آیانلیق 3:10 - مُقادِّس کیتاب

¹⁰ سِن تابشیریقلاریمی بِرجای اِدیپ، ایماندا قاییم دوردونگ.‏ شُنگا گُرَه-ده، یِر یوزونینگ یاشایانلارینی ایمتِحان اوچین هِمّه دونیَه‌نینگ اوستوندِن اینجِک ایمتِحان زامانیندا سِنی قُرارین.‏

آیانلیق 3:10 Iomraidhean Croise

مَتّیٰ 24:14

آسمانینگ پادیشاهلیغی بو خوش خاباری هِمّه میلِّتلِره شاهاتلیق حُکمونده دونیَه‌نینگ هِمّه یِرینده واغیظ اِدیلِر، یِکه شُندان سُنگ دونیَه‌نینگ آخیری گِلِر.‏

مَتّیٰ 26:41

اُیا بُلونگ، وِسوِسَه دوشمِز یالی دُغا اِدینگ.‏ روح ماییلدیر، اِمّا بِدِن ناتوواندیر»‏ دییدی.‏

مَتّیٰ 6:13

بیزی وِسوِسه‌لِردِن داش ساقلا و بیزی شِیطاندان آزاد اِت.‏ ‏[‏پادیشاهلیق، قودرات و بِییکلیک اِبِدی سِنینگکیدیر.‏ اَمین.‏]‏

مَرقُس 14:9

سیزه دُغروسینی آیدیارین، خوش خابار دونیَه‌نینگ نیرِسینده آیدیلسا، بو آیالینگ اِدِنی-ده شُل یِرده یادلانار»‏ دییدی.‏

لوقا 2:1

شُل گونلِرده روم ایمپِراطُری آگوستوس تامام ایلاتدا ساناماغینی گِچیرمِک بارادا دِستور چیقاردی.‏

یوحنا 17:6

‏«‏دونیَه‌دِن اُزومه بِرِن آداملارینگا سِنینگ آدینگی آیان اِتدیم.‏ اُلار سِنینگکیدی و سِن اُلاری مانگا بِردینگ، اُلار سِنینگ سُزونگی بِرجای اِتدیلِر.‏

رومیلار 1:8

اَوَّل، عیسی مسیحینگ اوستو بیلِن هِمَّه‌نگیز اوچین خوداییما شوکور اِدیَرین، سِبَبی ایمانینگیز باراداقی خابار تامام دونیَه یایرادی.‏

۱ قُرِنتُس‌لار 10:13

باشینگیزدان اینِن وِسوِسه‌لِر باشغالارینگ-دا باشیندان اینیَندیر.‏ اِمّا خودای اِمیندیر!‏ اُل سیزینگ گویجونگیزینگ یِتمِجِک وِسوِسه‌سینی بِرمِز.‏ سیز وِسوِسه دوشِنینگیزده، خودای قاپی-دا آچار، وِسوِسه‌دِن اوستون چیقماق اوچین گویچ-قووات هِم بِرِر.‏

اِفِسُسلار 6:13

شُنونگ اوچین یامان گونده قارشیلیق بِریپ بیلمِگینگیز اوچین، خودایینگ هِمّه یاراغلارینی گِینینگ.‏ شُندا یِرینگیزده قاییم دورماغی باشارارسینگیز.‏

۲ تیموتاوس 2:12

زَحمِتلِره جیدایان بُلساق، اُنونگ بیلِن بیله هِم شاهلیق اِدِریس.‏ اِگِر اُنی اینکَر اِتسِک، اُل هِم بیزی اینکَر اِدِر.‏

یعقوب 3:12

اِی عزیزلِر، اینجیر باغی زِیتون یا-دا اوزوم باغی اینجیر میوه‌سینی بِرِرمی؟ یُق!‏ اِدیل شُنونگ یالی، شُر سولی چِشمه‌دِن سویجی سو آقماز!‏

۱ پِطرُس 4:12

عزیزلِریم، سیزی ایمتِحان اوچین باشینگیزا اینِن اُد بِلاسینا گِنگ زادا ساتاشان یالی حایران قالمانگ.‏

۲ پِطرُس 2:9

گُرشونگیز یالی، خودای تاقوالی آداملاری ایمتِحاندان نَهیلی نِجات بِرمِلیدیگینی، یامانلیق اِدیَنلِری بُلسا قیامات گونی چِنلی جِزا آشاغیندا نَهیلی ساقلامالیدیغینی بیلیَندیر.‏

آیانلیق 1:9

عیسی مسیحینگ شَگیردی حُکمونده عاذاپلارا، خودایینگ پادیشاهلیغینا و جیداملیلیغا شِریکینگیز بُلان مِن یوحنا دُغانینگیز پاتموس دییِن جِزیره‌دِدیم.‏ مِن خودایینگ سُزینی واغیظ اِدیپ و عیسی مسیح حاقدا شاهاتلیق اِدِنیم سِبَپلی بو جِزیره تَبعید اِدیلیپدیم.‏

آیانلیق 11:10

یِر یوزونینگ یاشایانی اُلارینگ بو یاغدایینا بِگِنیشیپ، طُوی توتار، بیری-بیرلِرینه سُوغاتلار یُل‍لار.‏ سِبَبی بو ایکی نِبی یِر یوزونده یاشایانلارا کَن عاذاپ بِریپدی.‏

آیانلیق 13:10

اِگِر بیری اِسیر اِدیلمِلی بُلسا، اِسیر اِدیلِر.‏ اِگِر بیری قیلیچدان اُلمِلی بُلسا، قیلیچدان اُلِر.‏ خودایینگ خالقینینگ صابیرلیغی و وِفادارلیغی، اینه، شو یِرده گِرِکدیر.‏

آیانلیق 13:14

بو جاناوار بیرینجی جاناوارینگ آدیندان عالاماتلار گُرکِزیپ، یِر یوزونده یاشایانلاری آلداوا سالیاردی.‏ اُل قیلیچ بیلِن اُلدوریَن یارا سالناندیغینا باقمازدان، دیرِلِن جاناوارینگ مُجِسِّمه‌سینی بِجِرمِگی یاشایانلارا تابشیردی.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

آیانلیق 14:12

شُنگا گُرَه-ده، خودایینگ حُکوملِرینی بِرجای اِدیپ، عیسی مسیحه وِفادار بُلوپ قالیانلار صابیرلی بُلمالیدیر.‏

آیانلیق 14:6

سُنگرا مِن آسماندا اوچوپ یُرِن بیر پِریشدَه‌نی گُردوم.‏ اُل یِر یوزونده یاشایانلارا:‏ هِر میلِّته و طایفا، هِر دیله و هِر خالقا اِعلان اِتجِک بُلوپ، اِبِدی خوش خاباری گِتیریَردی.‏

آیانلیق 16:14

بولار عالاماتلار گُرکِزیپ بیلیَن جینلارینگ روحلاریدیر.‏ بولار قودراتلی-گویچلی خودایینگ بِییک گونونده بُلجاق جِنگ اوچین هِمّه دونیَه‌نینگ پادیشاهلارینی اویشورمَگه باریارلار.‏

آیانلیق 17:2

دونیَه‌نینگ پادیشاهلاری اُنونگ بیلِن زینا اِتدیلِر و یِرینگ یاشایانی اُنونگ زینالیق شِرابیندان ایچیپ-ایچیپ سِرخُش بُلدی.‏»‏

آیانلیق 17:8

سِنینگ گُرِن جاناوارینگ بیرواقتلار باردی، یُنه ایندی یُق، و هِلَک بُلمازیندان اُنگ دویپسوز قوییدان چیقار.‏ یِر یوزونینگ یاشایانی، یَعنی دونیَه یارادیلانی بَری آدلاری یاشاییش دِفتِرینه یازیلمادیقلار بو جاناواری گُرِنلِرینده حایران قالارلار، سِبَبی اُل بیرواقتلار باردی، ایندی یُق، یُنه یِنه گِلِر.‏

آیانلیق 2:10

گُرجِک قینچیلیقلارینگدان قُرقما!‏ اینه، ایمتِحان اوچین، شِیطان سیزینگ کَبیرلِرینگیزی زیندان اِتدیرِر و سیز اُن گونلَپ عاذاپ چِکِرسینگیز.‏ اُلوم خاطاری اوستونگه قُرقی سالسا-دا، وِفادار قال، مِن سانگا یاشاییش تاجینی بِرِرین.‏

آیانلیق 3:8

سِنینگ هِمّه اِدِن ایشلِرینگی بیلیَرین.‏ اینه، اُوونگده بیر قاپینی آچیپ قُیدوم، اُنی هیچ کیم یاپیپ بیلمِز.‏ گویجونگینگ آزدیغینی هِم بیلیَرین، یُنه مونگا باقمازدان، مِنینگ سُزومی بِرجای اِتدینگ و آدیمدان دَنمِدینگ.‏

آیانلیق 6:10

اُلار قاتی سِس بیلِن قیغیریپ:‏ ‏«‏اِی مُقادِّس و حاقیقی خودای!‏ سِن یِر یوزونینگ یاشایانلارینی هاچان حُکوم اِدیپ، بیزینگ قانیمیز اوچین اُلاردان اِنتِقام آلجاق؟»‏ دییّپ سُرادیلار.‏

آیانلیق 8:13

سُنگرا مِن آسماندا اوچوپ یُرِن عُقابی گُردوم.‏ اُنونگ قاتی سِس بیلِن شِیله دییَّنینی اِشیتدیم:‏ ‏«‏سورنای چالجاق بِیلِکی اوچ پِریشدَه‌نینگ سورنایینینگ سِسیندِن یانگا یِر یوزونده یاشایانلارینگ گونونه وای وای وای!‏»‏