Apocalipse 6:1 - Tukano

¹ Be'ró Õ'âkɨ̃hɨ makɨ ovelha wi'magɨ́ weeró noho bahugɨ́ tii tũrú pi'râ bi'a'kere pãakã́ ĩ'yâwɨ. Kɨ̃ɨ̂ pi'râ bi'a mɨ'ta'karo pãâka be'ro ni'kɨ́ sõ'ó niîkãrã ba'pâritirã katisé kɨorã́ niî mɨ'tagɨ yaî pahigɨ́ sõ'agɨ́ weeró noho bahugɨ́ uúkũsere tɨ'owɨ́. Kɨ̃ɨ̂ uúkũse bɨpô paasé weeró noho bɨsɨ̂wɨ. A'tîro niîwĩ: —A'tiá.

Õꞌacʉ̃ Yere Ucũrĩ Turi

¹ Beꞌro Õꞌacʉ̃ macʉ̃ oveja wĩꞌmagʉ̃ weronojõ bajugʉ ti tũrũ piꞌrabiꞌaꞌquere pãacã ĩꞌawʉ̃. Cʉ̃ piꞌrabiꞌamʉꞌtãꞌcaro pã́áca beꞌro niꞌcʉ̃ sõꞌonícãrã baꞌparitirã catise cʉorã nimʉꞌtãgʉ̃ yai pajigʉ sõꞌagʉ̃ weronojõ bajugʉ ucũsere tʉꞌowʉ. Cʉ̃ ucũse bʉpo paase weronojõ bʉsʉwʉ. Aꞌtiro niwĩ: —Aꞌtia.

Apocalipse 6:1 Iomraidhean Croise

San Juan 1:29

Tohô wa'âka be'ro ape nɨmɨ́ pe'e João Jesu a'tikã́ ĩ'yâwĩ. Kɨ̃ɨ̂re ĩ'yâgɨ, a'tîro niîwĩ: —Ĩ'yâya, ã'rí niîmi Õ'âkɨ̃hɨ o'ôo'gɨ. Kɨ̃ɨ̂ ovelha wi'magɨ́ naâ wẽhé ɨ̃hâ moro peogɨ weeró noho niîmi. Kɨ̃ɨ̂ wẽrisé me'ra a'ti ɨmɨ́kohokãharã yã'âro weé'kere akobohógɨsami.

Apocalipse 11:19

Naâ tohô niîka be'ro Õ'âkɨ̃hɨ wi'i ɨ'mɨ̂sepɨ niirí wi'i sopé pãrîwɨ. Tií wi'i po'peapɨre ni'kâ akaro niîwɨ. Tii akáro Õ'âkɨ̃hɨ “A'tîro weegɨ́ti masá me'ra” niî, kɨ̃ɨ̂ ohâka pĩhire kɨorí akaro niîwɨ. Tohô wa'âka be'ro bɨpô ya'bakã́ ĩ'yâwɨ. Bɨpô paasére, tohô niikã́ mehêkã bɨsɨsére tɨ'owɨ́. Di'tâ pũûro nara sãáwɨ. Akó yɨsɨáse bɨtisé peeri bɨrɨ̂wɨ.

Apocalipse 13:8

Niî pe'tirã a'ti nukúkãkãharã mehêkã bahugɨ́re ẽho peówã. Naâ, naâ wameré Õ'âkɨ̃hɨ makɨ ovelha wi'magɨ́ weeró noho bahugɨ́ wẽhé no'o'kɨ yaa pũripɨre ohâ õ'o no'oya maríkãrã niîwã. Tii pũrí a'tí di'ta weé nɨ'kari kura katisé kɨorã́re ohâ õ'o no'oka pũri niîkaro niîwɨ.

Apocalipse 14:2

Be'ró ɨ'mɨ̂sepɨ ɨpɨ́tɨ bɨsɨ̂ dihatikã tɨ'owɨ́. Pehe maári po'ê yaha a'mâ bɨrose weeró noho bɨsɨ̂ dihatiwɨ. Bɨpô pũûro paâro weeró noho bɨsɨ̂wɨ. Pãharã́ bɨâ pɨ̃tesere bɨâ pɨ̃tero weeró noho bɨsɨ̂wɨ.

Apocalipse 19:6

Be'ró yɨ'ɨ̂ pãharã́ masá uúkũkã tɨ'owɨ́. Pehe maári po'ê yaha a'mâ bɨrose maari weeró noho bɨsɨ̂wã. Bɨpô ɨpɨ́tɨ paâro weeró noho bɨsɨ̂wã. A'tîro niîwã: Marî Õ'âkɨ̃hɨre e'katí peorã. Aleluia. Marî wiôgɨ tutuâ yɨ'rɨ nɨ'kagɨ ni'kâroakãre niî pe'tirãre dutigɨ́ sãhá nɨ'kami.

Apocalipse 4:8

Niî pe'tirã naâ nɨkɨ seis wɨɨsé kɨowã́. Naâ wɨɨsé bu'i, naâ wɨɨsé dokapɨ kapêri weeró noho bahusé pehé kɨowã́. Naâ ɨmɨ̂kohore, yamîre a'tîro bɨsɨ̂ nu'kuwã: Õ'âkɨ̃hɨ marî wiôgɨ ãyú butia'gɨ, yã'asé moogɨ́ niîmi. Tutuâ yɨ'rɨgɨ niîmi. Kɨ̃ɨ́ta niîmi neê waropɨta niî'kɨ. A'tóka tero kẽ'rare niî nu'kukã'mi. Be'ropɨ́ kẽ'rare opâturi a'tîgɨsami, niîwã.

Apocalipse 5:1

Õ'âkɨ̃hɨ ɨ'mɨ̂se wiôgɨ duhirí kumuropɨ duhîwĩ. Kɨ̃ɨ̂ ni'kâ papéra tũrure diakɨ̃hɨ́kãha amukãpɨ kɨowĩ́. Tii tũrú pɨ̂a pe'eseri ohâka tũru niîwɨ. Setetiri pi'râ bi'aka tũru niîwɨ.

Apocalipse 5:12

Tutuaró me'ra a'tîro niîwã: Ovelha wi'magɨ́ naâ wẽhé no'o'kɨ ãyugɨ́ waro niîmi. Tohô weégɨ niî pe'tirãre dutî masimi. Niî pe'tisere kɨo masími. Niî pe'tisere masî pe'omi. Tutuagɨ́ niîmi. Niî pe'tirã “Ãyú yɨ'rɨami” niî no'ogɨ niîmi. Kɨ̃ɨ̂ Õ'âkɨ̃hɨ asistésere kɨogɨ́ niîmi. Niî pe'tirã kɨ̃ɨ̂re e'katí peoma, niî basâwã.

Apocalipse 5:8

Kɨ̃ɨ̂ tohô weekã́ ĩ'yârã, naâ ba'pâritirã katirã́ weeró noho bahurã́, tohô niikã́ vinte e quatro wiôrã bɨkɨrã́ kɨ̃ɨ̂ dɨ'pôkãpɨ ehâ ke'awã. Naâ nɨkɨ bɨâ pɨ̃tese pakare kɨowã́. Naâ nɨkɨ ouro me'ra weé'ke paari bapârire kɨowã́. Tee paári ɨ'mɨ̂tihise ɨ̃hâ morosere posetíse paari niîwɨ. Teé ɨ'mɨ̂tihise Õ'âkɨ̃hɨre ẽho peórã naâ sẽrisé niî', niî sĩ'riro weé'.

Apocalipse 6:3

Be'ró Õ'âkɨ̃hɨ makɨ ovelha wi'magɨ́ weeró noho bahugɨ́ apêro pi'râ bi'a'karore pãâwĩ taha. Kɨ̃ɨ̂ pãakã́, ãpí katisé kɨogɨ́ wekɨ̂ weeró noho bahugɨ́ niî mɨ'tagɨ be'rokɨ̃hɨ uúkũwĩ taha: —A'tiá, niîwĩ.

Apocalipse 6:5

Be'ró taha Õ'âkɨ̃hɨ makɨ ovelha wi'magɨ́ weeró noho bahugɨ́ apêro pi'râ bi'a'karore pãâwĩ. Kɨ̃ɨ̂ tohô weekã́, ãpí katisé kɨogɨ́ masɨ́ weeró noho diâpoatigɨ uúkũwĩ: —A'tiá, niîwĩ. Be'ró ãpí cavalo yĩigɨ́re ĩ'yâwɨ. Kɨ̃ɨ̂ bu'ipɨ pesagɨ́ ni'kâro nɨkɨsé keoróre kɨowĩ́.

Apocalipse 6:7

Be'ró Õ'âkɨ̃hɨ makɨ ovelha wi'magɨ́ weeró noho bahugɨ́ apêro pi'râ bi'a'karore pãâwĩ. Kɨ̃ɨ̂ pãakã́, ãpí katisé kɨogɨ́ aâ pakɨ wɨɨ́ wã'kagɨ weeró noho bahugɨ́ uúkũkã tɨ'owɨ́: —A'tiá, niîwĩ.

Apocalipse 8:1

Be'ró Õ'âkɨ̃hɨ makɨ ovelha wi'magɨ́ weeró noho bahugɨ́ naâ pi'râ bi'a tɨo'karore pãâwĩ. Kɨ̃ɨ̂ pãakã́, niî pe'tiro ɨ'mɨ̂sepɨ di'ta mariá wa'âwɨ. Ni'kâ hora deko tohô wa'âwɨ.