Apocalipse 11:2 - Tukano

² Õ'âkɨ̃hɨ wi'i sumútoho maa keotíkã'ya. Teé apé sia'kãharãre o'ô'ke di'tâ niî'. Naâ quarenta e dois muhipũri Õ'âkɨ̃hɨ yaa maka Jerusalẽ́ di'tare dohórẽ' nu'kurãsama, niîwĩ.

Õꞌacʉ̃ Yere Ucũrĩ Turi

² Õꞌacʉ̃ wiꞌi sumutoma queoticãꞌña. Te aperocjãrãrẽ oꞌoꞌque diꞌta niꞌi. Na cuarenta y dos mujĩpũrĩ Õꞌacʉ̃ ya macã Jerusalẽ́ diꞌtare dojorẽnuꞌcũrãsama, niwĩ.

Apocalipse 11:2 Iomraidhean Croise

Mateus 27:53

Jesu kɨ̃ɨ̂ masáka be'ro masâ peeripɨ niî'kãrã wiháawã. Wiháa, Jerusalẽ́ Õ'âkɨ̃hɨre ẽho peóri makapɨ sãháawã. Naâre pãharã́ ĩ'yâkãrã niîwã.

Mateus 4:5

Be'ró wãtî kɨ̃ɨ̂re Jerusalẽ́pɨ “Õ'âkɨ̃hɨ yaa maka”, naâ niirí makapɨ miáakɨ niîwĩ. Toopɨ́re Õ'âkɨ̃hɨ wi'i dɨpo sãrípɨ sɨ'orí mii mɨhákɨ niîwĩ.

Mateus 5:13

Jesu a'tîro bu'ê nemokɨ niîwĩ: —Marî ba'ârã, ɨ'sɨáto niîrã moâre sãâ'. Mɨsâ moâ weeró noho niî' a'ti nukúkãpɨre. Mɨsâ ãyuró niisétikã ĩ'yârã, ãpêrã kẽ'ra ĩ'yâ kũu, yɨ'ɨ̂re ẽho peórãsama. Mɨsâ tohô weetíkã maa, moâ okâtiro weeró noho niîrãsa'. Moâ okâtikã, ɨ'sɨâtisa'. Teé tohô niikã́, kõ'âkã' no'o'. Opâturi de'ró weé moâ okakã́ wee boósari taha?

San Lucas 21:24

Ãpêrã a'mê wẽheropɨ wẽhé no'orãsama. Ãpêrãre niî pe'tise di'tapɨ bu'îri yẽ'ê miáarãsama. Apé di'takãharã Judeu masa niîtirã Jerusalẽ́re mɨto dihórãsama. Mɨto dihó, tii maká wiôrã sãharã́sama. Õ'âkɨ̃hɨ Judeu masa niîtirãre “Toô kã'ro tohô weerã́sama” niî'karo ehâ tu'aro tohô weerã́sama, niîkɨ niîwĩ Jesu.

Hebreos 10:29

Ãyuró wãkûya. Õ'âkɨ̃hɨ dutî'ke kɨ̃ɨ̂ Moisére kũû'kere yɨ'rɨ́ nɨ'kagɨ, bu'îri da'rê no'okɨ niîwĩ. Ni'kâroakã maa Õ'âkɨ̃hɨ makɨ kɨ̃ɨ̂re wẽrî basa'kere ẽho peó du'ugɨre tãhâsami. Ẽho peótigɨ noho Õ'âkɨ̃hɨ makɨ kɨ̃ɨ̂re wẽrî basa'kere “Wapa marí'”, niî wãkûsami. Espírito Santo kɨ̃ɨ̂re ma'isére yabîsami. A'tîro niî'. Jesu Cristo wẽrisé me'ra Õ'âkɨ̃hɨ masaré kɨ̃ɨ̂ “Weegɨ́ti” niî'kere keoró wa'akã́ weékɨ niîwĩ. Kɨ̃ɨ̂ wẽrisé me'ra, kɨ̃ɨ yeé diî me'ra marî yã'âro weé'kere kõ'âkɨ niîwĩ. Tohô weégɨ Õ'âkɨ̃hɨ kɨ̃ɨ̂ makɨré ɨatígɨre ɨpɨ́tɨ bu'îri da'rêgɨsami.

Apocalipse 11:11

I'tiá nɨmɨ ape nɨmɨ́ deko be'ro Õ'âkɨ̃hɨ naâre masowĩ́ taha. Naâ wã'kâ nɨ'kakã ĩ'yârã, masá ɨpɨ́tɨ ɨkɨáwã.

Apocalipse 11:3

Be'ró Õ'âkɨ̃hɨ niî nemowĩ taha: —Pɨárã yarã́, yeekãhásere wererã́re o'ôo'gɨti. Naâ pehé ɨmɨ̂kohori, mil duzentos sessenta nɨmɨri yeekãhásere uúkũrãsama. Naâ bɨhâ wetisere ĩ'yórã naâ wee wɨáro noho su'tí wãkisére sãyâ, uúkũrãsama, niîwĩ.

Apocalipse 12:6

Numiô pe'e masá marirópɨ Õ'âkɨ̃hɨ apó'karopɨ du'tiwṍ. Toopɨ́ koôre pehé mil duzentos sessenta nɨmɨri ba'asé ekawã́.

Apocalipse 21:10

Espírito Santo kẽ'esé weeró noho yɨ'ɨ̂re ĩ'yowĩ́. Ni'kɨ́ Õ'âkɨ̃hɨre werê ko'tegɨ ɨ̃rɨgɨ́ pahikɨhɨ́ ɨ'mɨákɨhɨhopɨ yɨ'ɨ̂re miáawĩ. Toopɨ́ yɨ'ɨ̂re Õ'âkɨ̃hɨ tiro niîka makaho dihátisere ĩ'yowĩ́. Tii maká Jerusalẽ́ yã'asé moorí makaho niîwɨ.

Apocalipse 21:2

Yɨ'ɨ̂ João ãyú butia'ri maka, ɨ'mɨ̂se Õ'âkɨ̃hɨ tiropɨ niirí makare dihátikã ĩ'yâwɨ. Tii maká apé ma'ma maká Jerusalẽ́ niîwɨ. Ãyuró apóka maka niîwɨ. Ni'kó numiô amûkã dɨ'tegó marapɨ́re ãyuró tɨ'saáto niîgo ma'mâ su'a no'o'ko weeró noho niîwɨ.

Apocalipse 22:19

No'ó a'ti pũrípɨ ohâ'kere dɨ'agɨ́ nohore Õ'âkɨ̃hɨ a'tîro weegɨ́sami. Kɨ̃ɨ̂ ohâ dɨ'a'karo nohota Õ'âkɨ̃hɨ katî nu'kuse kɨorã́ ohâ õ'o no'oka pũripɨre kɨ̃ɨ̂ wameré koegɨ́sami. Kɨ̃ɨ̂ yukɨ̂gɨ katisé o'okɨhɨ́ dɨkare ba'âsome. Kɨ̃ɨ̂ tii maká ãyurí makare sãháasome. A'te kitíre a'ti pũrípɨre ohâ no'o'.