Apocalipse 7:10 - Tukano

¹⁰ Naâ karíkũwã: Õ'âkɨ̃hɨ marî wiôgɨ marîre yɨ'rɨógɨ niîmi. Kɨ̃ɨ̂ wiôgɨ duhirí kumuropɨ duhîmi. Õ'âkɨ̃hɨ makɨ ovelha wi'magɨ́ weeró noho bahugɨ́ kẽ'ra marîre yɨ'rɨógɨ niîmi, niî karíkũwã.

Õꞌacʉ̃ Yere Ucũrĩ Turi

¹⁰ Na caricũwã: Õꞌacʉ̃ marĩ wiogʉ marĩrẽ yʉꞌrʉogʉ nimi. Cʉ̃ wiogʉ dujiri cũmurõpʉ dujimi. Õꞌacʉ̃ macʉ̃ oveja wĩꞌmagʉ̃ weronojõ bajugʉ quẽꞌrã marĩrẽ yʉꞌrʉogʉ nimi, ni caricũwã.

Apocalipse 7:10 Iomraidhean Croise

San Lucas 3:6

Mɨsâ tohô weekã́, Õ'âkɨ̃hɨ masaré yɨ'rɨósere niî pe'tirã ĩ'yârãsama, niî ohâkɨ niîwĩ Isaía.

San Juan 1:29

Tohô wa'âka be'ro ape nɨmɨ́ pe'e João Jesu a'tikã́ ĩ'yâwĩ. Kɨ̃ɨ̂re ĩ'yâgɨ, a'tîro niîwĩ: —Ĩ'yâya, ã'rí niîmi Õ'âkɨ̃hɨ o'ôo'gɨ. Kɨ̃ɨ̂ ovelha wi'magɨ́ naâ wẽhé ɨ̃hâ moro peogɨ weeró noho niîmi. Kɨ̃ɨ̂ wẽrisé me'ra a'ti ɨmɨ́kohokãharã yã'âro weé'kere akobohógɨsami.

San Juan 1:36

Tiîtare Jesu ɨ̃sâ pɨ'to yɨ'rɨákã ĩ'yâgɨ, João a'tîro niîwĩ: —Ĩ'yâya, ã'rí niîmi Õ'âkɨ̃hɨ o'ôo'gɨ. Ovelha wi'magɨ́ weeró noho niîmi.

San Juan 4:22

Mɨsâ Samariakãharã mɨsâ ẽho peósere ãyuró tɨ'o masítisa'. Ɨ̃sâ pũrikã ɨ̃sâ ẽho peósere masî'. A'tîro niî'. Masaré yɨ'rɨoákɨhɨ Judeu masɨ niîgɨsami.

Efesios 2:8

A'tîro niî'. Marî Jesu Cristore ẽho peórã Õ'âkɨ̃hɨ ãyuró weesé me'ra yɨ'rɨwɨ́. Teé marî basi weé'ke meheta niî'. Õ'âkɨ̃hɨ pe'e marîre yɨ'rɨówĩ.

Apocalipse 12:10

Tohô wa'âka be'ro ni'kɨ́ ɨ'mɨ̂sepɨ niigɨ́ tutuaró me'ra uúkũ dihokã tɨ'owɨ́. A'tîro niîwĩ: Marîre yɨ'rɨóse niî toha'. Õ'âkɨ̃hɨ tutuasére, kɨ̃ɨ̂ marî wiôgɨ niisé niî toha'. Kɨ̃ɨ̂ besé'kɨ Jesu Cristo tutuasé me'ra kɨ̃ɨ̂ wiôgɨ niisé kẽ'ra niî toha'. Õ'âkɨ̃hɨ wãtîre ɨ'mɨ̂sepɨ niî'kɨre a'ti nukúkãpɨ kõ'â dihowĩ. Wãtî ɨmɨ̂kohori nɨkɨ, yamîri nɨkɨ a'tîro weewĩ́. Õ'âkɨ̃hɨpɨre werê sãagɨ, marî akawerérã Õ'âkɨ̃hɨ yarãre “Yã'âro tohô weemá”, niî nu'kuwĩ.

Apocalipse 19:1

Babilôniare bu'îri da'rekã́ ĩ'yâka be'ro a'tîro wa'âwɨ. Yɨ'ɨ̂ João pãharã́ masá ɨ'mɨ̂sepɨ niirã́ tutuaró me'ra uúkũsere tɨ'owɨ́. A'tîro e'katí peowã: Õ'âkɨ̃hɨre e'katí peorã. Aleluia. Õ'âkɨ̃hɨ marî wiôgɨ, marîre yɨ'rɨógɨ niîmi. Niî pe'tirã bu'ipɨ niîmi. Tutuâ yɨ'rɨgɨ niîmi.

Apocalipse 21:5

Õ'âkɨ̃hɨ wiôgɨ duhirí kumuropɨ duhigɨ́ a'tîro niîwĩ: —Tɨ'oyá. Yɨ'ɨ̂ niî pe'tise apêyere ma'má di'akɨ̃ dɨka yuú', niîwĩ. Apêye niî nemowĩ: —Yɨ'ɨ̂ uúkũsere ohâya. Teé diakɨ̃hɨ́ niisé niî'. Yɨ'ɨ̂ niî'karo nohota wa'ârosa', niîwĩ.

Apocalipse 22:3

Toopɨ́re “Masá yã'âro weé'ke wapa naâre yã'âro wa'ârosa'”, niîya marirósa'. Tii makápɨre Õ'âkɨ̃hɨ, tohô niikã́ kɨ̃ɨ̂ makɨ́ ovelha wi'magɨ́ weeró noho bahugɨ́ duhirí kumuro niîrosa'. Kɨ̃ɨ yarã́ kɨ̃ɨ̂re ẽho peórãsama.

Apocalipse 4:6

Apêye kẽ'ra tii kumúro tiro diâ pahirí maa weeró noho bahuró akostíro niîwɨ. Tii kumúro sumútohopɨ ãpêrã ba'pâritirã katirã́ weeró noho bahurã́ nu'kuwã́. Niî pe'tiro naâ diâpoapɨ, naâ sẽ'êmapɨre kapêri kɨó bi'awã.

Apocalipse 5:7

Õ'âkɨ̃hɨ makɨ ovelha wi'magɨ́ weeró noho bahugɨ́ wiôgɨ duhirí kumuro pɨ'topɨ wa'âwĩ. Toopɨ́ wiôgɨ diakɨ̃hɨ́kãha amukãpɨ kɨóka tũrure miîwĩ.