Apocalipse 15:4 - Tukano

⁴ Niî pe'tirã mɨ'ɨ̂re wio pesáse me'ra ĩ'yârãsama. Niî pe'tirã mɨ'ɨ̂re “Ãyú yɨ'rɨgɨ, tutuâ yɨ'rɨgɨ niî'” niîrãsama. Mɨ'ɨ̂ ni'kɨtá yã'asé moogɨ́ niî'. Niî pe'tise makarikãharã mɨ'ɨ̂re ẽho peórãsama. Mɨ'ɨ̂ keoró weé'kere ĩ'yârã, naâ tohô weerã́sama, niî basâwã.

Õꞌacʉ̃ Yere Ucũrĩ Turi

⁴ ¿Noanojõ mʉꞌʉrẽ uitibosari? ¿Noa mʉꞌʉrẽ ñubuepeotibosari? Mʉꞌʉ niꞌcʉ̃ta ñaꞌase moogʉ̃ niꞌi. Nipeꞌtise macãrĩcjãrã mʉꞌʉrẽ ñubuepeorãsama. Mʉꞌʉ queoro weeꞌquere ĩꞌarã, na tojo weerãsama, ni basawã.

Apocalipse 15:4 Iomraidhean Croise

Romanos 15:9

Tohô niikã́ Judeu masa niîtirã “Õ'âkɨ̃hɨ ɨ̃sâre pahá yã'agɨ, ãyú yɨ'rɨami” niî dutigɨ Jesu Cristo a'tîkɨ niîwĩ. Õ'âkɨ̃hɨ yee kiti ohâka pũripɨ Õ'âkɨ̃hɨ besé'kɨ Cristo kɨ̃ɨ̂ pakɨré uúkũ'kere a'tîro ohâ no'okaro niîwɨ: Judeu masa niîtirã wa'teropɨ mɨ'ɨ̂re e'katí peogɨti. Õ'âkɨ̃hɨ masî yɨ'rɨagɨ niîmi niîgɨ, basâ peogɨti.

1 Pedro 1:16

Õ'âkɨ̃hɨ yee kiti ohâka pũripɨ a'tîro ohâ no'okaro niîwɨ: “Yɨ'ɨ̂ ãyugɨ́, yã'asé moogɨ́ niî'. Tohô weérã mɨsá kẽ'ra yã'asé marirã́ niisétiya”, niîkɨ niîwĩ Õ'âkɨ̃hɨ.

Apocalipse 11:15

Õ'âkɨ̃hɨre werê ko'tegɨ niî tɨogɨ putiwĩ́. Ɨ'mɨ̂sepɨ niirã́ tutuaró me'ra naâ uúkũkã tɨ'owɨ́. A'tîro niîwã: Ni'kâroakãre Õ'âkɨ̃hɨ marî wiôgɨ niî pe'tirã a'ti nukúkãkãharã wiôgɨ sãhamí. Kɨ̃ɨ̂ besé'kɨ Cristo tohôta sãhamí. Kɨ̃ɨ̂ dutî nu'kugɨsami, niîwã.

Apocalipse 14:7

Kɨ̃ɨ̂ tutuaró me'ra a'tîro niîwĩ: —Õ'âkɨ̃hɨre wio pesáse me'ra ẽho peóya. “Kɨ̃ɨ̂ ãyú butia'gɨ niîmi”, niîya. Kɨ̃ɨ̂ bu'îri da'rerí kura ehâ toha'. Kɨ̃ɨ̂ ɨ'mɨ̂sere, a'tí di'tare weékɨ niîwĩ. Diâ pahirí maa, niî pe'tise no'ó akó niisé maariakãre weékɨ niîwĩ. Kɨ̃ɨ̂re ẽho peóya, niîwĩ.

Apocalipse 16:5

Be'ró Õ'âkɨ̃hɨre werê ko'tegɨ niî pe'tise akó wiôgɨ a'tîro niîwĩ: —Wiôgɨ, mɨ'ɨ̂ yã'asé moogɨ́ niî'. Mɨ'ɨ̂ neê warokɨ̃hɨ, a'tóka tero kẽ'rare niî nu'ku'. Mɨ'ɨ̂ naâre a'tîro bu'îri da'rêgɨ, keoró weégɨ weé'.

Apocalipse 16:7

Be'ró ni'kɨ́ Õ'âkɨ̃hɨre wa'îkɨ̃rã ɨ̃hâ moro peo wɨaro tiropɨ uúkũkã tɨ'owɨ́. A'tîro niîwĩ: —Tohôta niî'. Õ'âkɨ̃hɨ ɨ̃sâ wiôgɨ, mɨ'ɨ̂ tutuâ yɨ'rɨa'. Mɨ'ɨ̂ niî sooro mariró keoró bu'îri da'rêgɨ weé', niîwĩ.

Apocalipse 19:2

A'tîro niî'. Kɨ̃ɨ̂ niî sooro mariró keoró bu'îri da'rêmi. Tii makáre bu'îri da'rêmi. Tii maká ni'kó numiô ɨmɨaré a'me tãrá wapá ta'ago weeró noho niîwɨ. Tii makákãharã yã'âro weerã́ niî pe'tirãre a'ti nukúkãkãharãre dohórẽ'wã. Õ'âkɨ̃hɨ kɨ̃ɨ̂re da'rá ko'terãre wẽhé'ke wapa tii makákãharãre bu'îri da'rê a'mewĩ, niî basâ peowã.

Apocalipse 19:8

Naâ su'tí butisé ũ'îri marisé, pũûro asistésere sãâ no'o'kãrã niîma, niîwã. Butisé su'tí naâ katîrã ãyuró weé'ke niî', niî sĩ'riro weé'.

Apocalipse 3:7

Jesu Cristo niî nemowĩ taha: —Filadélfiakãharã, yɨ'ɨ̂re ẽho peóri kurakãharã wiôgɨ sɨ'orí niigɨ́re a'tîro ohâya: “Yɨ'ɨ̂ yã'asé moogɨ́, diakɨ̃hɨ́ niigɨ́ niî'. Yɨ'ɨ̂ dɨporókɨ̃hɨ wiôgɨ Davi yaá sáwire kɨó'. Yɨ'ɨ̂ ni'kɨtá masá Õ'âkɨ̃hɨ tiropɨ wa'akã́ wee masí'. Ãpêrã wa'âtikã kẽ'rare wee masí'. Yɨ'ɨ̂ pãâokã, neê ãpí bi'a masítimi. Bi'akã́ kẽ'rare, neê ãpí pãâo masitimi. Mɨsâre a'tîro werêgɨti.

Apocalipse 4:8

Niî pe'tirã naâ nɨkɨ seis wɨɨsé kɨowã́. Naâ wɨɨsé bu'i, naâ wɨɨsé dokapɨ kapêri weeró noho bahusé pehé kɨowã́. Naâ ɨmɨ̂kohore, yamîre a'tîro bɨsɨ̂ nu'kuwã: Õ'âkɨ̃hɨ marî wiôgɨ ãyú butia'gɨ, yã'asé moogɨ́ niîmi. Tutuâ yɨ'rɨgɨ niîmi. Kɨ̃ɨ́ta niîmi neê waropɨta niî'kɨ. A'tóka tero kẽ'rare niî nu'kukã'mi. Be'ropɨ́ kẽ'rare opâturi a'tîgɨsami, niîwã.

Apocalipse 6:10

Naâ tutuaró me'ra uúkũwã. A'tîro niîwã: —Wiôgɨ, ãyú butia'gɨ, mɨ'ɨ̂ yã'asé moogɨ́ niî'. Mɨ'ɨ̂ “Weegɨ́ti” niî'kere keoró weé'. De'ró niikã́ mɨ'ɨ̂ nukûkãkãharã ɨ̃sâre wẽhé'kãrãre bu'îri da'rê a'megɨsari?