Apocalipse 19:4 - Tukano

⁴ Vinte e quatro wiôrã bɨkɨrã, tohô niikã́ ba'pâritirã katisé kɨorã́ weeró noho bahurã́ Õ'âkɨ̃hɨ wiôgɨ duhirí kumuropɨ duhigɨ́re ẽho peórã ehâ ke'awã. A'tîro niîwã: —Tohôta wa'aáto. Õ'âkɨ̃hɨre e'katí peorã. Aleluia, niîwã.

Õꞌacʉ̃ Yere Ucũrĩ Turi

⁴ Veinticuatro wiorã bʉcʉrã, tojo nicã baꞌparitirã catise cʉorã weronojõ bajurã Õꞌacʉ̃ wiogʉ dujiri cũmurõpʉ dujigʉre ẽjõpeorã ejaqueꞌawã. Aꞌtiro niwã: —Tojota waꞌato. Õꞌacʉ̃rẽ eꞌcatipeorã. Aleluya, niwã.

Apocalipse 19:4 Iomraidhean Croise

Mateus 28:20

Niî pe'tise yɨ'ɨ̂ mɨsâre dutî'kere naâre yɨ'tí bu'ekã́ weeyá. Naâre niî pe'tise nɨmɨri yɨ'ɨ̂ mɨsâre bu'ê'kere werêya. A'teré masîya. Niî pe'tise nɨmɨri mɨsâ me'ra niî nu'kukɨ̃'sa'. Teê a'ti ɨmɨ́koho pe'tikã́pɨ kẽ'ra mɨsâ me'ra niî nu'kukɨ̃'sa', niî werêwĩ Jesu.

Mateus 6:13

Ɨ̃sâ yã'âro weé sĩ'risere ka'mú ta'aya. Tohô niikã́ yã'agɨ́ ɨ̃sâre niî kehe sãakã, ka'mú ta'aya. Mɨ'ɨ̂ ni'kɨtá dutî masi'. Tutuâ yɨ'rɨgɨ niî'. Mɨ'ɨ̂ ni'kɨréta masá ẽho peórãsama. Mɨ'ɨ̂ niî nu'kukɨ̃'sa', niî sẽriyá Õ'âkɨ̃hɨre.

1 Corintios 14:16

Apêyere masîtimirã uúkũse me'ra di'akɨ̃ mɨ'ɨ̂ Õ'âkɨ̃hɨre “Ãyú'” niikã́, ãpí mɨ'ɨ̂ uúkũsere tɨ'otí boosami. Tɨ'otígɨ, “Tohôta niî'”, niî tamu masitisami.

Apocalipse 15:7

Be'ró ni'kɨ́ katisé kɨorã́ me'rakɨ̃hɨ a'tîro weewĩ́. Kɨ̃ɨ̂ Õ'âkɨ̃hɨre werê ko'terã setere naâ nɨkɨ bapâri o'ôwĩ. Teé ouro me'ra weé'ke paari niîwɨ. Tee paári Õ'âkɨ̃hɨ kɨ̃ɨ̂ bu'îri da'reátehere posetíwɨ. Õ'âkɨ̃hɨ katî nu'kugɨ a'ti nukúkãkãharãre ɨpɨ́tɨ bu'îri da'rêgɨsami.

Apocalipse 19:1

Babilôniare bu'îri da'rekã́ ĩ'yâka be'ro a'tîro wa'âwɨ. Yɨ'ɨ̂ João pãharã́ masá ɨ'mɨ̂sepɨ niirã́ tutuaró me'ra uúkũsere tɨ'owɨ́. A'tîro e'katí peowã: Õ'âkɨ̃hɨre e'katí peorã. Aleluia. Õ'âkɨ̃hɨ marî wiôgɨ, marîre yɨ'rɨógɨ niîmi. Niî pe'tirã bu'ipɨ niîmi. Tutuâ yɨ'rɨgɨ niîmi.

Apocalipse 19:3

Opâturi niîwã taha: —Õ'âkɨ̃hɨre e'katí peorã. Aleluia. Tii makáre ɨ̃hâ kõ'ase o'mé tohô o'mé pu'su nu'kurosa', niîwã.

Apocalipse 19:6

Be'ró yɨ'ɨ̂ pãharã́ masá uúkũkã tɨ'owɨ́. Pehe maári po'ê yaha a'mâ bɨrose maari weeró noho bɨsɨ̂wã. Bɨpô ɨpɨ́tɨ paâro weeró noho bɨsɨ̂wã. A'tîro niîwã: Marî Õ'âkɨ̃hɨre e'katí peorã. Aleluia. Marî wiôgɨ tutuâ yɨ'rɨ nɨ'kagɨ ni'kâroakãre niî pe'tirãre dutigɨ́ sãhá nɨ'kami.

Apocalipse 5:14

Naâ tohô niikã́ tɨ'órã, sõ'ó niîkãrã ba'pâritirã katirã́ weeró noho bahurã́ “Tohôta wa'aáto”, niîwã. Ãpêrã vinte e quatro wiôrã bɨkɨrã́ ehâ ke'a, kɨ̃ɨ̂re katî nu'kugɨre ẽho peówã.