Apocalipse 3:4 - Tukano

⁴ Tohô niîmikã, tii maká Sarde mɨsâ wa'teropɨre pehêterãkã ãyuró weerã́ niîma. Naâ yã'âro weesére ĩ'yâ kũu siru tuútima. Su'tí ũ'îritirã weeró noho niîtima. Ãyuró weé'kãrã niî yuurã, yɨ'ɨ̂ me'ra niîrãsama. Su'tí butisé sãyarã́ weeró noho bu'îri marirã́ niîrãsama.

Õꞌacʉ̃ Yere Ucũrĩ Turi

⁴ ” ’Tojo nimicã, ti macã Sardi mʉsã waꞌteropʉre pejetirãcã añurõ weerã́ nima. Na ñaꞌarõ weesere ĩꞌacũu sirututima. Suꞌti ũꞌirĩtirã weronojõ nitima. Añurõ weeꞌcãrã niyurã, yʉꞌʉ meꞌrã nirãsama. Suꞌti butise sãñárã weronojõ buꞌiri marĩrã nirãsama.

Apocalipse 3:4 Iomraidhean Croise

Mateus 10:11

Makâpɨ ehârã, “Ã'ritá ãyú tɨ'sami” mɨsâ niigɨ́ tiro tohâ ke'aya. Mɨsâ toó niiró põo tẽóro kɨ̃ɨ yaá wi'ipɨ niîya.

Marcos 16:5

Tohô weérã tii tutípɨ diakɨ̃hɨ́ sãháa wa'âkãrã niîwã. Toopɨ́ diakɨ̃hɨ́ pe'e ni'kɨ́ ma'mɨ̂ duhikã́ ĩ'yâkãrã niîwã. Kɨ̃ɨ̂ yoaró su'tîro butiró sãyakã́ ĩ'yârã, ɨpɨ́tɨ ɨkɨákãrã niîwã.

San Lucas 20:35

Yã'âro weé'kere akobohó no'o'kãrã, wẽrîka be'ro masá'kãrã pũrikã ɨ'mɨ̂sepɨ nɨmôti, marâpɨtisome.

San Lucas 21:36

Mɨsâ ãyuró apo yuúya. Teé pi'etiátehe ɨ̃sâre yɨ'rɨ wetíkã weeyá niîrã, Õ'âkɨ̃hɨre sẽrí nu'kukã'ya. Tohô niikã́ yɨ'ɨ̂ Õ'âkɨ̃hɨ makɨ tiropɨ uiró mariró põo tẽriáhã Õ'âkɨ̃hɨre sẽriyá, niîkɨ niîwĩ Jesu.

Hechos 1:15

Ni'kâ nɨmɨ Jesuré ẽho peórã nerêkãrã niîwã tií wi'ipɨta taha. Cento e vinte wa'tero niîkãrã niîwã. Pedro naâ nererí kura wã'kâ nɨ'ka, naâre werêkɨ niîwĩ. A'tîro niîkɨ niîwĩ:

2 Tesalonicenses 1:5

Ni'kâroakã mɨsâ Jesu Cristore ẽho peóse bu'iri ãpêrã mɨsâre tu'tî, yã'âro weesamá. Naâ tohô weemíkã, mɨsâ Õ'âkɨ̃hɨre ẽho peó nu'kurã, kɨ̃ɨ̂ keoró weesére ĩ'yârãsa'. Be'ró mɨsâ kɨ̃ɨ̂ tiropɨ wa'ârãsa'. Mɨsâre “Ãyurã́ niîma, a'tiáto yɨ'ɨ̂ tiropɨ”, niîgɨsami.

Judas 1:23

Ãpêrã niî soorã bu'esére siru tuúrãre diakɨ̃hɨ́ nɨ'koya. Wi'í ɨ̃hɨrí wi'i po'peapɨ niirã́re wehê wiharã weeró noho naâre pekâ me'epɨ wa'â boo'kãrãre yɨ'rɨkã́ weeyá. Ãpêrã yã'asé wee poó yɨ'rɨa'kãrãre wee tamú sĩ'rirã, pahá yã'aya. Mɨsâpɨ naâ yã'âro weesére pẽ'ri pehári niîrã, neê kã'ró naâ tohô weesére ɨatíkã'ya.

Apocalipse 1:11

Kɨ̃ɨ̂ yɨ'ɨ̂re a'tîro niîwĩ: —Yɨ'ɨ́ta niî mɨ'tagɨ, niî tɨogɨpɨ niî'. Niî pe'tise mɨ'ɨ̂ ĩ'yasére ni'kâ pũripɨ ohâya. Mɨ'ɨ̂ ohâ'kere Ásiapɨ niirã́ sete kurari Jesu Cristore ẽho peóse kurarikãharãre o'ôo'ya. Naâ a'tikérã niîma: Éfesokãharã, Esmirnakãharã, Pérgamokãharã, Tiatirakãharã, Sardekãharã, Filadélfiakãharã, tohô niikã́ Laodicéiakãharãre o'ôo'ya, niîwĩ.

Apocalipse 11:13

Naâ mɨhâari kura di'tâ pũûro nara sãáwɨ. Tii makápɨre pehé wi'seri bɨrɨ̂ dihawɨ. Pãharã́ sete mil masá wẽrîwã. Ãpêrã dɨ'sá'kãrã ɨpɨ́tɨ uîrã, “Õ'âkɨ̃hɨ ɨ'mɨ̂sepɨ niigɨ́ tutuâ yɨ'rɨ nɨ'kami”, niîwã.

Apocalipse 14:4

Naâ neê ni'kâti numiâ me'ra yã'âro weetíkãrã niîwã. Naâ Õ'âkɨ̃hɨ makɨ ovelha wi'magɨ́ weeró noho bahugɨ́re no'ó kɨ̃ɨ̂ wa'aró siru tuúwã. Naâ a'ti nukúkãkãharã wa'teropɨre yɨ'rɨó no'o'kãrã niîwã. Naâ Õ'âkɨ̃hɨre, Õ'âkɨ̃hɨ makɨ ovelha wi'magɨ́ weeró noho bahugɨ́re ẽho peó o'ô mɨ'ta'kãrã niîkãrã niîwã.

Apocalipse 19:14

Kɨ̃ɨ yarã́ surára ɨ'mɨ̂sekãharã kɨ̃ɨ̂re siru tuúwã. Naâ su'tí butisé ũ'îri marisére sãyâwã. Naâ cavaloa butirã́ bu'ipɨ pesâwã.

Apocalipse 19:8

Naâ su'tí butisé ũ'îri marisé, pũûro asistésere sãâ no'o'kãrã niîma, niîwã. Butisé su'tí naâ katîrã ãyuró weé'ke niî', niî sĩ'riro weé'.

Apocalipse 3:18

Tohô weégɨ mɨsâre niîgɨti. Mɨsâ ouro pekâ me'epɨ ɨ̃hâ apó'ke yɨ'ɨ̂ kɨosére yẽ'êya. Pi'etímirã yɨ'ɨ̂re ẽho peórã, ouro kɨorã́ weeró noho niî'. Teeré kɨórã, mɨsâ pehé kɨorã́ niîrãsa'. Apêye kẽ'rare su'tí butisé yɨ'ɨ̂ kɨosére sãyâya. Mɨsâ teeré sãyakã́, bopôyase pe'tiá wa'ârosa'. Yɨ'rɨó no'o'kãrã niîrãsa'. Tohô niikã́ kapêri piosé yɨ'ɨ̂ kɨosére yẽ'êya. Mɨsâ teé piôka be'ro ãyuró ĩ'yârãsa' taha. Yeekãhásere ãyuró masîrãsa'.

Apocalipse 3:5

Ãpêrã kẽ'ra ãyuró weé yɨ'rɨ wetírã ẽho peó du'utirã noho su'tí ãyuró butisé sãâ no'orãsama. Katî nu'kuse kɨorã́ naâ wameré ohâ õ'oka pũripɨ kɨorã́ naâ wameré neê koé no'osome. Koé no'oro noho o'ôrã, yɨ'ɨ̂ pakɨ ĩ'yóropɨre yɨ'ɨ̂ ‘Naâre masî'’, niîgɨti. Meharóta kɨ̃ɨ̂re werê ko'terã ĩ'yóropɨ kẽ'rare niîgɨti.

Apocalipse 4:4

Wiôgɨ duhirí kumuro tiropɨ vinte e quatro wiôrã duhisé kumuri niîwɨ. Teé duhisé kumuripɨre tiikérãta taha wiôrã bɨkɨrã́ duhîwã. Naâ su'tí butisére sãyâwã. Naâ nɨkɨ naâ dɨpopápɨre ouro me'ra weé'ke be'torire pesâwã.

Apocalipse 6:11

Be'ró naâre su'tí butisére o'ôwĩ. A'tîro niîwĩ: —Soó ni'iya yuhûpɨ. Ãpêrã mɨsâ akawerérã Jesu Cristo yeere wererã́ mɨsâ weeró noho wẽhé no'orãsama. Mɨsâ soorã́sa'. Teê “Tiikérãre wẽherã́sama” niî'ke wa'akã́pɨ soorã́sa', niîwĩ.

Apocalipse 7:9

Israel yee kurarikãharãre yãa kũú no'oka be'ro a'tîro ĩ'yâwɨ. Pãharã́ masá niî pe'tise kurarikãharã, mehêkã uúkũrã, niî pe'tirokãharãpɨre ĩ'yâwɨ. Naâ wiôgɨ duhirí kumuro diakɨ̃hɨ, tohô niikã́ Õ'âkɨ̃hɨ makɨ ovelha wi'magɨ́ weeró noho bahugɨ́ diakɨ̃hɨ nu'kuwã́. Pãharã́ waro niîwã. Neê ba'pâ keota basiótiwã. Naâ su'tí butisére sãyâ, pũrî opa keérire kɨowã́.