Apocalipse 11:3 - Tukano

³ Be'ró Õ'âkɨ̃hɨ niî nemowĩ taha: —Pɨárã yarã́, yeekãhásere wererã́re o'ôo'gɨti. Naâ pehé ɨmɨ̂kohori, mil duzentos sessenta nɨmɨri yeekãhásere uúkũrãsama. Naâ bɨhâ wetisere ĩ'yórã naâ wee wɨáro noho su'tí wãkisére sãyâ, uúkũrãsama, niîwĩ.

Õꞌacʉ̃ Yere Ucũrĩ Turi

³ Beꞌro Õꞌacʉ̃ ninemowĩ tja: —Pʉarã yárã, yé cjasere wererãrẽ oꞌógʉti. Na peje ʉmʉcori, mil doscientos sesenta nʉmʉrĩ yé cjasere ucũrãsama. Na bʉjawetisere ĩꞌorã na weewʉaronojõpʉma suꞌti wãquĩsenojõrẽ sãña, ucũrãsama, niwĩ.

Apocalipse 11:3 Iomraidhean Croise

Mateus 11:21

—Mɨsâ Corazĩ́, tohô niikã́ Betsaida wamêtise makarikãharãre yã'âro wa'ârosa'. Yɨ'ɨ̂ weé ĩ'yo'kere ĩ'yâmirã, dɨka yuú wee'. Yɨ'ɨ̂ ãpêrã Judeu masa niîtirã tiropɨ Tiro, Sidṍ wamêtise makaripɨ weé ĩ'yokã maa, dɨporópɨ naâ yã'âro weé'kere bɨhâ weti dɨka yuú toha boopã. Naâ bɨhâ wetisere ĩ'yórã, naâ wee wɨáro noho su'tí wãkisére sãyâ, nohâre naâ dɨpôapɨ õrêste peo boopã.

Mateus 18:16

Kɨ̃ɨ̂ yɨ'titíkã maa, ni'kɨ́ ou pɨárãre pihîo, kɨ̃ɨ̂ tiropɨ wa'âya. Naâ tɨ'óropɨ werêya kɨ̃ɨ̂ mɨ'ɨ̂re yã'âro weé'kere. Tohô weéro Õ'âkɨ̃hɨ yee kiti ohâka pũri niî'karo nohota pɨárã ou i'tiárã tɨ'óropɨ “Diakɨ̃hɨ́ta niî'”, niî masî no'orosa'.

San Lucas 10:13

Be'ró Jesu apêye makarikãharãre a'tîro niîkɨ niîwĩ: —Mɨsâ Corazĩ́, tohô niikã́ Betsaida wamêtise makarikãharãre yã'â butia'ro wa'ârosa' mɨsâre. Yɨ'ɨ̂ weé ĩ'yo'kere ĩ'yâmirã, dɨka yuú wee'. Yɨ'ɨ̂ ãpêrã Judeu masa niîtirã niirópɨ Tiro, Sidṍ wamêtise makaripɨ weé ĩ'yokã maa, dɨporópɨ naâ yã'âro weé'kere bɨhâ weti dɨka yuú toha boopã. Naâ bɨhâ wetisere ĩ'yórã, naâ wee wɨáro noho su'tí wãkisére sãyâ, nohâre naâ dɨpôapɨ õrêste peo boopã.

San Lucas 24:48

Mɨsáta tohô wa'â'kere ĩ'yâ tĩharã, “Jesuré diakɨ̃hɨ́ta wa'âwɨ”, niî masi'.

San Juan 15:27

Mɨsá kẽ'ra yeekãhásere werêrãsa'. Mɨsâ neê waropɨta yɨ'ɨ̂ me'ra niî tohawɨ. Tohô weérã werêrãsa', niîwĩ Jesu.

San Juan 3:27

João naâre yɨ'tíkɨ niîwĩ: —Õ'âkɨ̃hɨ dutîtikã, masá kɨ̃ɨ̂re siru tuúti boosama.

Hechos 1:8

Kã'roákã be'ro marî pakɨ tutuasére o'ôgɨsami mɨsâre. Espírito Santo mɨsâ me'ra niikã́, wãkû tutuase kɨó, yee kitíre masaré werêrã wa'ârãsa'. Jerusalẽ́kãharãre, Judéia di'takãharãre, Samaria di'takãharãre, niî pe'tiro a'ti ɨmɨ́kohopɨ niirã́re werêrã wa'ârãsa', niîkɨ niîwĩ Jesu kɨ̃ɨ̂ bu'erã́re.

Hechos 13:31

Kɨ̃ɨ̂ masáka be'ro too dɨpóro Galiléia, Jerusalẽ́pɨ kɨ̃ɨ̂ me'ra ba'pâti kusia'kãrãre pehe nɨmɨ́ri bahuákɨ niîwĩ. Ã'ratá kɨ̃ɨ̂ masakã́ ĩ'yâ'kãrã kɨ̃ɨ yeé kitire masaré werêrã weesamá.

Hechos 3:15

Jesu katisé o'ogɨ́ pe'ere wẽhe dutíwɨ. Kɨ̃ɨ̂ pakɨ pũríkã kɨ̃ɨ̂ makɨré wẽrî'kɨpɨre masókɨ niîwĩ. Kɨ̃ɨ̂ tohô weé'kere ɨ̃sâ ĩ'yâwɨ.

1 Corintios 12:28

Õ'âkɨ̃hɨ marî ɨpɨkãhásere dɨka waákɨ niîwĩ. Kɨ̃ɨ̂ tohô weé'karo noho Jesu Cristore ẽho peóri kurakãharãre a'mêri wee tamuátehere kũûkɨ niîwĩ. Neê waro Jesu Cristo bese kũú'kãrãre niî pe'tirã bu'ipɨ bese kũúkɨ niîwĩ. Naâ be'rokãharã Õ'âkɨ̃hɨ werê duti'kere werê turiarãre kũûkɨ niîwĩ. Naâ be'rore Õ'âkɨ̃hɨ yee kitire bu'erã́re kũûkɨ niîwĩ. Be'ró ãyusé, mehêkã bahusére weé ĩ'yorãre kũûkɨ niîwĩ. Naâ be'rore do'âtirãre yɨ'rɨórãre, wee tamúrãre, tohô niikã́ dutirã́re kũûkɨ niîwĩ. Niî pe'tirã be'ro apêye naâ uúkũ masitimi'kere uúkũrãre kũûkɨ niîwĩ.

2 Corintios 13:1

Ni'kâroakã yɨ'ɨ̂ mɨsâ tiropɨ wa'asé me'ra i'tiáti wa'ârosa'. Õ'âkɨ̃hɨ yee kiti ohâka pũripɨre a'tîro ohâ no'okaro niîwɨ: “Pɨárã ou i'tiárã ĩ'yâka be'ro marî ãpêrã weé'kere ĩ'yâ'kãrã werê sãa masi no'o'.”

Efesios 4:11

Jesu Cristo kɨ̃ɨ yarã́re, naâ nɨkɨre Espírito Santo me'ra wee masísere o'ôkɨ niîwĩ. Ni'karérãre bese kũú, kɨ̃ɨ yeé kiti wererã́ sãhakã́ weékɨ niîwĩ. Ãpêrãre Õ'âkɨ̃hɨ kɨ̃ɨ̂ uúkũse tɨ'ó'kere werê turiarã sãhakã́ weékɨ niîwĩ. Ãpêrãre, masá pekâ me'epɨ wa'â boo'kãrãre yɨ'rɨ wetíse kitire werê kusiarã sõróokɨ niîwĩ. Ãpêrãre, Jesu Cristore ẽho peórãre sɨ'orí niirã́, tohô niikã́ kɨ̃ɨ yeére bu'ê turiarãre kũûkɨ niîwĩ.

Apocalipse 1:5

Tohô niikã́ Jesu Cristo mɨsâre ãyuró weeáto. Kɨ̃ɨ̂ Õ'âkɨ̃hɨ yeekãhasere keoró weregɨ́ niîmi. Kɨ̃ɨ́ta niî pe'tirã wẽrî'kãrã dɨporo masá mɨ'ta'kɨ niîmi. Kɨ̃ɨ̂ niî pe'tirã a'tí di'takãharã wiôrãre dutîmi. Marîre ma'imí. Kɨ̃ɨ̂ wẽrîgɨ, kɨ̃ɨ yeé diî me'ra marî yã'âro weé'kere yɨ'rɨówĩ.

Apocalipse 11:2

Õ'âkɨ̃hɨ wi'i sumútoho maa keotíkã'ya. Teé apé sia'kãharãre o'ô'ke di'tâ niî'. Naâ quarenta e dois muhipũri Õ'âkɨ̃hɨ yaa maka Jerusalẽ́ di'tare dohórẽ' nu'kurãsama, niîwĩ.

Apocalipse 11:6

Naâ Õ'âkɨ̃hɨ yeekãhase wererí kurare akôro pehâtikã wee masísama. Tohô niikã́ akoré diî weeró noho dohokã́ wee masísama. Apêyere, masaré no'ó niisé noho yã'âro wa'akã́ wee masísama. No'ó naâ weé sĩ'riro wee masísama.

Apocalipse 12:6

Numiô pe'e masá marirópɨ Õ'âkɨ̃hɨ apó'karopɨ du'tiwṍ. Toopɨ́ koôre pehé mil duzentos sessenta nɨmɨri ba'asé ekawã́.

Apocalipse 13:5

Pĩrohó mehêkã bahugɨ́re a'tîro uúkũkã weewĩ́: “Yɨ'ɨ̂ niî pe'tirã yɨ'rɨóro niî'”, niî uúkũkã weewĩ́. Tohô niikã́ Õ'âkɨ̃hɨ yabisére uúkũwĩ. Pĩrô kɨ̃ɨ̂re “Quarenta e dois muhîpũri masaré dutîgɨ wa'âya”, niîwĩ.

Apocalipse 19:10

Õ'âkɨ̃hɨre werê ko'tegɨ tohô niikã́ tɨ'ógɨ, yɨ'ɨ̂ kɨ̃ɨ̂ tiro ẽho peógɨ ehâ ke'awɨ. Yɨ'ɨ̂ tohô weekã́ ĩ'yâgɨ, yɨ'ɨ̂re niîwĩ: —Tohô weetíkã'ya. Yɨ'ɨ́ kẽ'ra kɨ̃ɨ̂re da'rá ko'tegɨta niî'. Yɨ'ɨ̂ mɨ'ɨ̂ weeró noho niigɨ́ niî'. Tohô niikã́ mɨ'ɨ̂ akawerérã Jesu yeére werê nu'kurã weeró noho niî'. Yɨ'ɨ̂re neê ẽho peótikã'ya. Õ'âkɨ̃hɨ pe'ere tohô weeyá. A'tîro niî'. Espírito Santo Õ'âkɨ̃hɨ yee werê mɨ'tarãre masikã́ weékɨ niîwĩ. Teé masisé me'ra werêkãrã niîwã. Meharóta Jesu yeére wererã́ kẽ'ra Espírito Santo masisé o'osé me'ra werêma, niîwĩ.

Apocalipse 20:4

Be'ró, pehé wiôrã duhisé kumurire ĩ'yâwɨ. Tee kumúripɨ duhirã́ a'ti nukúkãkãharãre bese masísere o'ô no'o'kãrã niîwã. Ãpêrã kẽ'rare ĩ'yâwɨ. Naâ Õ'âkɨ̃hɨ yee kiti, tohô niikã́ Jesu yeére weresé bu'iri naâ dɨpopáre dɨtê sure no'o'kãrã niîwã. Naâ yaî weeró noho bahugɨ́ yeê'kere neê ẽho peótikãrã niîwã. Tohô niikã́ naâ diâpoapɨ, naâ amûkãripɨ kɨ̃ɨ̂ wameré neê ohâ õ'o no'otikãrã niîwã. Naâ wẽrî'kãrãpɨ niîmirã, masawã́. Naâ masáka be'ro Cristo me'ra mil kɨ'mari masaré dutî tamuwã.