Apocalipse 17:2 - Tukano

² A'ti nukúkãkãharã wiôrã koô me'ra a'me tãrá baha ke'atikãrã niîwã. Koô a'ti nukúkãkãharãre ɨâri pehase me'ra ke'á maatihírã weeró noho wa'akã́ weéko niîwõ, niîwĩ.

Õꞌacʉ̃ Yere Ucũrĩ Turi

² Aꞌti nucũcãcjãrã wiorã co meꞌrã aꞌmetãrãbajaqueꞌaticãrã niwã. Co aꞌti nucũcãcjãrãrẽ ʉaripejase meꞌrã queꞌa maatirã weronojõ waꞌacã weeco niwõ, niwĩ.

Apocalipse 17:2 Iomraidhean Croise

San Juan 2:10

—Neê waro vinho tĩârã, ãyusére tĩâ mɨ'tasama. Pahiró sĩ'ríka be'ropɨ mehô niisé maa tĩâ bu'i peosama. Mɨ'ɨ̂ ãyusé vinho pe'ere be'ropɨ́ tĩâ dutiapã.

Apocalipse 14:8

Kɨ̃ɨ̂ be'ro ãpí Õ'âkɨ̃hɨre werê ko'tegɨ a'tîwĩ. A'tîro niîwĩ: —Babilônia wamêtiri maka pe'tí wã'karo weé'. Pe'tiá toha'. Naâ yã'âro ɨâri peha yɨ'rɨ nɨ'karã, ke'á maatihírã weeró noho niî pe'tise di'takãharãre dohórẽ'wã. Naâre ĩ'yâ kũu, ãpêrã kẽ'ra naâ weeró noho yã'âro weewã́, niîwĩ.

Apocalipse 17:13

Ã'rá pɨámukãrã wiôrã ni'kâro noho wãkusétirãsama. Naâ mehêkã bahugɨ́re naâ dutisé kɨosére o'ôrãsama.

Apocalipse 17:17

Õ'âkɨ̃hɨ naâre kɨ̃ɨ̂ ɨaró noho weekã́ weegɨ́sami. Tohô weégɨ naâre ni'kâro noho wãkukã́ weegɨ́sami. Naâ mehêkã bahugɨ́re wiôgɨ sõróorãsama. Teê Õ'âkɨ̃hɨ “A'tîro wa'ârosa'” niî'karo nohota wa'âka be'ropɨ wiôgɨ niî tɨogɨsami.

Apocalipse 17:5

Tohô niikã́ koô diâpoapɨre mehêkã bahurí wame ohâ õ'o no'okaro niîwɨ. A'tîro niîwɨ: “Babilônia pahirí makaho, niî pe'tirã yã'arã́ numiâ ɨmɨaré a'me tãrá wapá ta'arã numia pako niî'. Tohô niikã́ niî pe'tirã yã'â yɨ'rɨ nɨ'kase weerã́ pako niî'”, niî wã'yawɨ.

Apocalipse 17:8

A'tîro niî'. Mehêkã bahugɨ́ mɨ'ɨ̂ ĩ'yâ'kɨ dɨporópɨre niîmiwĩ. A'tóka tero marimí. Tohô niîmigɨ, be'ropɨ́ ĩ'yâ bahu dutí dihari peepɨ niî'kɨ mɨhátigɨsami. Kɨ̃ɨ̂ pekâ me'epɨ wa'â dohaatoho dɨporo tohô weegɨ́sami. A'ti nukúkãkãharã yã'arã́ mehêkã bahugɨ́re ĩ'yârã, ɨkɨárãsama. Naâ neê waropɨta a'tí di'ta weé nɨ'kari kura naâ wameré katirí pũripɨ ohâ õ'o no'oya marí'kãrã niî tĩharã, tohô wa'ârãsama. Kɨ̃ɨ̂ dɨporópɨ niî'kɨ a'tîro niikã́re marimí. Be'ropɨ́ a'tîgɨsami.

Apocalipse 18:23

Apêye kẽ'ra sĩ'óo'se noho marirósa'. Naâ amûkã dɨ'tekã́ bosê nɨmɨ wee peórã karíkũse tɨ'ó no'oya marirósa'. Too dɨpórore tii makákãharã duú wapá ta'arã apêye di'takãharã nemoró duú me'rirã niîmiwã. Tii makákãharã tɨ'ó yã'a masirã weeró noho weé me'rirã niî pe'tirokãharãre ẽho peókã weewã́.

Apocalipse 18:3

Tii makákãharã masá yã'âro ɨâri peha yɨ'rɨ nɨ'ka'kãrã niîwã. Teeré niî pe'tise di'takãharã ke'á maatihírã weeró noho wee sirú tuuwã. A'ti nukúkãkãharã wiôrã naâ me'ra a'mé sɨ'awã. Tii makákãharã ɨâri peha yɨ'rɨ maharã, pehe waró apeká no'ó niisére duú ma'awã. Tohô weérã a'ti nukúkãkãharã naâre duâ wapá ta'arã niyéru bɨkɨrã tohawã́.

Apocalipse 18:9

A'ti nukúkãkãharã wiôrã tii makákãharã me'ra yã'âro a'mé sɨ'a, no'ó ɨaró yã'âro weé ma'akãrã niîwã. A'ti nukúkãkãharã wiôrã tii maká ɨ̃hɨ̂, o'mé pu'su nu'kukã ĩ'yârã, pũûro utîrãsama.

Apocalipse 2:22

Tohô weégɨ koô yã'âro weesére du'utíkã ĩ'yâgɨ, koôre do'âtikã weegɨ́ti. Koô me'ra yã'âro weé a'me tãrárãre ɨpɨ́tɨ pi'etíkã weegɨ́ti.

Apocalipse 3:10

Mɨsâre mehêkã wa'akã́ wãkû tutua duti'kere keoró weewɨ́. Tohô weégɨ niî pe'tirã a'ti nukúkãkãharã pi'etíri kura mɨsâre ko'têgɨti. Niî pe'tirã a'ti nukúkãkãharãre de'ró ẽho peómiti naa? niîgɨ, naâre pi'etíkã weegɨ́ti.

Apocalipse 9:21

Tohô niikã́ masaré wẽhé kõ'asere, naâ ãpêrãre dohórẽ'sere du'utíwã. Apêyere, naâ no'ó ɨaró a'me tãrá baha ke'atisere, ãpêrã yeere yahasére neê du'utíwã.