Apocalipse 21:2 - Tukano

² Yɨ'ɨ̂ João ãyú butia'ri maka, ɨ'mɨ̂se Õ'âkɨ̃hɨ tiropɨ niirí makare dihátikã ĩ'yâwɨ. Tii maká apé ma'ma maká Jerusalẽ́ niîwɨ. Ãyuró apóka maka niîwɨ. Ni'kó numiô amûkã dɨ'tegó marapɨ́re ãyuró tɨ'saáto niîgo ma'mâ su'a no'o'ko weeró noho niîwɨ.

Õꞌacʉ̃ Yere Ucũrĩ Turi

² Yʉꞌʉ Juã añubutiari macã, ʉꞌmʉse Õꞌacʉ̃ tiropʉ nirĩ macãrẽ dijaticã ĩꞌawʉ̃. Ti macã ape maꞌma macã Jerusalẽ́ niwʉ̃. Añurõ apóca macã niwʉ̃. Niꞌcõ numio omocã dʉꞌtego marãpʉre añurõ tʉꞌsato nígõ maꞌmasuꞌanoꞌcaro weronojõ niwʉ̃.

Apocalipse 21:2 Iomraidhean Croise

San Juan 3:29

A'tîro pe'e niî'. Ni'kɨ́ amûkã dɨ'tekã́, kɨ̃ɨ̂ nɨmó kɨ̃ɨ yagó se'saro niîsamo. Kɨ̃ɨ̂ me'rakɨ̃hɨ kɨ̃ɨ̂ dɨ'tekã́ ĩ'yâgɨ, e'katí tamusami. Jesu ã'rí amûkã dɨ'té'kɨ weeró noho niîmi. Masá kɨ̃ɨ̂re siru tuúrã kɨ̃ɨ̂ nɨmó weeró noho niîma. Tohô weégɨ yɨ'ɨ̂ kɨ̃ɨ̂ me'rakɨ̃hɨ masá kɨ̃ɨ̂re siru tuúkã ĩ'yâgɨ, e'katí tamu'.

2 Corintios 11:2

Õ'âkɨ̃hɨ kɨ̃ɨ yarã́re ãpêrã nohore ẽho peókã, doésami. Kɨ̃ɨ̂ doéro weeró noho yɨ'ɨ̂ mɨsâre doé'. Yɨ'ɨ̂ Cristo yeere werekã́, mɨsâ tɨ'órã, ẽho peówɨ. Mɨsâ ni'kó numiô marâpɨtiakoho weeró noho niî'. Cristo mɨsâ marapɨ́ niiákɨhɨ weeró noho niîmi. Tohô weégɨ mɨsâ kɨ̃ɨ̂ ĩ'yóropɨre yã'asé marirã́ niikã́ ɨá'.

Hebreos 11:10

Abraão Õ'âkɨ̃hɨ yaa maka pe'titiátihi maka ɨ'mɨ̂se pe'ere niî sĩ'rigɨ, tohô wee kusiákɨ niîwĩ. Tii maká Õ'âkɨ̃hɨ weéka maka niî'.

Hebreos 11:16

A'tîro pe'e weékãrã niîwã. Tií di'ta nemoró ãyurí di'ta waro ɨ'mɨ̂se pe'ere niî sĩ'rikãrã niîwã. Tohô weégɨ Õ'âkɨ̃hɨ naâ “Ɨ̃sâ wiôgɨ niîmi” niikã́, bopôya sãatikɨ niîwĩ. Tohô bopôya sãatigɨ, naa yaá maka naâ niiátoho ɨ'mɨ̂sere apo yuú tohakɨ niîwĩ.

Hebreos 12:22

Mɨsâ pũrikã dɨporókãharã weeró noho nií wee'. Mɨsâ Jesu Cristore ẽho peó yuukã, Õ'âkɨ̃hɨ mɨsâre kɨ̃ɨ̂ tiropɨ wa'âta basiókã weékɨ niîwĩ. Kɨ̃ɨ̂re sẽri masíkã weékɨ niîwĩ. Toopɨ́ Õ'âkɨ̃hɨ katî nu'kugɨ yaa maka, ɨ'mɨ̂sepɨ niirí maka niísa'. Tii maká Jerusalẽ́ wamêtiri maka niísa'. Opâ bu'a Sião wamêtiri bu'apɨ niísa'. Tii makápɨ Õ'âkɨ̃hɨre werê ko'terã pãharã́ waro niîsama.

Hebreos 13:14

A'ti nukúkãpɨre marî niirí maka neê niî dohasome. Ape maká, be'ropɨ́ marî niiátihi maka ɨ'mɨ̂se pe'ere a'mâ'.

Apocalipse 1:1

A'ti pũrí be'ropɨ́ wa'aátehere Jesu Cristo wererí pũri niî'. Õ'âkɨ̃hɨ Jesu Cristore “Kã'roákã be'ro a'tîro wa'ârosa'”, niî ĩ'yókɨ niîwĩ. Kɨ̃ɨ̂ Jesu Cristore ẽho peórãre teeré masî dutigɨ tohô werêkɨ niîwĩ. Be'ró Jesu Cristo yɨ'ɨ̂ João wamêtigɨre teeré werê turiawĩ. Kɨ̃ɨ̂ Õ'âkɨ̃hɨre werê ko'tegɨ ɨ'mɨ̂sekɨ̃hɨ me'ra tohô weewĩ́. Yɨ'ɨ́ta Jesu Cristore da'rá wã'ya ko'tegɨ niî'.

Apocalipse 1:4

Yɨ'ɨ̂ mɨsâ Ásiapɨ niirã́ sete Jesu Cristore ẽho peóse kurarikãharãre ohâ'. Õ'âkɨ̃hɨ mɨsâre ãyuró weeáto. Mɨsâre ãyuró tɨ'ó yã'akã weeáto. Õ'âkɨ̃hɨ neê waropɨta niî'kɨ niîmi. A'tóka tero kẽ'rare niî nu'kukã'mi. Be'ropɨ́ kẽ'rare opâturi a'tîgɨsami. Õ'âkɨ̃hɨ wiôgɨ duhirí kumuro tiro sete Õ'âkɨ̃hɨre werê ko'terã bahutírã nu'kumá. Naâ toopɨ́ nu'kurã́ Espírito Santore niî pe'tise tutuasé kɨogɨ́ niîmi, niî sĩ'rirã weemá. Naá kẽ'ra mɨsâre ãyuró weeáto.

Apocalipse 1:9

Yɨ'ɨ̂ João mɨsâ akawerégɨ weeró noho niî'. Mɨsâ weeró nohota yɨ'ɨ́ kẽ'ra pi'etí'. Marî ni'kâro noho Õ'âkɨ̃hɨ põ'ra niî'. Tohô niikã́ yã'âro wa'akã́, Jesu Cristo marîre wãkû tutuasere o'ômi. Yɨ'ɨ̂ Patmo wamêtiri nɨkɨropɨ bu'îri da'rerí wi'ipɨ niîwɨ. Õ'âkɨ̃hɨ yee kiti, Jesu Cristo uúkũ'kere weresé bu'iri toopɨ́ niîwɨ.

Apocalipse 11:2

Õ'âkɨ̃hɨ wi'i sumútoho maa keotíkã'ya. Teé apé sia'kãharãre o'ô'ke di'tâ niî'. Naâ quarenta e dois muhipũri Õ'âkɨ̃hɨ yaa maka Jerusalẽ́ di'tare dohórẽ' nu'kurãsama, niîwĩ.

Apocalipse 21:10

Espírito Santo kẽ'esé weeró noho yɨ'ɨ̂re ĩ'yowĩ́. Ni'kɨ́ Õ'âkɨ̃hɨre werê ko'tegɨ ɨ̃rɨgɨ́ pahikɨhɨ́ ɨ'mɨákɨhɨhopɨ yɨ'ɨ̂re miáawĩ. Toopɨ́ yɨ'ɨ̂re Õ'âkɨ̃hɨ tiro niîka makaho dihátisere ĩ'yowĩ́. Tii maká Jerusalẽ́ yã'asé moorí makaho niîwɨ.

Apocalipse 21:9

Be'ró ni'kɨ́ sõ'ó niîkãrã sete me'rakɨ̃hɨre ĩ'yâwɨ. Naáta, naâ nɨkɨ bu'îri da'rê tɨoatehe posetíse paarire kɨowã́. Ni'kɨ́ naâ me'rakɨ̃hɨ a'tîro niîwĩ: —Te'á. Mɨ'ɨ̂re Õ'âkɨ̃hɨ makɨ ovelha wi'magɨ́ weeró noho bahugɨ́ nɨmo niiákohore ĩ'yogɨ́ti, niîwĩ. Kɨ̃ɨ̂ nɨmó Jesu Cristore ẽho peórã niî sĩ'riro weé'.

Apocalipse 22:17

Kɨ̃ɨ̂ tohô niîka be'ro Espírito Santo, tohô niikã́ Jesu Cristore ẽho peórã a'tîro niîwã: —A'tî bakeo'ya, niîwã. No'ó a'teré tɨ'orã́ noho kẽ'ra “A'tiáto”, niiáto. No'ó ako wɨórã sĩ'rí sĩ'rirã noho a'tiáto. Akó katisé warore o'osére sĩ'rírã a'tiáto. Teé neê wapa marírosa'.

Apocalipse 22:19

No'ó a'ti pũrípɨ ohâ'kere dɨ'agɨ́ nohore Õ'âkɨ̃hɨ a'tîro weegɨ́sami. Kɨ̃ɨ̂ ohâ dɨ'a'karo nohota Õ'âkɨ̃hɨ katî nu'kuse kɨorã́ ohâ õ'o no'oka pũripɨre kɨ̃ɨ̂ wameré koegɨ́sami. Kɨ̃ɨ̂ yukɨ̂gɨ katisé o'okɨhɨ́ dɨkare ba'âsome. Kɨ̃ɨ̂ tii maká ãyurí makare sãháasome. A'te kitíre a'ti pũrípɨre ohâ no'o'.

Apocalipse 3:12

Ãyuró weé yɨ'rɨ wetí ẽho peó du'utirãre yɨ'ɨ̂ pakɨ tiro kũûgɨti. Naâ kɨ̃ɨ yaá wi'ikãhase botâri weeró noho kɨ̃ɨ̂ tiro niî nu'kurãsama. Yɨ'ɨ̂ pakɨ wameré naâpɨre ohâgɨti. Kɨ̃ɨ yaá maka wamé kẽ'rare ohâgɨti. Kɨ̃ɨ yaá maka, apé ma'ma maká Jerusalẽ́ wamêti'. Tii maká ɨ'mɨ̂sekãha maka niî'. A'ti nukúkãpɨ dihátirosa'. Yɨ'ɨ́ kẽ'ra naâre yɨ'ɨ̂ wamé, ma'má ape wamé ohâgɨti.