آیانلیق 3:18 - مُقادِّس کیتاب

¹⁸ گِل، مِن سانگا ناصیحات بِرِیین:‏ بایار یالی، مِندِن اُددا آراسّالانان قیزیل ساتین آل.‏ یالانگاچلیغینگ عاییبینی اُرتِر یالی، مِندِن آق لِباس ساتین آل.‏ گُروپ بیلِر یالی، مِندِن گُزونگه قُیار یالی مِلهِم ساتین آل.‏

آیانلیق 3:18 Iomraidhean Croise

مَتّیٰ 13:44

‏«‏آسمانینگ پادیشاهلیغی بیر اِکینچیلیگینده گوزگِنِن گِنجه مِنگزِیَندیر.‏ بیر آدام اُنی تاپیپ، قایتادان گوزگِیَر و بِگِنیپ باریپ، هِمّه زادینی ساتیار-دا، یانگقی اِکینچیلیگینی ساتین آلیار.‏

مَتّیٰ 25:9

اِمّا عاقیلّیلار:‏ ‏”‏یُق!‏ بیزه-ده، سیزه-ده یِتمِز آخیرین.‏ قاووسی، گیدینگ-ده، ساتیانچیلاردان اُزونگیزه یاغ ساتین آلینگ“‏ دییَّرلِر.‏

لوقا 12:21

اُزی اوچین خازینا ییغنایان، اِمّا خودایینگ ناظاریندا بای بُلمادیق هِر بیر آدامینگ سُنگی شِیله بُلار.‏»‏

۲ قُرِنتُس‌لار 5:3

یُنه آسمانداقی مِسکِنیمیزه گِیینمَنکَک فانی چادیریمیزدان دینمالی بُلایساق-دا، آصلا یالانگاچ بُلماجاقدیغیمیزا گُزومیز یِتیَر.‏

۲ قُرِنتُس‌لار 8:9

چونکی سیز تانگریمیز عیسی مسیحینگ مِرحِمِتینی بیلیَنگیز:‏ اُل بای بُلسا-دا، سیزینگ خاطیرانگیز اوچین قاریپ بُلدی.‏ عیسی مسیح مونی اُز قاریپلیغینینگ اوستو بیلِن سیزینگ بای بُلماغینگیز اوچین اِدیپدی.‏

۱ تیموتاوس 6:18

اُلارا یاخشیلیق اِتمِگی، یاخشی ایشلِر، ساخیلیق و اِلی آچیقلیق خازیناسینی ییغناماغی تابشیر.‏

یعقوب 2:5

قولاق آسینگ، اِی عزیزلِریم!‏ خودای بو دونیَه‌ده قاریپلاری ایماندا بای بُلماقلاری اوچین سایلامادیمی؟ خودای اُزونی سُییَنلِره واعدا بِرشی یالی، قاریپلاری پادیشاهلیغینی میراث آلماقلاری اوچین سایلامادیمی نَمه؟

۱ پِطرُس 1:7

بو ایمتِحانلار سیزینگ ایمانینگیزینگ حاقیقیدیغینی بیلدیریَر.‏ حتّیٰ فانی قیزیل هِم اُددا تَمیزلِنیپ ایمتِحان اِدیلیَندیر.‏ شِیلِلیکده، قیزیلدان خاص قیماتلی بُلان ایمانینگیز ایمتِحاندان گِچیپ، عیسی مسیح اَشکَر بُلاندا، سیزه اُوگی، بِییکلیک و حُرمات گِتیرِر.‏

آیانلیق 16:15

‏«‏خاباردار بُل!‏ سِبَبی مِن اُغری کیمین گِلیَرین!‏ یالانگاچ گِزیپ، دونیَه رُسوا بُلمازلیغی اوچین، اُیا بُلوپ، لِباسلارینی ساقلایان خوشواقتدیر!‏»‏

آیانلیق 19:8

اُنگا گِیینمَگه نِفیس و ییلدیراپ دوران پَک کِتِندِن لِباس بِریلدی.‏»‏ بو لِباس خودایینگ خالقینینگ تاقوالی ایشلِریدیر.‏

آیانلیق 2:9

مِن سِنینگ قینچیلیقلارینگی و قاریپلیغینگی بیلیَرین، آصلیندا اِمّا سِن بایسینگ!‏ مِن اُزلِرینی یَهودی حاساپلایانلارینگ سانگا تُهمِت اوریاندیقلارینی هِم بیلیَرین.‏ یُنه اُلار یَهودیلِر دَل-ده، شِیطانینگ کِنیسه‌سیندِندیر.‏

آیانلیق 3:17

سِن:‏ ‏”‏مِن بایدیرین، باییپ و هیچ زادا زار دَلدیرین“‏ دییَّرسینگ.‏ آصلیندا اِمّا بیچَره، بِدباخت، گِدای، کُر و یالانگاچدیغینگی بیلمِیَرسینگ!‏

آیانلیق 4:4

تاختینگ تُوِرِگینده یِنه-ده ییگریمی دُرت تاخت باردی، بو تاختلارینگ اوستونده ییگریمی دُرت یاشولی هِم اُتیردی.‏ اُلارینگ اِگنینده آق لِباسلاری و باشلاریندا قیزیلدان تاجلاری باردی.‏

آیانلیق 7:13

اُنسُنگ یاشولیلاردان بیری مِندِن:‏ ‏«‏بو آق لِباسا گِیینِنلِر کیم و نیرِدِن گِلیپدیرلِر؟»‏ دییّپ سُرادی.‏