آیانلیق 4:8 - مُقادِّس کیتاب

⁸ بو دُرت جانلی جاندارلارینگ هِر بیرینینگ آلتی قاناتی باردی.‏ اُلارینگ هِمّه یِری، حتّیٰ قاناتلارینینگ آشاغی-دا گُزلِردِن دُس-دُلودی.‏ اُلار گیجه-گوندیز ایزینی اوزمَن:‏ ‏«‏قودراتلی-گویچلی تانگری خودای مُقادِّس، مُقادِّس، مُقادِّسدیر، اُل اُزال باردی و حَضیر هِم بار و گِلِجِکده هِم بُلجاقدیر»‏، دییّپ قایتالایارلار.‏

آیانلیق 4:8 Iomraidhean Croise

رِسول‍لار 20:31

شُنونگ اوچین هوشیار بُلونگ.‏ اوچ ییلّاپ گیجه-گوندیز گُزیاشلاریم بیلِن هِر بیرینگیزه هِمیشه ناصیحات اِدِنیمی یادینگیزدا ساقلانگ.‏

۱ تِسالونیکیلِر 2:9

اِی عزیزلِریم، بیزینگ چِکِن آغیر زَحمِتیمیز، گُرِن جِفالاریمیز یادینگیزدادیر.‏ خوش خاباری سیزه واغیظ اِدِن زامانیمیزدا هیچ کیمه آغرام سالماجاق بُلوپ، گیجه-گوندیز ایشلِدیک.‏

۱ تیموتاوس 4:16

اُز یاشاییش یُل‍لارینگا و اُورِدیَن تَعلیماتینگا اونس بِر.‏ بو زاتلارینگ اوستونده قاییم دور و عِمِل اِت.‏ شُندا سِن اُزونگی-ده و دینگلِیجیلِرینگی-ده نِجات بِرِرسینگ.‏

۲ تیموتاوس 4:2

فُرصَتینگ پِیدالی بُلوپ-بُلمازلیغینا باقما-دا، خوش خاباری بیرسیخلی واغیظ اِت.‏ و اُلاری کَن صابیرلیق بیلِن و قاوی تَعلیمات بیلِن یُلا گِتیر، کَیی و هِم گُوونلیک بِر.‏

عِبرانیلار 13:8

عیسی مسیح دوین و بو گون و تا اِبِد هِم شُلدور.‏

آیانلیق 1:4

آسیا وِلایاتینداقی یِدی کِلیسایا مِن یوحنادان سالام!‏ اُزال بُلان، حَضیر هِم بار، گِلِجِکده هِم بُلجاق خودایینگ و اُنونگ تاختینینگ اُووندَکی یِدی روحونینگ مِرحِمِتی و پاراحاتلیغی سیزه یار بُلسون!‏

آیانلیق 1:8

تانگری خودای شِیله دییَّر:‏ ‏«‏‏”‏اَلِف“‏ و ‏”‏یا“‏ مِندیرین.‏ مِن اُزال بُلان، حَضیر بار، گِلِجِکده هِم بُلجاق قودراتلی-گویچلی خودایدیرین.‏»‏

آیانلیق 11:17

شِیله دییدی:‏ ‏«‏اِی خودای، قودراتلی-گویچلی تانگری، سِن حَضیر بار و اُزال-دا بار بُلان.‏ بیز سانگا شوکور اِدیَریس.‏ چونکی سِن بِییک قودراتینگی اِلینگه آلیپ، پادیشاهلیق اِدیپ باشلادینگ.‏

آیانلیق 14:11

عاذاپلاماغینینگ توسِّسی بُلسا اِبِدی یُقاری گیدِر.‏ جاناوارا و اُنونگ مُجِسِّمه‌سینه سِجده اِدِنلِر یا-دا اُنونگ آدینینگ عالاماتینی باسدیران آداملار نه گیجه، نه-ده گوندیز دینچ آلارلار.‏»‏

آیانلیق 14:3

یانگقی بیر یوز قیرق دُرت مونگ آدام تاختینگ اُوونده و دُرت جانلی جاندارینگ و یاشولیلارینگ اُوونده تَزه آیدیم آیدیاردیلار.‏ هِمّه آدامزادینگ آراسیندان ساتین آلنان بو بیر یوز قیرق دُرت مونگ آدامدان باشغا هیچ کیم بو آیدیمی اُورِنیپ بیلمِیَردی.‏

آیانلیق 15:3

اُلار خودایینگ خیدماتکَری موسانینگ و قوزینینگ آیدیمینی آیدیاردیلار:‏ ‏«‏اِی تانگری، قودراتلی-گویچلی خودای!‏ سِنینگ ایشلِرینگ اولی و عجاییپدیر.‏ اِی میلِّتلِرینگ پادیشاهسی!‏ سِنینگ یُل‍لارینگ دُغری و حاقدیر.‏

آیانلیق 15:7

دُرت جانلی جاندارلارینگ بیری یِدی پِریشدَه اِبِدی یاشایان خودایینگ غاضابیندان دُلی یِدی قیزیلدان کَسه بِردی.‏

آیانلیق 16:14

بولار عالاماتلار گُرکِزیپ بیلیَن جینلارینگ روحلاریدیر.‏ بولار قودراتلی-گویچلی خودایینگ بِییک گونونده بُلجاق جِنگ اوچین هِمّه دونیَه‌نینگ پادیشاهلارینی اویشورمَگه باریارلار.‏

آیانلیق 16:7

مِن قربانلیق جاییندان بیر سِسینگ:‏ ‏«‏هاووا، اِی تانگری، قودراتلی-گویچلی خودای، سِنینگ حُکوملِرینگ حاق و عادیلدیر»‏ دییّپ جُغاپ بِرِنینی اِشیتدیم.‏

آیانلیق 19:15

میلِّتلِری اورماق اوچین، اُنونگ آغزیندان کِسگیر بیر قیلیچ چیقیپ دوردی.‏ اُل اُلاری دِمیر ‌عصاسی بیلِن دُلاندیرار.‏ اُل شِراب سیقیلیان چوقوردا قودراتلی-گویچلی خودایینگ غاضابلی قاهارینینگ شِرابینی سیقیار.‏

آیانلیق 19:4

ییگریمی دُرت یاشولی و دُرت جانلی جاندار یوزین دوشوپ:‏ ‏«‏اَمین، هَلِلویاه!‏»‏ دییّپ، تاختدا اُتوران خودایا سِجده اِتدیلِر.‏

آیانلیق 21:22

مِن بو شَهرده عیباداتخانا گُرمِدیم.‏ چونکی قودراتلی-گویچلی خودای و قوزی شَهرینگ عیباداتخاناسیدیر.‏

آیانلیق 3:7

‏«‏فیلادِلفیه‌دَکی کِلیسانینگ پِریشده‌سینه شونی یاز:‏ ‏«‏بو خابار مُقادِّس و حاقیقی بُلانداندیر.‏ اُل داوود پیغامبار آچارینینگ اِیه‌سیدیر.‏ اُنونگ آچان قاپیسینی هیچ کیم یاپیپ بیلمِز و اُنونگ یاپان قاپیسینی هِم هیچ کیم آچیپ بیلمِز.‏ اینه، اُل شِیله دییَّر:‏

آیانلیق 4:4

تاختینگ تُوِرِگینده یِنه-ده ییگریمی دُرت تاخت باردی، بو تاختلارینگ اوستونده ییگریمی دُرت یاشولی هِم اُتیردی.‏ اُلارینگ اِگنینده آق لِباسلاری و باشلاریندا قیزیلدان تاجلاری باردی.‏

آیانلیق 4:6

تاختینگ قارشیسیندا بُلور کیمین آراسّا، سویشه‌دِن بِجِرلِن بیر دِریا یالی باردی.‏ تاختینگ اُرتاسیندا و تُوِرِگینده دُرت سانی جانلی جاندار باردی.‏ اُلارینگ اُووی-ده و آرقاسی-دا گُزلِردِن دُلودی.‏

آیانلیق 4:9

جانلی جاندارلار هِر گِزِک تاختدا اُتورانی، اِبِدی یاشایان خودایی بِییکلِندیریپ و اُنگا حُرمات بیلدیریپ و شوکور اِدِنلِرینده،

آیانلیق 5:6

اُنسُنگ مِن داماغی چالنان قوزا مِنگزِیَن بیر قوزینی گُردوم.‏ قوزی تاختینگ اُرتاسیندا، دُرت جانلی جاندار بیلِن یاشولیلارینگ آراسیندا دوردی.‏ قوزینینگ یِدی شاخی بیلِن یِدی گُزی باردی.‏ بو گُزلِر خودایینگ هِمّه دونیَه ایبِریلِن یِدی روحودیر.‏

آیانلیق 6:1

اُنسُنگ مِن قوزینینگ یِدی مُهورینگ بیرینجیسینی دُوِنینی گُردوم.‏ شُندا جانلی جاندارلارینگ بیرینینگ آسمان گوپوردیسی یالی سِس بیلِن ‏«‏بَری گِل!‏»‏ دییِنینی اِشیتدیم.‏

آیانلیق 6:6

اُنسُنگ مِن شُل دُرت جانلی جاندارینگ آراسیندان اِدیل بیر سِسینگ:‏ ‏«‏اوزین گون ایشلَپ قازانجاق حاقی دینگه بیر کَسه بوغدای بیلِن اوچ کَسه آرپا بُلسون!‏ اِمّا یاغی و شِرابی ضایالاما!‏»‏ دییِنینی اِشیتدیم.‏

آیانلیق 7:11

هِمّه پِریشده‌لِر تاختینگ، یاشولیلارینگ و دُرت جانلی جاندارلارینگ تُوِرِگینده دوردولار.‏ اُلار تاختینگ اُوونده یوزین ییقیلیپ، خودایا سِجده اِتدیلِر.‏

آیانلیق 7:15

شُنگا گُرَه، اُلار خودایینگ تاختینینگ اُوونده بُلوپ، گیجه-گوندیز اُنونگ عیباداتخاناسیندا اُنگا خیدمات اِدیَرلِر و تاختدا اُتوران اُلاری اُز پِناه‌سیندا ساقلایار.‏