Apocalipse 12:1 - Tukano

¹ Be'ró ɨ'mɨáropɨ mehêkã bahusé paka bahuákã ĩ'yâwɨ. Ni'kó numiôre ĩ'yâwɨ. Koô muhîpũ ɨmɨ̂kohokɨ̃hɨpɨ omá bi'a'karo weeró noho asistéwõ. Muhîpũ yamîkɨ̃hɨ bu'ipɨ nu'kuwṍ. Koô dɨpôapɨre ni'kâ be'to pesawṍ. Tií be'to doze yõkoá kɨowɨ́.

Õꞌacʉ̃ Yere Ucũrĩ Turi

¹ Beꞌro ʉꞌmʉarõpʉ mejẽcã bajuse paca bajuacã ĩꞌawʉ̃. Niꞌcõ numiorẽ ĩꞌawʉ̃. Co mujĩpũ ʉmʉcocjʉ̃pʉ omabiꞌaꞌcaro weronojõ asistewõ. Mujĩpũ ñamicjʉ̃ buꞌipʉ nuꞌcũwõ. Co dʉpoapʉre niꞌcã beꞌto pesawõ. Ti beꞌto doce ñocõa cʉowʉ.

Apocalipse 12:1 Iomraidhean Croise

Mateus 12:38

Be'ró fariseu masa, ãpêrã Moisé ohâ'kere bu'erã́ Jesuré a'tîro niîwã: —Masaré bu'egɨ́, mɨ'ɨ̂ ãyusé weé ĩ'yokã ĩ'yâ sĩ'risa', niîwã.

Mateus 24:30

Tohô wa'akã́, ɨ'mɨ̂sepɨ yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ a'tisére ĩ'yârãsama. Niî pe'tise makarikãharã uîrã, utîrãsama. Yɨ'ɨ̂ o'me kuráripɨ tutuaró me'ra asisté dihatikã, ĩ'yârãsama.

Marcos 13:25

Yõkoá bɨrɨ̂ diharãsama. Niî pe'tirã ɨ'mɨáropɨ niirã́ nara sãákã weé no'orãsama.

San Lucas 21:11

Pehé apé sia'pɨre ɨpɨ́tɨ di'tâ nara sãáse wa'ârosa'. Tohô niikã́ ɨhá boasé, do'âtise wa'ârosa'. Ɨ'mɨ̂sepɨre wiosé paka bahuárosa'.

San Lucas 21:25

Jesu kɨ̃ɨ̂ bu'erã́re a'tîro niî nemokɨ niîwĩ: —A'ti ɨmɨ́koho pe'tiátoho dɨporo muhîpũ ɨmɨ̂kohokɨ̃hɨre, yamîkɨ̃hɨre, yõkoáre pehé mehêkã bahusé wa'ârosa'. A'tí di'tapɨre niî pe'tise di'takãharã diâ pahirí maa bɨsɨsé, pã'kôrire tɨ'órã, yẽ'e nohó niîsari? niîrã, ɨkɨárãsama.

San Juan 3:29

A'tîro pe'e niî'. Ni'kɨ́ amûkã dɨ'tekã́, kɨ̃ɨ̂ nɨmó kɨ̃ɨ yagó se'saro niîsamo. Kɨ̃ɨ̂ me'rakɨ̃hɨ kɨ̃ɨ̂ dɨ'tekã́ ĩ'yâgɨ, e'katí tamusami. Jesu ã'rí amûkã dɨ'té'kɨ weeró noho niîmi. Masá kɨ̃ɨ̂re siru tuúrã kɨ̃ɨ̂ nɨmó weeró noho niîma. Tohô weégɨ yɨ'ɨ̂ kɨ̃ɨ̂ me'rakɨ̃hɨ masá kɨ̃ɨ̂re siru tuúkã ĩ'yâgɨ, e'katí tamu'.

Hechos 2:19

A'tí di'tare, ɨ'mɨ̂sepɨre mehêkã bahusé ĩ'yogɨ́sa'. Tohô wa'âro diî, pekâ me'e, o'mé bahuárosa'.

Romanos 13:14

A'tîro pe'e weerã́. Marî wiôgɨ Jesu Cristo wee tamúse me'ra kɨ̃ɨ̂ weeró noho ãyuró niisétirã. Kɨ̃ɨ̂re nemoró masî nemorã. Marî yã'âro ɨâri pehasere weé sĩ'rirã, “A'tîro weerã́ti”, niî wãkûtikã'rã. Teeré weé du'urã.

2 Corintios 11:2

Õ'âkɨ̃hɨ kɨ̃ɨ yarã́re ãpêrã nohore ẽho peókã, doésami. Kɨ̃ɨ̂ doéro weeró noho yɨ'ɨ̂ mɨsâre doé'. Yɨ'ɨ̂ Cristo yeere werekã́, mɨsâ tɨ'órã, ẽho peówɨ. Mɨsâ ni'kó numiô marâpɨtiakoho weeró noho niî'. Cristo mɨsâ marapɨ́ niiákɨhɨ weeró noho niîmi. Tohô weégɨ mɨsâ kɨ̃ɨ̂ ĩ'yóropɨre yã'asé marirã́ niikã́ ɨá'.

Gálatas 3:27

Jesu Cristore ẽho peó tĩharã, wamê yee no'okãrã niîwɨ. Mɨsá kẽ'rare kɨ̃ɨ̂ weeró noho niisétikã weékɨ niîwĩ.

Gálatas 4:26

Sara pe'e a'tîro niîmo. Jesu Cristore ẽho peórã weeró noho niîmo. Koô Abraão nɨmo diákɨ̃hɨ niîko niîwõ. Kɨ̃ɨ̂re da'rá ko'tego meheta niîko niîwõ. Marî Jesu Cristore ẽho peórã koô weeró noho niî'. Moisé kɨ̃ɨ̂ dutisé doka nií wee'. Tohô niikã́ koô Jerusalẽ́ ɨ'mɨ̂sepɨ niirí maka weeró noho niîmo. Tii maká marî Jesu Cristore ẽho peórã niiátihi maka niî'.

Gálatas 6:14

Yɨ'ɨ̂ pũrikã naâ weeró noho nií wee'. Jesu Cristo marîre yɨ'rɨógɨ kurúsapɨ wẽrî'ke pe'ere werê'. Yɨ'ɨ̂re “Ãpêrã yɨ'rɨóro niîmi” niiáto niîgɨ meheta werê'. Yɨ'ɨ̂ Jesu Cristo wẽrisé me'ra a'ti nukúkãkãharã naâ ɨâri pehasere du'úkã'wɨ. Yɨ'ɨ̂ teeré wãkû nɨrɨ wee' maha.

Efesios 5:32

Teé tɨ'otá basiótise paka niî'. Tohô niîmikã, yɨ'ɨ̂ pe'e Cristo, tohô niikã́ kɨ̃ɨ̂re ẽho peóri kurakãharãre naâ ni'kâ ɨpɨ niîma niisére uúkũ'.

Apocalipse 1:20

Apêyere masá too dɨpóropɨ masî no'oya marí'kere werêgɨti. Ã'rá sete yõkoá a'tîro niî sĩ'rirã weemá. Naâ yɨ'ɨ̂re ẽho peóse kurarikãharã wiôrã sɨ'orí niirã́ niîma. Sete sĩ'óo'se ouro me'ra weé'kepagɨ kẽ'ra a'tîro niî sĩ'riro weé'. Teé tiikésepagɨ yɨ'ɨ̂re ẽho peóse kurarikãharã niîma, niî sĩ'riro weé', niîwĩ.

Apocalipse 11:19

Naâ tohô niîka be'ro Õ'âkɨ̃hɨ wi'i ɨ'mɨ̂sepɨ niirí wi'i sopé pãrîwɨ. Tií wi'i po'peapɨre ni'kâ akaro niîwɨ. Tii akáro Õ'âkɨ̃hɨ “A'tîro weegɨ́ti masá me'ra” niî, kɨ̃ɨ̂ ohâka pĩhire kɨorí akaro niîwɨ. Tohô wa'âka be'ro bɨpô ya'bakã́ ĩ'yâwɨ. Bɨpô paasére, tohô niikã́ mehêkã bɨsɨsére tɨ'owɨ́. Di'tâ pũûro nara sãáwɨ. Akó yɨsɨáse bɨtisé peeri bɨrɨ̂wɨ.

Apocalipse 12:3

Be'ró ɨ'mɨáropɨ mehêkã bahusé ĩ'yâwɨ taha. Ni'kɨ́ pĩrô weeró noho bahugɨ́ sõ'agɨ́hore ĩ'yâwɨ. Kɨ̃ɨ̂ sete dɨpopá kɨowĩ́. Pɨámukãse kapé sa'aritigɨ niîwĩ. Dɨpopá nɨkɨ pesasé be'tori pesâwĩ.

Apocalipse 15:1

Be'ró mehêkã bahusé ĩ'yâ mariase pakare ɨ'mɨ̂sepɨ ĩ'yâwɨ. Õ'âkɨ̃hɨre werê ko'terã setere ĩ'yâwɨ. Naâ nɨkɨta taha a'ti nukúkãkãharãre bu'îri da'rê tɨoatehere kɨowã́. Teé bu'îri da'rê tɨose me'ra Õ'âkɨ̃hɨ uasé pe'tirósa'.

Apocalipse 21:14

Tii makákãha sã'rirore ɨ̃tapá paka me'ra tuú yẽ'e no'owɨ. Teepagá dozepaga niîwɨ. Teepagá nɨkɨ Jesu Cristo bese kũú'kãrã wamere ohâ õ'o no'owɨ.

Apocalipse 21:23

Tii makápɨre muhîpũ ɨmɨ̂kohokɨ̃hɨ, yamîkɨ̃hɨ sĩ'óo'sere neê a'mâsome. Õ'âkɨ̃hɨ asistése me'ra ãyuró sĩ'óo' nu'ku'. Õ'âkɨ̃hɨ makɨ ovelha wi'magɨ́ weeró noho bahugɨ́ kɨ̃ɨ̂ tii makáre sĩ'óo'gɨ niîmi.