Apocalipse 8:5 - Tukano

⁵ Be'ró Õ'âkɨ̃hɨre werê ko'tegɨ ɨ'mɨ̂tihise ɨ̃hâ moro wɨaropɨkãhase pekâ me'e ɨ̃hâ moa'kere ɨ'mɨ̂tihise ɨ̃hâ morokahapɨ õrê sãawĩ. Be'ró tigakãhásere a'ti nukúkãpɨre po'o dihówĩ. Kɨ̃ɨ̂ tohô weéka be'ro bɨpô paakã́, ɨpɨ́tɨ bɨsɨsére tɨ'owɨ́. Bɨpô ya'bakã́ ĩ'yâwɨ. Tohô niikã́ di'tâ nara sãáwɨ.

Õꞌacʉ̃ Yere Ucũrĩ Turi

⁵ Beꞌro Õꞌacʉ̃rẽ werecoꞌtegʉ ʉꞌmʉtise ʉ̃jʉ̃amorõwʉaropʉ cjase pecameꞌe ʉ̃jʉ̃amoaꞌquere ʉꞌmʉtise ʉ̃jʉ̃amorõcjapʉ ṍrẽ́sãawĩ. Beꞌro tiga cjasere aꞌti nucũcãpʉre poꞌodijowĩ. Cʉ̃ tojo wééca beꞌro bʉpo paacã, ʉpʉtʉ bʉsʉsere tʉꞌowʉ. Bʉpo yaꞌbacã ĩꞌawʉ̃. Tojo nicã diꞌta narãsãwʉ̃.

Apocalipse 8:5 Iomraidhean Croise

Mateus 24:7

Ni'kâ kurakãharã ape kurákãharã me'ra a'mê wẽherãsama. Tohô niikã́ ni'kâ di'takãharã apé di'takãharã me'ra meharóta weerã́sama. Pehé apé sia'pɨre ɨhá boasé niîrosa'. Apêropɨre pehé di'tâ nara sãáse niîrosa'.

San Lucas 12:49

Jesu a'tîro niî nemokɨ niîwĩ: —Yɨ'ɨ̂ pekâ me'e wĩhá wã'kogɨ weeró noho masá yã'âro weesére kõ'âgɨ a'tîwɨ. Tií me'e ɨ̃hɨ̂ nu'kuro weeró noho ni'kâroakãre yã'asére yɨ'rɨ wetí'kãrãpɨ niikã́ weé toha sĩ'rimisa'.

Hechos 16:26

Wãkûtiro di'tâ ɨpɨ́tɨ nara sãákaro niîwɨ. Naâ niirí wi'i kẽ'ra a'mé yã'akaro niîwɨ. Tohô weéro maatá tií wi'i bi'amí'ke soperi, niî pe'tirã bu'îri da'rerí wi'ipɨ niirã́re dɨ'te kũúmi'ke kome daári pãrîstea wa'âkaro niîwɨ.

Hechos 4:31

Naâ tohô niî sẽríka be'ro naâ niirí wi'i a'mé yã'akaro niîwɨ. Tohô wa'akã́, tií wi'ipɨ niirã́ Espírito Santore kɨó yɨ'rɨakãrã niîwã taha. Tohô weérã kɨ̃ɨ̂ wee tamúse me'ra Jesu yeé kitire uiró mariró werêkãrã niîwã.

Apocalipse 11:13

Naâ mɨhâari kura di'tâ pũûro nara sãáwɨ. Tii makápɨre pehé wi'seri bɨrɨ̂ dihawɨ. Pãharã́ sete mil masá wẽrîwã. Ãpêrã dɨ'sá'kãrã ɨpɨ́tɨ uîrã, “Õ'âkɨ̃hɨ ɨ'mɨ̂sepɨ niigɨ́ tutuâ yɨ'rɨ nɨ'kami”, niîwã.

Apocalipse 11:19

Naâ tohô niîka be'ro Õ'âkɨ̃hɨ wi'i ɨ'mɨ̂sepɨ niirí wi'i sopé pãrîwɨ. Tií wi'i po'peapɨre ni'kâ akaro niîwɨ. Tii akáro Õ'âkɨ̃hɨ “A'tîro weegɨ́ti masá me'ra” niî, kɨ̃ɨ̂ ohâka pĩhire kɨorí akaro niîwɨ. Tohô wa'âka be'ro bɨpô ya'bakã́ ĩ'yâwɨ. Bɨpô paasére, tohô niikã́ mehêkã bɨsɨsére tɨ'owɨ́. Di'tâ pũûro nara sãáwɨ. Akó yɨsɨáse bɨtisé peeri bɨrɨ̂wɨ.

Apocalipse 4:5

Õ'âkɨ̃hɨ wiôgɨ duhirí kumuropɨre bɨpô ya'baró weeró noho bahuwɨ́. Tohô niikã́ bɨpô paâro weeró noho pũûro bɨsɨ̂wɨ. Tii kumúro tiro sete sĩ'óo'se tuturi nu'kuwɨ́. Tee tutúri nɨkɨta taha Õ'âkɨ̃hɨre werê ko'terã bahutírã niîma. Naáta Espírito Santore tutuasé kɨogɨ́ niîmi, niî sĩ'rirã weemá.

Apocalipse 6:12

Be'ró Õ'âkɨ̃hɨ makɨ ovelha wi'magɨ́ weeró noho bahugɨ́ apêro pi'râ bi'a'karore pãâwĩ taha. Kɨ̃ɨ̂ pãakã́, di'tâ pũûro nara sãáwɨ. Muhîpũ ɨmɨ̂kohokɨ̃hɨ na'î tĩ'a wa'âwĩ. Wẽrî'kãrãre bɨhâ wetirã su'tí yĩisé sãyâro weeró noho wa'âwĩ. Muhîpũ yamîkɨ̃hɨ diî weeró noho pũûro sõ'âwĩ.

Apocalipse 8:3

Be'ró ãpí Õ'âkɨ̃hɨre werê ko'tegɨ a'tîwĩ. Kɨ̃ɨ̂ ɨ'mɨ̂tihise ɨ̃hâ morokaha ouro me'ra weékagare kɨowĩ́. Kɨ̃ɨ̂ Õ'âkɨ̃hɨre wa'îkɨ̃rã ɨ̃hâ moro peo wɨaro pɨ'topɨ ehâ nɨ'kawĩ. Pehé ɨ'mɨ̂tihise kɨ̃ɨ̂re ɨ̃hâ moro peoatehere o'ôwã. Niî pe'tirã Õ'âkɨ̃hɨ yarã kɨ̃ɨ̂re sẽrí'ke me'ra moré su'u ɨ̃hâ moro peoatehere o'ôwã. Kɨ̃ɨ̂ ouro me'ra weé'karo ɨ'mɨ̂tihise ɨ̃hâ moro wɨaropɨ wiôgɨ duhirí kumuro diakɨ̃hɨ teeré ɨ̃hâ morowĩ.