آیانلیق 3:21 - مُقادِّس کیتاب

²¹ مِن یِنگیپ چیقیپ، آتام بیلِن اُنونگ تاختیندا اُتوریشیم یالی، یِنگِن آدامدا مِنینگ بیلِن اُز تاختیمدا اُتورماغا ایختییار بِرِرین.‏

آیانلیق 3:21 Iomraidhean Croise

مَتّیٰ 19:28

عیسی اُلارا:‏ ‏«‏سیزه دُغروسینی آیدیارین، هِمّه زادینگ تَزه‌لِنِن زامانی اینسان اُغلی اُز بِییک تاختیندا اُتوراندا، مِنینگ ایزیما دوشِن سیز هِم اُن ایکی تاختدا اُتوریپ، اسرائیل‌ینگ اُن ایکی طایفاسینینگ اوستوندِن قاضیلیق اِدِرسینگیز.‏

مَتّیٰ 25:21

آقاسی اُنگا:‏ ‏”‏بِرِکِلّا، یاخشی هِم صادیق خیدماتکَر!‏ سِن کیچیجیک ایشده صادیق بُلانینگ اوچین، ایندی بِییک ایشلِرده هِم سانگا اینانارین.‏ گِل، آقانگ شاتلیغینا اُرتاق بُل!‏“‏ دییَّر.‏

مَتّیٰ 28:18

عیسی هِم اُلارینگ یانینا گِلیپ:‏ ‏«‏آسماندا و یِرده هِمّه ایختییارلیق مانگا بِریلدی.‏

لوقا 22:30

سیز مِنینگ شاهلیغیمدا اییّپ-ایچِرسینگیز و تاختلاردا اُتوریپ، اسرائیل‌ینگ اُن ایکی طایفاسینینگ اوستوندِن قاضیلیق اِدِرسینگیز.‏»‏

یوحنا 13:32

اِگِر خودای اینسان اُغلونونگ اوستو بیلِن بِییکلِنِن بُلسا، اُنی هِم اُز بِییکلیگینَه شِریک اِدِر.‏ هاووا، اُنی شُل واقتینگ اُزونده بِییکلِندیرِر.‏

یوحنا 16:33

بو زاتلاری سیزه، مِنده پاراحاتلیغینگیز بُلسون دییّپ آیتدیم.‏ بو دونیَه‌ده زَحمِت و اِذیِتینگیز بُلار، یُنه خاطیرجِم بُلونگ، چونکی مِن دونیَه‌نی یِنگدیم!‏»‏ دییدی.‏

۲ تیموتاوس 2:12

زَحمِتلِره جیدایان بُلساق، اُنونگ بیلِن بیله هِم شاهلیق اِدِریس.‏ اِگِر اُنی اینکَر اِتسِک، اُل هِم بیزی اینکَر اِدِر.‏

آیانلیق 12:11

اُلار قوزینینگ قانینینگ اوستو بیلِن و اُز شاهاتلیقلارینینگ اوستو بیلِن شِیطانی یِنگدیلِر.‏ حتّیٰ اُلوم قُرقوسی اوستلِرینه قُرقی سالسا-دا، جانلارینی قایغیرمادیلار.‏

آیانلیق 17:14

اُلار قوزی بیلِن اوروشارلار، یُنه قوزی اُلاری یِنگِر.‏ چونکی قوزی تانگریلارینگ تانگریسی و پادیشاهلارینگ پادیشاهسیدیر.‏ اُنونگ چاغیرانلاری، سایلانلاری و وِفادارلاری اُنونگ بیلِن بُلارلار.‏»‏

آیانلیق 2:7

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آداما خودایینگ جِنِّتدَکی یاشاییش باغینینگ میوه‌سیندِن اییمَگه اِجازا بِرِرین.‏»‏

آیانلیق 20:4

اُنسُنگ مِن تاختلاری و اُلارینگ اوستونده اُتورانلاری گُردوم.‏ اُلارا قاضیلیق اِتمِکلیک ایختییاری بِریلدی.‏ موندان باشغا-دا، مِن عیسی مسیح و خودایینگ خوش خاباری حاقدا شاهاتلیق اِدِنلِری اوچین باشلاری کِسیلِن آداملارینگ روحونی گُردوم.‏ اُلار جاناوارا و اُنونگ مُجِسِّمه‌سینه سِجده اِتمَندیرلِر و مانگلایینا یا-دا اِل‍لِرینه اُنونگ عالاماتینی باسدیرماندیرلار.‏ اُلار دیرِلیپ، مسیح بیلِن مونگ ییل پادیشاهلیق اِتدیلِر.‏

آیانلیق 20:6

اَوَّلکی دیرِلیشده پایی بُلان خوشواقت و مُقادِّسدیر!‏ ایکینجی اُلوم اُلارا گویجی یِتمِز.‏ اُلار خودایینگ و مسیحینگ کاهینلاری بُلوپ، اُنونگ بیلِن مونگ ییل پادیشاهلیق اِدِرلِر.‏

آیانلیق 5:10

سِن اُلاردان پادیشاهلیق یاراتدینگ، خوداییمیزا خیدمات اِتمِک اوچین اُلاری کاهین بِلِّدینگ، اُلار یِر یوزونده پادیشاهلیق اِدِرلِر!‏»‏

آیانلیق 6:2

گُرسِم، اینه، بیر آق آت دور.‏ اُنونگ اوستوندَکی مینِنینگ اِلینده کَمان یاراغی باردی.‏ بو مینِنینگ باشینا بیر تاج گِیدیریلدی.‏ اُل تَزه یِنگیپ چیقانلارا تاییار و یِنگیپ چیقان کیمین گیتدی.‏

آیانلیق 7:17

چونکی تاختینگ اُرتاسیندا دوران قوزی اُلاری باقار و اُلاری یاشاییش سووونینگ چِشمه‌لِرینه اَکیدِر.‏ و خودای اُلارینگ گُزیاشلارینینگ هِر دامجاسینی سوپورِر.‏»‏