آیانلیق 3:8 - مُقادِّس کیتاب

⁸ سِنینگ هِمّه اِدِن ایشلِرینگی بیلیَرین.‏ اینه، اُوونگده بیر قاپینی آچیپ قُیدوم، اُنی هیچ کیم یاپیپ بیلمِز.‏ گویجونگینگ آزدیغینی هِم بیلیَرین، یُنه مونگا باقمازدان، مِنینگ سُزومی بِرجای اِتدینگ و آدیمدان دَنمِدینگ.‏

آیانلیق 3:8 Iomraidhean Croise

لوقا 12:9

کیم مِنی اینسانلارینگ اُوونده اینکَر اِتسه، اُنونگ اُزی-ده خودایینگ پِریشده‌لِرینینگ اُوونده اینکَر اِدیلِر.‏

یوحنا 15:20

مِن سیزه:‏ ‏”‏قول آقاسیندان بِییک دَلدیر“‏ دییِن سُزومی یادینگیزا سالینگ.‏ اُلار مِنی آزارلاسالار، اُندا سیزی-ده آزارلارلار.‏ مِنینگ سُزومی بِرجای اِتسِلِر، سیزینگکینی-ده بِرجای اِدِرلِر.‏

یوحنا 17:6

‏«‏دونیَه‌دِن اُزومه بِرِن آداملارینگا سِنینگ آدینگی آیان اِتدیم.‏ اُلار سِنینگکیدی و سِن اُلاری مانگا بِردینگ، اُلار سِنینگ سُزونگی بِرجای اِتدیلِر.‏

رِسول‍لار 14:27

انطاکیَه گِلِنلِریندِن سُنگ، رِسول‍لار ایماندارلاری بیر یِره چاغیریپ، اُلارا خودایینگ اُزلِرینینگ اوستو بیلِن هِمّه بیتیرِن ایشلِرینی و یَهودی دَل‍لِرینگ ایمان گِتیرمِگی اوچین، اُنونگ آچان قاپی بارادا گورّونگ بِردیلِر.‏

۱ قُرِنتُس‌لار 16:9

سِبَبی بو یِرده اولی و نِتیجه‌لی ایشلِر اوچین اولی مومکینچیلیکلِر دُرِدی اُندان باشغا قارشی چیقیانلار هِم کَن.‏

۲ قُرِنتُس‌لار 2:12

مِن مسیحینگ خوش خابارینی واغیظ اِتمَگه تروآس شَهرینه بارانیمدا، مانگا خودای طارافیندان بیر قاپی آچیلدی.‏

فیلیپیلِر 4:13

مانگا قووات بِریَن عیسی مسیحده هِر زادی اِتمِگی باشاریارین.‏

کولُسیلِر 4:3

بیزینگ اوچین هِم دُغا اِدینگ:‏ خودایینگ سُزونی یایرادیپ، مسیحینگ سیرینی آیان اِدِر یالی، اُنونگ اُزی بیزه قاپی آچیپ بِرسین.‏ اینه، شُنونگ اوچین هِم مِن زینداندادیرین.‏

۱ تیموتاوس 5:8

هِر کیم اُز دُغان-قارینداشلارینینگ، خاص-دا اُز ماشغالاسینینگ فیکرینی اِتمِیَن بُلسا، ایماندان دَندیگیدیر.‏ شِیله آدام ایمانسیزدان هِم بِتِردیر.‏

۲ تیموتاوس 4:7

مِن قاوی اوروشچی کیمین اوروشدیم، یاریشی بیتیردیم و ایمانی قُریدیم.‏

یهودا 1:4

سِبَبی کَبیر خودایسیزلار اُغرینچا آرانگیزا سوملوپ گیردیلِر.‏ اُلار آخلاقسیزلیق اِتمِک اوچین خوداییمیزینگ مِرحِمِتینی اُز پِیداسینا اویتگِدیَرلِر و یِکه آقامیز و تانگریمیز عیسی مسیحی رِد اِدیَرلِر.‏ اُلارینگ جِزاسی قادیمدان بَری یازیلیپ قُیلاندیر.‏

آیانلیق 2:13

سِنینگ نیرِده یاشایانینگی بیلیَرین، شِیطانینگ تاختی هِم شُل یِردِدیر.‏ اِمّا مونگا باقمازدان، سِن مانگا وِفادار بُلوپ قالانسینگ.‏ سِن حتّیٰ اُز شَهرینگده، هاووا، شِیطانینگ یاشایان شَهرینده اِمین شاهاتیم آنتیپاسینگ اُلدوریلِن گونلِرینده-ده مانگا بُلان ایمانینگدان دَنِن دَلسینگ.‏

آیانلیق 2:2

مِن سِنینگ هِمّه اِدِنلِرینگی، شُل حاساپدا زَحمِت چِکِندیگینگی و قایراتلیدیغینگی بیلیَرین.‏ سِنینگ یامان آداملاری ییگرِنیَندیگینگی هِم بیلیَرین.‏ سِن اُزلِرینی رِسول دییَنلِری ایمتِحان اِدیپ، اُلارینگ یالان رِسولدیقلارینی اَشکَر اِتدینگ.‏

آیانلیق 22:7

عیسی شِیله دییَّر، ‏«‏اینه، مِن باسیم گِلِرین!‏ بو کیتابینگ نبوّتلیق سُزلِرینی یورِگینده ساقلایان آدام خوشواقتدیر!‏»‏

آیانلیق 3:1

‏«‏ساردِسدَکی کِلیسانینگ پِریشده‌سینه شونی یاز:‏ ‏«‏خودایینگ یِدی روحی و یِدی ییلدیزی بُلان آدام شِیله دییَّر:‏ مِن سِنینگ هِمّه اِدِن ایشلِرینگی بیلیَرین.‏ سِن دیری حاساپلانسانگ-دا اِمّا اُلوسینگ.‏

آیانلیق 3:10

سِن تابشیریقلاریمی بِرجای اِدیپ، ایماندا قاییم دوردونگ.‏ شُنگا گُرَه-ده، یِر یوزونینگ یاشایانلارینی ایمتِحان اوچین هِمّه دونیَه‌نینگ اوستوندِن اینجِک ایمتِحان زامانیندا سِنی قُرارین.‏

آیانلیق 3:15

سِنینگ هِمّه اِدیَن ایشلِرینگی بیلیَرین، سِنینگ نه سُووق، نه-ده قیزقیندیغینگی بیلیَرین.‏ واخ، کَشگَه سُووق یا قیزقین بُلسادینگ!‏

آیانلیق 3:7

‏«‏فیلادِلفیه‌دَکی کِلیسانینگ پِریشده‌سینه شونی یاز:‏ ‏«‏بو خابار مُقادِّس و حاقیقی بُلانداندیر.‏ اُل داوود پیغامبار آچارینینگ اِیه‌سیدیر.‏ اُنونگ آچان قاپیسینی هیچ کیم یاپیپ بیلمِز و اُنونگ یاپان قاپیسینی هِم هیچ کیم آچیپ بیلمِز.‏ اینه، اُل شِیله دییَّر:‏