Apocalipse 12:9 - Tukano

⁹ Õ'âkɨ̃hɨ pĩrôre kõ'âkã'wĩ. Kɨ̃ɨ́ta neê warokɨ̃hɨ pĩrô niî no'o'kɨ niîmi. Kɨ̃ɨ̂ wãtiâ wiôgɨ niîmi. Niî pe'tirãre a'ti nukúkãkãharãre mehêkã ẽho peókã weegɨ́ niîmi. Õ'âkɨ̃hɨ kɨ̃ɨ̂re, kɨ̃ɨ yarã́ me'ra nukûkãpɨ kõ'â dihowĩ.

Õꞌacʉ̃ Yere Ucũrĩ Turi

⁹ Õꞌacʉ̃ pĩrõrẽ cõꞌacãꞌwĩ. Cʉ̃́ta ne warocjʉ̃ pĩrõ ninoꞌgʉ̃ nimi. Cʉ̃ wãtĩ nimi. Nipeꞌtirãrẽ aꞌti nucũcãcjãrãrẽ mejẽcã ẽjõpeocã weegʉ́ nimi. Õꞌacʉ̃ cʉ̃rẽ, cʉ̃ yarã meꞌrã nucũcãpʉ cõꞌadijowĩ.

Apocalipse 12:9 Iomraidhean Croise

Mateus 13:39

Tii wesé otê'kɨre ĩ'yâ tu'tigɨ yã'asére otê'kɨ wãtî niîmi. Trigo bɨkɨâ tu'a ehaka be'ro naâ tɨ̃'resé a'ti ɨmɨ́koho pe'tiátehe niî', niî sĩ'riro weé'. Trigore tɨ̃'rerã́ Õ'âkɨ̃hɨre werê ko'terã ɨ'mɨ̂sekãharã niîma.

Mateus 24:24

Pãharã́ niî soorã a'tîrãsama. A'tîro niîrãsama: “Yɨ'ɨ̂ Õ'âkɨ̃hɨ besé'kɨ Cristo niî'. Õ'âkɨ̃hɨ yee kitire werê mɨ'tagɨ niî'”, niî soorãsama. Naâre ẽho peókã weé sĩ'rirã, pehé weé ĩ'yose ĩ'yorã́sama. Basiókã maa, Õ'âkɨ̃hɨ kɨ̃ɨ̂ besé'kãrãpɨreta ẽho peó du'ukã weé sĩ'rirãsama.

Mateus 25:41

Be'ró kũûpe' pe'e nu'kurã́re a'tîro niîgɨti: “Mɨsâ Õ'âkɨ̃hɨ bu'îri da'rê no'oahã niî'. Tohô weérã a'toré niîtikã'ya. Pekâ me'e ɨ̃hɨ̂ nu'kuri me'epɨ wa'âya. Tií me'e wãtiâ wiôgɨ, kɨ̃ɨ̂ me'ra ɨ'mɨ̂sepɨ kõ'â diho'kãrãre apo yuúka me'e niî'.

Mateus 4:1

Jesu wamê yee no'oka be'ro Espírito Santo kɨ̃ɨ̂re yukɨ́ mariró, masá marirópɨ sɨ'orí miáakɨ niîwĩ. Wãtî Jesuré kɨ̃ɨ̂ pakɨré yɨ'rɨ́ nɨ'ka dutigɨ niî kehe sãakɨ niîmiwĩ.

Mateus 4:10

Tohô niikã́ tɨ'ógɨ, Jesu kɨ̃ɨ̂re niîkɨ niîwĩ: —Wa'âya, wãtî. Õ'âkɨ̃hɨ yee kiti ohâka pũripɨ a'tîro ohâ no'owɨ: “Õ'âkɨ̃hɨ mɨ'ɨ̂ wiôgɨ ni'kɨréta ẽho peóya. Kɨ̃ɨ̂ ni'kɨréta yɨ'tiró ɨá'”, niîwɨ, niîkɨ niîwĩ.

Mateus 4:5

Be'ró wãtî kɨ̃ɨ̂re Jerusalẽ́pɨ “Õ'âkɨ̃hɨ yaa maka”, naâ niirí makapɨ miáakɨ niîwĩ. Toopɨ́re Õ'âkɨ̃hɨ wi'i dɨpo sãrípɨ sɨ'orí mii mɨhákɨ niîwĩ.

Mateus 4:8

Be'ró wãtî ɨ̃rɨgɨ́ ɨ'mɨákɨhɨpɨ miáakɨ niîwĩ taha. Toopɨ́re niî pe'tise a'tí di'takãhase makarire, tohô niikã́ tee makári kɨosére ĩ'yó pe'okã'kɨ niîwĩ.

San Lucas 10:18

Jesu naâre niîkɨ niîwĩ: —Mɨsâ niîro nohota niî'. Wãtîre ɨ'mɨ̂sepɨ niî'kɨ bɨpô ya'baró weeró noho diháakã ĩ'yâwɨ.

San Lucas 13:16

A'tîgore Abraão parameó niî turiagore wãtî dutí da'rekɨ niîwĩ. Koôre dezoito kɨ'mari sihâ masitikã weékɨ niîwĩ. Too pũríkãre mɨsâ tɨ'ó yã'akã, soo wɨári nɨmɨre koôre yɨ'rɨótikã'ro ɨa miáapari? Soo wɨári nɨmɨ pũrikãre tãhâgɨta koôre nemoró yɨ'rɨóro ɨá', niîkɨ niîwĩ.

San Lucas 22:3

Naâ tohô niîka terore Juda naâ “Iscariote” niî no'ogɨpɨre wãtî sãháakɨ niîwĩ. Kɨ̃ɨ̂ doze Jesu bu'erã́ me'rakɨ̃hɨ niîkɨ niîmiwĩ.

San Lucas 22:31

Marî wiôgɨ Jesu kɨ̃ɨ̂ bu'erã́re a'tîro niîkɨ niîwĩ: —Simão, tɨ'oyá. Wãtî mɨsâre no'ó kõ'ro wãkû tutuamiti naa? niîgɨ, Õ'âkɨ̃hɨre sẽríkɨ niiámi. Ni'kɨ́ masɨ́ trigo peerire sɨ'â wee, tee kasérire kõ'âro weeró noho mɨsâ ẽho peósere du'uáto niîgɨ dohórẽ' sĩ'rimi.

San Lucas 8:12

Ma'âpɨ bɨrɨ̂ ke'a'ke a'tîro niî sĩ'riro weé'. Masá, yee kitíre tɨ'omá. Be'ró naâ tɨ'ó'kere wãtî a'tî, teeré e'mâ pe'okã'sami. Naâpɨ teeré ẽho peó, Õ'âkɨ̃hɨ naâre yɨ'rɨ wetíkã weerí niîgɨ, tohô weesamí.

San Juan 12:31

Ni'kâroakãre Õ'âkɨ̃hɨ a'ti ɨmɨ́kohokãharãre besé, bu'îri da'rêgɨsami. Tohô niikã́ a'ti ɨmɨ́kohokãharãre dutigɨ́ wãtî kõ'â wĩro no'ogɨsami.

San Juan 14:30

Wãtî a'ti nukúkãkãharãre dutigɨ́ a'tî tohami. Tohô weégɨ yɨ'ɨ̂ yoâtikã mɨsâ me'ra uúkũgɨti. Kɨ̃ɨ̂ yɨ'ɨ̂re neê kã'ró dutî masitimi.

San Juan 8:44

Mɨsâ pakɨ wãtî niîmi. Mɨsâ kɨ̃ɨ yarã́ niî'. Tohô weérã kɨ̃ɨ̂ ɨaró weé sĩ'ri'. Kɨ̃ɨ̂ neê waropɨta masaré wẽhé kõ'agɨ niî tohakɨ niîwĩ. Kɨ̃ɨ̂ neê kã'roákã diakɨ̃hɨ́kãhasere weetími. Neê ni'kâti diakɨ̃hɨ́ uúkũtisami. Kɨ̃ɨ̂ niî soogɨ niîmi. Tohô weégɨ niî soose me'rata uúkũsami. Kɨ̃ɨ̂ niî soose piha tĩhagɨ, niî soose pakɨ niîmi.

Hechos 5:3

Teé niyérure yẽ'êgɨ, Pedro kɨ̃ɨ̂re niîkɨ niîwĩ: —Teé di'tâ mɨ'ɨ yeé di'ta niîwɨ. Teé mɨ'ɨ̂ duâ'ke wapa mɨ'ɨ yeé niyéruta niiápã. Mɨ'ɨ̂ no'ó kõ'ro o'ô sĩ'riro o'ô booapã. Mɨ'ɨ̂ ɨ̃sâ di'akɨ̃re niî soogɨ meheta weé'. Toô kã'rota niyéru wapa yeeáma niîgɨ, Espírito Santore niî soogɨ weé'. Mɨ'ɨ̂ tohô niî sookã, wãtî mɨ'ɨ̂re sãhá yɨ'rɨapĩ mɨ'ɨ̂ wãkusépɨre, niîkɨ niîwĩ Pedro.

Romanos 16:18

Naâ marî wiôgɨ Jesu Cristo ɨaró weérã meheta weesamá. Naâ no'ó ɨaró weé sĩ'riro weesamá. Naâ ãyuró ɨ'sɨâro uúkũ me'rise me'ra, diakɨ̃hɨ́ uúkũrã weeró noho uúkũsama. Ɨpɨ́tɨ waro masî tutuatirãre weé ta'sa ẽho peókã weesamá.

Romanos 16:20

Õ'âkɨ̃hɨ ãpêrã me'ra ãyuró niîkã'sere o'ogɨ́ niîmi. Kɨ̃ɨ́ta mɨsâre wãtîre dokâ ke'akã weegɨ́sami. Kã'roákã dɨ'sá' kɨ̃ɨ̂ tohô weeátehe. Jesu marî wiôgɨ mɨsâre ãyuró weeáto.

2 Corintios 11:14

Tohô weesé diâsatisa'. Wãtiâ wiôgɨ kẽ'ra tohôta wee masísami. Apé tero kɨ̃ɨ̂ ɨ'mɨ̂sekɨ̃hɨ Õ'âkɨ̃hɨre werê ko'tegɨ weeró noho bahugɨ́ dohosamí.

2 Corintios 11:3

Tohô ɨamígɨ, mɨsâre a'tîro wa'akã́ uísa'. Pĩrô kɨ̃ɨ̂ niî kehe sãase me'ra Evare niî soo ẽho peókã weékɨ niîwĩ. Mɨsá kẽ'ra koô weeró noho ãpêrã niî soosere ẽho peó boosa'. Mɨsâ Cristore keoró ẽho peómi'kere du'u boósa'. Tohô weégɨ uísa'.

2 Corintios 12:7

Õ'âkɨ̃hɨ yɨ'ɨ̂re ĩ'yó'ke ãyú butia'se niîwɨ. Yɨ'ɨ̂ teeré wãkûgɨ, yɨ'ɨ̂ basi “Ãyú yɨ'rɨagɨ niî'”, niîta wió niî'. Tohô weégɨ Õ'âkɨ̃hɨ yɨ'ɨ̂re tohô wãkûri niîgɨ, a'tîro weewĩ́. Wãtî yɨ'ɨ̂ ɨpɨré dutí da'rekã, tohô ĩ'yâkã'kɨ niîwĩ. Tee dutí yɨ'ɨ̂re potâa bu'bêro weeró noho pũrî'.

2 Corintios 2:11

Marî kɨ̃ɨ̂re akobohótikã, wãtî kɨ̃ɨ̂re yã'âro bɨhâ weti yɨ'rɨkã wee boósami. Jesu Cristo yeere du'úkã' boosami. Marî wãtî wee wɨásere ãyuró masî'.

2 Corintios 4:4

Naâ ẽho peótise bu'iri a'ti ɨmɨ́kohokãharã wiôgɨ wãtî naâre tɨ'o masítirã, kapêri ĩ'yâtirã weeró noho tohakã́ weesamí. Kɨ̃ɨ̂, Cristo niî pe'tirã bu'ipɨ ãyú butia'gɨ niîmi niisére ẽho peó dutitigɨ tohô weesamí. Jesu Cristo masɨ́ weeró noho ɨpɨtígɨ niîkɨ niîwĩ. Kɨ̃ɨ̂ Õ'âkɨ̃hɨ warota niîmi. Tohô weégɨ masaré Õ'âkɨ̃hɨre masikã́ weékɨ niîwĩ.

Efesios 4:14

Tohô weérã wi'marã́ weeró noho wee sirú tuu mɨharã niîsome. Niî pe'tisetiri ma'má bu'esére tɨ'órã, na'îro dɨka yuú mɨhasome. Niî soo me'rirã marîre mehêkã ẽho peókã weesomé.

2 Tesalonicenses 2:3

Naâ ɨaró noho niî soo no'otikã'ya. Kɨ̃ɨ̂ a'tiátihi nɨmɨ dɨporo a'tîro wa'ârosa'. Masá ɨpɨ́tɨ waro Õ'âkɨ̃hɨre yɨ'rɨ́ nɨ'karãsama. Tohô weerí kura ni'kɨ́ yã'âro weé yɨ'rɨ nɨ'kagɨ waro bahuágɨsami. Kɨ̃ɨ̂ pekâ me'epɨ bu'îri da'rê bahurió no'oakɨhɨ niîgɨsami.

1 Timoteo 2:14

Apêye kẽ'rare, Adão wãtî niî soo no'o mɨ'ta'kɨ meheta niîmi. Numiô pe'e niî soo no'o mɨ'ta'ko niîwõ. Tohô weé no'o'ko niî yuugo, Õ'âkɨ̃hɨ dutî'kere yɨ'rɨ́ nɨ'kako niîwõ.

2 Timoteo 3:13

Yã'arã́, tohô niikã́ niî soorã nemoró yã'âro wee nemó peorãsama. Niî soo nemo wã'karãsama. Niî soorã niîmirã, naá kẽ'ra niî soo no'o', ẽho peórãsama.

Hebreos 2:14

Marî wẽrî dihaatihi ɨpɨre kɨó'. Tohô weeró noho Jesu kẽ'ra marî weeró noho ɨpɨtíkɨ niîwĩ. Kɨ̃ɨ̂ marî weeró noho ɨpɨtígɨ, wẽrîkɨ niîwĩ. Kɨ̃ɨ̂ wẽrisé me'ra wãtî wẽrisé o'ogɨ́re dokâ ke'akã weékɨ niîwĩ.

1 Pedro 5:8

Mɨsâ weesére ãyuró tɨ'ó yã'a nɨ'ko toharãpɨ weesétiya. Mɨsâ yã'âro weé sĩ'risere wãkû tutuaya. Ãyuró tɨ'o masíya. Wãtî marîre ĩ'yâ tu'tigɨ niî pe'tiropɨ a'mâ sihasami. Marîre yã'âro weekã́ ɨágɨ, tohô weesamí. Tohô weérã ko'tê ĩ'yâ nɨrɨya. Ni'kɨ́ yaî ba'asé a'mâgɨ pi'etí siharo weeró noho marî Jesu Cristore ẽho peósere pe'ó sĩ'risami.

1 João 5:19

Marî Õ'âkɨ̃hɨ põ'ra niisére, tohô niikã́ wãtî niî pe'tiro a'ti nukúkãkãharã wiôgɨ niîmi niisére masî'.

Judas 1:9

Ɨ'mɨ̂sekãharã Õ'âkɨ̃hɨre werê ko'terã wiôgɨ Miguel marikã tohô buhíkã'tikɨ niîwĩ. Dɨporópɨ Moisé wẽrîka be'ro Miguel wãtiâ wiôgɨ me'ra Moisé yaa ɨpɨ́re dɨ'sâ sookãrã niîwã. Miguel kɨ̃ɨ̂ basi wãtîre neê kã'ró tu'tî buhíkã'tikɨ niîwĩ. A'tîro pe'e niîkɨ niîwĩ: “Õ'âkɨ̃hɨ yɨ'ɨ̂ wiôgɨ mɨ'ɨ̂re tu'tiáto”, niîkɨ niîwĩ.

Apocalipse 12:12

Wãtîre kõ'asé bu'iri Õ'âkɨ̃hɨre werê ko'terã, niî pe'tirã ɨ'mɨ̂sepɨ niirã́, e'katíya. Nukûkãpɨ, diâ pahirí maakãharã maa yã'â butia'. Wãtî mɨsâ tiropɨ uâ dihami. Kã'roákã yɨ'ɨ̂re dɨ'sá' bu'îri da'reátoho niîgɨ, tohô weemí, niîwĩ.

Apocalipse 12:3

Be'ró ɨ'mɨáropɨ mehêkã bahusé ĩ'yâwɨ taha. Ni'kɨ́ pĩrô weeró noho bahugɨ́ sõ'agɨ́hore ĩ'yâwɨ. Kɨ̃ɨ̂ sete dɨpopá kɨowĩ́. Pɨámukãse kapé sa'aritigɨ niîwĩ. Dɨpopá nɨkɨ pesasé be'tori pesâwĩ.

Apocalipse 12:7

Be'ró ɨ'mɨáropɨ a'me kẽése wa'âwɨ. Õ'âkɨ̃hɨre werê ko'tegɨ Miguel wamêtigɨ ãpêrã kɨ̃ɨ yarã́ Õ'âkɨ̃hɨre werê ko'terã me'ra pĩrohó tohô niikã́ pĩrô me'rakãharã me'ra a'me kẽéwĩ.

Apocalipse 12:8

Pĩrô põo tẽóti, dokâ ke'akã weé no'owĩ. Kɨ̃ɨ̂re tohô wa'âka be'ro kɨ̃ɨ yarã́ me'ra ɨ'mɨ̂sepɨre naâ niiró bokatíwã.

Apocalipse 13:14

Kɨ̃ɨ̂re tutuasé o'ô'ke me'ra yaî weeró noho bahugɨ́re mehêkã bahusé paka weé ĩ'yowĩ. Masaré yaî weeró noho bahugɨ́re ẽho peó dutigɨ tohô weewĩ́. Naâre yaî weeró noho bahugɨ́re yeê dutiwĩ. Kɨ̃ɨ̂ yaî weeró noho bahugɨ́ta di'pĩhí me'ra kamî da're no'o'kɨ niîmigɨ, katîwĩ.

Apocalipse 16:14

Ã'rá i'tiárã yee ɨseripɨ wihá'kãrã wãtiâ pehé weé ĩ'yosere weewã́. Naâ a'ti nukúkãkãharã wiôrã niî pe'tirãre a'mê wẽhe dutirã neêowã. Naâ a'mê wẽheatihi nɨmɨ Õ'âkɨ̃hɨ tutuâ yɨ'rɨagɨ yaa nɨmɨ waro niîrosa'.

Apocalipse 18:2

Tutuaró me'ra karíkũwĩ: —Babilônia pahirí maka pe'tí wã'karo weé'. Pe'tiá toha'. Ni'kâroakãre wãtiâ, ãpêrã bahutírã yã'arã́ naâ niirí maka dohó'. Tohô niikã́ niî pe'tirã mirikɨ̃hɨá yã'arã́ yabiórã niiró dohó'.

Apocalipse 18:23

Apêye kẽ'ra sĩ'óo'se noho marirósa'. Naâ amûkã dɨ'tekã́ bosê nɨmɨ wee peórã karíkũse tɨ'ó no'oya marirósa'. Too dɨpórore tii makákãharã duú wapá ta'arã apêye di'takãharã nemoró duú me'rirã niîmiwã. Tii makákãharã tɨ'ó yã'a masirã weeró noho weé me'rirã niî pe'tirokãharãre ẽho peókã weewã́.

Apocalipse 19:20

Cavalo butigɨ́ bu'i pesagɨ́ mehêkã bahugɨ́re yẽ'êwĩ. Ãpí yaî weeró noho bahugɨ́, ovelha wi'magɨ́ kapé sa'aritigɨ weeró noho bahugɨ́re yẽ'êwĩ. Kɨ̃ɨ́ta niî soose kiti werê mɨ'tagɨ niîwĩ. Kɨ̃ɨ́ta taha masá yaî weeró noho bahugɨ́re ẽho peoáto niîgɨ mehêkã bahusé pakare weé ĩ'yo basawĩ. Kɨ̃ɨ̂ weé ĩ'yose me'ra niî pe'tirã yaî weeró noho bahugɨ́ wame ohâ õ'o no'o'kãrãre a'tîro weewĩ́. Naâre niî soo, ẽho peókã weewĩ́. Yaî weeró noho bahugɨ́ yeê'kere ẽho peórã kẽ'rare meharóta niî soo, ẽho peókã weewĩ́. Be'ró, cavalo bu'i pesagɨ́ pɨárã mehêkã bahurã́re yẽ'êwĩ. Naâ pɨárã katirã́ta pekâ me'e ditarahopɨ doke yõó no'owã. Tii ditára enxofre wamêtise opê weeró noho sipisé me'ra ɨ̃hɨ̂wɨ.

Apocalipse 2:13

Yɨ'ɨ̂ mɨsâ niî pe'tise weesére masî pe'okã'. Mɨsa yaá maka Pérgamo kẽ'rare masî'. Tii makápɨ wãtiâ wiôgɨ dutiró kɨosamí. Toopɨ́ niîmirã, mɨsâ yɨ'ɨ̂re siru tuú nu'ku'. Yɨ'ɨ̂re ẽho peó du'u wee'. Sõ'ó niîka tero mɨsa yaá maka wãtî niirópɨre a'tîro wa'âkaro niîwɨ. Antipa wamêtigɨ Õ'âkɨ̃hɨ yeekãhasere keoró werêkɨ niîwĩ. Ãpêrã kɨ̃ɨ̂re mɨsâ wa'teropɨ niigɨ́re wẽhé kõ'akãrã niîwã. Tiîta kẽ'rare mɨsâ yɨ'ɨ̂re neê ẽho peó du'utiwɨ.

Apocalipse 2:24

Ãpêrã mɨsâ Tiatirapɨ niirã́ Jezabel bu'esére siru tuútirã, wãtiâ wiôgɨ yeekãhase ya'yiósere masîtirã noho pe'ere a'tîro niîgɨti: ‘Mɨsâre apêye dutî nemosome.

Apocalipse 2:9

Niî pe'tise mɨsâ weesére masî'. Mɨsâ pi'etíse, pahasé kɨosere masî'. Tohô pahasé kɨomirã, pehé kɨorã́ weeró noho niî'. Apêyere masî'. Ãpêrã ‘Judeu masa niî'’, niîma. Tohô niîmirã, mɨsâre yã'âro uúkũma. Naâ Judeu masa waro niîtima. Naâ wãti yaá kurakãharã niîma.

Apocalipse 20:10

Wãtiâ wiôgɨ naâre niî soo'kɨ pekâ me'e ɨ̃hɨrí ditarahopɨ kõ'â diho no'ogɨsami. Tii ditára opê weeró noho bahusé me'ra sipî ɨ̃hɨ̂rosa'. Toopɨ́ yaî weeró noho bahugɨ́, ãpí niî soose kiti werê mɨ'tagɨ naâ pɨárã kõ'â diho no'owã. Toopɨ́re ɨmɨ̂kohori, yamîri pi'etí nu'kurãsama. Neê wihasomé.

Apocalipse 20:8

Kɨ̃ɨ̂ niî pe'tiro a'ti nukúkãkãharãre niî soosere ẽho peókã weegɨ́sami. Gogue, Magogue wamêtirã kẽ'rare meharóta weegɨ́sami. Naa yarã́ surárare a'mê wẽhe dutigɨ neêo kũugɨsami. Naâ surára nukûpori pahirí maa diâ sumútohokãhase weeró noho pãharã́ waro niîrãsama.

Apocalipse 3:9

Ãpêrã a'tîro niîsama: ‘Judeu masa niî'’, niîsama. Tohô niîmirã, Judeu masa waro niîtima. Niî soorã wãtiâ wiôgɨ yaa kurakãharã niîma. A'tîro weegɨ́ti naâre. Naâre mɨsâ dɨporo ehâ ke'akã weegɨ́ti. Yɨ'ɨ̂ tohô weekã́, yɨ'ɨ̂ mɨsâre ma'isére masîrãsama.

Apocalipse 9:1

Ba'pâritirã be'rokɨ̃hɨ putiwĩ́. Kɨ̃ɨ̂ putikã́, ni'kɨ́ yõkoáwɨ̃ nukûkãpɨ bɨrɨ̂ diha'kɨre ĩ'yâwɨ. Kɨ̃ɨ̂re ni'kâ sáwi o'ôwã. Kopê niî bahu dutí dihari peekãha sáwi niîwɨ.

Apocalipse 9:20

Ãpêrã masá pekâ me'e, o'mé, enxofre me'ra wẽrîtirã pe'e naâ yã'âro weesére neê du'utíwã. Naâ wãtiâre ẽho peósere du'utíwã. Naâ ẽho peóse yeê'ke ouro me'ra weé'ke, prata me'ra weé'ke, bronze me'ra weé'ke, ɨ̃tâ peeri me'ra weé'ke, yukɨpagɨ́ me'ra weé'kere ẽho peó du'utiwã. Teé yeê'ke naâ ẽho peóse pehé neê ĩ'yâti, neê tɨ'otí, neê sihá wee'. Tohô niîmikã, neê ẽho peó du'utiwã.