Apocalipse 16:8 - Tukano

⁸ Be'ró, i'tiárã be'rokɨ̃hɨ kɨ̃ɨ yaá paakãhasere muhîpũ ɨmɨ̂kohokɨ̃hɨ bu'ipɨ piô peowĩ. Tohô weéka be'ro muhîpũ ɨpɨ́tɨ asiwĩ́. Teé kɨ̃ɨ̂ asisé me'ra masaré ɨ̃hâ masiwĩ.

Õꞌacʉ̃ Yere Ucũrĩ Turi

⁸ Beꞌro, iꞌtiarã beꞌrocjʉ̃ cʉ̃ ya pa cjasere mujĩpũ ʉmʉcocjʉ̃ buꞌipʉ piopeowĩ. Tojo wééca beꞌro mujĩpũ ʉpʉtʉ asiwĩ. Te cʉ̃ asise meꞌrã masãrẽ ʉ̃jʉ̃amasĩwĩ.

Apocalipse 16:8 Iomraidhean Croise

Mateus 13:6

Be'ró muhîpũ asi mɨhátiri kura di'tâ bopô sãha yɨ'rɨa wa'ása'. Tohô weéro nɨ'kôri moó'karo niî tĩharo, maatá yãî diha wa'ása'.

San Lucas 21:25

Jesu kɨ̃ɨ̂ bu'erã́re a'tîro niî nemokɨ niîwĩ: —A'ti ɨmɨ́koho pe'tiátoho dɨporo muhîpũ ɨmɨ̂kohokɨ̃hɨre, yamîkɨ̃hɨre, yõkoáre pehé mehêkã bahusé wa'ârosa'. A'tí di'tapɨre niî pe'tise di'takãharã diâ pahirí maa bɨsɨsé, pã'kôrire tɨ'órã, yẽ'e nohó niîsari? niîrã, ɨkɨárãsama.

Hechos 2:20

Ɨmɨ̂koho kẽ'ra na'î tĩ'a wa'ârosa'. Tohô wa'akã́, muhîpũ ɨmɨ̂kohokɨ̃hɨ bahutígɨsami. Muhîpũ yamîkɨ̃hɨ kẽ'ra diî weeró noho sõ'agɨ́ wa'âgɨsami. Masaré yɨ'rɨó'kɨ kɨ̃ɨ̂ opâturi a'tiátoho dɨporo tohô wa'ârosa'. Kɨ̃ɨ̂ a'tîgɨ, wio pesáse me'ra asisté dihatigɨsami. Mehô niirí nɨmɨ meheta niîrosa'.

Apocalipse 14:18

Be'ró ãpí Õ'âkɨ̃hɨre wa'îkɨ̃rã ɨ̃hâ moro peo wɨaro pɨ'tokɨ̃hɨ wihátiwĩ. Kɨ̃ɨ̂ pekâ me'ere dutî masisere kɨowĩ́. Tií me'e wiôgɨ niîwĩ. Kɨ̃ɨ̂ ãpí di'pĩhí ɨse yohári pĩhire kɨogɨ́re tutuaró me'ra niîwĩ: —Mɨ'ɨ yaá pĩhi ɨse yohári pĩhi me'ra a'ti nukúkãkãhase ɨ'sê tõ'orire dɨtê miiya. Teé yĩá toha'.

Apocalipse 6:12

Be'ró Õ'âkɨ̃hɨ makɨ ovelha wi'magɨ́ weeró noho bahugɨ́ apêro pi'râ bi'a'karore pãâwĩ taha. Kɨ̃ɨ̂ pãakã́, di'tâ pũûro nara sãáwɨ. Muhîpũ ɨmɨ̂kohokɨ̃hɨ na'î tĩ'a wa'âwĩ. Wẽrî'kãrãre bɨhâ wetirã su'tí yĩisé sãyâro weeró noho wa'âwĩ. Muhîpũ yamîkɨ̃hɨ diî weeró noho pũûro sõ'âwĩ.

Apocalipse 7:16

Naâ ɨhá boâ, ako wɨó nemosome. Naâre muhîpũ ɨmɨ̂kohokɨ̃hɨ ɨ̃hâ nemosome. Asisé yãisére tɨ'ó yã'a nemosome.

Apocalipse 8:12

I'tiárã be'rokɨ̃hɨ putiwĩ́ taha. Kɨ̃ɨ̂ putikã́, muhîpũ ɨmɨ̂kohokɨ̃hɨ dekô boo kure paâ no'owĩ. Tohô wa'akã́ ɨmɨ̂koho dekô boo kure na'î tĩ'a wa'âwɨ. Muhîpũ yamîkɨ̃hɨ, yõkoá kẽ'rare tohôta paâ no'owã. Tohô weérã yamîpɨre dekô boo kure bo'rê yuutiwã.

Apocalipse 9:2

Be'ró kɨ̃ɨ̂ tii peére pãâowĩ. Pãâoka be'ro o'mé paka wihawɨ́. Tii peékãhase o'mé muhîpũre tuú bi'akã'wɨ. Na'î tĩ'a wa'âwɨ.