Apocalipse 13:2 - Tukano

² Kɨ̃ɨ̂ yaî weeró noho do'rôwĩ. Kɨ̃ɨ̂ bɨkô weeró noho dɨ'pôkãtigɨ niîwĩ. Kɨ̃ɨ̂ pahigɨ́ yaî weeró noho ɨsêrotiwĩ. Pĩrô kɨ̃ɨ̂re kɨ̃ɨ̂ tutuasére o'ôwĩ. Kɨ̃ɨ̂re yã'arã́ wiôgɨ duhirí kumuropɨ dɨpowĩ́. “Masá mɨ'ɨ̂ dutisére yɨ'tiáto”, niîwĩ.

Õꞌacʉ̃ Yere Ucũrĩ Turi

² Cʉ̃ yai weronojõ doꞌrowĩ. Cʉ̃ bʉco weronojõ dʉꞌpócãtigʉ niwĩ. Cʉ̃ pajigʉ yai weronojõ ʉserotiwĩ. Pĩrõ cʉ̃rẽ cʉ̃ tutuasere oꞌowĩ. Cʉ̃rẽ ñaꞌarã wiogʉ dujiri cũmurõpʉ dʉpowĩ. “Masã mʉꞌʉ dutisere yʉꞌtiato”, niwĩ.

Apocalipse 13:2 Iomraidhean Croise

2 Timoteo 4:17

Õ'âkɨ̃hɨ pũrikã yɨ'ɨ̂re wee tamúwĩ. Yɨ'ɨ̂re tutuasé o'ôwĩ. Tohô weégɨ wiôrãre yɨ'ɨ̂ a'tîro werêwɨ. Jesu Cristo masá yã'âro niiséti'kere yɨ'rɨómi niisé kitire naâre werê pe'okã'wɨ. Niî pe'tirã a'ti ɨmɨ́kohokãharã Judeu masa niîtirã tee kitíre tɨ'oáto niîgɨ tohô werêwɨ. Apêye kẽ'rare Õ'âkɨ̃hɨ yɨ'ɨ̂re a'tîro weewĩ́. Yaîwa ba'â no'o boo'kɨre weeró noho wiosé wa'teropɨ niigɨ́re yɨ'rɨ wetíkã weewĩ́.

1 Pedro 5:8

Mɨsâ weesére ãyuró tɨ'ó yã'a nɨ'ko toharãpɨ weesétiya. Mɨsâ yã'âro weé sĩ'risere wãkû tutuaya. Ãyuró tɨ'o masíya. Wãtî marîre ĩ'yâ tu'tigɨ niî pe'tiropɨ a'mâ sihasami. Marîre yã'âro weekã́ ɨágɨ, tohô weesamí. Tohô weérã ko'tê ĩ'yâ nɨrɨya. Ni'kɨ́ yaî ba'asé a'mâgɨ pi'etí siharo weeró noho marî Jesu Cristore ẽho peósere pe'ó sĩ'risami.

Apocalipse 12:13

Pĩrohó nukûkãpɨ kõ'akã́ ĩ'yâgɨ, wi'magɨ́ wɨâ'kore nɨrɨwĩ́.

Apocalipse 12:15

Be'ró pĩrô diahó dohó, koôre mii bɨrɨáto niîgɨ kɨ̃ɨ̂ ɨsêropɨ akoré e'o kũúwĩ. Koô numiôre a'mâ bɨro dutigɨ tohô weewĩ́.

Apocalipse 12:9

Õ'âkɨ̃hɨ pĩrôre kõ'âkã'wĩ. Kɨ̃ɨ́ta neê warokɨ̃hɨ pĩrô niî no'o'kɨ niîmi. Kɨ̃ɨ̂ wãtiâ wiôgɨ niîmi. Niî pe'tirãre a'ti nukúkãkãharãre mehêkã ẽho peókã weegɨ́ niîmi. Õ'âkɨ̃hɨ kɨ̃ɨ̂re, kɨ̃ɨ yarã́ me'ra nukûkãpɨ kõ'â dihowĩ.

Apocalipse 13:12

Kɨ̃ɨ̂ mehêkã bahugɨ́ yaî weeró noho bahugɨ́ dutisére kɨowĩ́. Kɨ̃ɨ̂ yaî weeró noho bahugɨ́ kamîroho yatî no'o'kɨre a'tîro wee basáwĩ. Niî pe'tirã a'ti nukúkãkãharãre kɨ̃ɨ̂re ẽho peókã weewĩ́.

Apocalipse 13:4

Masá pĩrô kẽ'rare ẽho peówã. Kɨ̃ɨ̂ mehêkã bahugɨ́re masaré dutî masisere o'osé bu'iri tohô weewã́. Mehêkã bahugɨ́re ẽho peórã, a'tîro niîwã: —Neê ã'rí weeró noho tutuâ yɨ'rɨgɨ marimí. Neê ni'kɨ́ kɨ̃ɨ̂ me'ra a'me kẽé masitisami, niî ẽho peówã.

Apocalipse 16:10

Be'ró, ba'pâritirã be'rokɨ̃hɨ a'tîro weewĩ́. Kɨ̃ɨ yaá paakãhasere yaî weeró noho bahugɨ́ duhirí kumuropɨre piô dihowĩ. Niî pe'tiro kɨ̃ɨ̂ dutisé niirópɨ na'î tĩ'a wa'âwɨ. Masá pũûro pũrisé tɨ'ó yã'arã, ɨpɨ́tɨ biritú, kũ'rî diowã.

Apocalipse 17:12

Mehêkã bahugɨ́ kapé sa'ari mɨ'ɨ̂ ĩ'yâ'ke a'tîro niî sĩ'riro weé'. Pɨámukãrã wiôrã niîma, niîro weé'. Naâ dutî nɨ'katima yuhûpɨ. Yoâtikã, ni'kâ horata dutîrãsama. Mehêkã bahugɨ́ sõ'agɨ́ kẽ'ra naâ me'ra dutî tamugɨsami.

Apocalipse 19:20

Cavalo butigɨ́ bu'i pesagɨ́ mehêkã bahugɨ́re yẽ'êwĩ. Ãpí yaî weeró noho bahugɨ́, ovelha wi'magɨ́ kapé sa'aritigɨ weeró noho bahugɨ́re yẽ'êwĩ. Kɨ̃ɨ́ta niî soose kiti werê mɨ'tagɨ niîwĩ. Kɨ̃ɨ́ta taha masá yaî weeró noho bahugɨ́re ẽho peoáto niîgɨ mehêkã bahusé pakare weé ĩ'yo basawĩ. Kɨ̃ɨ̂ weé ĩ'yose me'ra niî pe'tirã yaî weeró noho bahugɨ́ wame ohâ õ'o no'o'kãrãre a'tîro weewĩ́. Naâre niî soo, ẽho peókã weewĩ́. Yaî weeró noho bahugɨ́ yeê'kere ẽho peórã kẽ'rare meharóta niî soo, ẽho peókã weewĩ́. Be'ró, cavalo bu'i pesagɨ́ pɨárã mehêkã bahurã́re yẽ'êwĩ. Naâ pɨárã katirã́ta pekâ me'e ditarahopɨ doke yõó no'owã. Tii ditára enxofre wamêtise opê weeró noho sipisé me'ra ɨ̃hɨ̂wɨ.

Apocalipse 2:13

Yɨ'ɨ̂ mɨsâ niî pe'tise weesére masî pe'okã'. Mɨsa yaá maka Pérgamo kẽ'rare masî'. Tii makápɨ wãtiâ wiôgɨ dutiró kɨosamí. Toopɨ́ niîmirã, mɨsâ yɨ'ɨ̂re siru tuú nu'ku'. Yɨ'ɨ̂re ẽho peó du'u wee'. Sõ'ó niîka tero mɨsa yaá maka wãtî niirópɨre a'tîro wa'âkaro niîwɨ. Antipa wamêtigɨ Õ'âkɨ̃hɨ yeekãhasere keoró werêkɨ niîwĩ. Ãpêrã kɨ̃ɨ̂re mɨsâ wa'teropɨ niigɨ́re wẽhé kõ'akãrã niîwã. Tiîta kẽ'rare mɨsâ yɨ'ɨ̂re neê ẽho peó du'utiwɨ.

Apocalipse 20:2

Kɨ̃ɨ̂ pĩrohó weeró noho bahugɨ́re dɨ'tewĩ́. Pĩrô neê waro a'ti ɨmɨ́koho da'rêka be'rokɨ̃hɨ pĩrô niî no'o'kɨ niîmi. Kɨ̃ɨ̂ wãtiâ wiôgɨ niîmi. Kɨ̃ɨ̂re kome daá me'ra pehé kɨ'mari, mil kɨ'mari dɨ'te kũúwĩ.