Apocalipse 1:1 - Tukano

¹ A'ti pũrí be'ropɨ́ wa'aátehere Jesu Cristo wererí pũri niî'. Õ'âkɨ̃hɨ Jesu Cristore “Kã'roákã be'ro a'tîro wa'ârosa'”, niî ĩ'yókɨ niîwĩ. Kɨ̃ɨ̂ Jesu Cristore ẽho peórãre teeré masî dutigɨ tohô werêkɨ niîwĩ. Be'ró Jesu Cristo yɨ'ɨ̂ João wamêtigɨre teeré werê turiawĩ. Kɨ̃ɨ̂ Õ'âkɨ̃hɨre werê ko'tegɨ ɨ'mɨ̂sekɨ̃hɨ me'ra tohô weewĩ́. Yɨ'ɨ́ta Jesu Cristore da'rá wã'ya ko'tegɨ niî'.

Õꞌacʉ̃ Yere Ucũrĩ Turi

¹ Aꞌti pũrĩ beꞌropʉ waꞌatjere Jesucristo wereri pũrĩ niꞌi. Õꞌacʉ̃ Jesucristore “Cãꞌrõacã beꞌro aꞌtiro waꞌarosaꞌa”, ni ĩꞌocʉ niwĩ. Cʉ̃ Jesucristore ẽjõpeorãrẽ tere masĩdutigʉ tojo werecʉ niwĩ. Beꞌro Jesucristo yʉꞌʉ Juã wãmetigʉre tere wereturiawĩ. Cʉ̃ Õꞌacʉ̃rẽ werecoꞌtegʉ ʉꞌmʉsecjʉ̃ meꞌrã tojo weewĩ. Yʉꞌʉta Jesucristore daꞌrawãꞌñacoꞌtegʉ niꞌi.

Apocalipse 1:1 Iomraidhean Croise

San Juan 12:49

Yɨ'ɨ̂ se'saro yɨ'ɨ̂ ɨaró bu'é wee'. Yɨ'ɨ̂ pakɨ yɨ'ɨ̂re o'ôo'kɨ tohô niî bu'êya niiró bu'ê'.

San Juan 15:15

Yɨ'ɨ̂ mɨsâre “Yɨ'ɨ̂re da'rá ko'terã niîma”, niîsome. Da'rá ko'terã naâ wiôgɨ weesére masîtisama. Mɨsâ yɨ'ɨ̂ me'rakãharã niî'. Tohô weégɨ yɨ'ɨ̂ pakɨ yɨ'ɨ̂re niî'kere werê pe'okã'.

San Juan 17:8

Naâre niî pe'tise mɨ'ɨ̂ werê duti'kere werêwɨ. Naâ teeré tɨ'órã, ẽho peówã. Naâ diakɨ̃hɨ́ta yɨ'ɨ̂ mɨ'ɨ̂ tiropɨ a'tî'kere ẽho peówã. Tohô niikã́ mɨ'ɨ̂ yɨ'ɨ̂re o'ôo'kere ẽho peówã.

San Juan 3:32

Kɨ̃ɨ̂ ɨ'mɨ̂sepɨ ĩ'yâ'kere, kɨ̃ɨ̂ tɨ'ó'kere uúkũsami. Neê ni'kɨ́ kɨ̃ɨ̂ uúkũsere ẽho peótisami.

San Juan 8:26

Yɨ'ɨ̂ pehe waró mɨsâre weresé kɨó'. Tohô niikã́ mɨsâre bu'îri da'reátehe kẽ'rare kɨó'. Yɨ'ɨ̂re o'ôo'kɨ diakɨ̃hɨ́ uúkũmi. Kɨ̃ɨ̂ uúkũ'kere, yɨ'ɨ̂ tɨ'ó'kere mɨsâre a'ti nukúkãkãharãre werê turia', niîwĩ Jesu.

Romanos 16:25

Marî Õ'âkɨ̃hɨre e'katí peorã, “Ãyú yɨ'rɨami”, niîrã. Marî wiôgɨ Jesu Cristo yee kiti me'ra Õ'âkɨ̃hɨ marîre nemoró ẽho peókã wee masími. Dɨporópɨre niî pe'tirã masaré yɨ'rɨóse kitire masî no'oya maríkaro niîwɨ. A'tóka terore maha Õ'âkɨ̃hɨ yee kiti werê mɨ'tarã naâ ohâ'ke me'ra masî no'o'. Õ'âkɨ̃hɨ katî nu'kugɨ tohô werê dutikɨ niîwĩ. Yɨ'ɨ́ kẽ'ra Jesu Cristo yee kitire werê'. Õ'âkɨ̃hɨ niî pe'tise kurarikãharãre kɨ̃ɨ̂re ẽho peó, kɨ̃ɨ̂ ɨaró weekã́ ɨasamí.

Gálatas 1:12

Yɨ'ɨ̂re teeré neê ni'kɨ́ masɨ́ bu'êtiwĩ. Jesu Cristo kɨ̃ɨ̂ basi teé bu'esére masikã́ weewĩ́.

Efesios 3:3

Õ'âkɨ̃hɨ too dɨpóropɨ masî no'oya marí'ke kitire yɨ'ɨ̂re bahû yoaropɨ ĩ'yowĩ́. Teeré “Judeu masa niîtirãre ãyuró weegɨ́ti” niî'kere yɨ'ɨ̂re masikã́ weewĩ́. Yɨ'ɨ̂ mɨsâre a'te dɨpóro pehêtepawa ohâ tohapɨ.

Tito 1:1

Yɨ'ɨ̂ Paulo Õ'âkɨ̃hɨre da'rá ko'tegɨ Jesu Cristo bese kũú'kɨ niî'. Kɨ̃ɨ̂, kɨ̃ɨ yeé kitire werê dutigɨ kũûwĩ. Õ'âkɨ̃hɨ kɨ̃ɨ̂ besé'kãrãre ãyuró ẽho peókã ɨa sãágɨ yɨ'ɨ̂re kũûwĩ. Tohô niikã́ naâre Õ'âkɨ̃hɨ yee, diakɨ̃hɨ́kãhasere masî dutigɨ kũûwĩ. Keoró Õ'âkɨ̃hɨ ɨaró noho wee dutígɨ tohô kũûwĩ.

Apocalipse 1:19

Mɨ'ɨ̂ ĩ'yâ'kere, ni'kâroakã niisére ohâya. Be'ropɨ́ mɨ'ɨ̂ ĩ'yaátehe kẽ'rare ohâya.

Apocalipse 1:9

Yɨ'ɨ̂ João mɨsâ akawerégɨ weeró noho niî'. Mɨsâ weeró nohota yɨ'ɨ́ kẽ'ra pi'etí'. Marî ni'kâro noho Õ'âkɨ̃hɨ põ'ra niî'. Tohô niikã́ yã'âro wa'akã́, Jesu Cristo marîre wãkû tutuasere o'ômi. Yɨ'ɨ̂ Patmo wamêtiri nɨkɨropɨ bu'îri da'rerí wi'ipɨ niîwɨ. Õ'âkɨ̃hɨ yee kiti, Jesu Cristo uúkũ'kere weresé bu'iri toopɨ́ niîwɨ.

Apocalipse 17:1

Be'ró a'tîro ĩ'yâwɨ. Ni'kɨ́ sõ'ó niîkãrã sete Õ'âkɨ̃hɨre werê ko'terã me'rakɨ̃hɨre ĩ'yâwɨ. Kɨ̃ɨ̂ sõ'ó niî'ke paari kɨorã́ me'rakɨ̃hɨ niîwĩ. Yɨ'ɨ̂ tiro a'tîwĩ. A'tîro niîwĩ: —Te'á, yɨ'ɨ̂ mɨ'ɨ̂re ɨmɨá me'ra a'me tãrá wapá ta'agore bu'îri da'resére ĩ'yogɨ́ti. Koô pakasé maari bu'ipɨ duhîmo.

Apocalipse 19:10

Õ'âkɨ̃hɨre werê ko'tegɨ tohô niikã́ tɨ'ógɨ, yɨ'ɨ̂ kɨ̃ɨ̂ tiro ẽho peógɨ ehâ ke'awɨ. Yɨ'ɨ̂ tohô weekã́ ĩ'yâgɨ, yɨ'ɨ̂re niîwĩ: —Tohô weetíkã'ya. Yɨ'ɨ́ kẽ'ra kɨ̃ɨ̂re da'rá ko'tegɨta niî'. Yɨ'ɨ̂ mɨ'ɨ̂ weeró noho niigɨ́ niî'. Tohô niikã́ mɨ'ɨ̂ akawerérã Jesu yeére werê nu'kurã weeró noho niî'. Yɨ'ɨ̂re neê ẽho peótikã'ya. Õ'âkɨ̃hɨ pe'ere tohô weeyá. A'tîro niî'. Espírito Santo Õ'âkɨ̃hɨ yee werê mɨ'tarãre masikã́ weékɨ niîwĩ. Teé masisé me'ra werêkãrã niîwã. Meharóta Jesu yeére wererã́ kẽ'ra Espírito Santo masisé o'osé me'ra werêma, niîwĩ.

Apocalipse 19:9

Be'ró Õ'âkɨ̃hɨre werê ko'tegɨ yɨ'ɨ̂re niîwĩ: —A'tîro ohâya: “No'ó Õ'âkɨ̃hɨ makɨ ovelha wi'magɨ́ weeró noho bahugɨ́ amûkã dɨ'terí bosê nɨmɨre ĩ'yâ duti no'orã noho e'katíya”, niî ohâ dutiwĩ. Kɨ̃ɨ̂ yɨ'ɨ̂re niîwĩ taha: —A'té uúkũse Õ'âkɨ̃hɨ uúkũse waro niî'.

Apocalipse 21:2

Yɨ'ɨ̂ João ãyú butia'ri maka, ɨ'mɨ̂se Õ'âkɨ̃hɨ tiropɨ niirí makare dihátikã ĩ'yâwɨ. Tii maká apé ma'ma maká Jerusalẽ́ niîwɨ. Ãyuró apóka maka niîwɨ. Ni'kó numiô amûkã dɨ'tegó marapɨ́re ãyuró tɨ'saáto niîgo ma'mâ su'a no'o'ko weeró noho niîwɨ.

Apocalipse 21:9

Be'ró ni'kɨ́ sõ'ó niîkãrã sete me'rakɨ̃hɨre ĩ'yâwɨ. Naáta, naâ nɨkɨ bu'îri da'rê tɨoatehe posetíse paarire kɨowã́. Ni'kɨ́ naâ me'rakɨ̃hɨ a'tîro niîwĩ: —Te'á. Mɨ'ɨ̂re Õ'âkɨ̃hɨ makɨ ovelha wi'magɨ́ weeró noho bahugɨ́ nɨmo niiákohore ĩ'yogɨ́ti, niîwĩ. Kɨ̃ɨ̂ nɨmó Jesu Cristore ẽho peórã niî sĩ'riro weé'.

Apocalipse 22:1

Be'ró Õ'âkɨ̃hɨre werê ko'tegɨ diâre ĩ'yowĩ́. Tii maá ũ'îri marirí maa niîwɨ. Teé akó, katisé warore o'ôwɨ. Pũûro akostíri maa niîwɨ. Õ'âkɨ̃hɨ, tohô niikã́ kɨ̃ɨ̂ makɨ́ ovelha wi'magɨ́ weeró noho bahugɨ́ duhirí kumuro dokapɨ wihawɨ́.

Apocalipse 22:16

Yɨ'ɨ̂ Jesu niî'. Õ'âkɨ̃hɨre werê ko'tegɨ, yagɨ́ me'ra a'ti pũríkãhase niî pe'tirã yɨ'ɨ̂re ẽho peóse kurarikãharãre werê duti'. Yɨ'ɨ̂ dɨporókɨ̃hɨ wiôgɨ Davi paramí niî turiagɨ niî'. Tohô niikã́ yõkoáwɨ̃ bo'rêa mɨhatiri kura asisté mɨhatigɨ weeró noho niigɨ́ niî', niîwĩ Jesu.

Apocalipse 22:6

Be'ró Õ'âkɨ̃hɨre werê ko'tegɨ yɨ'ɨ̂re niîwĩ: —A'té uúkũse diakɨ̃hɨ́ niisé niî'. Teé niî'karo nohota wa'ârosa'. Marî wiôgɨ Õ'âkɨ̃hɨ kɨ̃ɨ̂ werê duti'kere werê turiarãre wãkusé o'ôwĩ. Kɨ̃ɨ́ta kɨ̃ɨ̂re werê ko'tegɨre o'ôo'wĩ. Kɨ̃ɨ yarã́re maatá be'ropɨ́ wa'aátehere ĩ'yo dutígɨ tohô weewĩ́.

Apocalipse 22:8

Yɨ'ɨ̂ João a'té niî pe'tisere ĩ'yâwɨ. Niî pe'tisere tɨ'owɨ́. Teeré tɨ'ó, ĩ'yâka be'ro Õ'âkɨ̃hɨre werê ko'tegɨ yɨ'ɨ̂re ĩ'yó'kɨ tiro ẽho peógɨ ehâ ke'awɨ.

Apocalipse 22:9

Kɨ̃ɨ̂ pe'e tohô weekã́ ĩ'yâgɨ, niîwĩ: —Tohô weetíkã'ya. Yɨ'ɨ́ kẽ'ra kɨ̃ɨ̂re da'rá ko'tegɨta niî'. Yɨ'ɨ̂ mɨ'ɨ̂ weeró noho niigɨ́ niî'. Mɨ'ɨ̂ akawerérã Õ'âkɨ̃hɨ werê duti'kere werê turiarã weeró noho niî'. Tohô niikã́ yɨ'ɨ̂ niî pe'tirã a'ti pũrípɨ ohâ'kere ẽho peó yɨ'tirã́ weeró noho niî'. Yɨ'ɨ̂re ẽho peótikã'ya. Õ'âkɨ̃hɨ pe'ere ẽho peóya, niîwĩ.

Apocalipse 4:1

Be'ró yɨ'ɨ̂ João ɨ'mɨ̂sepɨ ĩ'yâ morowɨ. Toopɨ́ ni'kâ sope susukã́ ĩ'yâwɨ. Too dɨpóro coroneta putipɨhɨ́ putí'karo weeró noho bɨsɨ̂'kɨta taha uúkũwĩ. A'tîro niîwĩ yɨ'ɨ̂re: —A'topɨ́ mɨhátia. Be'ró wa'aátehere mɨ'ɨ̂re ĩ'yogɨ́tigɨ weé', niîwĩ.

Apocalipse 5:7

Õ'âkɨ̃hɨ makɨ ovelha wi'magɨ́ weeró noho bahugɨ́ wiôgɨ duhirí kumuro pɨ'topɨ wa'âwĩ. Toopɨ́ wiôgɨ diakɨ̃hɨ́kãha amukãpɨ kɨóka tũrure miîwĩ.