûrã, kɨ̃ɨ̂re e'katí peo nu'ku'.

Efesios 2:7

Jesu Cristo kɨ̃ɨ̂ wẽrî basa'ke me'ra marîre ma'isére, kɨ̃ɨ̂ ãyú butia'ro weesére ĩ'yókɨ niîwĩ. Be'ropɨ́ niî pe'tirãre teeré masikã́ ɨágɨ tohô weékɨ niîwĩ.

Efesios 3:21

Tohô weérã Õ'âkɨ̃hɨ marî Jesu Cristore ẽho peóri kurakãharãre ãyuró weekã́ ĩ'yârã, niî pe'tirã Õ'âkɨ̃hɨre e'katí peo nu'kukã'ato. Tohô niikã́ Jesu Cristo masapɨ́re weesére ĩ'yârã, tohôta weeáto. A'tóka terokãharã, be'rokãhárã kẽ'ra tohôta Õ'âkɨ̃hɨre e'katí peo nu'kukã'ato. Tohôta wa'ârosa'.

2 Tesalonicenses 2:13

Yɨ'ɨ̂ akawerérã, Jesu marî wiôgɨ mɨsâre ma'imí. Õ'âkɨ̃hɨ neê waropɨ mɨsâre yɨ'rɨ wetíkã weégɨ besékɨ niîwĩ. Espírito Santo tutuaró me'ra Õ'âkɨ̃hɨ yarã sãhakã́ weékɨ niîwĩ. Tohô niikã́ mɨsâre diakɨ̃hɨ́kãhasere ẽho peó dutigɨ tohô weékɨ niîwĩ. Tohô weérã ɨ̃sâ mɨsâ weesétisere wãkûrã, Õ'âkɨ̃hɨre “Ãyú'” niî nu'kukã'rãti.

2 Timoteo 1:12

Tee kitíre weresé bu'iri yɨ'ɨ̂ pũûro pi'etí'. Tohô pi'etímigɨ, bopôya wee'. Yɨ'ɨ̂ Jesu Cristore masî'. “Kɨ̃ɨ̂ niî'kere keoróta weegɨ́sami”, niî'. Kɨ̃ɨ̂ tutuagɨ́ niîmi. Yɨ'ɨ̂re tee kití werê turiase kũû'kere ãyuró ko'tê yapá da'reogɨsami. “Teê opâturi a'tîgɨpɨ, ko'tê nu'kugɨsami”, niî'. Tohô weégɨ yɨ'ɨ̂ neê bopôya wee'.

Santiago 1:18

Õ'âkɨ̃hɨ marîre kɨ̃ɨ̂ ɨá'karo nohota kɨ̃ɨ yeé kiti diakɨ̃hɨ́ niisé me'ra kɨ̃ɨ̂ põ'rá wa'akã́ weékɨ niîwĩ. Tohô weérã kɨ̃ɨ̂re ẽho peó tĩharã, kɨ̃ɨ̂ põ'rá niî mɨ'ta'kãrã weeró noho niî'. Siâpe me'ra nemoró pãharã́ kɨ̃ɨ̂re ẽho peó nemorãsama.

1 Pedro 1:21

Jesu Cristo wẽrisé me'ra Õ'âkɨ̃hɨre ẽho peó no'o'. Kɨ̃ɨ̂ Jesu Cristore wẽrî'kɨpɨre masókɨ niîwĩ. Masó, ɨ'mɨ̂sepɨ kɨ̃ɨ̂re mii mɨhákɨ niîwĩ. Toopɨ́ kɨ̃ɨ̂re wiôgɨ sõróokɨ niîwĩ. Marîre ẽho peó dutigɨ tohô weékɨ niîwĩ. Tohô niikã́ marî ɨ'mɨ̂sepɨ wa'aátehere e'katíse me'ra yuû kue dutigɨ tohô weékɨ niîwĩ.