آیانلیق 4:4 - مُقادِّس کیتاب

⁴ تاختینگ تُوِرِگینده یِنه-ده ییگریمی دُرت تاخت باردی، بو تاختلارینگ اوستونده ییگریمی دُرت یاشولی هِم اُتیردی.‏ اُلارینگ اِگنینده آق لِباسلاری و باشلاریندا قیزیلدان تاجلاری باردی.‏

آیانلیق 4:4 Iomraidhean Croise

مَتّیٰ 19:28

عیسی اُلارا:‏ ‏«‏سیزه دُغروسینی آیدیارین، هِمّه زادینگ تَزه‌لِنِن زامانی اینسان اُغلی اُز بِییک تاختیندا اُتوراندا، مِنینگ ایزیما دوشِن سیز هِم اُن ایکی تاختدا اُتوریپ، اسرائیل‌ینگ اُن ایکی طایفاسینینگ اوستوندِن قاضیلیق اِدِرسینگیز.‏

لوقا 22:30

سیز مِنینگ شاهلیغیمدا اییّپ-ایچِرسینگیز و تاختلاردا اُتوریپ، اسرائیل‌ینگ اُن ایکی طایفاسینینگ اوستوندِن قاضیلیق اِدِرسینگیز.‏»‏

۲ تیموتاوس 4:8

ایندی دُغرولیق قاضیسی بُلان خودای عیسی مسیح اُز گِلجِک گونونده مانگا تاقوالیق تاجینی بایراق بِرِر.‏ اُل بو بایراغی دینگه مانگا دَل، شِیله بُلسا اُزونه اینتیظارلیق بیلِن قاراشیانلارینگ هِر بیرینه بِرِر.‏

آیانلیق 11:16

خودایینگ اُوونده تاختلاریندا اُتوران ییگریمی دُرت یاشولی اُنونگ اُوونده یوزین ییقیلدی-دا، اُنگا سِجده اِدیپ،

آیانلیق 14:3

یانگقی بیر یوز قیرق دُرت مونگ آدام تاختینگ اُوونده و دُرت جانلی جاندارینگ و یاشولیلارینگ اُوونده تَزه آیدیم آیدیاردیلار.‏ هِمّه آدامزادینگ آراسیندان ساتین آلنان بو بیر یوز قیرق دُرت مونگ آدامدان باشغا هیچ کیم بو آیدیمی اُورِنیپ بیلمِیَردی.‏

آیانلیق 19:14

نِفیس، دیم-آق و پَک کِتِنه گِیینِن آسمانداقی لِشگِر آق آتلارا مینیپ، اُنونگ ایزیندان گِلیَردی.‏

آیانلیق 19:4

ییگریمی دُرت یاشولی و دُرت جانلی جاندار یوزین دوشوپ:‏ ‏«‏اَمین، هَلِلویاه!‏»‏ دییّپ، تاختدا اُتوران خودایا سِجده اِتدیلِر.‏

آیانلیق 2:10

گُرجِک قینچیلیقلارینگدان قُرقما!‏ اینه، ایمتِحان اوچین، شِیطان سیزینگ کَبیرلِرینگیزی زیندان اِتدیرِر و سیز اُن گونلَپ عاذاپ چِکِرسینگیز.‏ اُلوم خاطاری اوستونگه قُرقی سالسا-دا، وِفادار قال، مِن سانگا یاشاییش تاجینی بِرِرین.‏

آیانلیق 20:4

اُنسُنگ مِن تاختلاری و اُلارینگ اوستونده اُتورانلاری گُردوم.‏ اُلارا قاضیلیق اِتمِکلیک ایختییاری بِریلدی.‏ موندان باشغا-دا، مِن عیسی مسیح و خودایینگ خوش خاباری حاقدا شاهاتلیق اِدِنلِری اوچین باشلاری کِسیلِن آداملارینگ روحونی گُردوم.‏ اُلار جاناوارا و اُنونگ مُجِسِّمه‌سینه سِجده اِتمَندیرلِر و مانگلایینا یا-دا اِل‍لِرینه اُنونگ عالاماتینی باسدیرماندیرلار.‏ اُلار دیرِلیپ، مسیح بیلِن مونگ ییل پادیشاهلیق اِتدیلِر.‏

آیانلیق 3:18

گِل، مِن سانگا ناصیحات بِرِیین:‏ بایار یالی، مِندِن اُددا آراسّالانان قیزیل ساتین آل.‏ یالانگاچلیغینگ عاییبینی اُرتِر یالی، مِندِن آق لِباس ساتین آل.‏ گُروپ بیلِر یالی، مِندِن گُزونگه قُیار یالی مِلهِم ساتین آل.‏

آیانلیق 4:10

ییگریمی دُرت یاشولی تاختدا اُتورانینگ اُوونده یوزین ییقیلیپ، اِبِدی یاشایان خودایا عیبادات اِدیَرلِر و تاجلارینی تاختینگ اُوونده قُیوپ:‏

آیانلیق 4:6

تاختینگ قارشیسیندا بُلور کیمین آراسّا، سویشه‌دِن بِجِرلِن بیر دِریا یالی باردی.‏ تاختینگ اُرتاسیندا و تُوِرِگینده دُرت سانی جانلی جاندار باردی.‏ اُلارینگ اُووی-ده و آرقاسی-دا گُزلِردِن دُلودی.‏

آیانلیق 5:11

اُنسُنگ مِن تاختینگ، جانلی جاندارلارینگ هِم-ده یاشولیلارینگ تُوِرِگیندَکی پِریشده‌لِری گُردوم و اُلارینگ سِسلِرینی اِشیتدیم.‏ اُلار سانامادان کَندی، مونگلِرچه مونگدی و اُن مونگلِرچه اُن مونگدی.‏

آیانلیق 5:14

دُرت جانلی جاندار ‏«‏اَمین!‏»‏ دییدیلِر و یاشولیلار یوزین ییقیلیپ، سِجده اِتدیلِر.‏

آیانلیق 5:6

اُنسُنگ مِن داماغی چالنان قوزا مِنگزِیَن بیر قوزینی گُردوم.‏ قوزی تاختینگ اُرتاسیندا، دُرت جانلی جاندار بیلِن یاشولیلارینگ آراسیندا دوردی.‏ قوزینینگ یِدی شاخی بیلِن یِدی گُزی باردی.‏ بو گُزلِر خودایینگ هِمّه دونیَه ایبِریلِن یِدی روحودیر.‏

آیانلیق 5:8

اُل طوماری اِلینه آلاندا، دُرت جانلی جاندار و ییگریمی دُرت یاشولی قوزینینگ اُوونده یوزین ییقیلیپ، اُنگا سِجده اِتدیلِر.‏ اُلارینگ هِر بیرینینگ اِلینده قاقیلیپ چالینیان سازی و بُخوردان دُلی بُلان قیزیلدان کَسه باردی.‏ بو بُخورلار خودایینگ خالقینینگ دُغالاریدیر.‏

آیانلیق 6:11

شُندا اُلارا آق لِباس بِرلیپ، یِنه آز سالیم صابیر اِتمِلیدیگینی آیتدیلار.‏ چونکی اُلارینگ خاطارینا اُزلِری یالی اُلدوریلجِک یُلداشلارینینگ و ایماندارلارینگ هِمّه سانی قُشولمالیدی.‏

آیانلیق 7:11

هِمّه پِریشده‌لِر تاختینگ، یاشولیلارینگ و دُرت جانلی جاندارلارینگ تُوِرِگینده دوردولار.‏ اُلار تاختینگ اُوونده یوزین ییقیلیپ، خودایا سِجده اِتدیلِر.‏

آیانلیق 7:9

موندان سُنگ هِر میلِّتدِن، هِر خالقدان، هِر طایفادان و هِر دیلدِن بُلان، هیچ کیمینگ ساناپ بیلمِجِک خاص اولی جِماغاتینینگ تاختینگ و قوزینینگ اُوونده دورانینی گُردوم.‏ اُلار آق لِباسدادیلار و اِل‍لِرینده خُرما باغینینگ شاخالاری باردی.‏

آیانلیق 9:7

چِکیرتگِلِرینگ گُرنوشی جِنگه گیتجِک آتلارینگقا مِنگزِیَردی.‏ اُلارینگ باشیندا قیزیلدان تاجا مِنگزِش زات باردی و یوزلِری آدامینگقا مِنگزِیَردی.‏