Apocalipse 4:1 - Tukano

¹ Be'ró yɨ'ɨ̂ João ɨ'mɨ̂sepɨ ĩ'yâ morowɨ. Toopɨ́ ni'kâ sope susukã́ ĩ'yâwɨ. Too dɨpóro coroneta putipɨhɨ́ putí'karo weeró noho bɨsɨ̂'kɨta taha uúkũwĩ. A'tîro niîwĩ yɨ'ɨ̂re: —A'topɨ́ mɨhátia. Be'ró wa'aátehere mɨ'ɨ̂re ĩ'yogɨ́tigɨ weé', niîwĩ.

Õꞌacʉ̃ Yere Ucũrĩ Turi

¹ Beꞌro yʉꞌʉ Juã ʉꞌmʉsepʉ ĩꞌamorõwʉ̃. Topʉ niꞌcã sope susucã ĩꞌawʉ̃. Sõꞌonícatero coroneta putipjʉ putiꞌcaro weronojõ bʉsʉꞌcʉta tja ucũwĩ. Aꞌtiro niwĩ yʉꞌʉre: —Aꞌtopʉ mʉjãtia. Beꞌro waꞌatjere mʉꞌʉrẽ ĩꞌogʉ̃tigʉ weeꞌe, niwĩ.

Apocalipse 4:1 Iomraidhean Croise

Mateus 3:16

Kɨ̃ɨ̂re wamê yeeka be'ro kɨ̃ɨ̂ mahá nɨ'kakãta, ɨ'mɨ̂se pãrîkaro niîwɨ. Jesu Espírito Santo buhâ weeró noho bahugɨ́ kɨ̃ɨ̂pɨre diháti ehâ pehakã ĩ'yâkɨ niîwĩ.

Marcos 1:10

Kɨ̃ɨ̂ tii maápɨ niî'kɨ mahá nɨ'kari kura Jesu ɨ'mɨ̂se pãrikã́ ĩ'yâkɨ niîwĩ. Espírito Santo ni'kɨ́ buhâ weeró noho bahugɨ́ kɨ̃ɨ̂pɨre dihatákɨ niîwĩ.

San Lucas 3:21

Joãore bu'îri da'rerí wi'ipɨ sõroátoho dɨporo João pãharã́ masaré wamê yeekɨ niîwĩ. Be'ró Jesu kẽ'rare wamê yeekɨ niîwĩ. Kɨ̃ɨ̂re wamê yeegɨ Õ'âkɨ̃hɨre sẽrirí kura ɨ'mɨ̂se pãrîkaro niîwɨ.

San Juan 16:13

Espírito Santo a'tîgɨ, niî pe'tisere keoró werêgɨsami. Kɨ̃ɨ̂ diakɨ̃hɨ́ uúkũgɨ niîmi. Kɨ̃ɨ̂ se'saro uúkũsome. Õ'âkɨ̃hɨ uúkũsere, kɨ̃ɨ̂ tɨ'ó'kere werê turiagɨsami. Be'ropɨ́ wa'aátehe kẽ'rare mɨsâre werê yuugɨsami.

Hechos 10:11

Ɨ'mɨ̂se pãrikã́ ĩ'yâkɨ niîwĩ. Toopɨ́ ni'kâro su'tîro weeró noho bahurí kaseroho nukûkãpɨ dihátikaro niîwɨ. Ba'pâritise sumútohori dɨ'té'karo niîkaro niîwɨ.

Hechos 7:56

Kɨ̃ɨ̂ naâre ĩ'yâgɨ, “Ĩ'yâya. Ɨ'mɨ̂se pãrikã́ ĩ'yâ'. Jesu, Õ'âkɨ̃hɨ makɨ masɨ́ weeró noho ɨpɨtígɨ kɨ̃ɨ̂ diakɨ̃hɨ́ pe'e nu'kugɨ́re ĩ'yâ'”, niîkɨ niîwĩ Estevão.

Apocalipse 1:10

A'tîro wa'âwɨ yɨ'ɨ̂re. Ni'kâ soorí nɨmɨ niikã́ Espírito Santo tutuaró me'ra kẽ'esé weeró noho ĩ'yowĩ́. Wãkûtiro yɨ'ɨ̂ sẽ'êma pe'e tutuaró uúkũkã tɨ'owɨ́. Kɨ̃ɨ̂ uúkũse coroneta putíro weeró noho bɨsɨ̂wɨ.

Apocalipse 1:12

Kɨ̃ɨ̂ tohô uúkũkã tɨ'ógɨ, yɨ'ɨ̂ noá niîti? niîgɨ, mahâmi ĩ'yawɨ. Setepagɨ sĩ'óo'se ouro me'ra weé'kepagɨre ĩ'yâwɨ.

Apocalipse 1:19

Mɨ'ɨ̂ ĩ'yâ'kere, ni'kâroakã niisére ohâya. Be'ropɨ́ mɨ'ɨ̂ ĩ'yaátehe kẽ'rare ohâya.

Apocalipse 11:12

Ni'kɨ́ ɨ'mɨ̂sepɨ niigɨ́ naâre tutuaró me'ra a'tîro niîwĩ: —Mɨhátia. Kɨ̃ɨ̂ tohô niikã́ tɨ'órã, naâ o'me kurá me'ra mɨhâawã. Naâ mɨhâakã, naâre ĩ'yâ tu'ti'kãrã ĩ'yâwã.

Apocalipse 11:19

Naâ tohô niîka be'ro Õ'âkɨ̃hɨ wi'i ɨ'mɨ̂sepɨ niirí wi'i sopé pãrîwɨ. Tií wi'i po'peapɨre ni'kâ akaro niîwɨ. Tii akáro Õ'âkɨ̃hɨ “A'tîro weegɨ́ti masá me'ra” niî, kɨ̃ɨ̂ ohâka pĩhire kɨorí akaro niîwɨ. Tohô wa'âka be'ro bɨpô ya'bakã́ ĩ'yâwɨ. Bɨpô paasére, tohô niikã́ mehêkã bɨsɨsére tɨ'owɨ́. Di'tâ pũûro nara sãáwɨ. Akó yɨsɨáse bɨtisé peeri bɨrɨ̂wɨ.

Apocalipse 16:17

Be'ró, seis be'rokɨ̃hɨ, kɨ̃ɨ yaá paakãhasere ɨ'mɨáropɨ piô dihowĩ. Teé be'ro Õ'âkɨ̃hɨ wi'i ɨ'mɨ̂se niirí wi'i po'peapɨ wiôgɨ duhirí kumuropɨ duhigɨ́ tutuaró me'ra uúkũwĩ. A'tîro niîwĩ: —Niî pe'tise tu'â eha nɨ'ko pe'o no'o'.

Apocalipse 19:11

Be'ró, ɨ'mɨ̂se pãrikã́ ĩ'yâwɨ. Toopɨ́ cavalo butigɨ́ bahuáwĩ. Kɨ̃ɨ̂ bu'i pesagɨ́ a'tîro wamêtiwĩ. Keoró Weé nu'kugɨ, Diakɨ̃hɨ́kɨ̃hɨ niîwĩ. Kɨ̃ɨ̂ masaré keoró besegɨ́ niîwĩ. Tohô niikã́ a'me kẽégɨ keoró weegɨ́ niîwĩ. Tohô weégɨ tohô wamêtiwĩ.

Apocalipse 22:6

Be'ró Õ'âkɨ̃hɨre werê ko'tegɨ yɨ'ɨ̂re niîwĩ: —A'té uúkũse diakɨ̃hɨ́ niisé niî'. Teé niî'karo nohota wa'ârosa'. Marî wiôgɨ Õ'âkɨ̃hɨ kɨ̃ɨ̂ werê duti'kere werê turiarãre wãkusé o'ôwĩ. Kɨ̃ɨ́ta kɨ̃ɨ̂re werê ko'tegɨre o'ôo'wĩ. Kɨ̃ɨ yarã́re maatá be'ropɨ́ wa'aátehere ĩ'yo dutígɨ tohô weewĩ́.