Apocalipse 9:1 - Tukano

¹ Ba'pâritirã be'rokɨ̃hɨ putiwĩ́. Kɨ̃ɨ̂ putikã́, ni'kɨ́ yõkoáwɨ̃ nukûkãpɨ bɨrɨ̂ diha'kɨre ĩ'yâwɨ. Kɨ̃ɨ̂re ni'kâ sáwi o'ôwã. Kopê niî bahu dutí dihari peekãha sáwi niîwɨ.

Õꞌacʉ̃ Yere Ucũrĩ Turi

¹ Baꞌparitirã beꞌrocjʉ̃ putiwĩ. Cʉ̃ puticã, niꞌcʉ̃ ñocõawʉ̃ nucũcãpʉ bʉrʉdijaꞌcʉre ĩꞌawʉ̃. Cʉ̃rẽ niꞌcã sawi oꞌowã. Cope nibajudutidijari pe cja sawi niwʉ̃.

Apocalipse 9:1 Iomraidhean Croise

San Lucas 10:18

Jesu naâre niîkɨ niîwĩ: —Mɨsâ niîro nohota niî'. Wãtîre ɨ'mɨ̂sepɨ niî'kɨ bɨpô ya'baró weeró noho diháakã ĩ'yâwɨ.

San Lucas 8:31

Wãtiâ Jesuré a'tîro niîkãrã niîwã: —Ɨ̃sâre ĩ'yâ bahu dutí dihari peehopɨ bu'îri da'rê bahuriótikã'ya niî, ɨpɨ́tɨ sẽríkãrã niîwã.

Romanos 10:7

Tohô niikã́ ‘Wẽrî'kãrã niirópɨ ni'kɨ́ diháa, Õ'âkɨ̃hɨ besé'kɨre pihî mɨhatiro ɨá'’, niî wãkûtikã'ya”, niîkɨ niîwĩ Moisé. Marî basi wee tutuáse me'ra teeré weetá basió wee'. Jesu Cristo ɨ'mɨ̂sepɨ niî'kɨ diháti tohakɨ niîwĩ. Tohô niikã́, wẽrî'kãrã niirópɨ niî'kɨ masa mɨháti tohakɨ niîwĩ.

Apocalipse 1:18

Katî nu'kugɨ niî'. Too dɨpóropɨre wẽrîwɨ. Ni'kâroakãre katî nu'kukã'. Yɨ'ɨ̂ masaré wẽrî duti masi'. Pekâ me'epɨ wa'â duti masi'. Ãpêrã kẽ'rare “Pekâ me'epɨ wa'âsome”, niî masi'.

Apocalipse 1:20

Apêyere masá too dɨpóropɨ masî no'oya marí'kere werêgɨti. Ã'rá sete yõkoá a'tîro niî sĩ'rirã weemá. Naâ yɨ'ɨ̂re ẽho peóse kurarikãharã wiôrã sɨ'orí niirã́ niîma. Sete sĩ'óo'se ouro me'ra weé'kepagɨ kẽ'ra a'tîro niî sĩ'riro weé'. Teé tiikésepagɨ yɨ'ɨ̂re ẽho peóse kurarikãharã niîma, niî sĩ'riro weé', niîwĩ.

Apocalipse 11:7

Naâ, naâre werê duti'kere werê tu'a ehaka be'ro ĩ'yâ bahu dutí dihari peekɨ̃hɨ yã'agɨ́ naâ me'ra a'me kẽégɨsami. Naâre dokâ ke'akã weé, wẽhé kõ'agɨsami.

Apocalipse 17:8

A'tîro niî'. Mehêkã bahugɨ́ mɨ'ɨ̂ ĩ'yâ'kɨ dɨporópɨre niîmiwĩ. A'tóka tero marimí. Tohô niîmigɨ, be'ropɨ́ ĩ'yâ bahu dutí dihari peepɨ niî'kɨ mɨhátigɨsami. Kɨ̃ɨ̂ pekâ me'epɨ wa'â dohaatoho dɨporo tohô weegɨ́sami. A'ti nukúkãkãharã yã'arã́ mehêkã bahugɨ́re ĩ'yârã, ɨkɨárãsama. Naâ neê waropɨta a'tí di'ta weé nɨ'kari kura naâ wameré katirí pũripɨ ohâ õ'o no'oya marí'kãrã niî tĩharã, tohô wa'ârãsama. Kɨ̃ɨ̂ dɨporópɨ niî'kɨ a'tîro niikã́re marimí. Be'ropɨ́ a'tîgɨsami.

Apocalipse 20:1

Apêye kẽ'rare ĩ'yâwɨ. Ni'kɨ́ Õ'âkɨ̃hɨre werê ko'tegɨ ɨ'mɨ̂sepɨ niî'kɨ dihátiwĩ. Kɨ̃ɨ̂ niî bahu dutí dihari peekãha sáwire kɨowĩ́. Tohô niikã́ kome daáhore kɨowĩ́.

Apocalipse 20:10

Wãtiâ wiôgɨ naâre niî soo'kɨ pekâ me'e ɨ̃hɨrí ditarahopɨ kõ'â diho no'ogɨsami. Tii ditára opê weeró noho bahusé me'ra sipî ɨ̃hɨ̂rosa'. Toopɨ́ yaî weeró noho bahugɨ́, ãpí niî soose kiti werê mɨ'tagɨ naâ pɨárã kõ'â diho no'owã. Toopɨ́re ɨmɨ̂kohori, yamîri pi'etí nu'kurãsama. Neê wihasomé.

Apocalipse 6:13

Yõkoá kẽ'ra ɨ'mɨáropɨ niî'kãrã nukûkãpɨ bɨrɨ̂ dihawã. Naâ yukɨ dɨká wi'masé weeró noho wa'âwã. Yukɨ dɨká marikã wĩ'ró pũûro wẽekã́, bɨrɨ̂ diha'. Tohô weeró noho wa'âwã.

Apocalipse 8:10

Be'ró, pɨárã be'rokɨ̃hɨ putiwĩ́. Kɨ̃ɨ̂ putíka be'ro yõkoáwɨ̃ pahigɨ́ ɨ'mɨárokɨ̃hɨ bɨrɨ̂ dihawĩ. Bɨrɨ̂ dihagɨ, sĩ'óo'ri tuturoho weeró noho ɨ̃hɨ̂ dihawĩ. Kɨ̃ɨ̂ diâpɨre, õ'ô maha maariakãpɨre dekô boo kure doké bi'pe ke'awĩ.

Apocalipse 8:12

I'tiárã be'rokɨ̃hɨ putiwĩ́ taha. Kɨ̃ɨ̂ putikã́, muhîpũ ɨmɨ̂kohokɨ̃hɨ dekô boo kure paâ no'owĩ. Tohô wa'akã́ ɨmɨ̂koho dekô boo kure na'î tĩ'a wa'âwɨ. Muhîpũ yamîkɨ̃hɨ, yõkoá kẽ'rare tohôta paâ no'owã. Tohô weérã yamîpɨre dekô boo kure bo'rê yuutiwã.

Apocalipse 8:2

Be'ró sete Õ'âkɨ̃hɨre werê ko'terã kɨ̃ɨ̂ pɨ'to nu'kurã́re ĩ'yâwɨ. Naâre naâ nɨkɨ putisé coronetare o'ôwĩ.

Apocalipse 9:2

Be'ró kɨ̃ɨ̂ tii peére pãâowĩ. Pãâoka be'ro o'mé paka wihawɨ́. Tii peékãhase o'mé muhîpũre tuú bi'akã'wɨ. Na'î tĩ'a wa'âwɨ.