Apocalipse 11:1 - Tukano

¹ Be'ró yɨ'ɨ̂re a'tîro weewã́. Ãrɨ̂gɨ wi'í weérã keokɨhɨ́ weeró noho bahukɨhɨ́re o'ôwã. Õ'âkɨ̃hɨ yɨ'ɨ̂re a'tîro niîwĩ: —Õ'âkɨ̃hɨ wi'ire keógɨ wa'âya. Naâ ɨ'mɨ̂tihise ɨ̃hâ moro ẽho peó wɨaro kẽ'rare keoyá. Toopɨ́ ẽho peórã kẽ'rare ba'pâ keoya.

Õꞌacʉ̃ Yere Ucũrĩ Turi

¹ Beꞌro yʉꞌʉre aꞌtiro weewã. Ãrʉ̃gʉ̃ wiꞌi wéérã queocjʉ weronojõ bajucjʉre oꞌowã. Õꞌacʉ̃ yʉꞌʉre aꞌtiro niwĩ: —Õꞌacʉ̃ wiꞌire queogʉ waꞌaya. Na ʉꞌmʉtise ʉ̃jʉ̃amorõ ñubuepeowʉaro quẽꞌrãrẽ queoya. Topʉ ñubuerã quẽꞌrãrẽ baꞌpaqueoya.

Apocalipse 11:1 Iomraidhean Croise

2 Corintios 6:16

Õ'âkɨ̃hɨ wi'i, tohô niikã́ ẽho peóse yeê'ke me'ra neê ni'kâro noho nií wee'. Mɨsâ pe'e Õ'âkɨ̃hɨ wi'i kɨ̃ɨ̂ niirópɨ weeró noho niî'. Kɨ̃ɨ̂ katî nu'kugɨ niîmi. Kɨ̃ɨ̂ a'tîro niîkɨ niîwĩ: Yɨ'ɨ̂ naâ tiropɨ niî, naâ me'ra niî nu'kugɨsa'. Naâ wiôgɨ niîgɨsa'. Naá kẽ'ra yarã́ niîrãsama, niîkɨ niîwĩ.

1 Pedro 2:5

Mɨsâre ãyuró masî dutigɨ a'tîro werêgɨti. Õ'âkɨ̃hɨ ɨ̃tâ peeri me'ra ni'kâ wi'i ãyurí wi'i weégɨ weeró noho weesamí. Ɨ̃tâga ãyukahá me'ra yeê nɨ'kasami. Tutuarí wi'i niiáto niîgɨ tohô weesamí. Jesu Cristota kɨ̃ɨ̂ neê waro wi'í yeê nɨ'kaka ɨ̃tâga weeró noho niigɨ́ niîmi. Marîpɨa apêye naâ yeê turia mɨhase weeró noho niî'. Marî niî pe'tirã ni'kâro me'ra Õ'âkɨ̃hɨ kɨ̃ɨ̂ weéka wi'i weeró noho niî'. Tohô weérã kɨ̃ɨ yarã́ waro niîrã, Jesu Cristo wee tamúse me'ra sacerdotea weeró noho Õ'âkɨ̃hɨ yeere da'ra masí'. Ãyuró weérã, ãpêrã yee niiátehere sẽri basá masi'. Tohô niikã́ Õ'âkɨ̃hɨre “Ãyú'” niî masi'. Marî tohô weekã́ ĩ'yâgɨ, Õ'âkɨ̃hɨ e'katísami.

1 Pedro 2:9

Marî pũrikã naâ weeró noho nií wee'. Õ'âkɨ̃hɨ kɨ̃ɨ yarã́ niiáto niîgɨ marîre besékɨ niîwĩ. Tohô weérã marî wiôgɨ yarã sacerdotea weeró noho kɨ̃ɨ yeére da'rarã́ niî'. Õ'âkɨ̃hɨ marîre kɨ̃ɨ yaá kurakãharã sãhakã́ weékɨ niîwĩ. Yã'asé mariró niisétikã weékɨ niîwĩ. Dɨporópɨ Õ'âkɨ̃hɨ kɨ̃ɨ yarã́ masá Israel kurakãharãre yɨ'ɨ̂ werê'ke peheré weékɨ niîwĩ. Mɨsâ Jesu Cristore ẽho peórã niî'. Tohô weégɨ mɨsâre meharóta weemí. Õ'âkɨ̃hɨ marîre ãyuró weé'kere ãpêrãre werê dutigɨ tohô weemí. Õ'âkɨ̃hɨ ãyú yɨ'rɨagɨ marî yã'âro weé'kere akobohómi. Akobohó, na'î tĩ'aropɨ niî'kãrãre marîre yɨ'rɨómi. Tohô weérã ni'kâroakãre kɨ̃ɨ̂ põ'rá bo'rê yuuropɨ niirã́ weeró noho niî'.

Apocalipse 10:11

Be'ró Õ'âkɨ̃hɨre werê ko'terã yɨ'ɨ̂re niîwã: —Õ'âkɨ̃hɨ kɨ̃ɨ̂ uúkũsere werê apogɨ wa'âya taha. Kɨ̃ɨ̂ pehe makárikãharãre, pehé di'takãharãre, mehêkãri uúkũrãre naa yeékãhasere werêmi. Teeré werêgɨ wa'âya. Tohô niikã́ wiôrã kẽ'rare “Õ'âkɨ̃hɨ tohô niiámi”, niî werêya, niîwã.

Apocalipse 21:15

Õ'âkɨ̃hɨre werê ko'tegɨ yɨ'ɨ̂re uúkũgɨ ni'kâgɨ ãrɨ̂gɨ ouro me'ra weé'kɨre kɨowĩ́. Tigɨ́ me'ra tii makáre, sopêrire, tií sã'rirore keogɨ́tigɨ weewĩ́.