Apocalipse 1:9 - Tukano

⁹ Yɨ'ɨ̂ João mɨsâ akawerégɨ weeró noho niî'. Mɨsâ weeró nohota yɨ'ɨ́ kẽ'ra pi'etí'. Marî ni'kâro noho Õ'âkɨ̃hɨ põ'ra niî'. Tohô niikã́ yã'âro wa'akã́, Jesu Cristo marîre wãkû tutuasere o'ômi. Yɨ'ɨ̂ Patmo wamêtiri nɨkɨropɨ bu'îri da'rerí wi'ipɨ niîwɨ. Õ'âkɨ̃hɨ yee kiti, Jesu Cristo uúkũ'kere weresé bu'iri toopɨ́ niîwɨ.

Õꞌacʉ̃ Yere Ucũrĩ Turi

⁹ Yʉꞌʉ Juã mʉsã acaweregʉ weronojõ niꞌi. Mʉsã weronojõta yʉꞌʉ quẽꞌrã piꞌetiꞌi. Marĩ niꞌcãrõnojõ Õꞌacʉ̃ põꞌrã niꞌi. Tojo nicã ñaꞌarõ waꞌacã, Jesucristo marĩrẽ wãcũtutuasere oꞌomi. Yʉꞌʉ Patmos wãmetiri nʉcʉ̃rõpʉ buꞌiri daꞌreri wiꞌipʉ niwʉ̃. Õꞌacʉ̃ ye queti, Jesucristo ucũꞌquere werese ye buꞌiri topʉ niwʉ̃.

Apocalipse 1:9 Iomraidhean Croise

Mateus 20:23

Naâ tohô niikã́, Jesu naâre niîwĩ: —Diakɨ̃hɨ́ta niî'. Mɨsá kẽ'ra pi'etírãsa'. Tohô weemíkã, diakɨ̃hɨ́ pe'e, kũûpe' pe'e mɨsâre dɨpo masítisa'. A'té yɨ'ɨ̂ weesé nií wee'. Yɨ'ɨ̂ pakɨ bese yuú'kãrã pe'e toopɨ́re duhîrãsama, niîwĩ.

Marcos 10:39

Naâ yɨ'tíkãrã niîwã: —Ɨ̃ɨ̂. Pi'etí, wẽrî masi', niîkãrã niîwã. Jesu naâre niîkɨ niîwĩ: —Diakɨ̃hɨ́ta niî'. Mɨsá kẽ'ra yɨ'ɨ̂ weeró noho pi'etí, wẽrîrãsa'.

San Juan 16:33

Yɨ'ɨ̂re ẽho peórã ãyuró ehêri põ'ratiato niîgɨ a'té niî pe'tisere mɨsâre wereápɨ. A'ti nukúkãkãharã mɨsâre pi'etíkã weerã́sama. Naâ tohô weemíkã, wãkû tutuaya. Yɨ'ɨ̂ a'ti nukúkãkãharã naâ yã'âro weesére dokâ ke'akã weé tohawɨ. Tohô weérã yɨ'ɨ̂re ẽho peórã wãkû tutuaya.

Hechos 1:15

Ni'kâ nɨmɨ Jesuré ẽho peórã nerêkãrã niîwã tií wi'ipɨta taha. Cento e vinte wa'tero niîkãrã niîwã. Pedro naâ nererí kura wã'kâ nɨ'ka, naâre werêkɨ niîwĩ. A'tîro niîkɨ niîwĩ:

Hechos 14:22

Tee makáripɨre tookãhárã Jesuré ẽho peórãre wãkû tutuase o'ôkãrã niîwã. Tohô niikã́ “Jesuré neê wãkû du'utikã'ya. Pehé pi'etíse wa'ârosa' Jesuré ẽho peórãre marî ɨ'mɨ̂sepɨ wa'aátoho dɨporo”, niî werê yɨ'rɨ wã'ka wa'âkãrã niîwã.

Romanos 8:17

Marî Õ'âkɨ̃hɨ põ'ra niî yuurã, kɨ̃ɨ̂ “Yɨ'ɨ̂ põ'rare ãyusé o'ôgɨti” niî'kere yẽ'êrãsa'. Jesu Cristo kɨ̃ɨ̂ pakɨ́ o'oátehere yẽ'êgɨsami. Marí kẽ'ra kɨ̃ɨ̂ me'ra teeré yẽ'êrãsa'. Marî ni'kâroakãre Jesu Cristo pi'etísere bu'î peha tamurã, be'ropɨ́ kɨ̃ɨ̂ wiôgɨ niisé kẽ'rare bu'î peha tamurãsa'.

Romanos 8:25

Marî ĩ'yâtise pũrikãre ko'tê ẽho peórã, soharó, kari butíro mariró ko'tê me'rikã'.

2 Corintios 1:7

Ɨ̃sâ weeró noho pi'etíkã, Õ'âkɨ̃hɨ mɨsâre wãkû tutuakã weegɨ́sami. Tohô weérã ɨ̃sâ mɨsâ ãyuró weeátehere masî yuu toha'.

Filipenses 1:7

Yɨ'ɨ̂ a'tîro wãkû': “Õ'âkɨ̃hɨ naâre tohô dɨka yuú nu'kugɨsami”, niî'. Yɨ'ɨ̂ tohô wãkusé ãyú niî'. Mɨsâre ma'ígɨ, tohô bɨsɨ̂'. A'tîro niî'. Ni'kâroakãre yɨ'ɨ̂ bu'îri da'rerí wi'ipɨ niikã́, mɨsâ yɨ'ɨ̂re bu'î peha tamu'. Wiôrãre “Jesu Cristo masaré yɨ'rɨómi niisé kiti diakɨ̃hɨ́ niî'” niî werekã́ kẽ'rare, bu'î peha tamu'. Tohô weérã Õ'âkɨ̃hɨ yɨ'ɨ̂re wee tamúsere mɨsá kẽ'ra bu'î peha tamu'.

Filipenses 4:14

Tohô niîmikã, yɨ'ɨ̂ pi'etíri kura yɨ'ɨ̂re wee tamúrã, ãyuró weewɨ́.

2 Tesalonicenses 3:5

Jesu Cristo mɨsâre Õ'âkɨ̃hɨ ma'imí niisére masikã́ weeáto. Tohô niikã́ kɨ̃ɨ̂ wãkû tutua'karo noho mɨsâre wãkû tutuakã weeáto.

2 Timoteo 1:8

Tohô weégɨ marî wiôgɨ yee kitire werêgɨ, bopôyatikã'ya. Yɨ'ɨ́ kẽ'rare Jesu Cristo yee kiti bu'esé wapa, bu'îri da'rerí wi'ipɨ yɨ'ɨ̂ duhikã́, bopôya sãatikã'ya. A'tîro pe'e weeyá. Jesu Cristo yee kitire werêya. Tohô weresé bu'iri mɨ'ɨ́ kẽ'ra yã'âro yɨ'rɨgɨ́sa'. Tohô wa'akã́ ĩ'yâgɨ, “Ãyurósa'”, niîya. Õ'âkɨ̃hɨ mɨ'ɨ̂re tutuaró o'oró põo tẽóro tohô weeyá.

Hebreos 10:36

Mɨsâre wãkû tutuarã niiró ɨá'. Tohô weérã, Õ'âkɨ̃hɨ ɨaró weéka be'ro kɨ̃ɨ̂ “O'ôgɨti” niî'kere mɨsâ yẽ'êrãsa'.

1 Pedro 5:1

Ni'kâroakãre maha Jesu Cristore ẽho peórã sɨ'orí niirã́re werêgɨti. Yɨ'ɨ́ kẽ'ra ãpêrãre sɨ'orí niigɨ́ta niî'. Yɨ'ɨ̂ Jesu Cristo pi'etíkã ĩ'yâwɨ. Kɨ̃ɨ̂ opâturi a'ti nukúkãpɨ a'tikã́, Õ'âkɨ̃hɨ niî pe'tirãpɨre Jesu Cristo asistésere, kɨ̃ɨ̂ tutuasére ĩ'yogɨ́sami. Teeré yɨ'ɨ́ kẽ'ra niî pe'tirã kɨ̃ɨ̂re ẽho peó'kãrã me'ra niî tamugɨsa'.

Apocalipse 1:1

A'ti pũrí be'ropɨ́ wa'aátehere Jesu Cristo wererí pũri niî'. Õ'âkɨ̃hɨ Jesu Cristore “Kã'roákã be'ro a'tîro wa'ârosa'”, niî ĩ'yókɨ niîwĩ. Kɨ̃ɨ̂ Jesu Cristore ẽho peórãre teeré masî dutigɨ tohô werêkɨ niîwĩ. Be'ró Jesu Cristo yɨ'ɨ̂ João wamêtigɨre teeré werê turiawĩ. Kɨ̃ɨ̂ Õ'âkɨ̃hɨre werê ko'tegɨ ɨ'mɨ̂sekɨ̃hɨ me'ra tohô weewĩ́. Yɨ'ɨ́ta Jesu Cristore da'rá wã'ya ko'tegɨ niî'.

Apocalipse 1:2

Yɨ'ɨ̂ ĩ'yâ'ke niî pe'tisere werêgɨti. Yɨ'ɨ̂ tɨ'ó'ke kẽ'rare werêgɨti. Õ'âkɨ̃hɨ uúkũ'kere Jesu Cristo yɨ'ɨ̂re ãyuró werêwĩ.

Apocalipse 1:4

Yɨ'ɨ̂ mɨsâ Ásiapɨ niirã́ sete Jesu Cristore ẽho peóse kurarikãharãre ohâ'. Õ'âkɨ̃hɨ mɨsâre ãyuró weeáto. Mɨsâre ãyuró tɨ'ó yã'akã weeáto. Õ'âkɨ̃hɨ neê waropɨta niî'kɨ niîmi. A'tóka tero kẽ'rare niî nu'kukã'mi. Be'ropɨ́ kẽ'rare opâturi a'tîgɨsami. Õ'âkɨ̃hɨ wiôgɨ duhirí kumuro tiro sete Õ'âkɨ̃hɨre werê ko'terã bahutírã nu'kumá. Naâ toopɨ́ nu'kurã́ Espírito Santore niî pe'tise tutuasé kɨogɨ́ niîmi, niî sĩ'rirã weemá. Naá kẽ'ra mɨsâre ãyuró weeáto.

Apocalipse 1:6

Kɨ̃ɨ̂ wẽrisé me'ra marî wiôrã wa'âpã. Tohô niikã́ Õ'âkɨ̃hɨ yeere da'rarã́ sãhapã́. Kɨ̃ɨ̂ pakɨ́ dutisére da'raáto niîgɨ marîre tohô weékɨ niîwĩ. Kɨ̃ɨ̂re ãyuró e'katí peorã. Tohô tutuagɨ́ niî nu'kugɨsami. Tohôta niiáto.

Apocalipse 11:7

Naâ, naâre werê duti'kere werê tu'a ehaka be'ro ĩ'yâ bahu dutí dihari peekɨ̃hɨ yã'agɨ́ naâ me'ra a'me kẽégɨsami. Naâre dokâ ke'akã weé, wẽhé kõ'agɨsami.

Apocalipse 12:11

Õ'âkɨ̃hɨ yarã marî akawerérã wãtîre dokâ ke'akã weewã́. Naâ Õ'âkɨ̃hɨ makɨ ovelha wi'magɨ́ weeró noho bahugɨ́ wẽrisé me'ra, kɨ̃ɨ yeé diî a'mâ bɨrose me'ra tohô weewã́. Naâ katirí ɨmɨ̂kohore ma'itírã, Õ'âkɨ̃hɨ yee kitire weresé me'ra kɨ̃ɨ̂re tohô weewã́. Ãpêrã naâre wẽhé sĩ'rikã, naâ werê du'utiwã. Wẽrisére uîtiwã.

Apocalipse 12:17

Tohô wa'akã́ ĩ'yâgɨ, pĩrô numiô me'ra uâ yɨ'rɨa wa'âwĩ. Be'ró koô paramérã niî turiarã me'ra a'me kẽégɨ wa'âwĩ. Naâ Õ'âkɨ̃hɨ dutî'kere weerã́ Jesu Cristo yee bu'esére ẽho peó nu'kurã niîma.

Apocalipse 13:10

“Bu'îri da'rerí wi'ipɨ sõróo no'orãsama” niî no'o'kãrã tohôta sãháarãsama bu'îri da'rerí wi'ipɨ. “Di'pĩhihó me'ra wẽhé no'orãsama” niî no'o'kãrã tii pĩhí me'rata wẽhé no'orãsama. Tohô wa'arí kurare Õ'âkɨ̃hɨ yarã wãkû tutuaya. Õ'âkɨ̃hɨre ẽho peóya.

Apocalipse 14:12

Tohô weérã Õ'âkɨ̃hɨ yarã, kɨ̃ɨ̂ dutisére weérã, yã'âro wa'asére wãkû tutuaya. Jesu Cristore ẽho peó nu'kurã, tohôta weeyá.

Apocalipse 19:10

Õ'âkɨ̃hɨre werê ko'tegɨ tohô niikã́ tɨ'ógɨ, yɨ'ɨ̂ kɨ̃ɨ̂ tiro ẽho peógɨ ehâ ke'awɨ. Yɨ'ɨ̂ tohô weekã́ ĩ'yâgɨ, yɨ'ɨ̂re niîwĩ: —Tohô weetíkã'ya. Yɨ'ɨ́ kẽ'ra kɨ̃ɨ̂re da'rá ko'tegɨta niî'. Yɨ'ɨ̂ mɨ'ɨ̂ weeró noho niigɨ́ niî'. Tohô niikã́ mɨ'ɨ̂ akawerérã Jesu yeére werê nu'kurã weeró noho niî'. Yɨ'ɨ̂re neê ẽho peótikã'ya. Õ'âkɨ̃hɨ pe'ere tohô weeyá. A'tîro niî'. Espírito Santo Õ'âkɨ̃hɨ yee werê mɨ'tarãre masikã́ weékɨ niîwĩ. Teé masisé me'ra werêkãrã niîwã. Meharóta Jesu yeére wererã́ kẽ'ra Espírito Santo masisé o'osé me'ra werêma, niîwĩ.

Apocalipse 20:4

Be'ró, pehé wiôrã duhisé kumurire ĩ'yâwɨ. Tee kumúripɨ duhirã́ a'ti nukúkãkãharãre bese masísere o'ô no'o'kãrã niîwã. Ãpêrã kẽ'rare ĩ'yâwɨ. Naâ Õ'âkɨ̃hɨ yee kiti, tohô niikã́ Jesu yeére weresé bu'iri naâ dɨpopáre dɨtê sure no'o'kãrã niîwã. Naâ yaî weeró noho bahugɨ́ yeê'kere neê ẽho peótikãrã niîwã. Tohô niikã́ naâ diâpoapɨ, naâ amûkãripɨ kɨ̃ɨ̂ wameré neê ohâ õ'o no'otikãrã niîwã. Naâ wẽrî'kãrãpɨ niîmirã, masawã́. Naâ masáka be'ro Cristo me'ra mil kɨ'mari masaré dutî tamuwã.

Apocalipse 3:10

Mɨsâre mehêkã wa'akã́ wãkû tutua duti'kere keoró weewɨ́. Tohô weégɨ niî pe'tirã a'ti nukúkãkãharã pi'etíri kura mɨsâre ko'têgɨti. Niî pe'tirã a'ti nukúkãkãharãre de'ró ẽho peómiti naa? niîgɨ, naâre pi'etíkã weegɨ́ti.

Apocalipse 6:9

Be'ró Õ'âkɨ̃hɨ makɨ ovelha wi'magɨ́ weeró noho bahugɨ́ apêro pi'râ bi'a'karore pãâwĩ taha. Kɨ̃ɨ̂ pãakã́, naâ Õ'âkɨ̃hɨre wa'îkɨ̃rãre ɨ̃hâ moro peo wɨarore ĩ'yâwɨ. Too dokápɨ Õ'âkɨ̃hɨre ẽho peórã wẽhé no'o'kãrã ehêri põ'rari niîwɨ. Naâ kɨ̃ɨ̂re ẽho peóse bu'iri, tohô niikã́ Jesu Cristo yee kitire weresé bu'iri wẽhé no'okãrã niîwã.

Apocalipse 7:14

Yɨ'ɨ̂ kɨ̃ɨ̂re yɨ'tiwɨ́: —Wiôgɨ, mɨ'ɨ̂ masísa'. Kɨ̃ɨ̂ pe'e yɨ'ɨ̂re niîwĩ: —Ã'rá nukûkãkãharã pũûro pi'etíka terore naá kẽ'ra pi'etí'kãrã niîma. Naâ Õ'âkɨ̃hɨ makɨ ovelha wi'magɨ́ weeró noho bahugɨ́ wẽrisé me'ra naâ ehêri põ'raripɨ yã'asé moorã́ tohákãrã niîwã.