Apocalipse 7:3 - Tukano

³ —Di'tâ, diâ pahirí maare, yukɨpagɨ́re dohórẽ'tikã'ya yuhûpɨ. Marî wiôgɨre da'rá ko'terãre naâ diâpoapɨ kɨ̃ɨ̂ wameré yãa kũúka be'ropɨ dohórẽ'ya, niîwĩ.

Õꞌacʉ̃ Yere Ucũrĩ Turi

³ —Diꞌta, maarẽ, yucʉpagʉre dojorẽticãꞌña yujupʉ. Marĩ wiogʉre daꞌracoꞌterãrẽ na diapoapʉ cʉ̃ wãmerẽ ñaacũuca beꞌropʉ dojorẽña, niwĩ.

Apocalipse 7:3 Iomraidhean Croise

Mateus 24:22

Õ'âkɨ̃hɨ naâ pi'etíse nɨmɨrire dɨôtikã maa, neê ni'kɨ́ yɨ'rɨ wetíti butia' boosami. Õ'âkɨ̃hɨ pe'e kɨ̃ɨ yarã́, kɨ̃ɨ̂ besé'kãrãre pahá yã'agɨ, tohô wa'asé nɨmɨrire dɨôgɨsami.

Mateus 24:31

Yɨ'ɨ̂re werê ko'terã ɨ'mɨ̂sekãharãre niî pe'tiro a'tí di'tapɨ o'ôo'gɨti. Yaró coroneta ɨpɨ́tɨ bɨsɨkã́, yɨ'ɨ̂ besé'kãrã niî pe'tiro no'ó niirókãharãre neêorãsama.

San Juan 12:26

Yɨ'ɨ̂ dutisére weé sĩ'rigɨ, yɨ'ɨ̂re siru tuuáto. Kɨ̃ɨ̂ yɨ'ɨ̂ niiátohopɨre yɨ'ɨ̂ me'ra niîgɨsami. Yɨ'ɨ̂ dutisére wee sirú tuugɨ nohore yɨ'ɨ̂ pakɨ ãyuró weegɨ́sami, niîwĩ Jesu.

San Juan 3:33

Tohô niîmikã, ni'karérã kɨ̃ɨ̂re ẽho peóma. Naâ kɨ̃ɨ̂re ẽho peórã, “Õ'âkɨ̃hɨ diakɨ̃hɨ́ta uúkũmi”, niî ĩ'yomá.

Romanos 6:22

Ni'kâroakãre marî yã'âro weesére yɨ'rɨ wetí'kãrãpɨ niî'. Yã'âro weesé doka nií wee' maha. Õ'âkɨ̃hɨ dutisére da'rá wã'ya ko'terã niî'. Tee pũríkã ãyuró yapatísa'. Marî, marî wiôgɨ Õ'âkɨ̃hɨ me'ra niî'. Siâpe me'ra kɨ̃ɨ̂ ɨaró noho weérã, ãyusé, kɨ̃ɨ̂ tiropɨ katî nu'kusere bokarã́sa'.

Apocalipse 13:16

Apêye maa niî pe'tirãre a'tîro wee dutíwĩ. Naâ diâpoapɨre ou naa yaá diakɨ̃hɨ́kãha amukãpɨre apêye noho ohâ õ'o dutiwĩ. Mehô niirã́re, wiôrãre, pehé kɨorã́re, pahasé kɨorãre, ãpêrãre da'rá ko'terãre, da'rá ko'tetirãre tohô wee dutíwĩ.

Apocalipse 13:17

Tohô ohâ õ'o no'oya marirã́ neê duu dutíti, neê duâ dutiti no'owã. Tohô niikã́ kɨ̃ɨ̂ wameré ohâ õ'o no'oya marirã́ ou kɨ̃ɨ̂ wamé weeró noho bahusére moorã́ kẽ'ra meharóta neê duu dutíti, neê duâ dutiti no'owã.

Apocalipse 14:1

Be'ró yɨ'ɨ̂ Õ'âkɨ̃hɨ makɨ ovelha wi'magɨ́ weeró noho bahugɨ́re ɨ̃rɨgɨ́ Sião wamêtikɨhɨpɨ nu'kukã́ ĩ'yâwɨ. Kɨ̃ɨ̂ me'ra pãharã́ cento quarenta e quatro mil masa niîwã. Naâ Õ'âkɨ̃hɨ makɨ ovelha wi'magɨ́ weeró noho bahugɨ́ wamere, kɨ̃ɨ̂ pakɨ wamére naâ diâpoapɨ ohâ õ'o no'o'kãrã niîwã.

Apocalipse 14:9

Pɨárã Õ'âkɨ̃hɨre werê ko'terã be'ro ãpí bahuáwĩ. Tutuaró me'ra a'tîro niîwĩ: —Yaî weeró noho bahugɨ́re, kɨ̃ɨ̂ yeê'kere ẽho peógɨ nohore Õ'âkɨ̃hɨ ɨpɨ́tɨ bu'îri da'rêgɨsami. Tohô niikã́ kɨ̃ɨ yaá diâpoapɨ ou kɨ̃ɨ yaá amûkãpɨ yaî weeró noho bahugɨ́ wameré ohâ õ'o no'o'kɨ nohore meharóta bu'îri da'rêgɨsami. Õ'âkɨ̃hɨ kɨ̃ɨ̂ me'ra pũûro uâgɨ, tohô weegɨ́sami. Tutuaró me'ra dɨoró mariró bu'îri da'rêgɨsami. Pekâ me'epɨ opê weeró noho bahusé sipisé me'ra ɨpɨ́tɨ pi'etíkã weegɨ́sami. Õ'âkɨ̃hɨre werê ko'terã ĩ'yóropɨ, tohô niikã́ Õ'âkɨ̃hɨ makɨ ovelha wi'magɨ́ weeró noho bahugɨ́ ĩ'yóropɨ tohô weegɨ́sami.

Apocalipse 19:2

A'tîro niî'. Kɨ̃ɨ̂ niî sooro mariró keoró bu'îri da'rêmi. Tii makáre bu'îri da'rêmi. Tii maká ni'kó numiô ɨmɨaré a'me tãrá wapá ta'ago weeró noho niîwɨ. Tii makákãharã yã'âro weerã́ niî pe'tirãre a'ti nukúkãkãharãre dohórẽ'wã. Õ'âkɨ̃hɨ kɨ̃ɨ̂re da'rá ko'terãre wẽhé'ke wapa tii makákãharãre bu'îri da'rê a'mewĩ, niî basâ peowã.

Apocalipse 20:4

Be'ró, pehé wiôrã duhisé kumurire ĩ'yâwɨ. Tee kumúripɨ duhirã́ a'ti nukúkãkãharãre bese masísere o'ô no'o'kãrã niîwã. Ãpêrã kẽ'rare ĩ'yâwɨ. Naâ Õ'âkɨ̃hɨ yee kiti, tohô niikã́ Jesu yeére weresé bu'iri naâ dɨpopáre dɨtê sure no'o'kãrã niîwã. Naâ yaî weeró noho bahugɨ́ yeê'kere neê ẽho peótikãrã niîwã. Tohô niikã́ naâ diâpoapɨ, naâ amûkãripɨ kɨ̃ɨ̂ wameré neê ohâ õ'o no'otikãrã niîwã. Naâ wẽrî'kãrãpɨ niîmirã, masawã́. Naâ masáka be'ro Cristo me'ra mil kɨ'mari masaré dutî tamuwã.

Apocalipse 22:4

Bahû yoaropɨ kɨ̃ɨ̂re ĩ'yârãsama. Naâ diâpoapɨ kɨ̃ɨ̂ wameré kɨorã́sama.

Apocalipse 6:6

Katisé kɨorã́ weeró noho bahurã́ wa'teropɨre ni'kɨ́ uúkũkã tɨ'owɨ́. A'tîro niîwĩ: —Ba'asé a'tîro wapatírosa'. Ni'kâ quilo trigo peeri ni'kâ nɨmɨ da'ra wapá ta'ase weeró noho wapatírosa'. I'tiá quilo cevada peeri ni'kâ nɨmɨ da'ra wapá ta'ase weeró noho wapatírosa'. Ɨ'sê piritári ba'ase, tohô niikã́ ɨ'sê dɨka koo vinho pe'tikã́ weetíkã'ato, niîwĩ.

Apocalipse 7:1

Õ'âkɨ̃hɨ makɨ ovelha wi'magɨ́ weeró noho bahugɨ́ teé pi'râ bi'a'kere pãakã́ ĩ'yâka be'ro apêye ĩ'yâwɨ. Ba'pâritirã Õ'âkɨ̃hɨre werê ko'terã a'ti nukúkãpɨre ba'pâritise sumútohoripɨ nu'kukã́ ĩ'yâwɨ. Naâ nɨkɨ wĩ'ró naâ tiro ehasére ka'mú ta'awã. Tohô weéro wĩ'ró di'tâpɨre, diâ pahirí maapɨre, yukɨpagɨ́ bu'ipɨre wẽéotiwɨ.

Apocalipse 7:2

Ãpí Õ'âkɨ̃hɨre werê ko'tegɨ kẽ'rare ĩ'yâwɨ. Kɨ̃ɨ̂ muhîpũ mɨhátiro pe'e a'tîwĩ. Kɨ̃ɨ̂ Õ'âkɨ̃hɨ katî nu'kugɨ wamé yãa kũúrore kɨowĩ́. Ã'rá ba'pâritirã di'târe, diâ pahirí maare dohórẽ' duti no'okãrã niîwã. Kɨ̃ɨ̂ naâre karíkũwĩ:

Apocalipse 9:4

Naâre taâre, otesére, yukɨpagɨ́re dohórẽ' dutigɨ meheta weewĩ́. Masá naâ diâpoapɨ Õ'âkɨ̃hɨ wamé yãa kũú no'oya marirã́ di'akɨ̃re toâ dutiwĩ.