Apocalipse 19:3 - Tukano

³ Opâturi niîwã taha: —Õ'âkɨ̃hɨre e'katí peorã. Aleluia. Tii makáre ɨ̃hâ kõ'ase o'mé tohô o'mé pu'su nu'kurosa', niîwã.

Õꞌacʉ̃ Yere Ucũrĩ Turi

³ Apaturi niwã tja: —Õꞌacʉ̃rẽ eꞌcatipeorã. Aleluya. Ti macãrẽ ʉ̃jʉ̃acõꞌase oꞌme tojo oꞌmepuꞌsunuꞌcũrõsaꞌa, niwã.

Apocalipse 19:3 Iomraidhean Croise

Judas 1:7

Sodoma, Gomorra, tohô niikã́ teé pɨ'tokãhase makari naâ yã'âro weé'ke kẽ'rare wãkûya. Õ'âkɨ̃hɨre werê ko'terã niîmi'kãrã weeró noho tee makárikãharã kẽ'ra yã'âro weékãrã niîwã. Naâ nɨmosã́ numia niîtirãre a'me tãrákãrã niîwã. Apêye kẽ'rare ɨmɨá se'saro numiâ me'ra wee wɨáse nohore weékãrã niîwã. Numiâ kẽ'ra tohôta weékãrã niîwã. Naâ yã'âro weé'ke wapa Õ'âkɨ̃hɨ bu'îri da'rêgɨ, naâre ɨ̃hâ kõ'akɨ niîwĩ. Niî pe'tirã yã'arã́ naâ weeró nohota pekâ me'e pe'titíri me'epɨ bu'îri da'rê no'orãsama niisére masî yuu dutigɨ naâre tohô weékɨ niîwĩ.

Apocalipse 14:11

Naâre ɨ̃hâ kõ'ase o'mé tohô o'mé pu'su nu'kurósa'. Neê pe'tisomé. Yaî weeró noho bahugɨ́re, kɨ̃ɨ̂ yeê'kere ẽho peórã noho ou kɨ̃ɨ̂ wameré ohâ õ'o no'orã noho pi'etí nu'kurãsama. Ɨmɨ̂koho, yamî neê soosomé, niîwĩ.

Apocalipse 18:18

Tii maká ɨ̃hɨkã́ ĩ'yârã, karíkũrãsama: —A'ti maká weeró noho ãyurí maka ape maká marí', niîrãsama.

Apocalipse 18:9

A'ti nukúkãkãharã wiôrã tii makákãharã me'ra yã'âro a'mé sɨ'a, no'ó ɨaró yã'âro weé ma'akãrã niîwã. A'ti nukúkãkãharã wiôrã tii maká ɨ̃hɨ̂, o'mé pu'su nu'kukã ĩ'yârã, pũûro utîrãsama.

Apocalipse 19:1

Babilôniare bu'îri da'rekã́ ĩ'yâka be'ro a'tîro wa'âwɨ. Yɨ'ɨ̂ João pãharã́ masá ɨ'mɨ̂sepɨ niirã́ tutuaró me'ra uúkũsere tɨ'owɨ́. A'tîro e'katí peowã: Õ'âkɨ̃hɨre e'katí peorã. Aleluia. Õ'âkɨ̃hɨ marî wiôgɨ, marîre yɨ'rɨógɨ niîmi. Niî pe'tirã bu'ipɨ niîmi. Tutuâ yɨ'rɨgɨ niîmi.

Apocalipse 19:4

Vinte e quatro wiôrã bɨkɨrã, tohô niikã́ ba'pâritirã katisé kɨorã́ weeró noho bahurã́ Õ'âkɨ̃hɨ wiôgɨ duhirí kumuropɨ duhigɨ́re ẽho peórã ehâ ke'awã. A'tîro niîwã: —Tohôta wa'aáto. Õ'âkɨ̃hɨre e'katí peorã. Aleluia, niîwã.