Apocalipse 1:6 - Tukano

⁶ Kɨ̃ɨ̂ wẽrisé me'ra marî wiôrã wa'âpã. Tohô niikã́ Õ'âkɨ̃hɨ yeere da'rarã́ sãhapã́. Kɨ̃ɨ̂ pakɨ́ dutisére da'raáto niîgɨ marîre tohô weékɨ niîwĩ. Kɨ̃ɨ̂re ãyuró e'katí peorã. Tohô tutuagɨ́ niî nu'kugɨsami. Tohôta niiáto.

Õꞌacʉ̃ Yere Ucũrĩ Turi

⁶ Cʉ̃ wẽrĩse meꞌrã marĩ wiorã waꞌapã. Tojo nicã Õꞌacʉ̃ yere daꞌrari masã sãjãpã. Cʉ̃ pacʉ dutisere daꞌrato nígʉ̃ marĩrẽ tojo weecʉ niwĩ. Cʉ̃rẽ añurõ eꞌcatipeorã. Tojo tutuagʉ ninuꞌcũgʉ̃sami. Tojota niato.

Apocalipse 1:6 Iomraidhean Croise

Mateus 6:13

Ɨ̃sâ yã'âro weé sĩ'risere ka'mú ta'aya. Tohô niikã́ yã'agɨ́ ɨ̃sâre niî kehe sãakã, ka'mú ta'aya. Mɨ'ɨ̂ ni'kɨtá dutî masi'. Tutuâ yɨ'rɨgɨ niî'. Mɨ'ɨ̂ ni'kɨréta masá ẽho peórãsama. Mɨ'ɨ̂ niî nu'kukɨ̃'sa', niî sẽriyá Õ'âkɨ̃hɨre.

Romanos 11:36

Niî pe'tise a'ti nukúkãkãhase, ɨ'mɨ̂sekãhase kɨ̃ɨ̂ weé'ke di'akɨ̃ niî'. Kɨ̃ɨ̂ tutuasé me'ra niî pe'tise niî nu'ku'. Kɨ̃ɨ yeé niî'. Tohô weérã niî pe'tirã Õ'âkɨ̃hɨre “Kɨ̃ɨ̂ ãyú yɨ'rɨagɨ, tutuâ yɨ'rɨagɨ niîmi”, niî nu'kukã'rã. Tohôta weerã́.

Romanos 15:6

Tohô weérã mɨsâ ni'kâropɨta wãkusétirã, a'tîro weerã́sa'. Õ'âkɨ̃hɨ, marî wiôgɨ Jesu Cristo pakɨre ni'kâro me'ra “Mɨ'ɨ̂ ãyú yɨ'rɨa'”, niîrãsa'.

Filipenses 2:11

Niî pe'tirã “Jesu Cristo marî wiôgɨ niîmi”, niîrãsama. Naâ Õ'âkɨ̃hɨre, “Ãyú yɨ'rɨami”, niîrãsama.

1 Timoteo 6:16

Kɨ̃ɨ̂ ni'kɨtá katî nu'kumi. Kɨ̃ɨ̂ pũûro asistéropɨ niîmi. Neê ni'kɨ́ masɨ́ kɨ̃ɨ̂ basi Õ'âkɨ̃hɨ niirópɨ wa'â masitimi. Neê ni'kɨ́ kɨ̃ɨ̂re ĩ'yâtikɨ niîwĩ. ĩ'yâta basió wee'. Õ'âkɨ̃hɨ ni'kɨréta ãyuró uúkũ yɨ'rɨ nɨ'karo ɨá'. “Kɨ̃ɨ̂ wiôgɨ niî nu'kuato”, niiró ɨá'. Tohôta niiáto.

Hebreos 13:21

Õ'âkɨ̃hɨ mɨsâre keoró niisétikã weeáto. Niî pe'tisere ãyuró weesétikã weeáto. Tohô weekã́, kɨ̃ɨ̂ ɨaró wee masírãsa'. Jesu Cristo kɨ̃ɨ̂ tutuaró me'ra mɨsâre tohô weegɨ́sami. Cristore e'katí peo nu'kurã. Tohôta weerã́.

1 Pedro 4:11

Ni'karérãre a'te nohóre o'ôsami. Pãharã́ wa'teropɨ kɨ̃ɨ yeé kiti werê tutuasere o'ôsami. A'teré werêrã, kɨ̃ɨ̂ werê'karo weeró noho werêya. Ãpêrã, wee tamúrã noho kẽ'ra Õ'âkɨ̃hɨ mɨsâre tutuaró o'ô'karo põo tẽóro wee tamúya. Tohô weekã́, masá “Jesu Cristo kɨ̃ɨ̂ wee tamúro me'ra tohô weeáma” niî, “Ãyú'” niîrãsama Õ'âkɨ̃hɨre. Jesu Cristo tutuâ yɨ'rɨami. Kɨ̃ɨ̂ niî pe'tirã bu'ipɨ, wiôgɨ niîmi. Tohô weérã marî kɨ̃ɨ̂re “Ãyú'” niî nu'kukã'rã.

1 Pedro 5:11

Tohô weérã kɨ̃ɨ̂re a'tîro niîrã: “Õ'âkɨ̃hɨ, mɨ'ɨ̂ niî pe'tirã bu'ipɨ, wiôgɨ niî'. Mɨ'ɨ̂ tutuasé neê pe'tisomé. Niî nu'kukã'rosa'”, niîrã kɨ̃ɨ̂re.

2 Pedro 3:18

Marî wiôgɨ Jesu Cristo marîre yɨ'rɨógɨ pe'ere masî nemoya. Kɨ̃ɨ̂ marîre ma'imí niisére masîrã, kɨ̃ɨ̂re nemoró ẽho peó wã'kaya. Niî pe'tirã ni'kâroakãre, be'ropɨ́ kẽ'rare Jesu Cristore “Ãyú yɨ'rɨami”, niî nu'kukã'rã. Tohôta niiró ɨá'. Toô kã'rota ohâ'. Pedro

Apocalipse 1:9

Yɨ'ɨ̂ João mɨsâ akawerégɨ weeró noho niî'. Mɨsâ weeró nohota yɨ'ɨ́ kẽ'ra pi'etí'. Marî ni'kâro noho Õ'âkɨ̃hɨ põ'ra niî'. Tohô niikã́ yã'âro wa'akã́, Jesu Cristo marîre wãkû tutuasere o'ômi. Yɨ'ɨ̂ Patmo wamêtiri nɨkɨropɨ bu'îri da'rerí wi'ipɨ niîwɨ. Õ'âkɨ̃hɨ yee kiti, Jesu Cristo uúkũ'kere weresé bu'iri toopɨ́ niîwɨ.

Apocalipse 4:11

Õ'âkɨ̃hɨ ɨ̃sâ wiôgɨ, mɨ'ɨ̂ ãyú butia'gɨ niî'. Mɨ'ɨ̂re ãyuró uúkũro ɨá'. Mɨ'ɨ̂ niî pe'tirã yɨ'rɨóro ãyú yɨ'rɨgɨ, tutuâ yɨ'rɨ nɨ'kagɨ niî'. Mɨ'ɨ̂ niî pe'tisere weé'kɨ niî'. Mɨ'ɨ̂ ɨaró me'ra niî pe'tise niî'. Teé mɨ'ɨ̂ ɨaró me'rata niî pe'tise weé no'okaro niîwɨ, niîwã.

Apocalipse 5:10

Õ'âkɨ̃hɨ yarãre wiôrã sãhakã́ weékɨ niîwɨ. Tohô niikã́ Õ'âkɨ̃hɨ yeere da'rarã́ sõróokɨ niîwɨ. Niî pe'tirokãharãre dutîrãsama, niî basâwã.