Apocalipse 2:13 - Tukano

¹³ Yɨ'ɨ̂ mɨsâ niî pe'tise weesére masî pe'okã'. Mɨsa yaá maka Pérgamo kẽ'rare masî'. Tii makápɨ wãtiâ wiôgɨ dutiró kɨosamí. Toopɨ́ niîmirã, mɨsâ yɨ'ɨ̂re siru tuú nu'ku'. Yɨ'ɨ̂re ẽho peó du'u wee'. Sõ'ó niîka tero mɨsa yaá maka wãtî niirópɨre a'tîro wa'âkaro niîwɨ. Antipa wamêtigɨ Õ'âkɨ̃hɨ yeekãhasere keoró werêkɨ niîwĩ. Ãpêrã kɨ̃ɨ̂re mɨsâ wa'teropɨ niigɨ́re wẽhé kõ'akãrã niîwã. Tiîta kẽ'rare mɨsâ yɨ'ɨ̂re neê ẽho peó du'utiwɨ.

Õꞌacʉ̃ Yere Ucũrĩ Turi

¹³ Yʉꞌʉ mʉsã nipeꞌtise weesere masĩpeꞌocãꞌa. Mʉsã ya macã Pérgamo quẽꞌrãrẽ masĩꞌi. Ti macãpʉ wãtĩa wiogʉ dutiro cʉosami. Topʉ nimirã, mʉsã yʉꞌʉre sirutunuꞌcũꞌu. Yʉꞌʉre ẽjõpeoduꞌuweꞌe. Sõꞌonícatero mʉsã ya macã wãtĩ nirõpʉre aꞌtiro waꞌacaro niwʉ̃. Antipas wãmetigʉ Õꞌacʉ̃ ye cjasere queoro werecʉ niwĩ. Ãpẽrã cʉ̃rẽ mʉsã waꞌteropʉ nigʉ̃rẽ wẽjẽcõꞌacãrã niwã. Tita quẽꞌrãrẽ mʉsã yʉꞌʉre ne ẽjõpeoduꞌutiwʉ.

Apocalipse 2:13 Iomraidhean Croise

Mateus 10:23

Ni'kâ makapɨ mɨsâre yã'âro weekã́, ape makápɨ du'tiyá. Diakɨ̃hɨ́ta mɨsâre werê'. Niî pe'tiro Israel kurakãharã niisé makaripɨ mɨsâ werê kusia bi'aatoho dɨporo yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ opâturi a'tîgɨsa' taha, niîwĩ Jesu.

Mateus 24:9

Tohô wa'akã́, yɨ'ɨ̂re ẽho peótirã mɨsâre yã'âro weerã́sama. Mɨsâre yẽ'ê, wiôrã tiropɨ miáa, bu'îri da'rê dutirãsama. Mɨsâre wẽherã́sama. Yɨ'ɨ̂re ẽho peóse bu'iri niî pe'tirokãharã masá mɨsâre ĩ'yâ tu'tirãsama.

Mateus 4:10

Tohô niikã́ tɨ'ógɨ, Jesu kɨ̃ɨ̂re niîkɨ niîwĩ: —Wa'âya, wãtî. Õ'âkɨ̃hɨ yee kiti ohâka pũripɨ a'tîro ohâ no'owɨ: “Õ'âkɨ̃hɨ mɨ'ɨ̂ wiôgɨ ni'kɨréta ẽho peóya. Kɨ̃ɨ̂ ni'kɨréta yɨ'tiró ɨá'”, niîwɨ, niîkɨ niîwĩ.

San Lucas 21:17

Yɨ'ɨ̂re ẽho peóse bu'iri niî pe'tirokãharã mɨsâre ĩ'yâ tu'tirãsama.

Hechos 22:20

Estevão mɨ'ɨ yeé kiti werê'kɨre naâ wẽherí kurare yɨ'ɨ́ kẽ'ra toopɨ́ta ĩ'yâ nu'kuwɨ. Naa yeé su'tí bu'îkãhasere ko'tê basawɨ. ‘Ãyuró weérã, tohô weé bata'ma’, niî wãkuséti nu'kuwɨ”, niî werêwɨ Jesuré.

Hechos 9:14

A'ti maká kẽ'rare mɨ'ɨ̂re ẽho peórãre yẽ'êgɨ a'tîgɨta weeápɨ taha sacerdotea wiôrã naâ dutî o'ori pũri me'ra”, niîkɨ niîwĩ Anania. Tee kitíre tɨ'ó'kɨ niî tĩhagɨ, Anania neê wa'â sĩ'ritimikɨ niîmiwĩ.

1 Tesalonicenses 5:21

A'tîro pe'e weeyá. Naâ weresére wãkû, tɨ'o kasá nɨ'ko pe'okã'ya. Ãyusé niikã́, teeré weeyá.

1 Timoteo 5:8

A'tîro niî'. Ni'kɨ́ kɨ̃ɨ̂ akawerérãre ãyuró weetígɨ, marî ẽho peósere yabigɨ́ weeró noho niîsami. Kɨ̃ɨ yaá wi'ikãharã warore ãyuró weetígɨ pe'e, tootá nemoró yã'âro weesamí. Jesu Cristore ẽho peótigɨ nemoró yã'agɨ́ niîsami.

2 Timoteo 1:13

Yɨ'ɨ̂ mɨ'ɨ̂re bu'ê'kere keoró bu'ê wã'kaya. Ãyuró ẽho peósetiya. A'mêri ma'iyá. Marî Jesu Cristo me'ra niîrã, tohô wee masí'.

2 Timoteo 2:12

Marî pi'etírã wãkû tutuarã, kɨ̃ɨ̂ wiôgɨ niirópɨ kɨ̃ɨ̂ me'ra wiôrã niîrãsa'. “Kɨ̃ɨ̂re masîtisa'” niikã́, kɨ̃ɨ́ kẽ'ra marîre “Masí wee'”, niîgɨsami.

Hebreos 10:23

Õ'âkɨ̃hɨ “Tohô weegɨ́ti” niî'kere weegɨ́sami. Tohô weérã marî ẽho peósetisere ẽho peóro nohota neê dɨka yuúro mariró ẽho peó nu'kurã. Kɨ̃ɨ̂ o'oátehere e'katíse me'ra yuû kuerã, tohô weerã́.

Hebreos 3:6

Õ'âkɨ̃hɨ yarã ni'kâ wi'i weeró noho niîma. Õ'âkɨ̃hɨ besé'kɨ Cristo tií wi'ikɨ̃hɨ wiôgɨ makɨ niîmi. Kɨ̃ɨ̂ keoró weé nu'kumi. Tií wi'ikãharã maríta niî'. Marî Õ'âkɨ̃hɨre ẽho peó du'utirã, kɨ̃ɨ yarã́ niîrãsa'. Tohô niikã́ “Be'ropɨ́ kɨ̃ɨ̂ o'oátehere marîre o'ôgɨsami” niî ẽho peórã, kɨ̃ɨ yarã́ niîrãsa'.

Santiago 2:7

Naâ Jesu marî ẽho peógɨre buhíkã'sama.

Apocalipse 1:5

Tohô niikã́ Jesu Cristo mɨsâre ãyuró weeáto. Kɨ̃ɨ̂ Õ'âkɨ̃hɨ yeekãhasere keoró weregɨ́ niîmi. Kɨ̃ɨ́ta niî pe'tirã wẽrî'kãrã dɨporo masá mɨ'ta'kɨ niîmi. Kɨ̃ɨ̂ niî pe'tirã a'tí di'takãharã wiôrãre dutîmi. Marîre ma'imí. Kɨ̃ɨ̂ wẽrîgɨ, kɨ̃ɨ yeé diî me'ra marî yã'âro weé'kere yɨ'rɨówĩ.

Apocalipse 11:3

Be'ró Õ'âkɨ̃hɨ niî nemowĩ taha: —Pɨárã yarã́, yeekãhásere wererã́re o'ôo'gɨti. Naâ pehé ɨmɨ̂kohori, mil duzentos sessenta nɨmɨri yeekãhásere uúkũrãsama. Naâ bɨhâ wetisere ĩ'yórã naâ wee wɨáro noho su'tí wãkisére sãyâ, uúkũrãsama, niîwĩ.

Apocalipse 12:11

Õ'âkɨ̃hɨ yarã marî akawerérã wãtîre dokâ ke'akã weewã́. Naâ Õ'âkɨ̃hɨ makɨ ovelha wi'magɨ́ weeró noho bahugɨ́ wẽrisé me'ra, kɨ̃ɨ yeé diî a'mâ bɨrose me'ra tohô weewã́. Naâ katirí ɨmɨ̂kohore ma'itírã, Õ'âkɨ̃hɨ yee kitire weresé me'ra kɨ̃ɨ̂re tohô weewã́. Ãpêrã naâre wẽhé sĩ'rikã, naâ werê du'utiwã. Wẽrisére uîtiwã.

Apocalipse 13:2

Kɨ̃ɨ̂ yaî weeró noho do'rôwĩ. Kɨ̃ɨ̂ bɨkô weeró noho dɨ'pôkãtigɨ niîwĩ. Kɨ̃ɨ̂ pahigɨ́ yaî weeró noho ɨsêrotiwĩ. Pĩrô kɨ̃ɨ̂re kɨ̃ɨ̂ tutuasére o'ôwĩ. Kɨ̃ɨ̂re yã'arã́ wiôgɨ duhirí kumuropɨ dɨpowĩ́. “Masá mɨ'ɨ̂ dutisére yɨ'tiáto”, niîwĩ.

Apocalipse 14:12

Tohô weérã Õ'âkɨ̃hɨ yarã, kɨ̃ɨ̂ dutisére weérã, yã'âro wa'asére wãkû tutuaya. Jesu Cristore ẽho peó nu'kurã, tohôta weeyá.

Apocalipse 17:14

Naâ Õ'âkɨ̃hɨ makɨ ovelha wi'magɨ́ weeró noho bahugɨ́ me'ra a'mê wẽherãsama. Kɨ̃ɨ̂ naâre dokâ ke'akã weegɨ́sami. Kɨ̃ɨ̂ niî pe'tirã wiôrã bu'ipɨ niîmi. Tohô weégɨ naâre tohô weegɨ́sami. Õ'âkɨ̃hɨ makɨ me'rakãharã Õ'âkɨ̃hɨ besé'kãrã niîma. Õ'âkɨ̃hɨ ɨaró weé nu'kurã niîma, niîwĩ.

Apocalipse 17:6

Be'ró a'tîro ĩ'yâwɨ. Koô ke'ágo weewṍ. Õ'âkɨ̃hɨ yarã Jesu Cristo yee kitire wererã́ wẽhé no'o'kãrã yee dii me'ra tohô wa'âwõ. Koôre ĩ'yâgɨ, “De'ró weéro tohô wa'âmitito?” niîwɨ.

Apocalipse 2:2

Niî pe'tise mɨsâ weesére yɨ'ɨ̂ masî'. Mɨsâ da'rasé, mɨsâ wãkû tutuasere masî'. Tohô niikã́ yã'âro weerã́re mɨsâ ɨatísere masî'. Mɨsâ basi ãpêrã naâ niisétisere ĩ'yâ masi'. Naâ ‘Jesu Cristo bese kũú'kãrã niî'’, niîma. Tohô niîmirã, niîtima. Tohô weérã naâre ĩ'yârã, ‘Niî soorã niîma’, niî'. Mɨsâ naâ tohô weesére masî'.

Apocalipse 3:11

Maatá a'tîgɨti taha. Mɨsâ keoró weesétisere neê du'utíkã'ya. Mɨsâ keoró weetírã, Õ'âkɨ̃hɨ mɨsâre o'ô booka be'to, kɨ̃ɨ̂ ‘O'ôgɨti’ niî'kere bahurió boosa'. Ãpêrãre o'ô boosami. Tohô weérã keoró weé nu'kukã'ya.

Apocalipse 3:3

Mɨsâre bu'ê'kere wãkûya. Teeréta siru tuúya. Mɨsâ keoró weetísere bɨhâ wetiya. Tohô weetíkã, yɨ'ɨ̂ yahagɨ́ weeró noho weegɨ́ti. Wãkûtiro mɨsâ tiropɨ bu'îri da'rêgɨ wa'âgɨti.