Apocalipse 20:4 - Tukano

⁴ Be'ró, pehé wiôrã duhisé kumurire ĩ'yâwɨ. Tee kumúripɨ duhirã́ a'ti nukúkãkãharãre bese masísere o'ô no'o'kãrã niîwã. Ãpêrã kẽ'rare ĩ'yâwɨ. Naâ Õ'âkɨ̃hɨ yee kiti, tohô niikã́ Jesu yeére weresé bu'iri naâ dɨpopáre dɨtê sure no'o'kãrã niîwã. Naâ yaî weeró noho bahugɨ́ yeê'kere neê ẽho peótikãrã niîwã. Tohô niikã́ naâ diâpoapɨ, naâ amûkãripɨ kɨ̃ɨ̂ wameré neê ohâ õ'o no'otikãrã niîwã. Naâ wẽrî'kãrãpɨ niîmirã, masawã́. Naâ masáka be'ro Cristo me'ra mil kɨ'mari masaré dutî tamuwã.

Õꞌacʉ̃ Yere Ucũrĩ Turi

⁴ Beꞌro, peje wiorã dujise cũmurĩrẽ ĩꞌawʉ̃. Te cũmurĩpʉ dujirã aꞌti nucũcãcjãrãrẽ besemasĩsere oꞌonoꞌcãrã niwã. Ãpẽrã quẽꞌrãrẽ ĩꞌawʉ̃. Na Õꞌacʉ̃ ye queti, tojo nicã Jesú yere werese ye buꞌiri na dʉpopare dʉtesurenoꞌcãrã niwã. Na yai weronojõ bajugʉ, cʉ̃ queose yeeꞌquere ne ñubuepeoticãrã niwã. Tojo nicã na diapoapʉ, na omocãrĩpʉ cʉ̃ wãmerẽ ne ojaõꞌonoꞌticãrã niwã. Na wẽrĩꞌcãrãpʉ nimirã, masãwã. Na masã́ca beꞌro Cristo meꞌrã mil cʉ̃ꞌmarĩ masãrẽ dutitamuwã.

Apocalipse 20:4 Iomraidhean Croise

Mateus 19:28

Jesu ɨ̃sâre niîwĩ taha: —Diakɨ̃hɨ́ mɨsâre niîgɨti. Õ'âkɨ̃hɨ a'ti nukúkãpɨre neê waropɨ weé'karo weeró noho opâturi weekã́, yɨ'ɨ̂ Õ'âkɨ̃hɨ makɨ wiôgɨ sãhagɨ́sa'. Sãháa Wiôgɨ duhirí kumuropɨ niî pe'tirãre dutîgɨsa'. Tohô yɨ'ɨ̂ weekã́, mɨsá kẽ'ra yɨ'ɨ̂re dutî tamurãsa'. Mɨsâ yɨ'ɨ̂ tiro doze wiôrã duhisé kumuripɨ duhîrãsa'. Toopɨ́ mɨsâ yɨ'ɨ̂re ẽho peórã doze kurari Israel kurarikãharãre dutîrãsa'.

Mateus 24:10

Tohô wa'akã́, pãharã́ yɨ'ɨ̂re ẽho peómi'kãrã ẽho peó du'urãsama. Naâ a'mé tu'ti, ãpêrã wiôrãpɨre bu'îri da'rê dutirã o'ôrãsama.

Marcos 6:16

Naâ tohô niikã́ tɨ'ógɨ, Herode niîkɨ niîwĩ: —Too dɨpóro yɨ'ɨ̂ dɨpôa dɨtê sure duti'kɨ João wamê yeegɨ niîsami. Kɨ̃ɨ́ta ni'kâroakãre masapĩ́, niîkɨ niîwĩ.

Marcos 6:27

Be'ró maatá ni'kɨ́ surárare João yaa dɨpoare dɨtê sure miíti duti o'okɨ niîwĩ.

Marcos 9:11

Be'ró Jesuré sẽrí yã'akãrã niîwã: —De'ró weérã Moisé ohâ'kere bu'erã́ “Masaré yɨ'rɨoákɨhɨ a'tiátoho dɨporo Elia a'tî mɨ'tagɨsami”, niî bu'êti?

San Lucas 1:17

Kɨ̃ɨ̂ marî wiôgɨ dɨporo werê mɨ'ta sihagɨsami. Dɨporókɨ̃hɨpɨ Õ'âkɨ̃hɨ yeekãhasere werê mɨ'tagɨ Elia marikã Espírito Santo tutuasére kɨó yɨ'rɨakɨ niîwĩ. Kɨ̃ɨ̂ weeró noho kɨ̃ɨ́ kẽ'ra kɨó yɨ'rɨagɨsami. A'tîro weegɨ́sami. Pakɨ sɨmɨáre naâ põ'rá me'ra kumûkã mariró niisétikã weegɨ́sami. Tohô niikã́ yɨ'rɨ́ nɨ'karãre wiôrã dutisére yɨ'tikã́ weegɨ́sami. A'tîro weé masaré marî wiôgɨre yẽ'ê dutigɨ bu'ê yuugɨsami, niîkɨ niîwĩ Õ'âkɨ̃hɨre werê ko'tegɨ.

San Lucas 14:14

Teeré weégɨ, mɨ'ɨ̂ e'katí yɨ'rɨagɨsa'. Naâ pũrikã mɨ'ɨ̂re eká a'me masitisama. Tohô weesé me'ra mɨ'ɨ̂ ãyurã́ wẽrî'kãrã naâ masarí nɨmɨre ãyusé waro bokagɨ́sa', niîkɨ niîwĩ.

San Lucas 22:30

A'tîro weérã, mɨsâ yɨ'ɨ̂ wiôgɨ niirópɨ ba'â, sĩ'ri duhírãsa'. Tohô niikã́ wiôrã duhisé kumuripɨ doze kurari Israel kurarikãharãre dutî duhirãsa', niîkɨ niîwĩ.

San Juan 14:19

Kã'roákã dɨ'sá', be'ró masá yɨ'ɨ̂re ĩ'yâsome. Mɨsâ pũrikã ĩ'yârãsa'. Yɨ'ɨ̂ katî nu'kukã'. Tohô weérã mɨsá kẽ'ra katî nu'kukã'rãsa'.

Romanos 11:15

Õ'âkɨ̃hɨ Judeu masa kɨ̃ɨ̂re ẽho peótirãre kõ'akã́, ãpêrã pe'e kɨ̃ɨ yarã́ sãhákãrã niîwã. Judeu masa pe'e kɨ̃ɨ̂re ẽho peókã, ãyú yɨ'rɨarosa'. Masá wẽrî'kãrãpɨ masó no'o'kãrã weeró noho niîrosa'.

Romanos 8:17

Marî Õ'âkɨ̃hɨ põ'ra niî yuurã, kɨ̃ɨ̂ “Yɨ'ɨ̂ põ'rare ãyusé o'ôgɨti” niî'kere yẽ'êrãsa'. Jesu Cristo kɨ̃ɨ̂ pakɨ́ o'oátehere yẽ'êgɨsami. Marí kẽ'ra kɨ̃ɨ̂ me'ra teeré yẽ'êrãsa'. Marî ni'kâroakãre Jesu Cristo pi'etísere bu'î peha tamurã, be'ropɨ́ kɨ̃ɨ̂ wiôgɨ niisé kẽ'rare bu'î peha tamurãsa'.

2 Timoteo 2:12

Marî pi'etírã wãkû tutuarã, kɨ̃ɨ̂ wiôgɨ niirópɨ kɨ̃ɨ̂ me'ra wiôrã niîrãsa'. “Kɨ̃ɨ̂re masîtisa'” niikã́, kɨ̃ɨ́ kẽ'ra marîre “Masí wee'”, niîgɨsami.

Apocalipse 1:2

Yɨ'ɨ̂ ĩ'yâ'ke niî pe'tisere werêgɨti. Yɨ'ɨ̂ tɨ'ó'ke kẽ'rare werêgɨti. Õ'âkɨ̃hɨ uúkũ'kere Jesu Cristo yɨ'ɨ̂re ãyuró werêwĩ.

Apocalipse 1:9

Yɨ'ɨ̂ João mɨsâ akawerégɨ weeró noho niî'. Mɨsâ weeró nohota yɨ'ɨ́ kẽ'ra pi'etí'. Marî ni'kâro noho Õ'âkɨ̃hɨ põ'ra niî'. Tohô niikã́ yã'âro wa'akã́, Jesu Cristo marîre wãkû tutuasere o'ômi. Yɨ'ɨ̂ Patmo wamêtiri nɨkɨropɨ bu'îri da'rerí wi'ipɨ niîwɨ. Õ'âkɨ̃hɨ yee kiti, Jesu Cristo uúkũ'kere weresé bu'iri toopɨ́ niîwɨ.

Apocalipse 11:11

I'tiá nɨmɨ ape nɨmɨ́ deko be'ro Õ'âkɨ̃hɨ naâre masowĩ́ taha. Naâ wã'kâ nɨ'kakã ĩ'yârã, masá ɨpɨ́tɨ ɨkɨáwã.

Apocalipse 11:15

Õ'âkɨ̃hɨre werê ko'tegɨ niî tɨogɨ putiwĩ́. Ɨ'mɨ̂sepɨ niirã́ tutuaró me'ra naâ uúkũkã tɨ'owɨ́. A'tîro niîwã: Ni'kâroakãre Õ'âkɨ̃hɨ marî wiôgɨ niî pe'tirã a'ti nukúkãkãharã wiôgɨ sãhamí. Kɨ̃ɨ̂ besé'kɨ Cristo tohôta sãhamí. Kɨ̃ɨ̂ dutî nu'kugɨsami, niîwã.

Apocalipse 11:3

Be'ró Õ'âkɨ̃hɨ niî nemowĩ taha: —Pɨárã yarã́, yeekãhásere wererã́re o'ôo'gɨti. Naâ pehé ɨmɨ̂kohori, mil duzentos sessenta nɨmɨri yeekãhásere uúkũrãsama. Naâ bɨhâ wetisere ĩ'yórã naâ wee wɨáro noho su'tí wãkisére sãyâ, uúkũrãsama, niîwĩ.

Apocalipse 11:7

Naâ, naâre werê duti'kere werê tu'a ehaka be'ro ĩ'yâ bahu dutí dihari peekɨ̃hɨ yã'agɨ́ naâ me'ra a'me kẽégɨsami. Naâre dokâ ke'akã weé, wẽhé kõ'agɨsami.

Apocalipse 12:11

Õ'âkɨ̃hɨ yarã marî akawerérã wãtîre dokâ ke'akã weewã́. Naâ Õ'âkɨ̃hɨ makɨ ovelha wi'magɨ́ weeró noho bahugɨ́ wẽrisé me'ra, kɨ̃ɨ yeé diî a'mâ bɨrose me'ra tohô weewã́. Naâ katirí ɨmɨ̂kohore ma'itírã, Õ'âkɨ̃hɨ yee kitire weresé me'ra kɨ̃ɨ̂re tohô weewã́. Ãpêrã naâre wẽhé sĩ'rikã, naâ werê du'utiwã. Wẽrisére uîtiwã.

Apocalipse 14:11

Naâre ɨ̃hâ kõ'ase o'mé tohô o'mé pu'su nu'kurósa'. Neê pe'tisomé. Yaî weeró noho bahugɨ́re, kɨ̃ɨ̂ yeê'kere ẽho peórã noho ou kɨ̃ɨ̂ wameré ohâ õ'o no'orã noho pi'etí nu'kurãsama. Ɨmɨ̂koho, yamî neê soosomé, niîwĩ.

Apocalipse 15:2

Apêye kẽ'rare diâ pahirí maare ĩ'yâwɨ. Tii maá akostíri maa pekâ me'e me'ra moréka maa weeró noho bahuwɨ́. Tii maá sumútohopɨre pãharã́ masá nu'kuwã́. Naâ yaî weeró noho bahugɨ́re, tohô niikã́ kɨ̃ɨ̂ yeê'kere ẽho peóti'kãrã niîwã. Tohô niikã́ kɨ̃ɨ̂ wameré ohâ õ'o no'oya marí'kãrã niîwã. Naâ Õ'âkɨ̃hɨ o'ô'ke bɨâ pɨ̃tesere kɨowã́.

Apocalipse 17:8

A'tîro niî'. Mehêkã bahugɨ́ mɨ'ɨ̂ ĩ'yâ'kɨ dɨporópɨre niîmiwĩ. A'tóka tero marimí. Tohô niîmigɨ, be'ropɨ́ ĩ'yâ bahu dutí dihari peepɨ niî'kɨ mɨhátigɨsami. Kɨ̃ɨ̂ pekâ me'epɨ wa'â dohaatoho dɨporo tohô weegɨ́sami. A'ti nukúkãkãharã yã'arã́ mehêkã bahugɨ́re ĩ'yârã, ɨkɨárãsama. Naâ neê waropɨta a'tí di'ta weé nɨ'kari kura naâ wameré katirí pũripɨ ohâ õ'o no'oya marí'kãrã niî tĩharã, tohô wa'ârãsama. Kɨ̃ɨ̂ dɨporópɨ niî'kɨ a'tîro niikã́re marimí. Be'ropɨ́ a'tîgɨsami.

Apocalipse 2:26

Keoró yɨ'ɨ̂ ɨaró noho weé yɨ'rɨ wetí ẽho peó du'utirã, tohôta weé yapatíkã'ya. Tohô weerã́re wiôrã wa'akã́ weegɨ́ti.

Apocalipse 22:5

Toopɨ́ yamî marirósa'. Toopɨ́ niirã́ neê sĩ'óo'sere ɨasomé. Muhîpũ bo'rê yuusere ɨasomé. Õ'âkɨ̃hɨ marî wiôgɨ sĩ'óo'gɨsami. Naâ toopɨ́ niirã́ Õ'âkɨ̃hɨ me'ra dutî tamu nu'kurãsama.

Apocalipse 3:21

Ãyuró weé yɨ'rɨ wetí ẽho peó du'utirãre yɨ'ɨ̂ me'ra wiôgɨ duhirí kumuropɨ dɨpogɨ́ti. Yɨ'ɨ̂ marikã, ãyuró weé yɨ'rɨ wetí'kɨ yɨ'ɨ̂ pakɨ me'ra wiôgɨ duhirí kumuropɨ niî'. Tohôta yɨ'ɨ́ kẽ'ra naâre meharóta weegɨ́ti.

Apocalipse 4:4

Wiôgɨ duhirí kumuro tiropɨ vinte e quatro wiôrã duhisé kumuri niîwɨ. Teé duhisé kumuripɨre tiikérãta taha wiôrã bɨkɨrã́ duhîwã. Naâ su'tí butisére sãyâwã. Naâ nɨkɨ naâ dɨpopápɨre ouro me'ra weé'ke be'torire pesâwã.

Apocalipse 6:9

Be'ró Õ'âkɨ̃hɨ makɨ ovelha wi'magɨ́ weeró noho bahugɨ́ apêro pi'râ bi'a'karore pãâwĩ taha. Kɨ̃ɨ̂ pãakã́, naâ Õ'âkɨ̃hɨre wa'îkɨ̃rãre ɨ̃hâ moro peo wɨarore ĩ'yâwɨ. Too dokápɨ Õ'âkɨ̃hɨre ẽho peórã wẽhé no'o'kãrã ehêri põ'rari niîwɨ. Naâ kɨ̃ɨ̂re ẽho peóse bu'iri, tohô niikã́ Jesu Cristo yee kitire weresé bu'iri wẽhé no'okãrã niîwã.

Apocalipse 7:3

—Di'tâ, diâ pahirí maare, yukɨpagɨ́re dohórẽ'tikã'ya yuhûpɨ. Marî wiôgɨre da'rá ko'terãre naâ diâpoapɨ kɨ̃ɨ̂ wameré yãa kũúka be'ropɨ dohórẽ'ya, niîwĩ.