Apocalipse 19:1 - Tukano

¹ Babilôniare bu'îri da'rekã́ ĩ'yâka be'ro a'tîro wa'âwɨ. Yɨ'ɨ̂ João pãharã́ masá ɨ'mɨ̂sepɨ niirã́ tutuaró me'ra uúkũsere tɨ'owɨ́. A'tîro e'katí peowã: Õ'âkɨ̃hɨre e'katí peorã. Aleluia. Õ'âkɨ̃hɨ marî wiôgɨ, marîre yɨ'rɨógɨ niîmi. Niî pe'tirã bu'ipɨ niîmi. Tutuâ yɨ'rɨgɨ niîmi.

Õꞌacʉ̃ Yere Ucũrĩ Turi

¹ Babiloniarẽ buꞌiri daꞌrecã ĩꞌáca beꞌro aꞌtiro waꞌawʉ. Yʉꞌʉ Juã pãjãrã masã ʉꞌmʉsepʉ nirã́ tutuaro meꞌrã ucũsere tʉꞌowʉ. Aꞌtiro eꞌcatipeowã: Õꞌacʉ̃rẽ eꞌcatipeorã. Aleluya. Õꞌacʉ̃ marĩ wiogʉ, marĩrẽ yʉꞌrʉogʉ nimi. Nipeꞌtirã buꞌipʉ nimi. Tutuayʉꞌrʉgʉ nimi.

Apocalipse 19:1 Iomraidhean Croise

Mateus 6:13

Ɨ̃sâ yã'âro weé sĩ'risere ka'mú ta'aya. Tohô niikã́ yã'agɨ́ ɨ̃sâre niî kehe sãakã, ka'mú ta'aya. Mɨ'ɨ̂ ni'kɨtá dutî masi'. Tutuâ yɨ'rɨgɨ niî'. Mɨ'ɨ̂ ni'kɨréta masá ẽho peórãsama. Mɨ'ɨ̂ niî nu'kukɨ̃'sa', niî sẽriyá Õ'âkɨ̃hɨre.

Apocalipse 11:15

Õ'âkɨ̃hɨre werê ko'tegɨ niî tɨogɨ putiwĩ́. Ɨ'mɨ̂sepɨ niirã́ tutuaró me'ra naâ uúkũkã tɨ'owɨ́. A'tîro niîwã: Ni'kâroakãre Õ'âkɨ̃hɨ marî wiôgɨ niî pe'tirã a'ti nukúkãkãharã wiôgɨ sãhamí. Kɨ̃ɨ̂ besé'kɨ Cristo tohôta sãhamí. Kɨ̃ɨ̂ dutî nu'kugɨsami, niîwã.

Apocalipse 12:10

Tohô wa'âka be'ro ni'kɨ́ ɨ'mɨ̂sepɨ niigɨ́ tutuaró me'ra uúkũ dihokã tɨ'owɨ́. A'tîro niîwĩ: Marîre yɨ'rɨóse niî toha'. Õ'âkɨ̃hɨ tutuasére, kɨ̃ɨ̂ marî wiôgɨ niisé niî toha'. Kɨ̃ɨ̂ besé'kɨ Jesu Cristo tutuasé me'ra kɨ̃ɨ̂ wiôgɨ niisé kẽ'ra niî toha'. Õ'âkɨ̃hɨ wãtîre ɨ'mɨ̂sepɨ niî'kɨre a'ti nukúkãpɨ kõ'â dihowĩ. Wãtî ɨmɨ̂kohori nɨkɨ, yamîri nɨkɨ a'tîro weewĩ́. Õ'âkɨ̃hɨpɨre werê sãagɨ, marî akawerérã Õ'âkɨ̃hɨ yarãre “Yã'âro tohô weemá”, niî nu'kuwĩ.

Apocalipse 19:6

Be'ró yɨ'ɨ̂ pãharã́ masá uúkũkã tɨ'owɨ́. Pehe maári po'ê yaha a'mâ bɨrose maari weeró noho bɨsɨ̂wã. Bɨpô ɨpɨ́tɨ paâro weeró noho bɨsɨ̂wã. A'tîro niîwã: Marî Õ'âkɨ̃hɨre e'katí peorã. Aleluia. Marî wiôgɨ tutuâ yɨ'rɨ nɨ'kagɨ ni'kâroakãre niî pe'tirãre dutigɨ́ sãhá nɨ'kami.