Apocalipse 3:2 - Tukano

² Tɨ'o masíya. Mɨsâ ãyuró weesé pe'tíro weé'. Dɨ'saseákãre ãyuró weeyá. Mɨsâ weesére a'tîro ĩ'yâ'. Õ'âkɨ̃hɨ ĩ'yóropɨre mɨsâ keoró weé wee'.

Õꞌacʉ̃ Yere Ucũrĩ Turi

² Tʉꞌomasĩña. Mʉsã añurõ weese peꞌtiro weeꞌe. Dʉꞌsaseacãrẽ añurõ weeya. Mʉsã weesere aꞌtiro ĩꞌaꞌa. Õꞌacʉ̃ ĩꞌorõpʉre mʉsã queoro weeweꞌe.

Apocalipse 3:2 Iomraidhean Croise

Mateus 23:5

Niî pe'tise naâ weesére masaré ãyuró ĩ'yâ dutirã weé ta'sasama. Masá naâre “Õ'âkɨ̃hɨre ãyuró ẽho peósama” niikã́ tɨ'ó sĩ'rirã, a'tîro weesamá. Naâ diâpoapɨ, naâ amûkãpɨ Õ'âkɨ̃hɨ yee kiti ohâka pũrikãhasere pahirí kasero me'ra ohâ'kere dɨ'té õ'osama. Tohô niikã́ naâ Õ'âkɨ̃hɨre sẽrikã́ ĩ'yâ dutirã ãpêrã yɨ'rɨóro naa yaró su'tîro sumútohopɨ opa daári kɨoróhore sãyâsama.

Mateus 25:13

Jesu teeré werêka be'ro ɨ̃sâre niîwĩ: —A'té weeró noho yɨ'ɨ̂ a'tiátihi nɨmɨre mɨsâ masí wee'. Tohô weérã ãyuró wãkû apo yuúya, niîwĩ.

Mateus 25:7

Naâ tohô karíkũkã, niî pe'tirã nu'mia wã'ká pe'tia wa'âsama. Wã'ká, naa yeé sĩ'óo'separe apo bɨrósama.

Hechos 18:23

Toopɨ́re kã'ró niî keho, yɨ'rɨá wa'âkɨ niîwĩ taha Galácia, Frígia di'ta niisé makaripɨre. Niî pe'tirã Jesuré ẽho peórãre nemoró wãkû tutuase o'ô nemo wã'kakɨ niîwĩ.

1 Pedro 4:7

A'ti ɨmɨ́koho pe'tiátoho kã'roákã dɨ'sása'. Tohô weérã mɨsâ weesére ãyuró tɨ'ó yã'a nɨ'ko, weesétiya. Wãkû tutuaya. Mɨsâ yã'âro weé sĩ'risere nɨ'kayá. Tohô weérã mɨsâ keoró Õ'âkɨ̃hɨre sẽrirã́sa'.

1 Pedro 5:8

Mɨsâ weesére ãyuró tɨ'ó yã'a nɨ'ko toharãpɨ weesétiya. Mɨsâ yã'âro weé sĩ'risere wãkû tutuaya. Ãyuró tɨ'o masíya. Wãtî marîre ĩ'yâ tu'tigɨ niî pe'tiropɨ a'mâ sihasami. Marîre yã'âro weekã́ ɨágɨ, tohô weesamí. Tohô weérã ko'tê ĩ'yâ nɨrɨya. Ni'kɨ́ yaî ba'asé a'mâgɨ pi'etí siharo weeró noho marî Jesu Cristore ẽho peósere pe'ó sĩ'risami.

Apocalipse 16:15

Jesu Cristo a'tîro niîkɨ niîwĩ: —Tɨ'o masíya. Wãkûtiro yahagɨ́ a'tîgɨ weeró noho yɨ'ɨ̂ a'tîgɨti. Su'tí sãyagɨ́ weeró noho yɨ'ɨ̂ a'tiátehere ãyuró wãkû yuugɨ noho e'katígɨsami. Tohô weégɨ su'ti marígɨ kɨ̃ɨ̂re ĩ'yâ weekã, bopôyasome.

Apocalipse 2:4

Mɨsâ ãyuró weemíkã, apêye noho mɨsâre werê nemo sĩ'ri'. A'tîro niî'. Mɨsâ neê waro ma'í nɨ'ka'karo weeró noho weé wee'.

Apocalipse 3:1

Jesu Cristo niî nemowĩ taha: —Sardekãharã, yɨ'ɨ̂re ẽho peóri kurakãharã wiôgɨ sɨ'orí niigɨ́re a'tîro ohâya: “Yɨ'ɨ̂ sete Õ'âkɨ̃hɨre werê ko'terã bahutírãre kɨó'. Naâ Espírito Santore niî pe'tise tutuasé kɨogɨ́ niîmi, niî sĩ'rirã weemá. Tohô niikã́ tiikérãta taha yõkoáre kɨó'. Niî pe'tise mɨsâ weesére masî pe'okã'. Mɨsâ ‘Õ'âkɨ̃hɨ yeere ãyuró weemá’ niî no'orã niî'. Tohô niîmirã, wẽrî'kãrã weeró noho niî'. Kɨ̃ɨ yeére neê weé wee'.

Apocalipse 3:3

Mɨsâre bu'ê'kere wãkûya. Teeréta siru tuúya. Mɨsâ keoró weetísere bɨhâ wetiya. Tohô weetíkã, yɨ'ɨ̂ yahagɨ́ weeró noho weegɨ́ti. Wãkûtiro mɨsâ tiropɨ bu'îri da'rêgɨ wa'âgɨti.