Apocalipse 10:1 - Tukano

¹ Be'ró ãpí Õ'âkɨ̃hɨre werê ko'tegɨ tutuagɨ́ ɨ'mɨ̂sepɨ niî'kɨre dihátikã ĩ'yâwɨ. Kɨ̃ɨ̂ o'me kurá dekopɨ dihátiwĩ. Kɨ̃ɨ̂ dɨpôa bu'i bu'ê daa niîwɨ. Kɨ̃ɨ yaá diâpoa muhîpũ ɨmɨ̂kohokɨ̃hɨ weeró noho asistéwɨ. Kɨ̃ɨ̂ yẽkâri ɨ̃hɨsé botari weeró noho bahuwɨ́.

Õꞌacʉ̃ Yere Ucũrĩ Turi

¹ Beꞌro apĩ Õꞌacʉ̃rẽ werecoꞌtegʉ tutuagʉ ʉꞌmʉsepʉ níꞌcʉre dijaticã ĩꞌawʉ̃. Cʉ̃ oꞌmecurua decopʉ dijatiwĩ. Cʉ̃ dʉpoa buꞌi buꞌeda niwʉ̃. Cʉ̃ ya diapoa mujĩpũ ʉmʉcocjʉ̃ weronojõ asistewʉ. Cʉ̃ ñecãrĩ ʉ̃jʉ̃sébotari weronojõ bajuwʉ.

Apocalipse 10:1 Iomraidhean Croise

Mateus 17:2

Toopɨ́ naâ ĩ'yóropɨ kɨ̃ɨ̂ bahusére dɨka yuúkɨ niîwĩ. Kɨ̃ɨ̂ diâpoare muhîpũ ɨmɨ̂kohokɨ̃hɨ weeró noho asistékɨ niîwĩ. Kɨ̃ɨ yeé su'tí ãyuró bo'rê yuuse wa'âkaro niîwɨ.

San Lucas 21:27

Tohô wa'arí kura yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ o'me kuráripɨ tutuaró me'ra asisté dihatikã, masá ĩ'yârãsama.

Hechos 26:13

Tii maká wa'arí ma'apɨ wa'âgɨ, daharí tero niikã́ muhîpũ asistéro nemoró ɨ'mɨ̂sepɨ asisté dihati, ãyuró bo'rê yuua wa'âwɨ. Yɨ'ɨ̂ tiro, yɨ'ɨ̂ me'rakãharã tiropɨ asisté se'sa wa'âwɨ.

Apocalipse 1:7

Mɨsâ tɨ'oyá. Õ'âkɨ̃hɨ besé'kɨ Cristo o'me kuráripɨ dihátigɨsami. Kɨ̃ɨ̂ a'tikã́, niî pe'tirã ĩ'yârãsama. Tohô niikã́ kɨ̃ɨ̂re wẽhé'kãrãpɨta ĩ'yârãsama. Niî pe'tirã a'tí di'takãharã kɨ̃ɨ̂ a'tikã́ ĩ'yârã, utîrãsama. Tohôta wa'ârosa'.

Apocalipse 18:1

Be'ró, ãpí Õ'âkɨ̃hɨre werê ko'tegɨ ɨ'mɨ̂sepɨ niî'kɨ dihátikã ĩ'yâwɨ. Kɨ̃ɨ̂ pehé dutî masiwĩ. Kɨ̃ɨ̂ asistése me'ra a'ti ɨmɨ́kohopɨre ãyuró asisté kehe kũuwĩ.

Apocalipse 18:21

Be'ró ni'kɨ́ Õ'âkɨ̃hɨre werê ko'tegɨ tutuagɨ́ ɨ̃tâgahore mii morówĩ. Otesé peerire tõ'ô di'o ãrɨákahaho weeró noho bahuwɨ́. Tigaré diâ pahirí maapɨ doke yõógɨ, a'tîro niîwĩ: —Tigaré doke yõóro weeró noho Babilônia pahirí makaho niîmiro, doke yõó no'orosa'. Neê opâturi tii makáre ĩ'yâ nemosome.

Apocalipse 20:1

Apêye kẽ'rare ĩ'yâwɨ. Ni'kɨ́ Õ'âkɨ̃hɨre werê ko'tegɨ ɨ'mɨ̂sepɨ niî'kɨ dihátiwĩ. Kɨ̃ɨ̂ niî bahu dutí dihari peekãha sáwire kɨowĩ́. Tohô niikã́ kome daáhore kɨowĩ́.

Apocalipse 4:3

Kɨ̃ɨ̂ ɨ̃tâ pee pũûro así pa'ari pee weeró noho bahugɨ́ niîwĩ. Jaspe ou sardônica ɨ̃tá sõ'akahá wa'terí pee weeró noho así pa'awĩ. Tii kumúro sumútohore ni'kâ daa bu'ê daa niî mahami sɨtɨawɨ. Pũûro ya'sarí daa esmeralda wamêtiri pee weeró noho así pa'awɨ.

Apocalipse 5:2

Wiôgɨ duhirí kumuro pɨ'to ni'kɨ́ Õ'âkɨ̃hɨre werê ko'tegɨ tutuagɨ́re ĩ'yâwɨ. Kɨ̃ɨ̂ tutuaró me'ra a'tîro sẽrí yã'awĩ: —Noa nohó a'ti tũrúre pãâo masiakɨhɨ ãyugɨ́ niîti?

Apocalipse 8:13

Be'ró ĩ'yâwɨ taha. Ni'kɨ́ aâ pakɨ a'ti ɨmɨ́koho dekopɨ wɨɨkã́ ĩ'yâwɨ. Tutuaró me'ra a'tîro niîwĩ: —Ãpêrã i'tiárã Õ'âkɨ̃hɨre werê ko'terã putikã́, yã'â butia'ro wa'ârosa' a'ti nukúkãkãharãre, niîwĩ.