Apocalipse 16:9 - Tukano

⁹ Masá ɨpɨ́tɨ waro ɨ̃hâ no'owã. Tohô ɨ̃hâ no'omirã, neê naâ yã'âro weé'kere bɨhâ weti, naâ wãkusére dɨka yuútiwã. Õ'âkɨ̃hɨre “Ãyugɨ́ niîmi”, neê niîtiwã. Kɨ̃ɨ̂re ãyuró uúkũro noho o'ôrã, kɨ̃ɨ̂re yã'âro uúkũwã. Õ'âkɨ̃hɨ bu'îri da'rêmikã, tohô weewã́.

Õꞌacʉ̃ Yere Ucũrĩ Turi

⁹ Masã ʉpʉtʉ waro ʉ̃jʉ̃anoꞌwã. Tojo ʉ̃jʉ̃anoꞌmirã, ne na ñaꞌarõ weeꞌquere bʉjaweti, na wãcũsere dʉcayutiwã. Õꞌacʉ̃rẽ “Añugʉ̃ nimi”, ne nitiwã. Cʉ̃rẽ añurõ ucũrõnojõ oꞌorã, cʉ̃rẽ ñaꞌarõ ucũwã. Õꞌacʉ̃ buꞌiri daꞌremicã, tojo weewã.

Apocalipse 16:9 Iomraidhean Croise

San Lucas 13:3

Nií wee'. Mɨsâre werêgɨti. Mɨsá kẽ'ra yã'âro weé'kere bɨhâ weti dɨka yuútirã, wẽrîrãsa'.

San Lucas 13:5

Nií wee'. Mɨsá kẽ'ra yã'âro weé'kere bɨhâ weti dɨka yuútirã, meharóta wẽrîrãsa', niîkɨ niîwĩ Jesu.

2 Corintios 12:21

Yɨ'ɨ̂ uísa'. Mɨsâ tiropɨ opâturi wa'akã́, Õ'âkɨ̃hɨ yɨ'ɨ̂ wiôgɨ mɨsâ yã'âro weé'ke bu'iri yɨ'ɨ̂re bopôyaro yɨ'rɨkã́ wee boósami. Tohô niikã́ yã'âro weé'kãrã akobohóse sẽritíkã, pũûro utî boosa'. Mɨsâ yã'âro weesére, yã'âro wãkusére, no'ó mɨsâ a'me tãrá baha ke'atisere pũûro bɨhâ weti boosa'. Niî pe'tise yã'asé ɨâri pehase, mɨsâ wee wɨáse nohore du'utíkã, meharóta bɨhâ weti boosa'.

Apocalipse 11:13

Naâ mɨhâari kura di'tâ pũûro nara sãáwɨ. Tii makápɨre pehé wi'seri bɨrɨ̂ dihawɨ. Pãharã́ sete mil masá wẽrîwã. Ãpêrã dɨ'sá'kãrã ɨpɨ́tɨ uîrã, “Õ'âkɨ̃hɨ ɨ'mɨ̂sepɨ niigɨ́ tutuâ yɨ'rɨ nɨ'kami”, niîwã.

Apocalipse 14:7

Kɨ̃ɨ̂ tutuaró me'ra a'tîro niîwĩ: —Õ'âkɨ̃hɨre wio pesáse me'ra ẽho peóya. “Kɨ̃ɨ̂ ãyú butia'gɨ niîmi”, niîya. Kɨ̃ɨ̂ bu'îri da'rerí kura ehâ toha'. Kɨ̃ɨ̂ ɨ'mɨ̂sere, a'tí di'tare weékɨ niîwĩ. Diâ pahirí maa, niî pe'tise no'ó akó niisé maariakãre weékɨ niîwĩ. Kɨ̃ɨ̂re ẽho peóya, niîwĩ.

Apocalipse 16:21

Tohô niikã́ masaré yɨsɨáse peeri paka bɨrɨ̂ pehawɨ. Ni'karé peeri quarenta quilos nɨkɨ̂wɨ. Õ'âkɨ̃hɨ tee peéri me'ra naâre ɨpɨ́tɨ bu'îri da'rekã́ ĩ'yârã, yã'â butia'ro kɨ̃ɨ̂re uúkũwã.

Apocalipse 2:21

Tii nɨmɨ́pɨ koô yã'âro weé'kere bɨhâ weti dɨka yuú dutimiwɨ. Neê dɨka yuú sĩ'ritimo. Koô yã'âro a'me tãrásere du'ú sĩ'ritimo.

Apocalipse 9:20

Ãpêrã masá pekâ me'e, o'mé, enxofre me'ra wẽrîtirã pe'e naâ yã'âro weesére neê du'utíwã. Naâ wãtiâre ẽho peósere du'utíwã. Naâ ẽho peóse yeê'ke ouro me'ra weé'ke, prata me'ra weé'ke, bronze me'ra weé'ke, ɨ̃tâ peeri me'ra weé'ke, yukɨpagɨ́ me'ra weé'kere ẽho peó du'utiwã. Teé yeê'ke naâ ẽho peóse pehé neê ĩ'yâti, neê tɨ'otí, neê sihá wee'. Tohô niîmikã, neê ẽho peó du'utiwã.