Apocalipse 19:10 - Tukano

¹⁰ Õ'âkɨ̃hɨre werê ko'tegɨ tohô niikã́ tɨ'ógɨ, yɨ'ɨ̂ kɨ̃ɨ̂ tiro ẽho peógɨ ehâ ke'awɨ. Yɨ'ɨ̂ tohô weekã́ ĩ'yâgɨ, yɨ'ɨ̂re niîwĩ: —Tohô weetíkã'ya. Yɨ'ɨ́ kẽ'ra kɨ̃ɨ̂re da'rá ko'tegɨta niî'. Yɨ'ɨ̂ mɨ'ɨ̂ weeró noho niigɨ́ niî'. Tohô niikã́ mɨ'ɨ̂ akawerérã Jesu yeére werê nu'kurã weeró noho niî'. Yɨ'ɨ̂re neê ẽho peótikã'ya. Õ'âkɨ̃hɨ pe'ere tohô weeyá. A'tîro niî'. Espírito Santo Õ'âkɨ̃hɨ yee werê mɨ'tarãre masikã́ weékɨ niîwĩ. Teé masisé me'ra werêkãrã niîwã. Meharóta Jesu yeére wererã́ kẽ'ra Espírito Santo masisé o'osé me'ra werêma, niîwĩ.

Õꞌacʉ̃ Yere Ucũrĩ Turi

¹⁰ Õꞌacʉ̃rẽ werecoꞌtegʉ tojo nicã tʉꞌogʉ, yʉꞌʉ cʉ̃ tiro ñubuepeogʉ ejaqueꞌawʉ. Yʉꞌʉ tojo weecã ĩꞌagʉ̃, yʉꞌʉre niwĩ: —Tojo weeticãꞌña. Yʉꞌʉ quẽꞌrã cʉ̃rẽ daꞌracoꞌtegʉta niꞌi. Yʉꞌʉ mʉꞌʉ weronojõ nigʉ̃́ niꞌi. Tojo nicã mʉꞌʉ acawererã Jesú yere werenuꞌcũrã weronojõ niꞌi. Yʉꞌʉre ne ñubuepeoticãꞌña. Õꞌacʉ̃ peꞌere tojo weeya. Aꞌtiro niꞌi. Espíritu Santu Õꞌacʉ̃ ye weremʉꞌtãrãrẽ masĩcã weecʉ niwĩ. Te masĩse meꞌrã werecãrã niwã. Mejãrõta Jesú yere wererã quẽꞌrã Espíritu Santu masĩse oꞌose meꞌrã werema, niwĩ.

Apocalipse 19:10 Iomraidhean Croise

Mateus 4:10

Tohô niikã́ tɨ'ógɨ, Jesu kɨ̃ɨ̂re niîkɨ niîwĩ: —Wa'âya, wãtî. Õ'âkɨ̃hɨ yee kiti ohâka pũripɨ a'tîro ohâ no'owɨ: “Õ'âkɨ̃hɨ mɨ'ɨ̂ wiôgɨ ni'kɨréta ẽho peóya. Kɨ̃ɨ̂ ni'kɨréta yɨ'tiró ɨá'”, niîwɨ, niîkɨ niîwĩ.

Marcos 5:22

Toopɨ́re ni'kɨ́ naâ nererí wi'i wiôgɨ Jairo wamêtigɨ etâkɨ niîwĩ. Jesuré ĩ'yâgɨ, kɨ̃ɨ̂ tiro ehâ ke'akɨ niîwĩ.

Marcos 7:25

Maatá wãtî sãháa no'o'ko pako Jesu toopɨ́ niiápɨ niisére masîko niîwõ. Koô a'tî, kɨ̃ɨ̂ wee tamúsere sẽrigótigo, Jesu tirópɨ kɨ̃ɨ̂re ẽho peógo, ehâ ke'ako niîwõ.

San Lucas 1:19

Õ'âkɨ̃hɨre werê ko'tegɨ kɨ̃ɨ̂re yɨ'tíkɨ niîwĩ: —Yɨ'ɨ̂ Õ'âkɨ̃hɨre da'rá ko'tegɨ Gabriel wamêti'. Yɨ'ɨ̂ Õ'âkɨ̃hɨ ĩ'yóropɨ niî'. Kɨ̃ɨ̂ yɨ'ɨ̂re mɨ'ɨ̂ me'ra uúkũ dutigɨ, a'te kití ãyusére werê dutigɨ o'ôo'ami.

San Lucas 24:44

Be'ró naâre niîkɨ niîwĩ: —A'té yɨ'ɨ̂re wa'â'kere too dɨpóro mɨsâ me'ra niîgɨ, werêmiwɨ: “Niî pe'tise Moisé yɨ'ɨ̂re ohâ'ke, Õ'âkɨ̃hɨ yee kiti werê mɨ'tarã naâ ohâ'ke keoró wa'ârosa'”, niîmiwɨ. “Tohô niikã́ Salmo wamêtiri pũripɨ naâ ohâ'karo nohota yɨ'ɨ̂re wa'ârosa'”, niîwɨ, niîkɨ niîwĩ.

San Juan 5:39

Mɨsâ katî nu'kusere bokarã́sa' niîrã, Õ'âkɨ̃hɨ yee kiti ohâka pũrire wio pesáse me'ra bu'ê nu'kukã'. Mɨsâ tii pũríkãhasere bu'êrã, yee kitíreta bu'ê'.

Hechos 10:43

Niî pe'tirã dɨporókãharãpɨ Õ'âkɨ̃hɨ yee kiti werê mɨ'tarã Jesu yeére a'tîro niî ohâ mɨ'takãrã niîwã: “Kɨ̃ɨ̂re ẽho peórãre niî pe'tirã naâ yã'âro weé'kere akobohóse sẽrikã́, naâre akobohógɨsami kɨ̃ɨ̂ tutuaró me'ra”, niîkãrã niîwã, niîkɨ niîwĩ Pedro Cornélio yaá wi'ipɨ nerê'kãrãre.

Hechos 13:27

Tohô weemíkã, Jerusalẽ́kãharã, naâ wiôrã kẽ'ra “Jesu marîre yɨ'rɨoákɨhɨ niîmi”, niî ĩ'yâ masitikãrã niîwã. Naâ saurú nɨkɨ Õ'âkɨ̃hɨ yee kiti werê mɨ'tarã naâ ohâ'kere bu'êmirã, neê tɨ'o masítikãrã niîwã. Jesu Cristore wiôrã wẽhe dutíkã, dɨporópɨ Õ'âkɨ̃hɨ yee kiti werê mɨ'tarã naâ ohâ'ke keoróta wa'âkaro niîwɨ.

2 Corintios 8:7

Mɨsâ niî pe'tisere ãyuró weé'. Ãyuró ẽho peóseti'. Õ'âkɨ̃hɨ yeekãhasere ãyuró masî'. Ãyuró bu'eséti'. E'katíse me'ra ãyuró weé sĩ'ri'. Ɨ̃sâre ãyuró ma'í'. Mɨsâ teé niî pe'tisere ãyuró weeró nohota niyéru o'osé kẽ'rare meharóta weeyá.

Efesios 5:15

Tohô weérã mɨsâ weesére ãyuró wãkû kasa nɨ'koya. Õ'âkɨ̃hɨ yeere masîtirã weeró noho niîtikã'ya. Kɨ̃ɨ yeére masirã́ weeró noho pe'e ãyuró niîya.

Efesios 5:33

Tohô niîmigɨ, a'té kẽ'rare niîgɨti. Nɨmôtirã nɨkɨ mɨsâ basi ma'iró nohota mɨsâ nɨmosã́ numiare ma'iyá. Numiâ kẽ'ra, mɨsâ marapɨ́ sɨmɨare ãyuró yɨ'tí ẽho peóya.

Filipenses 3:3

Marî pũrikã tohô weetímirã, Jesu Cristore ẽho peó tĩharã, diakɨ̃hɨ́ Õ'âkɨ̃hɨ dutisére ãyuró weerã́ niî'. A'tîro niî'. Espírito Santo wee tamúse me'ra Õ'âkɨ̃hɨre ẽho peó'. Tohô niikã́ Jesu Cristo marîpɨre niî yuukã, pũûro e'katí'. “Masá weesétise bu'îkãhase me'ra yɨ'rɨrã́sa'”, nií wee'.

1 Tesalonicenses 5:15

Mɨsâre ãpêrã yã'âro weekã́, naâre a'metíkã'ya. A'tîro pe'e weeyá. Mɨsâ me'rakãharãre, niî pe'tirãre ãyuró weé nu'kukã'ya.

Hebreos 1:14

Niî pe'tirã Õ'âkɨ̃hɨre werê ko'terã bahutírã niîma. Naâ kɨ̃ɨ̂ dutisére weé ko'terã niîma. Naâ kɨ̃ɨ̂ yɨ'rɨó'kãrãre wee tamú dutigɨ o'ôo'kãrã niîma.

Hebreos 12:25

Tohô weérã ãyuró tɨ'o masíya. Õ'âkɨ̃hɨre mɨsâre weregɨ́re teetíkã'ya. Too dɨpórokãharãre Õ'âkɨ̃hɨ bahû yoaropɨ werêkɨ niîwĩ. Naâ kɨ̃ɨ̂re teékãrã niîwã. Naâ tohô weekã́, naâre bu'îri da'rêkɨ niîwĩ. Marî pũrikãre teekã́, tãhâgɨsami. Õ'âkɨ̃hɨ ɨ'mɨ̂sepɨ niigɨ́ marîre werêmi. Kɨ̃ɨ̂re teérã, neê yɨ'rɨ wetísome.

1 João 5:10

Õ'âkɨ̃hɨ marîre kɨ̃ɨ̂ makɨ́ me'ra katî nu'kusere o'ôkɨ niîwĩ. Tohô weérã kɨ̃ɨ̂ makɨré ẽho peórã kɨ̃ɨ̂ me'ra katî nu'kurãsama. Kɨ̃ɨ̂ makɨré ẽho peótirã neê kɨ̃ɨ̂ me'ra katî nu'kusome. Marî Jesu Cristo yee kitire diakɨ̃hɨ́ta niî' niîrã, kɨ̃ɨ̂re ẽho peórã weé'. Ãpêrã a'teré ẽho peótirã noho “Õ'âkɨ̃hɨ niî soogɨ niîmi”, niîrã weemá.

1 João 5:21

Apêye, masá naâ yeê ẽho peó'ke nohore ẽho peótikã'ya. Õ'âkɨ̃hɨ se'sarore ẽho peóya. Niî pe'tise apêye noho yɨ'rɨóro Õ'âkɨ̃hɨre ma'iyá. Tohôta weeró ɨása'. Toô kã'rota ohâ'. João

Apocalipse 1:1

A'ti pũrí be'ropɨ́ wa'aátehere Jesu Cristo wererí pũri niî'. Õ'âkɨ̃hɨ Jesu Cristore “Kã'roákã be'ro a'tîro wa'ârosa'”, niî ĩ'yókɨ niîwĩ. Kɨ̃ɨ̂ Jesu Cristore ẽho peórãre teeré masî dutigɨ tohô werêkɨ niîwĩ. Be'ró Jesu Cristo yɨ'ɨ̂ João wamêtigɨre teeré werê turiawĩ. Kɨ̃ɨ̂ Õ'âkɨ̃hɨre werê ko'tegɨ ɨ'mɨ̂sekɨ̃hɨ me'ra tohô weewĩ́. Yɨ'ɨ́ta Jesu Cristore da'rá wã'ya ko'tegɨ niî'.

Apocalipse 1:9

Yɨ'ɨ̂ João mɨsâ akawerégɨ weeró noho niî'. Mɨsâ weeró nohota yɨ'ɨ́ kẽ'ra pi'etí'. Marî ni'kâro noho Õ'âkɨ̃hɨ põ'ra niî'. Tohô niikã́ yã'âro wa'akã́, Jesu Cristo marîre wãkû tutuasere o'ômi. Yɨ'ɨ̂ Patmo wamêtiri nɨkɨropɨ bu'îri da'rerí wi'ipɨ niîwɨ. Õ'âkɨ̃hɨ yee kiti, Jesu Cristo uúkũ'kere weresé bu'iri toopɨ́ niîwɨ.

Apocalipse 12:11

Õ'âkɨ̃hɨ yarã marî akawerérã wãtîre dokâ ke'akã weewã́. Naâ Õ'âkɨ̃hɨ makɨ ovelha wi'magɨ́ weeró noho bahugɨ́ wẽrisé me'ra, kɨ̃ɨ yeé diî a'mâ bɨrose me'ra tohô weewã́. Naâ katirí ɨmɨ̂kohore ma'itírã, Õ'âkɨ̃hɨ yee kitire weresé me'ra kɨ̃ɨ̂re tohô weewã́. Ãpêrã naâre wẽhé sĩ'rikã, naâ werê du'utiwã. Wẽrisére uîtiwã.

Apocalipse 12:17

Tohô wa'akã́ ĩ'yâgɨ, pĩrô numiô me'ra uâ yɨ'rɨa wa'âwĩ. Be'ró koô paramérã niî turiarã me'ra a'me kẽégɨ wa'âwĩ. Naâ Õ'âkɨ̃hɨ dutî'kere weerã́ Jesu Cristo yee bu'esére ẽho peó nu'kurã niîma.

Apocalipse 14:7

Kɨ̃ɨ̂ tutuaró me'ra a'tîro niîwĩ: —Õ'âkɨ̃hɨre wio pesáse me'ra ẽho peóya. “Kɨ̃ɨ̂ ãyú butia'gɨ niîmi”, niîya. Kɨ̃ɨ̂ bu'îri da'rerí kura ehâ toha'. Kɨ̃ɨ̂ ɨ'mɨ̂sere, a'tí di'tare weékɨ niîwĩ. Diâ pahirí maa, niî pe'tise no'ó akó niisé maariakãre weékɨ niîwĩ. Kɨ̃ɨ̂re ẽho peóya, niîwĩ.

Apocalipse 15:4

Niî pe'tirã mɨ'ɨ̂re wio pesáse me'ra ĩ'yârãsama. Niî pe'tirã mɨ'ɨ̂re “Ãyú yɨ'rɨgɨ, tutuâ yɨ'rɨgɨ niî'” niîrãsama. Mɨ'ɨ̂ ni'kɨtá yã'asé moogɨ́ niî'. Niî pe'tise makarikãharã mɨ'ɨ̂re ẽho peórãsama. Mɨ'ɨ̂ keoró weé'kere ĩ'yârã, naâ tohô weerã́sama, niî basâwã.

Apocalipse 19:9

Be'ró Õ'âkɨ̃hɨre werê ko'tegɨ yɨ'ɨ̂re niîwĩ: —A'tîro ohâya: “No'ó Õ'âkɨ̃hɨ makɨ ovelha wi'magɨ́ weeró noho bahugɨ́ amûkã dɨ'terí bosê nɨmɨre ĩ'yâ duti no'orã noho e'katíya”, niî ohâ dutiwĩ. Kɨ̃ɨ̂ yɨ'ɨ̂re niîwĩ taha: —A'té uúkũse Õ'âkɨ̃hɨ uúkũse waro niî'.

Apocalipse 4:10

Naâ tohô weesétiri nɨkɨ sõ'ó niîkãrã vinte e quatro wiôrã bɨkɨrã́ kɨ̃ɨ̂ dɨporo ehâ ke'a mɨhawã. Kɨ̃ɨ̂ katî nu'kugɨre ẽho peówã. Kɨ̃ɨ̂ dɨ'pôkãri tiropɨ naa yeé ouro me'ra weé'ke be'torire kũûwã. Tohô niikã́ naâ vinte e quatro wiôrã bɨkɨrã́ a'tîro niîwã: