Apocalipse 8:10 - Tukano

¹⁰ Be'ró, pɨárã be'rokɨ̃hɨ putiwĩ́. Kɨ̃ɨ̂ putíka be'ro yõkoáwɨ̃ pahigɨ́ ɨ'mɨárokɨ̃hɨ bɨrɨ̂ dihawĩ. Bɨrɨ̂ dihagɨ, sĩ'óo'ri tuturoho weeró noho ɨ̃hɨ̂ dihawĩ. Kɨ̃ɨ̂ diâpɨre, õ'ô maha maariakãpɨre dekô boo kure doké bi'pe ke'awĩ.

Õꞌacʉ̃ Yere Ucũrĩ Turi

¹⁰ Beꞌro, pʉarã beꞌrocjʉ̃ putiwĩ. Cʉ̃ putíca beꞌro ñocõawʉ̃ pajigʉ ʉꞌmʉarõcjʉ̃ bʉrʉdijawĩ. Bʉrʉdijagʉ, sĩꞌorĩ tuturojo weronojõ ʉ̃jʉ̃dijawĩ. Cʉ̃ diapʉre, oꞌmajã maarĩacãpʉre decobocure doquebiꞌpequeꞌawĩ.

Apocalipse 8:10 Iomraidhean Croise

Mateus 25:1

Jesu kɨ̃ɨ̂ wiôgɨ niirópɨ noa nohó sãháarosari? niîgɨ, a'tîro niî werêwĩ: —Yɨ'ɨ̂ wiôgɨ niirópɨre sãhaátehe a'tîro weeró noho niî'. Pɨámukãrã nu'mia naâ me'rakõho marapɨ́ niiákɨhɨ a'tikã́ ko'têsama. Naâ nɨkɨ ɨ'sê me'ra sĩ'óo'separe kɨosamá.

San Lucas 10:18

Jesu naâre niîkɨ niîwĩ: —Mɨsâ niîro nohota niî'. Wãtîre ɨ'mɨ̂sepɨ niî'kɨ bɨpô ya'baró weeró noho diháakã ĩ'yâwɨ.

Judas 1:13

Pã'kôri maa pahirí maakãhase yã'asé sa'pôri sumútohopɨ paâ kehe õ'o'ke weeró noho niîma. Naâ uúkũ me'rimirã, yã'asé bopôyase di'akɨ̃re weé nu'kusama. Yõkoá bɨrɨ̂ bahu dutí diharã weeró noho niîma. Diakɨ̃hɨ́kãha ma'akãhasere du'úrã, na'î tĩ'aropɨ bu'îri da'rê bahurió no'orãsama.

Apocalipse 1:20

Apêyere masá too dɨpóropɨ masî no'oya marí'kere werêgɨti. Ã'rá sete yõkoá a'tîro niî sĩ'rirã weemá. Naâ yɨ'ɨ̂re ẽho peóse kurarikãharã wiôrã sɨ'orí niirã́ niîma. Sete sĩ'óo'se ouro me'ra weé'kepagɨ kẽ'ra a'tîro niî sĩ'riro weé'. Teé tiikésepagɨ yɨ'ɨ̂re ẽho peóse kurarikãharã niîma, niî sĩ'riro weé', niîwĩ.

Apocalipse 12:4

Kɨ̃ɨ̂ pĩkôro me'ra dekô boo kure ɨ'mɨ̂sepɨ niirã́ yõkoáre paâste dihowĩ. Kɨ̃ɨ̂ numiô põ'ratíkã, maatá ba'âgɨti niîgɨ, koô tiro nu'kuwĩ́.

Apocalipse 14:7

Kɨ̃ɨ̂ tutuaró me'ra a'tîro niîwĩ: —Õ'âkɨ̃hɨre wio pesáse me'ra ẽho peóya. “Kɨ̃ɨ̂ ãyú butia'gɨ niîmi”, niîya. Kɨ̃ɨ̂ bu'îri da'rerí kura ehâ toha'. Kɨ̃ɨ̂ ɨ'mɨ̂sere, a'tí di'tare weékɨ niîwĩ. Diâ pahirí maa, niî pe'tise no'ó akó niisé maariakãre weékɨ niîwĩ. Kɨ̃ɨ̂re ẽho peóya, niîwĩ.

Apocalipse 16:4

Pɨárã be'rokɨ̃hɨ kɨ̃ɨ yaá paakãhasere niî pe'tise no'ó akó niisé maariakãpɨre piô yõowĩ. Tohô weekã́, teé kẽ'ra diî maari wa'âwɨ.

Apocalipse 6:13

Yõkoá kẽ'ra ɨ'mɨáropɨ niî'kãrã nukûkãpɨ bɨrɨ̂ dihawã. Naâ yukɨ dɨká wi'masé weeró noho wa'âwã. Yukɨ dɨká marikã wĩ'ró pũûro wẽekã́, bɨrɨ̂ diha'. Tohô weeró noho wa'âwã.

Apocalipse 8:7

Niî mɨ'tagɨ putiwĩ́. Kɨ̃ɨ̂ putíka be'ro yɨsɨáse peeri a'ti nukúkãpɨre bɨrɨ̂ dihawɨ. Tohô niikã́ pekâ me'e diî me'ra moré'ke bɨrɨ̂ dihawɨ. Tohô wa'akã́, di'tâ kã'ró dekô boo kure ɨ̃hɨ̂wɨ. Yukɨpagɨ́ kẽ'ra meharóta dekô boo kurepɨta ɨ̃hɨ̂wɨ. Niî pe'tise taâ ɨ̃hɨ̂ pe'tia wa'âwɨ.

Apocalipse 9:1

Ba'pâritirã be'rokɨ̃hɨ putiwĩ́. Kɨ̃ɨ̂ putikã́, ni'kɨ́ yõkoáwɨ̃ nukûkãpɨ bɨrɨ̂ diha'kɨre ĩ'yâwɨ. Kɨ̃ɨ̂re ni'kâ sáwi o'ôwã. Kopê niî bahu dutí dihari peekãha sáwi niîwɨ.

Apocalipse 9:15

Kɨ̃ɨ̂ tohô niîka be'ro ã'rá pãâ no'owã. Naâ ba'pâritirã Õ'âkɨ̃hɨre werê ko'terã niî pe'tirã a'ti nukúkãkãharãre dekô boo kurepɨ wẽhérã wa'âwã. Naâreta Õ'âkɨ̃hɨ a'tîro weékɨ niîwĩ. “Tií hora, tii nɨmɨ́, tii muhípũ, tií kɨ'ma niikã́, mɨsâ bu'îri da'rêrãsa'”, niî bese kũúkɨ niîwĩ. Keoró kɨ̃ɨ̂ niî'karo noho wa'âwɨ.

Apocalipse 9:18

Teé i'tiá pekâ me'e, o'mé, enxofre me'ra masaré dekô boo kure wẽhewã́.