Apocalipse 1:16 - Tukano

¹⁶ Kɨ̃ɨ̂ diakɨ̃hɨ́kãha amukãpɨ sete yõkoáre kɨowĩ́. Kɨ̃ɨ̂ ɨsêropɨ ni'kâ pĩhi wiorí pĩhire kɨowĩ́. Tii pĩhí pɨ̂a pe'eseri ɨse yoháka pĩhi niîwɨ. Kɨ̃ɨ̂ diâpoa ɨmɨ̂kohokɨ̃hɨ muhîpũ ɨpɨ́tɨ asistéro weeró noho niîwɨ.

Õꞌacʉ̃ Yere Ucũrĩ Turi

¹⁶ Cʉ̃ diacjʉ̃camocãpʉ siete ñocõarẽ cʉowĩ. Cʉ̃ ʉseropʉ niꞌcã pjĩ wiori pjĩrẽ cʉowĩ. Ti pjĩ pʉ́aperi osoyojaca pjĩ niwʉ̃. Cʉ̃ diapoa ʉmʉcocjʉ̃ mujĩpũ ʉpʉtʉ asistero weronojõ niwʉ̃.

Apocalipse 1:16 Iomraidhean Croise

Mateus 17:2

Toopɨ́ naâ ĩ'yóropɨ kɨ̃ɨ̂ bahusére dɨka yuúkɨ niîwĩ. Kɨ̃ɨ̂ diâpoare muhîpũ ɨmɨ̂kohokɨ̃hɨ weeró noho asistékɨ niîwĩ. Kɨ̃ɨ yeé su'tí ãyuró bo'rê yuuse wa'âkaro niîwɨ.

Hechos 26:13

Tii maká wa'arí ma'apɨ wa'âgɨ, daharí tero niikã́ muhîpũ asistéro nemoró ɨ'mɨ̂sepɨ asisté dihati, ãyuró bo'rê yuua wa'âwɨ. Yɨ'ɨ̂ tiro, yɨ'ɨ̂ me'rakãharã tiropɨ asisté se'sa wa'âwɨ.

Efesios 6:17

Surára kɨ̃ɨ̂ dɨpôare ka'mú ta'a sĩ'rigɨ kome sapéare pesâsami. Kɨ̃ɨ̂ weeró noho wãtî mɨsâ wãkusére dohórẽ' sĩ'rikã, “Õ'âkɨ̃hɨ yɨ'rɨó no'o'kãrã niî'”, niîya. Apêye kẽ'rare surára a'mê wẽhegɨ pahirí pĩhi di'pĩhihóre miáasami. Kɨ̃ɨ̂ weeró noho mɨsá kẽ'ra Espírito Santo o'ôka pĩhire kɨoyá. Tii pĩhí Õ'âkɨ̃hɨ uúkũse niî sĩ'riro weé'. Kɨ̃ɨ̂ uúkũse me'ra wãtîre ka'mú ta'a masi'. Tohô niikã́ niî pe'tise yã'asére kõ'â masi'.

Hebreos 4:12

Õ'âkɨ̃hɨ yee uúkũse niî nu'kukã'. Tutuâ yɨ'rɨa'. Yõserí pĩhiho pɨ̂a pe'eseri ɨse yoháka pĩhi me'ra yõsêro weeró noho niî'. Tii pĩhí nemoró Õ'âkɨ̃hɨ uúkũse pũrikã marî po'peapɨ, marî ehêri põ'rapɨ, marî wãkusépɨ, niî pe'tiropɨ sãháasa'. Õ'âkɨ̃hɨ uúkũsere tɨ'órã, marî po'peapɨ wãkusére “Ãyú niî', ou yã'â niî'”, niî bese masí no'o'.

Apocalipse 1:20

Apêyere masá too dɨpóropɨ masî no'oya marí'kere werêgɨti. Ã'rá sete yõkoá a'tîro niî sĩ'rirã weemá. Naâ yɨ'ɨ̂re ẽho peóse kurarikãharã wiôrã sɨ'orí niirã́ niîma. Sete sĩ'óo'se ouro me'ra weé'kepagɨ kẽ'ra a'tîro niî sĩ'riro weé'. Teé tiikésepagɨ yɨ'ɨ̂re ẽho peóse kurarikãharã niîma, niî sĩ'riro weé', niîwĩ.

Apocalipse 10:1

Be'ró ãpí Õ'âkɨ̃hɨre werê ko'tegɨ tutuagɨ́ ɨ'mɨ̂sepɨ niî'kɨre dihátikã ĩ'yâwɨ. Kɨ̃ɨ̂ o'me kurá dekopɨ dihátiwĩ. Kɨ̃ɨ̂ dɨpôa bu'i bu'ê daa niîwɨ. Kɨ̃ɨ yaá diâpoa muhîpũ ɨmɨ̂kohokɨ̃hɨ weeró noho asistéwɨ. Kɨ̃ɨ̂ yẽkâri ɨ̃hɨsé botari weeró noho bahuwɨ́.

Apocalipse 12:1

Be'ró ɨ'mɨáropɨ mehêkã bahusé paka bahuákã ĩ'yâwɨ. Ni'kó numiôre ĩ'yâwɨ. Koô muhîpũ ɨmɨ̂kohokɨ̃hɨpɨ omá bi'a'karo weeró noho asistéwõ. Muhîpũ yamîkɨ̃hɨ bu'ipɨ nu'kuwṍ. Koô dɨpôapɨre ni'kâ be'to pesawṍ. Tií be'to doze yõkoá kɨowɨ́.

Apocalipse 19:15

Kɨ̃ɨ̂ ɨsêropɨre di'pĩhí ɨse yohári pĩhire kɨowĩ́. Tii pĩhí me'ra kɨ̃ɨ̂ a'ti nukúkãkãharãre kamî da'regɨsami. Tutuaró me'ra dutîgɨsami. Naâ ɨ'sêre tee koó miîrã tutuaró me'ra nɨté sa'bese weeró noho kɨ̃ɨ̂ a'ti nukúkãkãharã yã'âro weerã́re bu'îri da'rêgɨsami. Õ'âkɨ̃hɨ tutuâ yɨ'rɨgɨ naâ me'ra uâ yɨ'rɨami. Tohô weégɨ cavalo bu'i pesagɨ́ naâre ɨpɨ́tɨ waro bu'îri da'rêgɨsami.

Apocalipse 19:21

Ãpêrã naâ me'rakãharã pe'ere cavalo bu'ipɨ pesagɨ́ a'tîro weewĩ́. Kɨ̃ɨ yaá pĩhi kɨ̃ɨ̂ ɨsêropɨ kɨóka pĩhi me'ra naâre wẽhé pe'okã'wĩ. Niî pe'tirã mirikɨ̃hɨá naa yeé di'ire pahî butia'ro ba'â yapîkã'wã.

Apocalipse 2:1

Jesu Cristo a'tîro niîwĩ: —Éfesokãharã, yɨ'ɨ̂re ẽho peóri kurakãharã wiôgɨ sɨ'orí niigɨ́re a'tîro niî ohâya: “Yɨ'ɨ̂ sete yõkoáre diakɨ̃hɨ́kãha amukãpɨ kɨó'. Tohô niikã́ sete sĩ'óo'se ouro me'ra weé'kepagɨ wa'teropɨ sihâ'.

Apocalipse 2:12

Jesu Cristo niî nemowĩ taha: —Pérgamokãharã, yɨ'ɨ̂re ẽho peóri kurakãharã wiôgɨ sɨ'orí niigɨ́ kẽ'rare a'tîro ohâya: “Yɨ'ɨ̂ pɨ̂a pe'eseri ɨse yoháka pĩhi wiorí pĩhire kɨogɨ́ niî'.

Apocalipse 2:16

Tohô weérã niî pe'tise mɨsâ yã'âro weesére bɨhâ wetiya. Mɨsâ dɨka yuútikã, mɨsâ tiropɨ wa'âgɨti. Yaa pĩhí wiorí pĩhi ɨsêropɨ kɨorí pĩhi me'ra mɨsâre bu'îri da'rêgɨti.

Apocalipse 3:1

Jesu Cristo niî nemowĩ taha: —Sardekãharã, yɨ'ɨ̂re ẽho peóri kurakãharã wiôgɨ sɨ'orí niigɨ́re a'tîro ohâya: “Yɨ'ɨ̂ sete Õ'âkɨ̃hɨre werê ko'terã bahutírãre kɨó'. Naâ Espírito Santore niî pe'tise tutuasé kɨogɨ́ niîmi, niî sĩ'rirã weemá. Tohô niikã́ tiikérãta taha yõkoáre kɨó'. Niî pe'tise mɨsâ weesére masî pe'okã'. Mɨsâ ‘Õ'âkɨ̃hɨ yeere ãyuró weemá’ niî no'orã niî'. Tohô niîmirã, wẽrî'kãrã weeró noho niî'. Kɨ̃ɨ yeére neê weé wee'.