Apocalipse 15:1 - Tukano

¹ Be'ró mehêkã bahusé ĩ'yâ mariase pakare ɨ'mɨ̂sepɨ ĩ'yâwɨ. Õ'âkɨ̃hɨre werê ko'terã setere ĩ'yâwɨ. Naâ nɨkɨta taha a'ti nukúkãkãharãre bu'îri da'rê tɨoatehere kɨowã́. Teé bu'îri da'rê tɨose me'ra Õ'âkɨ̃hɨ uasé pe'tirósa'.

Õꞌacʉ̃ Yere Ucũrĩ Turi

¹ Beꞌro mejẽcã bajuse ĩꞌamarĩase pacare ʉꞌmʉsepʉ ĩꞌawʉ̃. Õꞌacʉ̃rẽ werecoꞌterã sietere ĩꞌawʉ̃. Nánʉcʉ̃ta tja aꞌti nucũcãcjãrãrẽ buꞌiri daꞌretʉoatjere cʉowã. Te buꞌiri daꞌretʉose meꞌrã Õꞌacʉ̃ uase peꞌtirosaꞌa.

Apocalipse 15:1 Iomraidhean Croise

Apocalipse 10:3

Kɨ̃ɨ̂ toopɨ́ nu'kugɨ́ yaihó weeró noho pũûro karíkũwĩ. Kɨ̃ɨ̂ karíkũkã, sete bɨpoâ uúkũwã.

Apocalipse 11:14

Pɨáti yã'âro wa'â toha'. Maatá apêro wa'â bakeo'rosa' taha.

Apocalipse 14:19

Kɨ̃ɨ̂ tohô niikã́ tɨ'ógɨ, kɨ̃ɨ yaá pĩhi me'ra a'ti nukúkãkãhase ɨ'sêre dɨtêwĩ. Teeré miî, pahirí tũkuhopɨ ɨ'sê koo naâ bipeátohopɨ kũûwĩ. Teé bipe sãáse Õ'âkɨ̃hɨ yã'arã́re ɨpɨ́tɨ bu'îri da'resé niî', niî sĩ'riro weé'.

Apocalipse 16:1

Be'ró Õ'âkɨ̃hɨ wi'i ɨ'mɨ̂se niirí wi'ipɨ niigɨ́re tutuaró me'ra uúkũkã tɨ'owɨ́. Kɨ̃ɨ̂ sete Õ'âkɨ̃hɨre werê ko'terãre a'tîro niîwĩ: —Mɨsa yeé paarikãhase Õ'âkɨ̃hɨ bu'îri da'reátehere nukûkãpɨ piô dihorã wa'âya, niîwĩ.

Apocalipse 17:1

Be'ró a'tîro ĩ'yâwɨ. Ni'kɨ́ sõ'ó niîkãrã sete Õ'âkɨ̃hɨre werê ko'terã me'rakɨ̃hɨre ĩ'yâwɨ. Kɨ̃ɨ̂ sõ'ó niî'ke paari kɨorã́ me'rakɨ̃hɨ niîwĩ. Yɨ'ɨ̂ tiro a'tîwĩ. A'tîro niîwĩ: —Te'á, yɨ'ɨ̂ mɨ'ɨ̂re ɨmɨá me'ra a'me tãrá wapá ta'agore bu'îri da'resére ĩ'yogɨ́ti. Koô pakasé maari bu'ipɨ duhîmo.

Apocalipse 19:15

Kɨ̃ɨ̂ ɨsêropɨre di'pĩhí ɨse yohári pĩhire kɨowĩ́. Tii pĩhí me'ra kɨ̃ɨ̂ a'ti nukúkãkãharãre kamî da'regɨsami. Tutuaró me'ra dutîgɨsami. Naâ ɨ'sêre tee koó miîrã tutuaró me'ra nɨté sa'bese weeró noho kɨ̃ɨ̂ a'ti nukúkãkãharã yã'âro weerã́re bu'îri da'rêgɨsami. Õ'âkɨ̃hɨ tutuâ yɨ'rɨgɨ naâ me'ra uâ yɨ'rɨami. Tohô weégɨ cavalo bu'i pesagɨ́ naâre ɨpɨ́tɨ waro bu'îri da'rêgɨsami.

Apocalipse 21:9

Be'ró ni'kɨ́ sõ'ó niîkãrã sete me'rakɨ̃hɨre ĩ'yâwɨ. Naáta, naâ nɨkɨ bu'îri da'rê tɨoatehe posetíse paarire kɨowã́. Ni'kɨ́ naâ me'rakɨ̃hɨ a'tîro niîwĩ: —Te'á. Mɨ'ɨ̂re Õ'âkɨ̃hɨ makɨ ovelha wi'magɨ́ weeró noho bahugɨ́ nɨmo niiákohore ĩ'yogɨ́ti, niîwĩ. Kɨ̃ɨ̂ nɨmó Jesu Cristore ẽho peórã niî sĩ'riro weé'.

Apocalipse 8:13

Be'ró ĩ'yâwɨ taha. Ni'kɨ́ aâ pakɨ a'ti ɨmɨ́koho dekopɨ wɨɨkã́ ĩ'yâwɨ. Tutuaró me'ra a'tîro niîwĩ: —Ãpêrã i'tiárã Õ'âkɨ̃hɨre werê ko'terã putikã́, yã'â butia'ro wa'ârosa' a'ti nukúkãkãharãre, niîwĩ.

Apocalipse 8:2

Be'ró sete Õ'âkɨ̃hɨre werê ko'terã kɨ̃ɨ̂ pɨ'to nu'kurã́re ĩ'yâwɨ. Naâre naâ nɨkɨ putisé coronetare o'ôwĩ.

Apocalipse 8:6

Be'ró sete Õ'âkɨ̃hɨre werê ko'terã naâ coroneta putisére apo yuúwã.

Apocalipse 9:20

Ãpêrã masá pekâ me'e, o'mé, enxofre me'ra wẽrîtirã pe'e naâ yã'âro weesére neê du'utíwã. Naâ wãtiâre ẽho peósere du'utíwã. Naâ ẽho peóse yeê'ke ouro me'ra weé'ke, prata me'ra weé'ke, bronze me'ra weé'ke, ɨ̃tâ peeri me'ra weé'ke, yukɨpagɨ́ me'ra weé'kere ẽho peó du'utiwã. Teé yeê'ke naâ ẽho peóse pehé neê ĩ'yâti, neê tɨ'otí, neê sihá wee'. Tohô niîmikã, neê ẽho peó du'utiwã.