Apocalipse 1:7 - Tukano

⁷ Mɨsâ tɨ'oyá. Õ'âkɨ̃hɨ besé'kɨ Cristo o'me kuráripɨ dihátigɨsami. Kɨ̃ɨ̂ a'tikã́, niî pe'tirã ĩ'yârãsama. Tohô niikã́ kɨ̃ɨ̂re wẽhé'kãrãpɨta ĩ'yârãsama. Niî pe'tirã a'tí di'takãharã kɨ̃ɨ̂ a'tikã́ ĩ'yârã, utîrãsama. Tohôta wa'ârosa'.

Õꞌacʉ̃ Yere Ucũrĩ Turi

⁷ Mʉsã tʉꞌoya. Õꞌacʉ̃ beseꞌcʉ Cristo oꞌmecururipʉ dijatigʉsami. Cʉ̃ aꞌticã, nipeꞌtirã ĩꞌarãsama. Tojo nicã cʉ̃rẽ wẽjẽꞌcãrãpʉta ĩꞌasãjãrãsama. Nipeꞌtirã aꞌti diꞌtacjãrã cʉ̃ aꞌticã ĩꞌarã, utirãsama. Tojota waꞌarosaꞌa.

Apocalipse 1:7 Iomraidhean Croise

Mateus 16:27

Yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ a'tîro weegɨ́ti. Yɨ'ɨ̂ pakɨ asistése me'ra, kɨ̃ɨ̂re werê ko'terã me'ra a'ti nukúkãpɨre a'tîgɨti taha. Yɨ'ɨ̂ opâturi a'tîgɨ, niî pe'tirãre de'ró naâ weé'ke nɨkɨre wapa yeégɨti.

Mateus 16:28

Diakɨ̃hɨ́ mɨsâre werêgɨti. Ni'karérã a'topɨ́ niirã́ naâ wẽriátoho dɨporo a'teré ĩ'yârãsama. Yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ wiôgɨ sãhakã́ ĩ'yâtimirã, wẽrîsome, niîwĩ.

Mateus 24:30

Tohô wa'akã́, ɨ'mɨ̂sepɨ yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ a'tisére ĩ'yârãsama. Niî pe'tise makarikãharã uîrã, utîrãsama. Yɨ'ɨ̂ o'me kuráripɨ tutuaró me'ra asisté dihatikã, ĩ'yârãsama.

Mateus 25:31

Jesu ɨ̃sâre werê nemowĩ: —Be'ró yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ a'ti nukúkãkãharãre dutîgɨ a'tîgɨti. Yɨ'ɨ̂re werê ko'terã ɨ'mɨ̂sekãharã me'ra a'tîgɨ, asistése me'ra a'tîgɨti. Be'ró wiôgɨ duhirí kumuropɨ duhîgɨsa'.

Mateus 26:64

Jesu kɨ̃ɨ̂re yɨ'tíkɨ niîwĩ: —Kɨ̃ɨ́ta niî' mɨ'ɨ̂ niîro nohota. Apêye kẽ'rare mɨsâre werê nemogɨti. Be'ró yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ Õ'âkɨ̃hɨ tutuâ yɨ'rɨgɨ diakɨ̃hɨ́ pe'e duhikã́ ĩ'yârãsa'. Tohô niikã́ yɨ'ɨ̂ o'me kurári bu'ipɨ opâturi dihátikã ĩ'yârãsa', niîkɨ niîwĩ.

Marcos 13:26

Tohô wa'arí kura niî pe'tirã yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ o'me kuráripɨ tutuaró me'ra asisté dihatikã ĩ'yârãsama.

Marcos 14:62

Jesu kɨ̃ɨ̂re yɨ'tíkɨ niîwĩ: —Kɨ̃ɨ́ta niî'. Mɨsâ yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ Õ'âkɨ̃hɨ pɨ'topɨ duhikã́ ĩ'yârãsa'. Kɨ̃ɨ̂ ɨ'mɨ̂sepɨ niigɨ́ tutuâ yɨ'rɨami. Yɨ'ɨ̂ o'me kuráripɨ dihátikã ĩ'yârãsa', niîkɨ niîwĩ.

San Lucas 21:27

Tohô wa'arí kura yɨ'ɨ̂ Õ'âkɨ̃hɨ makɨ masɨ́ weeró noho ɨpɨtígɨ o'me kuráripɨ tutuaró me'ra asisté dihatikã, masá ĩ'yârãsama.

San Juan 19:34

Mehô di'akɨ̃ ni'kɨ́ surára Jesuré paatí pa'mapɨ yõsêwĩ. Kɨ̃ɨ̂ tohô weekã́, diî akó me'ra wihawɨ́.

San Juan 19:37

Apêro Õ'âkɨ̃hɨ yee kiti ohâ'karo kẽ'rare a'tîro niîwɨ: “Naâ kamî da're'kɨpɨre ĩ'yârãsama”, niî ohâ no'owɨ.

1 Tesalonicenses 1:10

Õ'âkɨ̃hɨ kɨ̃ɨ̂ makɨ́ Jesu ɨ'mɨ̂sepɨ niigɨ́re, kɨ̃ɨ̂ opâturi a'tiátehere e'katíse me'ra yuû kuerã weeápa'ro. A'teré ãpêrã ɨ̃sâre kiti weréma mɨsâ weesétisere. Õ'âkɨ̃hɨ kɨ̃ɨ̂ makɨ́ wẽrî'kɨpɨre masókɨ niîwĩ. Kɨ̃ɨ̂ Jesutá niîmi marî ɨpɨ́tɨ bu'îri boka boó'kere yɨ'rɨó'kɨ.

1 Tesalonicenses 4:17

Naâ be'roakã marî Jesuré ẽho peórã kẽ'ra a'ti nukúkãpɨ katirã́ o'me kuráripɨ naâ me'ra mɨhâarãsa'. Toopɨ́ Jesuré põo tẽrírãsa'. Tohô weé kɨ̃ɨ̂ me'ra niî nu'kukã'rãsa'.

Hebreos 10:29

Ãyuró wãkûya. Õ'âkɨ̃hɨ dutî'ke kɨ̃ɨ̂ Moisére kũû'kere yɨ'rɨ́ nɨ'kagɨ, bu'îri da'rê no'okɨ niîwĩ. Ni'kâroakã maa Õ'âkɨ̃hɨ makɨ kɨ̃ɨ̂re wẽrî basa'kere ẽho peó du'ugɨre tãhâsami. Ẽho peótigɨ noho Õ'âkɨ̃hɨ makɨ kɨ̃ɨ̂re wẽrî basa'kere “Wapa marí'”, niî wãkûsami. Espírito Santo kɨ̃ɨ̂re ma'isére yabîsami. A'tîro niî'. Jesu Cristo wẽrisé me'ra Õ'âkɨ̃hɨ masaré kɨ̃ɨ̂ “Weegɨ́ti” niî'kere keoró wa'akã́ weékɨ niîwĩ. Kɨ̃ɨ̂ wẽrisé me'ra, kɨ̃ɨ yeé diî me'ra marî yã'âro weé'kere kõ'âkɨ niîwĩ. Tohô weégɨ Õ'âkɨ̃hɨ kɨ̃ɨ̂ makɨré ɨatígɨre ɨpɨ́tɨ bu'îri da'rêgɨsami.

1 João 3:2

Akawerérã, marî Õ'âkɨ̃hɨ põ'ra niî toha'. Kɨ̃ɨ̂ põ'rá niîmirã, be'ropɨ́ marî de'ró wa'aátehere ãyuró masî no'oya marí' yuhûpɨ. A'té di'akɨ̃re masî'. Marî Jesu Cristo a'tikã́, kɨ̃ɨ̂ bahusére ĩ'yârãsa'. Kɨ̃ɨ̂re ĩ'yârã, kɨ̃ɨ̂ weeró noho wa'ârãsa'.

Judas 1:14

Dɨporókɨ̃hɨpɨ Enoque wamêtigɨ Õ'âkɨ̃hɨ kɨ̃ɨ̂re masisé o'oró me'ra naâ niî soorãre bu'îri da'reátehere werê mɨ'takɨ niîwĩ. Marî yẽkɨ Adão paramí niî turiagɨpɨ niîkɨ niîwĩ Enoque. Seis kurari be'rokɨ̃hɨ niîkɨ niîwĩ. Kɨ̃ɨ̂, be'ropɨ́ wa'aátehere a'tîro niîkɨ niîwĩ: “Marî wiôgɨ pãharã́ ɨ'mɨ̂sekãharã kɨ̃ɨ̂re werê ko'terã me'ra a'tîgɨsami.

Apocalipse 22:20

Jesu Cristo a'teré werêgɨ, a'tîro niîmi: —Tohôta niî'. Kã'roákã dɨ'sá' yɨ'ɨ̂ dihátiatoho, niîmi. Tohôta wa'ârosa'. Wiôgɨ Jesu, keêro a'tî bakeo'ya.

Apocalipse 22:4

Bahû yoaropɨ kɨ̃ɨ̂re ĩ'yârãsama. Naâ diâpoapɨ kɨ̃ɨ̂ wameré kɨorã́sama.