Apocalipse 10:6 - Tukano

⁶ Kɨ̃ɨ̂ a'tîro niîwĩ: —Õ'âkɨ̃hɨ katî nu'kugɨ niîmi. Ɨ'mɨ̂se, di'tâ, pakasé maari niî pe'tirã teepɨ́ niirã́re weé'kɨ niîmi. Õ'âkɨ̃hɨ wamé me'ra niîgɨti. Marî yuû kue'ke pe'tiá wa'â'. Yuû kue nemosome.

Õꞌacʉ̃ Yere Ucũrĩ Turi

⁶ Cʉ̃ aꞌtiro niwĩ: —Õꞌacʉ̃ catinuꞌcũgʉ̃ nimi. Ʉꞌmʉse, diꞌta, pacase maarĩ nipeꞌtirã tepʉ nirãrẽ weeꞌcʉ nimi. Õꞌacʉ̃ wãme meꞌrã nigʉ̃ti. Marĩ yucueꞌque peꞌtia waꞌaꞌa. Yucuenemosome.

Apocalipse 10:6 Iomraidhean Croise

Apocalipse 1:18

Katî nu'kugɨ niî'. Too dɨpóropɨre wẽrîwɨ. Ni'kâroakãre katî nu'kukã'. Yɨ'ɨ̂ masaré wẽrî duti masi'. Pekâ me'epɨ wa'â duti masi'. Ãpêrã kẽ'rare “Pekâ me'epɨ wa'âsome”, niî masi'.

Apocalipse 12:12

Wãtîre kõ'asé bu'iri Õ'âkɨ̃hɨre werê ko'terã, niî pe'tirã ɨ'mɨ̂sepɨ niirã́, e'katíya. Nukûkãpɨ, diâ pahirí maakãharã maa yã'â butia'. Wãtî mɨsâ tiropɨ uâ dihami. Kã'roákã yɨ'ɨ̂re dɨ'sá' bu'îri da'reátoho niîgɨ, tohô weemí, niîwĩ.

Apocalipse 16:17

Be'ró, seis be'rokɨ̃hɨ, kɨ̃ɨ yaá paakãhasere ɨ'mɨáropɨ piô dihowĩ. Teé be'ro Õ'âkɨ̃hɨ wi'i ɨ'mɨ̂se niirí wi'i po'peapɨ wiôgɨ duhirí kumuropɨ duhigɨ́ tutuaró me'ra uúkũwĩ. A'tîro niîwĩ: —Niî pe'tise tu'â eha nɨ'ko pe'o no'o'.

Apocalipse 21:6

Be'ró a'tîro niîwĩ: —Niî pe'tise tu'â eha nɨ'ko pe'o no'o'. Yɨ'ɨ́ta niî mɨ'tagɨ, niî tɨogɨpɨ niî'. No'ó yɨ'ɨ̂re ɨpɨ́tɨ ɨárã ako wɨórã nohore yɨ'ɨ̂ katî nu'kusere o'ôgɨti. Naâre wapa seésome.

Apocalipse 4:10

Naâ tohô weesétiri nɨkɨ sõ'ó niîkãrã vinte e quatro wiôrã bɨkɨrã́ kɨ̃ɨ̂ dɨporo ehâ ke'a mɨhawã. Kɨ̃ɨ̂ katî nu'kugɨre ẽho peówã. Kɨ̃ɨ̂ dɨ'pôkãri tiropɨ naa yeé ouro me'ra weé'ke be'torire kũûwã. Tohô niikã́ naâ vinte e quatro wiôrã bɨkɨrã́ a'tîro niîwã:

Apocalipse 4:11

Õ'âkɨ̃hɨ ɨ̃sâ wiôgɨ, mɨ'ɨ̂ ãyú butia'gɨ niî'. Mɨ'ɨ̂re ãyuró uúkũro ɨá'. Mɨ'ɨ̂ niî pe'tirã yɨ'rɨóro ãyú yɨ'rɨgɨ, tutuâ yɨ'rɨ nɨ'kagɨ niî'. Mɨ'ɨ̂ niî pe'tisere weé'kɨ niî'. Mɨ'ɨ̂ ɨaró me'ra niî pe'tise niî'. Teé mɨ'ɨ̂ ɨaró me'rata niî pe'tise weé no'okaro niîwɨ, niîwã.

Apocalipse 4:9

Wiôgɨ duhirí kumuropɨ duhigɨ́, katî nu'kugɨre naâ ba'pâritirã kɨ̃ɨ̂ niisétisere ãyuró uúkũ, e'katí peo, “Ãyú'” niîwã.

Apocalipse 6:11

Be'ró naâre su'tí butisére o'ôwĩ. A'tîro niîwĩ: —Soó ni'iya yuhûpɨ. Ãpêrã mɨsâ akawerérã Jesu Cristo yeere wererã́ mɨsâ weeró noho wẽhé no'orãsama. Mɨsâ soorã́sa'. Teê “Tiikérãre wẽherã́sama” niî'ke wa'akã́pɨ soorã́sa', niîwĩ.