Apocalipse 12:3 - Tukano

³ Be'ró ɨ'mɨáropɨ mehêkã bahusé ĩ'yâwɨ taha. Ni'kɨ́ pĩrô weeró noho bahugɨ́ sõ'agɨ́hore ĩ'yâwɨ. Kɨ̃ɨ̂ sete dɨpopá kɨowĩ́. Pɨámukãse kapé sa'aritigɨ niîwĩ. Dɨpopá nɨkɨ pesasé be'tori pesâwĩ.

Õꞌacʉ̃ Yere Ucũrĩ Turi

³ Beꞌro ʉꞌmʉarõpʉ mejẽcã bajuse ĩꞌawʉ̃ tja. Niꞌcʉ̃ pĩrõ weronojõ bajugʉ sõꞌagʉ̃jore ĩꞌawʉ̃. Cʉ̃ siete dʉpopa cʉowĩ. Diez capesaꞌritigʉ niwĩ. Dʉpopanʉcʉ̃ pesase beꞌtori pesawĩ.

Apocalipse 12:3 Iomraidhean Croise

Apocalipse 12:1

Be'ró ɨ'mɨáropɨ mehêkã bahusé paka bahuákã ĩ'yâwɨ. Ni'kó numiôre ĩ'yâwɨ. Koô muhîpũ ɨmɨ̂kohokɨ̃hɨpɨ omá bi'a'karo weeró noho asistéwõ. Muhîpũ yamîkɨ̃hɨ bu'ipɨ nu'kuwṍ. Koô dɨpôapɨre ni'kâ be'to pesawṍ. Tií be'to doze yõkoá kɨowɨ́.

Apocalipse 12:13

Pĩrohó nukûkãpɨ kõ'akã́ ĩ'yâgɨ, wi'magɨ́ wɨâ'kore nɨrɨwĩ́.

Apocalipse 12:17

Tohô wa'akã́ ĩ'yâgɨ, pĩrô numiô me'ra uâ yɨ'rɨa wa'âwĩ. Be'ró koô paramérã niî turiarã me'ra a'me kẽégɨ wa'âwĩ. Naâ Õ'âkɨ̃hɨ dutî'kere weerã́ Jesu Cristo yee bu'esére ẽho peó nu'kurã niîma.

Apocalipse 12:4

Kɨ̃ɨ̂ pĩkôro me'ra dekô boo kure ɨ'mɨ̂sepɨ niirã́ yõkoáre paâste dihowĩ. Kɨ̃ɨ̂ numiô põ'ratíkã, maatá ba'âgɨti niîgɨ, koô tiro nu'kuwĩ́.

Apocalipse 12:7

Be'ró ɨ'mɨáropɨ a'me kẽése wa'âwɨ. Õ'âkɨ̃hɨre werê ko'tegɨ Miguel wamêtigɨ ãpêrã kɨ̃ɨ yarã́ Õ'âkɨ̃hɨre werê ko'terã me'ra pĩrohó tohô niikã́ pĩrô me'rakãharã me'ra a'me kẽéwĩ.

Apocalipse 12:9

Õ'âkɨ̃hɨ pĩrôre kõ'âkã'wĩ. Kɨ̃ɨ́ta neê warokɨ̃hɨ pĩrô niî no'o'kɨ niîmi. Kɨ̃ɨ̂ wãtiâ wiôgɨ niîmi. Niî pe'tirãre a'ti nukúkãkãharãre mehêkã ẽho peókã weegɨ́ niîmi. Õ'âkɨ̃hɨ kɨ̃ɨ̂re, kɨ̃ɨ yarã́ me'ra nukûkãpɨ kõ'â dihowĩ.

Apocalipse 13:1

Diâ pahirí maa sumútohopɨre ni'kɨ́ mehêkã bahugɨ́ wã'kâ pa'awĩ taha. Kɨ̃ɨ́ kẽ'ra sete dɨpopá kɨowĩ́. Apêyere pɨámukãse kapé sa'aritiwĩ. Kɨ̃ɨ̂ kapé sa'ari nɨkɨ pesasé be'torire kɨowĩ́. Kɨ̃ɨ̂ dɨpopápɨre Õ'âkɨ̃hɨ yabisé wameré ohâ õ'o no'owɨ.

Apocalipse 13:2

Kɨ̃ɨ̂ yaî weeró noho do'rôwĩ. Kɨ̃ɨ̂ bɨkô weeró noho dɨ'pôkãtigɨ niîwĩ. Kɨ̃ɨ̂ pahigɨ́ yaî weeró noho ɨsêrotiwĩ. Pĩrô kɨ̃ɨ̂re kɨ̃ɨ̂ tutuasére o'ôwĩ. Kɨ̃ɨ̂re yã'arã́ wiôgɨ duhirí kumuropɨ dɨpowĩ́. “Masá mɨ'ɨ̂ dutisére yɨ'tiáto”, niîwĩ.

Apocalipse 13:4

Masá pĩrô kẽ'rare ẽho peówã. Kɨ̃ɨ̂ mehêkã bahugɨ́re masaré dutî masisere o'osé bu'iri tohô weewã́. Mehêkã bahugɨ́re ẽho peórã, a'tîro niîwã: —Neê ã'rí weeró noho tutuâ yɨ'rɨgɨ marimí. Neê ni'kɨ́ kɨ̃ɨ̂ me'ra a'me kẽé masitisami, niî ẽho peówã.

Apocalipse 15:1

Be'ró mehêkã bahusé ĩ'yâ mariase pakare ɨ'mɨ̂sepɨ ĩ'yâwɨ. Õ'âkɨ̃hɨre werê ko'terã setere ĩ'yâwɨ. Naâ nɨkɨta taha a'ti nukúkãkãharãre bu'îri da'rê tɨoatehere kɨowã́. Teé bu'îri da'rê tɨose me'ra Õ'âkɨ̃hɨ uasé pe'tirósa'.

Apocalipse 16:13

Be'ró, yɨ'ɨ̂ sõ'ó niîkãrãre ĩ'yâwɨ. Pĩrohó weeró noho bahugɨ́re, ãpí yaî weeró noho bahugɨ́re, tohô niikã́ ovelha wi'magɨ́ weeró noho kapé sa'aritigɨ niî soose kiti werê mɨ'tagɨre ĩ'yâwɨ. Naâ i'tiárã yee ɨseripɨ wãtiâ wihawã́. Wãtiâ ta'ârokɨa weeró noho bahurã́ niîwã.

Apocalipse 17:12

Mehêkã bahugɨ́ kapé sa'ari mɨ'ɨ̂ ĩ'yâ'ke a'tîro niî sĩ'riro weé'. Pɨámukãrã wiôrã niîma, niîro weé'. Naâ dutî nɨ'katima yuhûpɨ. Yoâtikã, ni'kâ horata dutîrãsama. Mehêkã bahugɨ́ sõ'agɨ́ kẽ'ra naâ me'ra dutî tamugɨsami.

Apocalipse 17:16

Mehêkã bahugɨ́ sõ'agɨ́ pɨámukãrã wiôrã me'ra yã'agóre ĩ'yâ tu'tirãsama. Koôre kõ'ârãsama. Koôre su'ti marígo tohakã́ weerã́sama. Koôre ba'ârãsama. Be'ró ɨ̃hâ kõ'arãsama.

Apocalipse 17:7

Tohô wa'akã́, Õ'âkɨ̃hɨre werê ko'tegɨ yɨ'ɨ̂re niîwĩ: —De'ró weégɨ mɨ'ɨ̂ toô kã'ro ɨkɨáti? Sikoré ya'yiósere mɨ'ɨ̂re masikã́ weegɨ́ti. Tohô niikã́ mehêkã bahugɨ́ bu'ipɨ pesâ wã'kasere werêgɨti. Kɨ̃ɨ̂ sete dɨpopátigɨ pɨámukãse kapé sa'aritimi.

Apocalipse 19:12

Kɨ̃ɨ̂ kapêri pekâ me'e ɨ̃hɨrí põ'ra weeró noho asiwɨ́. Kɨ̃ɨ̂ dɨpôapɨre pehé wiôrã pesasé be'torire pesâwĩ. Kɨ̃ɨ̂re ohâ õ'o no'oka wamere kɨ̃ɨ̂ se'saro masîwĩ.

Apocalipse 20:2

Kɨ̃ɨ̂ pĩrohó weeró noho bahugɨ́re dɨ'tewĩ́. Pĩrô neê waro a'ti ɨmɨ́koho da'rêka be'rokɨ̃hɨ pĩrô niî no'o'kɨ niîmi. Kɨ̃ɨ̂ wãtiâ wiôgɨ niîmi. Kɨ̃ɨ̂re kome daá me'ra pehé kɨ'mari, mil kɨ'mari dɨ'te kũúwĩ.