Apocalipse 4:8 - Tukano

⁸ Niî pe'tirã naâ nɨkɨ seis wɨɨsé kɨowã́. Naâ wɨɨsé bu'i, naâ wɨɨsé dokapɨ kapêri weeró noho bahusé pehé kɨowã́. Naâ ɨmɨ̂kohore, yamîre a'tîro bɨsɨ̂ nu'kuwã: Õ'âkɨ̃hɨ marî wiôgɨ ãyú butia'gɨ, yã'asé moogɨ́ niîmi. Tutuâ yɨ'rɨgɨ niîmi. Kɨ̃ɨ́ta niîmi neê waropɨta niî'kɨ. A'tóka tero kẽ'rare niî nu'kukã'mi. Be'ropɨ́ kẽ'rare opâturi a'tîgɨsami, niîwã.

Õꞌacʉ̃ Yere Ucũrĩ Turi

⁸ Nipeꞌtirã nánʉcʉ̃ seis wʉʉse cʉowã. Na wʉʉse buꞌi, na wʉʉse docapʉ caperi weronojõ bajuse peje cʉowã. Na ʉmʉcore, ñamirẽ aꞌtiro bʉsʉnuꞌcũwã: Õꞌacʉ̃ marĩ wiogʉ añubutiagʉ, ñaꞌase moogʉ̃ nimi. Tutuayʉꞌrʉgʉ nimi. Cʉ̃́ta nimi ne waropʉta níꞌcʉ. Aꞌtiro nicã quẽꞌrãrẽ ninuꞌcũcãꞌmi. Beꞌropʉ quẽꞌrãrẽ apaturi aꞌtigʉsami, niwã.

Apocalipse 4:8 Iomraidhean Croise

Hechos 20:31

Tohô weérã mɨsâ naâ niî soori niîrã, ãyuró ko'têya. Wãkûya. I'tiá kɨ'ma ɨmɨ̂kohori, yamîri niî pe'tirã mɨsâ nɨkɨre utisé me'ra bu'êwɨ.

2 Corintios 6:18

Yɨ'ɨ̂ mɨsâ pakɨ niîgɨti. Mɨsâ pe'e yɨ'ɨ̂ põ'ra niîrãsa'”, niîkɨ niîwĩ, niî ohâ no'okaro niîwɨ.

1 Tesalonicenses 2:9

Ɨ̃sâ toopɨ́ niîrã da'rá'kere mɨsâ wãkúsa'. Mɨsâre Õ'âkɨ̃hɨ yee kitire werêrã, pehé kari boóse o'ô sĩ'ritiwɨ. Tohô weérã ɨ̃sâre a'mâ ekatikã'ato niîrã ɨ̃sâ basi da'rawɨ́. Yamîri, ɨmɨ̂kohori yoâkãta ɨ̃sâ ba'aátehere, ɨ̃sâre dɨ'sasé nohore wapá ta'arã da'rawɨ́.

1 Timoteo 4:16

Apêye niîgɨti. Mɨ'ɨ̂ bu'esére, tohô niikã́ mɨ'ɨ̂ weesétisere ãyuró wãkûya. Niî pe'tisere keoró weé nu'kukã'ya. A'teré weégɨ, mɨ'ɨ̂ basi yɨ'rɨ wetígɨ weegɨ́sa'. Tohô niikã́ mɨ'ɨ̂ weresére tɨ'orã́ kẽ'ra yɨ'rɨ wetírãsama.

2 Timoteo 4:2

Masaré Õ'âkɨ̃hɨ yee kitire werêya. Niî pe'tisetiri masá tɨ'ó sĩ'rikã, werêya. Naâ tɨ'ó sĩ'ritikã kẽ'rare, werê nu'kukã'ya. Mɨ'ɨ̂ weresére tɨ'órã, ẽho peórãsama. Naâ keoró weetíkã, tu'tîya. “A'tîro weeró ɨá'”, niîya. Naâre bu'êgɨ, keoró pahá yã'ase me'ra werê me'rikã'ya.

Hebreos 13:8

Jesu Cristo neê dɨka yuútimi. Too dɨpóropɨre niiséti'karo nohota ni'kâroakãre, be'ropɨ́re meharóta niî nu'kugɨsami.

Apocalipse 1:4

Yɨ'ɨ̂ mɨsâ Ásiapɨ niirã́ sete Jesu Cristore ẽho peóse kurarikãharãre ohâ'. Õ'âkɨ̃hɨ mɨsâre ãyuró weeáto. Mɨsâre ãyuró tɨ'ó yã'akã weeáto. Õ'âkɨ̃hɨ neê waropɨta niî'kɨ niîmi. A'tóka tero kẽ'rare niî nu'kukã'mi. Be'ropɨ́ kẽ'rare opâturi a'tîgɨsami. Õ'âkɨ̃hɨ wiôgɨ duhirí kumuro tiro sete Õ'âkɨ̃hɨre werê ko'terã bahutírã nu'kumá. Naâ toopɨ́ nu'kurã́ Espírito Santore niî pe'tise tutuasé kɨogɨ́ niîmi, niî sĩ'rirã weemá. Naá kẽ'ra mɨsâre ãyuró weeáto.

Apocalipse 1:8

Marî wiôgɨ Õ'âkɨ̃hɨ tutuâ yɨ'rɨ nɨ'kagɨ a'tîro niîmi: “Yɨ'ɨ́ta niî mɨ'tagɨ, niî tɨogɨpɨ niî'.” Õ'âkɨ̃hɨ neê waropɨta niî'kɨ niîmi. A'tóka tero kẽ'rare niî nu'kumi. Be'ropɨ́ kẽ'rare opâturi a'tîgɨsami.

Apocalipse 11:17

A'tîro niîwã: Õ'âkɨ̃hɨ, ɨ̃sâ wiôgɨ tutuâ yɨ'rɨ nɨ'kagɨ, mɨ'ɨ̂re “Ãyú'” niî'. Mɨ'ɨ̂ neê warokɨ̃hɨ, be'rokɨ̃hɨ́, a'tóka tero kẽ'rare niî nu'kugɨ niî'. Mɨ'ɨ̂ tutuasé me'ra ni'kâroakã wiôgɨ sãhá nɨ'ka'. Niî pe'tirãre dutî nɨ'ka'. Tohô weérã mɨ'ɨ̂re “Ãyú'” niî'.

Apocalipse 14:11

Naâre ɨ̃hâ kõ'ase o'mé tohô o'mé pu'su nu'kurósa'. Neê pe'tisomé. Yaî weeró noho bahugɨ́re, kɨ̃ɨ̂ yeê'kere ẽho peórã noho ou kɨ̃ɨ̂ wameré ohâ õ'o no'orã noho pi'etí nu'kurãsama. Ɨmɨ̂koho, yamî neê soosomé, niîwĩ.

Apocalipse 14:3

Naâ cento quarenta e quatro mil masa wiôgɨ duhirí kumuro pɨ'topɨ niîwã. Naâ sõ'ó niîkãrã ba'pâritirã katisé kɨorã́ weeró noho bahurã́ ĩ'yóropɨ, tohô niikã́ wiôrã bɨkɨrã́ ĩ'yóropɨ basâwã. Apêye ma'má basasére basâ peowã. Naâ di'akɨ̃ teeré basâ masiwã. Ãpêrã naâ basasére neê basâ masitiwã. Naâ a'ti nukúkãkãharã wa'teropɨ niirã́ Õ'âkɨ̃hɨ yɨ'rɨó no'okãrã niîwã.

Apocalipse 15:3

Naâ Õ'âkɨ̃hɨre da'rá ko'tegɨ Moisé yee basasére basâ peowã. Õ'âkɨ̃hɨ makɨ ovelha wi'magɨ́ weeró noho bahugɨ́ yee basasé kẽ'rare basâ peowã. A'tîro niîwã: Õ'âkɨ̃hɨ ɨ̃sâ wiôgɨ, mɨ'ɨ̂ tutuâ yɨ'rɨgɨ niî'. Niî pe'tise mɨ'ɨ̂ weé'ke ãyú butia'se paka niî'. Teeré ĩ'yârã, ɨ̃sâ ĩ'yâ maria wa'â'. Mɨ'ɨ̂ niî pe'tise makarikãharã wiôgɨ niî'. Mɨ'ɨ̂ weesétise keoró niî'. Mɨ'ɨ̂re neê niî soose marí'.

Apocalipse 15:7

Be'ró ni'kɨ́ katisé kɨorã́ me'rakɨ̃hɨ a'tîro weewĩ́. Kɨ̃ɨ̂ Õ'âkɨ̃hɨre werê ko'terã setere naâ nɨkɨ bapâri o'ôwĩ. Teé ouro me'ra weé'ke paari niîwɨ. Tee paári Õ'âkɨ̃hɨ kɨ̃ɨ̂ bu'îri da'reátehere posetíwɨ. Õ'âkɨ̃hɨ katî nu'kugɨ a'ti nukúkãkãharãre ɨpɨ́tɨ bu'îri da'rêgɨsami.

Apocalipse 16:14

Ã'rá i'tiárã yee ɨseripɨ wihá'kãrã wãtiâ pehé weé ĩ'yosere weewã́. Naâ a'ti nukúkãkãharã wiôrã niî pe'tirãre a'mê wẽhe dutirã neêowã. Naâ a'mê wẽheatihi nɨmɨ Õ'âkɨ̃hɨ tutuâ yɨ'rɨagɨ yaa nɨmɨ waro niîrosa'.

Apocalipse 16:7

Be'ró ni'kɨ́ Õ'âkɨ̃hɨre wa'îkɨ̃rã ɨ̃hâ moro peo wɨaro tiropɨ uúkũkã tɨ'owɨ́. A'tîro niîwĩ: —Tohôta niî'. Õ'âkɨ̃hɨ ɨ̃sâ wiôgɨ, mɨ'ɨ̂ tutuâ yɨ'rɨa'. Mɨ'ɨ̂ niî sooro mariró keoró bu'îri da'rêgɨ weé', niîwĩ.

Apocalipse 19:15

Kɨ̃ɨ̂ ɨsêropɨre di'pĩhí ɨse yohári pĩhire kɨowĩ́. Tii pĩhí me'ra kɨ̃ɨ̂ a'ti nukúkãkãharãre kamî da'regɨsami. Tutuaró me'ra dutîgɨsami. Naâ ɨ'sêre tee koó miîrã tutuaró me'ra nɨté sa'bese weeró noho kɨ̃ɨ̂ a'ti nukúkãkãharã yã'âro weerã́re bu'îri da'rêgɨsami. Õ'âkɨ̃hɨ tutuâ yɨ'rɨgɨ naâ me'ra uâ yɨ'rɨami. Tohô weégɨ cavalo bu'i pesagɨ́ naâre ɨpɨ́tɨ waro bu'îri da'rêgɨsami.

Apocalipse 19:4

Vinte e quatro wiôrã bɨkɨrã, tohô niikã́ ba'pâritirã katisé kɨorã́ weeró noho bahurã́ Õ'âkɨ̃hɨ wiôgɨ duhirí kumuropɨ duhigɨ́re ẽho peórã ehâ ke'awã. A'tîro niîwã: —Tohôta wa'aáto. Õ'âkɨ̃hɨre e'katí peorã. Aleluia, niîwã.

Apocalipse 21:22

Tii makápɨre neê Õ'âkɨ̃hɨ wi'ire ĩ'yâtiwɨ. A'tîro niî'. Õ'âkɨ̃hɨ marî wiôgɨ tutuâ yɨ'rɨagɨ toopɨ́ niîmi. Tohô niikã́ Õ'âkɨ̃hɨ makɨ ovelha wi'magɨ́ weeró noho bahugɨ́ kẽ'ra toopɨ́ niîmi. Tohô weéro Õ'âkɨ̃hɨ wi'i mariwɨ́.

Apocalipse 3:7

Jesu Cristo niî nemowĩ taha: —Filadélfiakãharã, yɨ'ɨ̂re ẽho peóri kurakãharã wiôgɨ sɨ'orí niigɨ́re a'tîro ohâya: “Yɨ'ɨ̂ yã'asé moogɨ́, diakɨ̃hɨ́ niigɨ́ niî'. Yɨ'ɨ̂ dɨporókɨ̃hɨ wiôgɨ Davi yaá sáwire kɨó'. Yɨ'ɨ̂ ni'kɨtá masá Õ'âkɨ̃hɨ tiropɨ wa'akã́ wee masí'. Ãpêrã wa'âtikã kẽ'rare wee masí'. Yɨ'ɨ̂ pãâokã, neê ãpí bi'a masítimi. Bi'akã́ kẽ'rare, neê ãpí pãâo masitimi. Mɨsâre a'tîro werêgɨti.

Apocalipse 4:4

Wiôgɨ duhirí kumuro tiropɨ vinte e quatro wiôrã duhisé kumuri niîwɨ. Teé duhisé kumuripɨre tiikérãta taha wiôrã bɨkɨrã́ duhîwã. Naâ su'tí butisére sãyâwã. Naâ nɨkɨ naâ dɨpopápɨre ouro me'ra weé'ke be'torire pesâwã.

Apocalipse 4:6

Apêye kẽ'ra tii kumúro tiro diâ pahirí maa weeró noho bahuró akostíro niîwɨ. Tii kumúro sumútohopɨ ãpêrã ba'pâritirã katirã́ weeró noho bahurã́ nu'kuwã́. Niî pe'tiro naâ diâpoapɨ, naâ sẽ'êmapɨre kapêri kɨó bi'awã.

Apocalipse 4:9

Wiôgɨ duhirí kumuropɨ duhigɨ́, katî nu'kugɨre naâ ba'pâritirã kɨ̃ɨ̂ niisétisere ãyuró uúkũ, e'katí peo, “Ãyú'” niîwã.

Apocalipse 5:6

Kɨ̃ɨ̂ tohô niîka be'ro yɨ'ɨ̂ Cristo masa mɨhá'kɨre ĩ'yâwɨ. Kɨ̃ɨ̂ ovelha wi'magɨ́ wẽhé no'o'kɨ weeró noho bahuwĩ́. Kɨ̃ɨ̂ wiôgɨ duhirí kumuro pɨ'to katigɨ́ nu'kuwĩ́. Sõ'ó niîkãrã ba'pâritirã katirã́ weeró noho bahurã́, tohô niikã́ wiôrã bɨkɨrã́ wa'teropɨ nu'kuwĩ́. Kɨ̃ɨ̂ sete kapé sa'ari kɨogɨ́ niîwĩ. Tiikéseta taha kapêri kẽ'rare kɨowĩ́. Kɨ̃ɨ̂ kapé sa'ari tutuasé kɨogɨ́ niîmi, niî sĩ'riro weé'. Kɨ̃ɨ̂ kapêri pe'e a'tîro niî sĩ'riro weé'. Kɨ̃ɨ̂ Espírito Santore kɨomí. Tohô weégɨ niî pe'tisere, niî pe'tiropɨ niisére masî pe'okã'mi, niîro weé'.

Apocalipse 6:1

Be'ró Õ'âkɨ̃hɨ makɨ ovelha wi'magɨ́ weeró noho bahugɨ́ tii tũrú pi'râ bi'a'kere pãakã́ ĩ'yâwɨ. Kɨ̃ɨ̂ pi'râ bi'a mɨ'ta'karo pãâka be'ro ni'kɨ́ sõ'ó niîkãrã ba'pâritirã katisé kɨorã́ niî mɨ'tagɨ yaî pahigɨ́ sõ'agɨ́ weeró noho bahugɨ́ uúkũsere tɨ'owɨ́. Kɨ̃ɨ̂ uúkũse bɨpô paasé weeró noho bɨsɨ̂wɨ. A'tîro niîwĩ: —A'tiá.

Apocalipse 6:6

Katisé kɨorã́ weeró noho bahurã́ wa'teropɨre ni'kɨ́ uúkũkã tɨ'owɨ́. A'tîro niîwĩ: —Ba'asé a'tîro wapatírosa'. Ni'kâ quilo trigo peeri ni'kâ nɨmɨ da'ra wapá ta'ase weeró noho wapatírosa'. I'tiá quilo cevada peeri ni'kâ nɨmɨ da'ra wapá ta'ase weeró noho wapatírosa'. Ɨ'sê piritári ba'ase, tohô niikã́ ɨ'sê dɨka koo vinho pe'tikã́ weetíkã'ato, niîwĩ.

Apocalipse 7:11

Niî pe'tirã Õ'âkɨ̃hɨre werê ko'terã wiôgɨ duhirí kumuro sumútohopɨ nu'ku mahámi sɨtɨawã. Tohô niikã́ sõ'ó niîkãrã wiôrã bɨkɨrã́re, ãpêrã katisé kɨorã́ weeró noho bahurã́re mahâmi sɨtɨawã. Naâ Õ'âkɨ̃hɨre werê ko'terã wiôgɨ duhirí kumuro tiro ehâ ke'a, Õ'âkɨ̃hɨre ẽho peórã naâ diâpoarire paâ mu'ri ke'awã.

Apocalipse 7:15

Tohô weérã naâ Õ'âkɨ̃hɨ duhirí kumuro tiro niî nu'kukã'ma. Kɨ̃ɨ yaá wi'ipɨre ɨmɨ̂kohori nɨkɨ, yamîri nɨkɨ kɨ̃ɨ̂ ɨaró weemá. Wiôgɨ duhirí kumuropɨ duhigɨ́ naâ me'ra niîmi. Naâre ko'têmi.