Apocalipse 13:1 - Tukano

¹ Diâ pahirí maa sumútohopɨre ni'kɨ́ mehêkã bahugɨ́ wã'kâ pa'awĩ taha. Kɨ̃ɨ́ kẽ'ra sete dɨpopá kɨowĩ́. Apêyere pɨámukãse kapé sa'aritiwĩ. Kɨ̃ɨ̂ kapé sa'ari nɨkɨ pesasé be'torire kɨowĩ́. Kɨ̃ɨ̂ dɨpopápɨre Õ'âkɨ̃hɨ yabisé wameré ohâ õ'o no'owɨ.

Õꞌacʉ̃ Yere Ucũrĩ Turi

¹ Dia pajiri maa sumutopʉre niꞌcʉ̃ mejẽcã bajugʉ wãꞌcãpaꞌawĩ tja. Cʉ̃ quẽꞌrã siete dʉpopa cʉowĩ. Apeyere diez capesaꞌritiwĩ. Cʉ̃ capesaꞌrinʉcʉ̃ pesase beꞌtorire cʉowĩ. Cʉ̃ dʉpopapʉre Õꞌacʉ̃ yabise wãmerẽ ojaõꞌonoꞌwʉ̃.

Apocalipse 13:1 Iomraidhean Croise

Apocalipse 11:7

Naâ, naâre werê duti'kere werê tu'a ehaka be'ro ĩ'yâ bahu dutí dihari peekɨ̃hɨ yã'agɨ́ naâ me'ra a'me kẽégɨsami. Naâre dokâ ke'akã weé, wẽhé kõ'agɨsami.

Apocalipse 12:3

Be'ró ɨ'mɨáropɨ mehêkã bahusé ĩ'yâwɨ taha. Ni'kɨ́ pĩrô weeró noho bahugɨ́ sõ'agɨ́hore ĩ'yâwɨ. Kɨ̃ɨ̂ sete dɨpopá kɨowĩ́. Pɨámukãse kapé sa'aritigɨ niîwĩ. Dɨpopá nɨkɨ pesasé be'tori pesâwĩ.

Apocalipse 13:11

Be'ró ãpí mehêkã bahugɨ́re ĩ'yâwɨ taha. Kɨ̃ɨ̂ di'tâ po'peapɨ niî'kɨ mɨhátiwĩ. Kɨ̃ɨ̂ ovelha wi'magɨ́ weeró noho pɨá sa'aro kapé sa'aritiwĩ. Kɨ̃ɨ̂ uúkũse pũrikã pĩrohó weeró noho bɨsɨ̂wɨ.

Apocalipse 13:14

Kɨ̃ɨ̂re tutuasé o'ô'ke me'ra yaî weeró noho bahugɨ́re mehêkã bahusé paka weé ĩ'yowĩ. Masaré yaî weeró noho bahugɨ́re ẽho peó dutigɨ tohô weewĩ́. Naâre yaî weeró noho bahugɨ́re yeê dutiwĩ. Kɨ̃ɨ̂ yaî weeró noho bahugɨ́ta di'pĩhí me'ra kamî da're no'o'kɨ niîmigɨ, katîwĩ.

Apocalipse 13:15

Ovelha kapé sa'ari weeró noho kɨogɨ́ a'tîro wee masísere kɨowĩ́. Yaî weeró noho bahugɨ́ yeê'kere katikã́ wee masísere kɨowĩ́. Teé me'ra kɨ̃ɨ̂ yeê'kere uúkũ dutiwĩ. Tohô niikã́ teé yeê'kere ẽho peótirãre wẽhe dutígɨ tohô weewĩ́.

Apocalipse 15:2

Apêye kẽ'rare diâ pahirí maare ĩ'yâwɨ. Tii maá akostíri maa pekâ me'e me'ra moréka maa weeró noho bahuwɨ́. Tii maá sumútohopɨre pãharã́ masá nu'kuwã́. Naâ yaî weeró noho bahugɨ́re, tohô niikã́ kɨ̃ɨ̂ yeê'kere ẽho peóti'kãrã niîwã. Tohô niikã́ kɨ̃ɨ̂ wameré ohâ õ'o no'oya marí'kãrã niîwã. Naâ Õ'âkɨ̃hɨ o'ô'ke bɨâ pɨ̃tesere kɨowã́.

Apocalipse 16:13

Be'ró, yɨ'ɨ̂ sõ'ó niîkãrãre ĩ'yâwɨ. Pĩrohó weeró noho bahugɨ́re, ãpí yaî weeró noho bahugɨ́re, tohô niikã́ ovelha wi'magɨ́ weeró noho kapé sa'aritigɨ niî soose kiti werê mɨ'tagɨre ĩ'yâwɨ. Naâ i'tiárã yee ɨseripɨ wãtiâ wihawã́. Wãtiâ ta'ârokɨa weeró noho bahurã́ niîwã.

Apocalipse 17:16

Mehêkã bahugɨ́ sõ'agɨ́ pɨámukãrã wiôrã me'ra yã'agóre ĩ'yâ tu'tirãsama. Koôre kõ'ârãsama. Koôre su'ti marígo tohakã́ weerã́sama. Koôre ba'ârãsama. Be'ró ɨ̃hâ kõ'arãsama.

Apocalipse 17:3

Be'ró Espírito Santo yɨ'ɨ̂re kẽ'esé weeró noho ĩ'yowĩ́. Sõ'ó niîkɨ Õ'âkɨ̃hɨre werê ko'tegɨ masá marirópɨ yɨ'ɨ̂re miáawĩ. Toopɨ́ ni'koré ĩ'yâwɨ. Koô mehêkã bahugɨ́ sõ'agɨ́ bu'ipɨ pesâwõ. Mehêkã bahugɨ́re kɨ̃ɨ yaá ɨpɨ niî pe'tiropɨre pehé yã'asé Õ'âkɨ̃hɨ kɨ̃ɨ̂ yabisé wame wã'yawɨ́. Mehêkã bahugɨ́ sete dɨpopá kɨowĩ́. Apêye kẽ'rare, pɨámukãse kapé sa'aritiwĩ.

Apocalipse 17:5

Tohô niikã́ koô diâpoapɨre mehêkã bahurí wame ohâ õ'o no'okaro niîwɨ. A'tîro niîwɨ: “Babilônia pahirí makaho, niî pe'tirã yã'arã́ numiâ ɨmɨaré a'me tãrá wapá ta'arã numia pako niî'. Tohô niikã́ niî pe'tirã yã'â yɨ'rɨ nɨ'kase weerã́ pako niî'”, niî wã'yawɨ.

Apocalipse 19:19

Be'ró, sõ'agɨ́ mehêkã bahugɨ́re ĩ'yâwɨ. Tohô niikã́ niî pe'tirã a'ti nukúkãkãharã wiôrãre naa yarã́ surára me'ra nerekã́ ĩ'yâwɨ. Naâ nerêka be'ro cavalo butigɨ́ bu'i pesagɨ́ me'ra, tohô niikã́ kɨ̃ɨ yarã́ surára me'ra a'mê wẽherãtirã tohô weewã́.