Apocalipse 13:7 - Tukano

⁷ Apêye kẽ'rare pĩrô Õ'âkɨ̃hɨ yarã nukûkãpɨ niirã́ me'ra kɨ̃ɨ̂re a'me kẽé dutigɨ o'ôo'wĩ. Naâ me'ra a'me kẽé dokâ ke'akã weewĩ́. Kɨ̃ɨ̂re niî pe'tise kurarikãharãre, niî pe'tise di'takãharãre, niî pe'tise makarikãharãre, mehêkã uúkũrãre dutî masisere o'ôwĩ.

Õꞌacʉ̃ Yere Ucũrĩ Turi

⁷ Apeye quẽꞌrãrẽ pĩrõ Õꞌacʉ̃ yarã nucũcãpʉ nirã́ meꞌrã cʉ̃rẽ aꞌmewẽjẽdutigʉ oꞌówĩ. Narẽ aꞌmewẽjẽ wapataꞌatojagʉpʉ duꞌuwĩ. Cʉ̃rẽ nipeꞌtise cururicjãrãrẽ, nipeꞌtise diꞌtacjãrãrẽ, nipeꞌtise macãrĩcjãrãrẽ, mejẽcã ucũrãrẽ dutimasĩsere oꞌowĩ.

Apocalipse 13:7 Iomraidhean Croise

San Lucas 4:6

Ĩ'yó toha, wãtî a'tîro niîkɨ niîwĩ: —Yɨ'ɨ̂ mɨ'ɨ̂re a'te makári wiôgɨ, tee makáripɨ niisé niî pe'tise wiôgɨ sõróogɨti. A'té niî pe'tise yeé niî'. Tohô weégɨ yɨ'ɨ̂ no'ó o'ô sĩ'rigɨre o'ôgɨti.

San Juan 19:11

Jesu kɨ̃ɨ̂re niîkɨ niîwĩ: —Õ'âkɨ̃hɨ mɨ'ɨ̂re ka'mú ta'akã, mɨ'ɨ̂ tohô wee masíti booapã. Tohô weégɨ yɨ'ɨ̂re mɨ'ɨ̂ tiropɨ o'ô'kɨ mɨ'ɨ̂ nemoró bu'îritimi, niîkɨ niîwĩ.

Apocalipse 10:11

Be'ró Õ'âkɨ̃hɨre werê ko'terã yɨ'ɨ̂re niîwã: —Õ'âkɨ̃hɨ kɨ̃ɨ̂ uúkũsere werê apogɨ wa'âya taha. Kɨ̃ɨ̂ pehe makárikãharãre, pehé di'takãharãre, mehêkãri uúkũrãre naa yeékãhasere werêmi. Teeré werêgɨ wa'âya. Tohô niikã́ wiôrã kẽ'rare “Õ'âkɨ̃hɨ tohô niiámi”, niî werêya, niîwã.

Apocalipse 11:18

Niî pe'tirã a'ti nukúkãkãharã mɨ'ɨ̂re ɨatírã uâmiwã. Mɨ'ɨ̂ naâre bu'îri da'rerí nɨmɨ ehâ'. Tohô niikã́ wẽrî'kãrã kẽ'rare bu'îri da'rerí kura niî'. Ni'kâroakãre niî pe'tirã mɨ'ɨ yarã́re wapa yeégɨsa'. Mɨ'ɨ yeékãhasere werê turiarãre wapa yeégɨsa'. Wio pesáse me'ra mɨ'ɨ̂re ẽho peórã wiôrãre, mehô niirã́re wapa yeégɨsa'. A'ti nukúkãkãharãre dohórẽ'rã kẽ'rare kõ'arí nɨmɨ niî', niîwã.

Apocalipse 11:7

Naâ, naâre werê duti'kere werê tu'a ehaka be'ro ĩ'yâ bahu dutí dihari peekɨ̃hɨ yã'agɨ́ naâ me'ra a'me kẽégɨsami. Naâre dokâ ke'akã weé, wẽhé kõ'agɨsami.

Apocalipse 12:17

Tohô wa'akã́ ĩ'yâgɨ, pĩrô numiô me'ra uâ yɨ'rɨa wa'âwĩ. Be'ró koô paramérã niî turiarã me'ra a'me kẽégɨ wa'âwĩ. Naâ Õ'âkɨ̃hɨ dutî'kere weerã́ Jesu Cristo yee bu'esére ẽho peó nu'kurã niîma.

Apocalipse 17:15

Be'ró Õ'âkɨ̃hɨre werê ko'tegɨ opâturi a'té kẽ'rare niîwĩ: —Mɨ'ɨ̂ ĩ'yâ'ko numiô sõ'ó niîko yã'agó pakasé maaripɨ duhiámo. Koô duhî'ke maari a'tîro niî sĩ'riro weé'. Tee maári paka masá pãharã́ niîma, niî sĩ'riro weé'. Pehe makárikãharã, pehe kurárikãharã, mehêkã uúkũrã, pehé di'takãharã niîma, niîro weé'.

Apocalipse 5:9

Naâ Õ'âkɨ̃hɨ makɨ ovelha wi'magɨ́ weeró noho bahugɨ́re apêye ma'má basasére basâ peowã. A'tîro niîwã: Mɨ'ɨ̂ ãyugɨ́ niî'. Mɨ'ɨ̂ a'ti tũrúre miî masi'. A'té pi'râ bi'a'kere pãâ masi'. A'tîro niî'. Mɨ'ɨ̂ wẽhé no'o'kɨ niîwɨ. Mɨ'ɨ̂ wẽrisé me'ra, mɨ'ɨ̂ diî me'ra niî pe'tirã masá Õ'âkɨ̃hɨ yarã niiáto niîgɨ wapa yeékɨ niîwɨ. Niî pe'tise kurarikãharãre, mehêkã uúkũrãre, niî pe'tiropɨ niirã́re Õ'âkɨ̃hɨ yarã wa'akã́ weékɨ niîwɨ. Tohô weégɨ mɨ'ɨ̂ a'ti tũrúre miî masi'.