Apocalipse 8:12 - Tukano

¹² I'tiárã be'rokɨ̃hɨ putiwĩ́ taha. Kɨ̃ɨ̂ putikã́, muhîpũ ɨmɨ̂kohokɨ̃hɨ dekô boo kure paâ no'owĩ. Tohô wa'akã́ ɨmɨ̂koho dekô boo kure na'î tĩ'a wa'âwɨ. Muhîpũ yamîkɨ̃hɨ, yõkoá kẽ'rare tohôta paâ no'owã. Tohô weérã yamîpɨre dekô boo kure bo'rê yuutiwã.

Õꞌacʉ̃ Yere Ucũrĩ Turi

¹² Iꞌtiarã beꞌrocjʉ̃ putiwĩ tja. Cʉ̃ puticã, mujĩpũ ʉmʉcocjʉ̃ decobocure dojowĩ. Ʉmʉcore decobocure boꞌreyutiwĩ. Ñamicjʉ̃ tojota waꞌawĩ. Ñocõa quẽꞌrã pãjãrã decobocure dojowã. Na decobocure ñamipʉre ne boꞌreyutiwã.

Apocalipse 8:12 Iomraidhean Croise

Mateus 24:29

Jesu a'tîro niî nemowĩ: —Teé pi'etíse nɨmɨri yɨ'rɨ́ka be'ro muhîpũ ɨmɨ̂kohokɨ̃hɨ na'î tĩ'a wa'âgɨsami. Yamîkɨ̃hɨ kẽ'ra bo'rê yuusome. Yõkoá bɨrɨ̂ diharãsama. Niî pe'tirã ɨ'mɨáropɨ niirã́ nara sãákã weé no'orãsama.

Mateus 27:45

Jesu kurúsapɨ wẽrirí kura daharí tero niikã́ niî pe'tiropɨ na'î tĩ'a wa'âwɨ. Teê yamîka' três niikã́pɨ na'î tĩ'a tɨowɨ.

Marcos 13:24

Jesu a'tîro niî werê nemokɨ niîwĩ: —Teé pi'etíse nɨmɨri yɨ'rɨ́ka be'ro muhîpũ ɨmɨ̂kohokɨ̃hɨ na'î tĩ'a wa'âgɨsami. Yamîkɨ̃hɨ kẽ'ra bo'rê yuusome.

Marcos 15:33

Jesu kurúsapɨ wẽrirí kura daharí tero niikã́ niî pe'tiro tií di'tapɨ na'î tĩ'a wa'âkaro niîwɨ. Teê yamîka' três niikã́pɨ na'î tĩ'a tɨokaro niîwɨ.

San Lucas 21:25

Jesu kɨ̃ɨ̂ bu'erã́re a'tîro niî nemokɨ niîwĩ: —A'ti ɨmɨ́koho pe'tiátoho dɨporo muhîpũ ɨmɨ̂kohokɨ̃hɨre, yamîkɨ̃hɨre, yõkoáre pehé mehêkã bahusé wa'ârosa'. A'tí di'tapɨre niî pe'tise di'takãharã diâ pahirí maa bɨsɨsé, pã'kôrire tɨ'órã, yẽ'e nohó niîsari? niîrã, ɨkɨárãsama.

Hechos 2:20

Ɨmɨ̂koho kẽ'ra na'î tĩ'a wa'ârosa'. Tohô wa'akã́, muhîpũ ɨmɨ̂kohokɨ̃hɨ bahutígɨsami. Muhîpũ yamîkɨ̃hɨ kẽ'ra diî weeró noho sõ'agɨ́ wa'âgɨsami. Masaré yɨ'rɨó'kɨ kɨ̃ɨ̂ opâturi a'tiátoho dɨporo tohô wa'ârosa'. Kɨ̃ɨ̂ a'tîgɨ, wio pesáse me'ra asisté dihatigɨsami. Mehô niirí nɨmɨ meheta niîrosa'.

2 Corintios 4:4

Naâ ẽho peótise bu'iri a'ti ɨmɨ́kohokãharã wiôgɨ wãtî naâre tɨ'o masítirã, kapêri ĩ'yâtirã weeró noho tohakã́ weesamí. Kɨ̃ɨ̂, Cristo niî pe'tirã bu'ipɨ ãyú butia'gɨ niîmi niisére ẽho peó dutitigɨ tohô weesamí. Jesu Cristo masɨ́ weeró noho ɨpɨtígɨ niîkɨ niîwĩ. Kɨ̃ɨ̂ Õ'âkɨ̃hɨ warota niîmi. Tohô weégɨ masaré Õ'âkɨ̃hɨre masikã́ weékɨ niîwĩ.

Apocalipse 12:4

Kɨ̃ɨ̂ pĩkôro me'ra dekô boo kure ɨ'mɨ̂sepɨ niirã́ yõkoáre paâste dihowĩ. Kɨ̃ɨ̂ numiô põ'ratíkã, maatá ba'âgɨti niîgɨ, koô tiro nu'kuwĩ́.

Apocalipse 16:10

Be'ró, ba'pâritirã be'rokɨ̃hɨ a'tîro weewĩ́. Kɨ̃ɨ yaá paakãhasere yaî weeró noho bahugɨ́ duhirí kumuropɨre piô dihowĩ. Niî pe'tiro kɨ̃ɨ̂ dutisé niirópɨ na'î tĩ'a wa'âwɨ. Masá pũûro pũrisé tɨ'ó yã'arã, ɨpɨ́tɨ biritú, kũ'rî diowã.

Apocalipse 6:12

Be'ró Õ'âkɨ̃hɨ makɨ ovelha wi'magɨ́ weeró noho bahugɨ́ apêro pi'râ bi'a'karore pãâwĩ taha. Kɨ̃ɨ̂ pãakã́, di'tâ pũûro nara sãáwɨ. Muhîpũ ɨmɨ̂kohokɨ̃hɨ na'î tĩ'a wa'âwĩ. Wẽrî'kãrãre bɨhâ wetirã su'tí yĩisé sãyâro weeró noho wa'âwĩ. Muhîpũ yamîkɨ̃hɨ diî weeró noho pũûro sõ'âwĩ.

Apocalipse 9:15

Kɨ̃ɨ̂ tohô niîka be'ro ã'rá pãâ no'owã. Naâ ba'pâritirã Õ'âkɨ̃hɨre werê ko'terã niî pe'tirã a'ti nukúkãkãharãre dekô boo kurepɨ wẽhérã wa'âwã. Naâreta Õ'âkɨ̃hɨ a'tîro weékɨ niîwĩ. “Tií hora, tii nɨmɨ́, tii muhípũ, tií kɨ'ma niikã́, mɨsâ bu'îri da'rêrãsa'”, niî bese kũúkɨ niîwĩ. Keoró kɨ̃ɨ̂ niî'karo noho wa'âwɨ.

Apocalipse 9:18

Teé i'tiá pekâ me'e, o'mé, enxofre me'ra masaré dekô boo kure wẽhewã́.